20-04-2017, 07:06 PM
| #3606 | |
   
 |   : لا يخيل لنا ما سيصادفنا ..أو ما سيلتقينا لكن هي أقدار مقدرة ...من الخالق فالحب لم يكن بالاختيار .. هنا يقع الحب من خلال نظرة أو كلمة ومن خلال تعامل أو إعجاب يتحول عندها تجد ما يكملك ما يشعرك بالحيــاة ويتماشى معك في كل الأمور مراعاة لك وقتها نتلهف بالبحث عنه متابعته مراقبته تتبع معلوماته واسئــلة كثيرة تدور... هكذا تكون البدايات والاجابة في سطوري  دوما يسألوني من تكون معشوقة الطير فإجاباتي دائما تكوني لهم إنها عفـــــراء فهي ملكة كل النساء وهي الأرض والسماء هي الأنوثة والرجولة ..وهي الراحة بعد العناء فهمي أنثى اراها إستثنائية ليس كمثل النساء فخامتها بحضورها ورقتها وأسمها تكفيني ما أقول في وصفها بل عجز القلم واللســان في الكتابة القول عن حسنها ... فحروفي عندما تخرج ترفض أن تكون لغيرها بل هي الروعة بحد ذاتها ... وهي الجمال بوصوفها ولا أرى فيها ما يعيبــها على هيئة ملاك بصورة بشر لو رأيتموها بعيني لأحببتموها اكثر مني كلما أسولف معها يزداد حبي فيها ولع فلها وقتها في صبحي وظهر وعصر وفي ليــلي وفي منامي وأحلامي أنا لا اراها بل أجدها في داخلي وهي العاشقة لي وليس بعشها جدال وليست مشاعرها وإحساسها معروضة للنقاش لكن هي تلك البسمة التي غمرتني بأوقاتي وأشعرتني بمعنى الوجود ..ولا للصدود تلك هي الحبيبة التي مسحت النساء في ناظري فجمعت كل النسوة فيها وفي معانيها وحكاويها جلعت لها قلبي مسكن ..وهي الحب والحب هي كلما ذكر الحب أشير لها بضربات صدري فهي منها الحب وهو الغذاء والمشرب والهناء لم أوفيها حقها في الحبيبة والمعشوقة ..  | |
 نصفي غموض بإمتداده تضيعون والنصف الآخر صعب تستوعبونه   |
|
21-04-2017, 11:16 AM
| #3607 | |
|  : هنا نحن في هذا العالم الوهمي أو أقول عنه خيالي هم يقولون عنه عالم رقمي وأنا أقول عالم حرفي الكل يتحدث بالحروف ويشعر ويحس بالحروف حتى أن ضحكته وابتسامته وهمساته بالحروف هنا سوف نصادف أنواع شتى من العقول البشرية فهم يختلفون في بيئتهم وفي تربيتهم وتعليمهم يختلفون في ثقافتهم وخبراتهم وتجاربهم .. ويختلفون في أهم شي وهي أخلاقهم ....أخلاقهم لا ..أثق أنا في الكتابة ...التي تكون منمقة ومزخرفة ومخملية باذخة المعاني ..فقـد تكون مستعارة أو أنها منسوخة ..أو قـد تكون قناع يخفي ما وراءهُ هناك ..من يأتيكِ كنسمة الربيع باردة معطرة .. يلهمك ويقترب منك ويحادثك ويُضحكك فــلا تثق قــد يختفي فجأة ...تحت أي ظروف فقـد يكون وجوده موسمي لا يعمر ....!!!!!!! وتصادف من يلوث مشاعرك ويضايقك بالأحزان والمخاوف والشكاوي ويول ولُ عليك ...فيختفي بعد أن يشبعك تشاؤم ويعكر عليك صفوك...!! عندها قـد تستفيد منه درساً من تجاربه ... فقـــد يتغيــر بعد أن يسلبك ما تنعم به .. فقــد يكون صورة خارجية بما في داخلك .. أراد أن يخبرك بها أو يريد أن تنظر لصورتك هنا قــد يجب عليك أن تشكره لأنه أعطاك دورة في دواخلك وفي ذاتك ..هنا كن أنت قائدا لإدارة دواخلك والبعض ..يأتي إليك ليستأمنوك أو أنهم لبقون معك بحب وبسلام ...وهذا أن بدواخلهم يرتاحون لك ويرون فيك مأمن لهم وميدان لهم تنشرح صدورهم فيه .. هؤلاء هم من يرون فيك راحتهم فلا تخذلهم كن كما يتوقعونك كما يرونك ..