13-05-2017, 07:19 PM
| #3676 | |
   
 |   : هي فارسة مغرورة وأنا عاشق غيــور حبيبتي أحمل هواها على عاتقــي ...!! أحفظ حبي ولا أهتم بغيري مهما يكون لهم أحبابهم ولي حبي الوحيــد ....!! لي عيــن تبصر وشفاه تنطق بالكلام وأعتني بكلامي وأوزنه قبل الخروج لست كمثل أهل الهرج والسفور ...!! لكنني أحفظ نفسي وأعترف أني غيور لا أنــدفع في قراراتي أتريث بأفكاري وعساي لا أخوض في عربدة ومسفلة لكنني أخاف على حبيبتي تكون كغيرها سهلة رخيصة ولكن هي ليست مثلهن حبيبتي غير ...وحيدة الطير ..وكلها خير أعشــق شغب أنوثتها وذاك الجنون برفقتها فهي تقتحم كل الطرقات كي تصل لقلبي وهي القادرة على تغير نمط ومذاق فكري هي من ينسرق معها وقتي ويسرع يومي معها لا اشعر بمن معي ومن ما هو حولي هي تحفظ نفسها ولا يتطاول عليها غيــري لديها مبيــد لتلك الحشرات التي تحوم حولها حبيبتي أستثنائيــة أنثى ارستقراطية وحيدة فالأحاسيس والمشاعر خصصتها لها ...! وهي خصصت لي كل ما لي بإحساسها أحتفظ بطهرها داخل القلب خوفا عليها من التلوث الذي قــد يعلق بها بخروجها أنه الكلام الذي يفوق الدهشــة .. حبيبتي هي الأولى والأخيرة .. حبيبتي ليس لها شريكة .. حبيبتي ..هي الوحيدة في داخلي وليس من ضمن طوابير الطويــلة بين هذي وبين تلك الوضيعـــــة مخيلتي ..ترسمها بكل الوان الصــور وأنا بها فخور وأعتز وأتمختر ... حبيبتي صورة خيالية أسميتها عفراء عزلتها عن من سواها وحيـدة .. تلك الصورة أو الطيف الذي عايشته كلمته وحادثته ...خاطبته وغازلته غزلا ...لا يعرفه المتلاعبين المعددين غزلا ..يصون الاحترام والتقدير والأدب أحببتها من نفسي لأنها مني حبيبتي ..! كل الثقــة فيها ومنها يكون شموخها لا يهمها ..ولا يؤثر كلام الطفيلين فيها لا تسمع بل تصنع جسورا لعبور الفجور لـذة هي في وقتي وفي يومي وكل أوقاتي سوالفها حنين ومعانيها ســر فيــني دفيــن ضحكتها تعب ومعانيها عجب من أدب هي كالذهب لا يغيرها مدى الزمن   | |
 نصفي غموض بإمتداده تضيعون والنصف الآخر صعب تستوعبونه   |
|
13-05-2017, 09:44 PM
| #3677 | |
 
 | مساء الخير يااغلى طير اقصد يااجمل سبع منقط انت مزيون من غير ثوب العيد وعاد بثوب العيد ياارض احرسي ماعليكِ بسم الله وماشاء الله واما التجاعيد ماقصدتك انت انا قصدت جدنا السابع عشر اقول يشبه لك بس هو قللت التجاعيد جماله ماتفهمنيش غلط عشان ماارجعلكش تاني والف الف شكر عالابيات الرهيبة والرد الروعة والعلوم الزينة انت بتجيب الكلام الحلو دا منين سئل حكيم : من تعزّ من الناس؟ فقال : من أخلاقه كريمة، ومجالسته غنيمة، ونيته سليمة، ومفارقته أليمة، كالمسك كلما مر عليه الزمن زاده قيمة زادك الله من نعيمه وطول الله عمرك وبارك لك في نفسك ودينك وعائلتك والله يخليك لعيالك ويفرحك بشوفتهم في اعلى المناصب وتشوف عيال عيال عيالهم وهذاك الوقت تطلع لك التجاعيد مو الان خلك فاكر اني ماكونتش اقصدك بالاول ياسي منقط فوووووتك بعافية | |
 |
|
16-05-2017, 08:02 AM
| #3679 | |
|  صباح الخير ياولد العم كنت في طريقي