لا تنقلب ولا تطفش من قربهم لك فهم من يصدقونك ويفهمونك بكلماتك هناك بقية من الشياطين ...الذين يتربصون فيك يغوونك يظهرون في أنفسهم صورة الملاك .. وهي أقنعة زائفة تزول عندما يتمكنون منك ويمسكون بك تظهر حقيقتهم بأول تجاربهم أو أنها مواقف مخبرية تبين لنا تلك القرون التي تظهر في رؤوسهم .. يكيلون لك بالمدح ..يظهرون لك الولاء والسمع والطاعة ونحن بطبعنا نحب الكلام والمدح والثناء ...وهم لا يرونا ولم يتعاملوا معنا كيف يحكمون علينا من أي واقع هذا نجدهم يركضون ..خلفنا ..يمجدون لنا بأتفه الأسباب يحاولون لفت الأنتباه ..( نظرة ولو جبر خاطر ) هم الشياطين فأحذروهم ...تجنبوا من يعطيك بما ليس فيك من يتتبعك ...بلا مناسبة ...من يتجرد من نفسه .. ويضيع صــيده ...هكذا هي حالنا في عالم الرقميات أو أقول الوهميات الخيالية ... بقلم الطير ...الصباحي .. أحبك يا خيالي .. | |
| نصفي غموض بإمتداده تضيعون والنصف الآخر صعب تستوعبونه |
|
21-04-2017, 08:43 PM
| #3608 | |
|  : مساء الخير يا حبي ويا قلبي ..وروحي إحساس بداخلي ..يقول أنكِ تشتاقين لي أأنا أشتاق لكِ وأفعالي تثبت لك إشتياقي هنا بصــدري إحساس يخبرني بأنكِ هنا بداخلي بين ضلوعي تنبضيـن بقلبي يخبرني يقول أنكِ معي فيني تسكنيني هنا أنتي معي وأينما أكون أنتي معي أخبرك برسالة من قلبي تحيـة حــب وهمسة ود ..لكن هنا أم تريدين هناك هنا مجرد حروف ناقصة الإحساس وهناك أنا ...من يهواك من يشعركِ هناك أنتي حياتي وأنا حياتك ... أنه إحساس غريب ..جداً لا أعلم كيف أصفــه لكن لا يعرفه غيركِ أتذكرين كل كلمة منك أحبك ...ويا حياتي كلما تحدثتي .لي تقولي مشتاقة لك فتعال هنا الكل حولنا سيرون ما بنا ..ويحسدوننا هناك أنا وأنتي وما يجمعنا سوا حبنا حديثنا بيننا ...همسك لي وهمسي لكِ تعالي ...كيف أصفك وأنتي كلي بذاتي أستطعتي أن تنتصري وأعلن هزيمتي أستسلمت لك بطواعية ..بحب ورغبــة لا ..أعيب نفسي وأنا مهزوما بمعيتك حبيبا وأنا لا أهتم ..بكثرة التأويلات وهذا طبعي يهمني في الأول والأخير أنتي ...وأنتي لا أفكر في أحد ..أفكر فيك كيف أرضيــك أنتي أميرتي ..وسيــدتي وسلطانة العرش نتفق ..ونتوافق ..لا يوجد أمر جديد ...!! تعالي حبيبتي ولورحك التوليب ...!! أشم فيك عطراً من زهرة الأوركيــد وخواطري لا تخلو منكِ معلقة على بابك هل تصدقي ....!؟ أم لا تصدقي .. فأمرنا فوق قدرة العقل من التفكير أنا لم أصدق نفسي فحبك أمر عجيب وفي داخلي فاق حبك الكلام والتفسير ستبقين بداخلي وهذا هو التقدير :  | |
| نصفي غموض بإمتداده تضيعون والنصف الآخر صعب تستوعبونه |
|
22-04-2017, 02:31 AM
| #3609 | |
 
 |  هذي للكلام اللي فوق واللي فوقه تعال ياولد عمي العزيز احد قالك قبلي انك فيلسوف اكيد مااحد قالك لان مافيه احد عنده ذوق مثلي ولا اديب هذي مفروغ منها وش هالكلام الفلسفي اللي فوق تصدق اقرا واهز راسي بالموافقة كني هندي فعلا صنفت البشر ووصفتهم بدقة وخاصة اهل قرون الشيطان اجارنا الله واياكم منهم نسيتني ليش انا جاية ايه جيت ابارك لك بفوز الزعيم بالدوري واسولف في المكان المفضل للسوالف عندي مع ان عندي مدونة ومجلس وموضوع علوم بس مااعرف اسولف الا هنا لزقة صح مدري بس احس بشعور الامان العائلي يغمرني يمكن لان صورة جدي السابع عشر معلقة في الصالون ولا لان عفراء لطيفة وتستقبلني بود ماظنيت مالك بالطويلة ياطويل العمر الليلة كانت من الف ليلة وليلة احتفلنا بفوز الهلال   واحتدمت المعارك لان فيه اختين قدر الله عليهن وشجعن النصر من سنين الله لايبلانا عاد محترات مدري وش دخلهن والغريبة بناتهن يشجعن الهلال عاد وحدة من خواتي تقول انا زرعت حب الهلال في بناتي مابيهن ينقهرن مثلي قلت طيب ازرعيه يافالحة في قلبك وامكني عمرك لايجلطونك لاقدر الله قالت لا انا عندي ولاء للكيان انا مدري وش معنى الكيان هاللي صاجينا ولاجينا فيه النصراوين والغريبة ياولد عمي بنت عمك هاللي تهايط ماتعرف من النصر الا ماجد عبدالله وعبدالرحمن بن سعود الله يرحمه يعني ثقافتها النصراوية متوقفة من عشرين سنه ههههههههههههههه قال ولاء قال المعذرة اخواني النصراويين لاتزعلون انا ماقلت في النصر شي الزبدة بما اني مستانسة والاخوان مدري الاخوات سابقيني هنا زوار عاد بنكت عليهم شوي وبعطيهم معلومات قيمه مايصير يجون في مدونتي اقصد مدونة ولد عمي ومايستفيدون شي اولا الليلة يوم الارض كل عام وارضنا بخير 1 قاضي يقول لمحشش حكمت عليك بسجن شهرين ومائة جلدة قال المحشش تراك مهبول ياشيخ تسويها والله 2 محشش يتفرج على مباراة والمعلق يقول : دربكه في الدفاع ... دربكه في الوسط ... دربكه في الهجوم الله الله قووووول قال المحشش : ياطيب دربكه ذا غطى على ميسي 3 محشش مر على محل وشاف قائمه الاسعارمكتوب عليها : غتره بريالين الثوب بثلاثه ريال000 سروال طوبل بريالين سروال قصير بريال00 قال المحشش للهندي عطني 4 ثياب و7 غتر و18 سروال طويل و6 سراويل قصير000 قاله الهندي بابا انته محشش ؟ قاله: ايه الله يقطعك وش دراك؟؟؟ قال الهندي : بابا هذي مغسسسسسله،،، 4 فيه عجوز وهي ماشية .. لقت مراية طايحة في الأرض .. شالتها وحطتها قدام وجهها يوم شافت وجهها. قالت: بعذرهم رامينها !!!! اثرها خربانه !!!! قولي والله ياخالة 5 فيه محششين مسافرين ومعهم ثلاجتين شاهي وحده فاضيه ووحده مليانه ليه؟ المليانه وحده للي يبي شاهي والفاضيه للي مايبي شاهي اقنعوني صراحة اجل اللي مايبي شاهي يشرب من المليانة 6 ذا ضايقوك الناس ! ف أفرد أصابع يدك الخمس ثم لوح بها في وجوههم وقل كش ثم انصرف .. ^ ملاحظة : انصرف بسرعه ^ بسرعه ترا ان مسكوك مالي دخل نجي للقصيد والعلوم الزينة انا اقول من قديم ديواني لو جمعت كل المعاني ولو جمعت كل الحروف وصغتها لك قصيدة عجزت تترجم شعوري حبك اكبر من مقال او رسالة او سؤال حبك احساس عذب لايترجم او يقال انه نوع من الخيال به عذاب وبه جمال الكتابة تعدمه والحكي مايخدمه بس حلاته بالمشاعر مايوصفها لو شاعر هو شعور عفوي برئ لحظة بقولك عليه هو تجاذب وانجذاب وارتباط قلب بقلب لا ارادي يظهر بصورة جلية بدقة القلب القوية وذيك الدمعة العصية والتلعثم بالكلام وارتجافات اليدين والعيون بلا كلام تنطق انواع الغرام وتقعد تدور عليك من مكان الى مكان حتى لو ماتقدر تجيك بس تبي تشعر بامان شوقي ماتوصفه الجمل اكتب واكتب واكتب وماارسله مهما حصل كان تبغى تشوف حبك طالع عيوني بقربك تنطق اشعار جزال وتنرسم فيها تعال ان نظرات العيون ارقى انواع الوصال طالع بعيوني وردد ربي يحمي هالجمال حرفي روقت انا يوم غنى ابو نورة ترا السهر مع حبيبك يبري العله وقمت اتخيلك تكلمني من الصورة وتقول لي يالمها انتِ الغلا كله ابيات شعري لعينك شبه محصورة ماغيرك اللي يهز القلب ويتله من شافني قال هالبنت مسحورة هذا وهو في الخيال شلون بالطلة ان جيتني صرت بالحيل مسرورة وان غبت غابوا معك كل خلق الله حبك لعب بي لعبة البزر بالكورة يشوتها في الهوا ولاوافق السلة يانور عيني ودوا قلبي ودكتوره ويامقتحم اسوار قلبي ومحتله ان شفت مني جفا فوالله مجبورة اخفي احاسيسي عن مدور الزله خيالي خصب وارضه دوم ممطورة يألف لقلبي حكايات مع خله اقول علو على صوت ابو نورة ليتك معي ساهر ليل الهوى كله حرفي تسأل ياخالد عن امر المعاناة هي من صميم الذات ولا اجنبية لاوالله الا يالسنافي من الذات رجفة يدين ودقات قلبٍ قوية وانا شعرت بدقة القلب بالذات ساعة طرا محبوب قلبي عليه وسرحت بالتفكير في ماضي فات ودخلت في اجوائه الشاعرية والظاهر اني قمت اوزع ابتسامات وصكتني بالكرتون وحدة بدوية وقالت مها وشفيك يااختي سلامات وسويت نفسي كن فيني جنية وقلت انا تجيني بعض الاحيان حالات واللي معي ازنطه زنطة قوية قلت اخوفها حتى تبطل سخافات ومعاد تقطع افكاري الرومنسية ضربتها سوت براسي علامات وانا ضربتي بالورد مع مزهرية من بعدها ماعاد مرت ولا جات الظاهر ان البنت فيها ... نفسية ورجعت افكر فيك ياطيب الذات واسرح مع الافكار صبح وعشية واطوي مع الهاجوس كل المسافات واجيبك بالافكار .... لنجد العذية هذي معاناتي صورتها ابيات هي من صميم الذات مو اجنبية كلماتي | |
التعديل الأخير تم بواسطة مها الرياض ; 22-04-2017 الساعة 02:40 AM |
|
22-04-2017, 12:15 PM
| #3610 | |
|  :  : هذب القهوة ..تقهوي وعيني خير .. :  :  يا هلا والله وغلا ..ويا مرحبا ويا مسهلا أسفرت وأنورت وأستهلت وأمطرت .. حيا الله الغالية بنت العم الشامخة والراقية حيا الله تاج رأسي وفخري في كتاباتي منورة بحضورك وبحروفك وبوجودك وش أقول بعد كلامك ربي يحفظك ويسعدك وفيتي وكفيتي ..بحروفك وفي حضورك والله يالكلام ما يوفيك وأنتي تستاهلين الطيب يا منبع الطيب ...وتستاهلين الخير يا ومها الخير  شوفي يالغالية ..كلامك وسام على صدري ومعانيك شهادات أفتخر فيها وفي معانيها شا عرتنا شاعرة الحلم والذوق والجمـــــال كل كلامك ...هذا تشوفين فيه نفسك لأنك طيبة وما صفحاتي الا ...مرآة تعكس وجودك .. كم يسعدني حضورك وكلامك ببساطته وبطبيعتك وعدم تكلفك وتصنعك جمال طبيعي نابع من روحك بعيد عن تلميع الكلام وترقيقه سوالفك وحضورك يا بنت العم تسعدني وتفرحني ليست الا إضافة جمالية لصفحاتي وتعطير لها نجي لكلامك الدرر ..المخطوط بروح نقية فيلسوف ... في اللعب بس ههههههههه والأديب لا ...مو أديب أنا ...أنا طير هندي ..تكروني ...والله يا بنت العم مدري هههههههههههههههههههههههههه هذي حقيقة يا بنت العم ..تنوع البشر بكل شي لا أحد كامل فالكامل وجه الله ...حفظك ربي أيه فوز الزعيم ..هذا مفروغ منه ...فقد أعتمدته أنا ههههههههههههه من اسبوعين ...وافقت عليه أفا من يقول لزقة ...بالعكس أنتي الوردة والفلة أنتي رذاذ العطر في الزوايا وفي كل مكان أنتي بس تعالي ..ولا يهمك احد .وعين الحسود في عود ....واللي ماله بني عم يدور له ..ههههه شفت أختك أم محمد ..يومها تطرد ورا ولدها منحاش بالأندومي عن خوانه هههههههههههههههههههه إذا هذي النصراوية وتلحق الأندومي ..مساكين النصر أندومي ...والا سليق ..هههههههههههه بس أحجز لسعود ..وحدة من بناتهن بس تكفين شوفي الحليوة والطيبة والحنونة ..مو مثل أمهاتهن قشران ههههههههههههههههههههههههههه يا بنت ..العم ..خليهن متعلقين بالأثار ..والتحف وش رأيك تودينهن للجنادرية ..نتفرج عليهن هههههههههههههههه يا حلو النكت وحلو حضورك وسواليفك أنتي خطيرة بكل شي كيف ما تكوني يكفي الطير وجودك وبصمة من حضورك وأحلا منها كل عطر معاني حروفك .. ويكفيني هالقصيد الا ولا أحلا منه روائع المها تراي قاعد ساعات اقرأ القصيد والنكت والسوالف عاد تدرين أني تخيلت ..أخت جواهر ترجمني بالجح ..مدري ليش ..وش سويت لها ...؟؟؟؟ تدرين أني أكتب ..وأغني القصيد ..من روعته وحلاوة ..كتاباتك ... هذي بنشرها في المواقع سبحان الله لمن يقولون الورد يطلع منه العطر وهذا قصيدك مثل العطر والبخور ..ربي يحفظك مبدعة ورائعة ..أنتي يالمها ..بكل ما فيك .. رقيك وطيبك وتعاملك وتووواجدك وكتاباتك عسى ربي يحفظك ويسعدك ويبعد عنك شياطين الأنس والجن ..ويرزقك بما تتمنين تقديري وإحترامي لك يا تاج راسي لحضورك وأعذب وارق التحايا لك يا أبنة العم ...مها  | |
| نصفي غموض بإمتداده تضيعون والنصف الآخر صعب تستوعبونه |
|
22-04-2017, 09:28 PM
| #3611 | |
| مساء الخيرات ياابن العم تسلم على هالترحيب الملكي وش هالزين قهوة وشيلة ترحيب وتصميمات باسمي رهيبة تسلم يدك يالغالي على كذا كل يوم بجيب لك سالفة عاد انا اتلكك ودي اجي اسولف اقول تسلم ياطير عالتصميم وترحيبك اللي مزينها اسمي مثل شمس الغيم واسمك مشع بعد منها الشمس والقمر سيم سيم في لوحتك زادت محاسنها مشكور ياعزوتي على التكريم وكلماتك ياتاج راسي بثمنها | |
| |
|
23-04-2017, 01:35 PM
| #3612 | ||||||||||
| اقتباس:
هلا بك مخصص بلا تعميم وترحيبة لك صدحت بلحنها هلا بك يالمها وبوصفك بالريم بهضاب نجدٍ معروف وطنها : حيااك ربي يا بنت العم ..منورة يالطيبة هلا بك يا عزوتي وتاج راسي ...يالغالية تستاهلين كل خير ..فالمدونة معطرة بك وبحضورك وبسوالفك وبجمال معانيك عسى ربي يحفظك ويديم وجودك .. أعذب التحايا لك يالمها راعية الطيب  | ||||||||||
| نصفي غموض بإمتداده تضيعون والنصف الآخر صعب تستوعبونه |
 |
| الكلمات الدلالية (Tags) |
| ... , الوردية , بأحلامي , بصمات , خيالية |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بصمات في مملكة الانثى | مـــصــريــه | (همســـات الديكور و الكروشيه Crochet) | 15 | 22-04-2015 12:27 AM |
| هل تعلم لماذا جعل الله لدينا بصمات الأصابع | NaWaL | ( حدث في مثل هذا اليوم // هل تعلم ) | 14 | 21-05-2014 08:18 PM |
| بصمات في الاعماق | قوت القلوب | ( همســـــات العام ) | 27 | 13-01-2014 11:45 AM |
| بصمات تحرك الدمع في عيني | همس القلوب | ( همســـــات العام ) | 22 | 25-11-2013 04:12 PM |
العرض العادي
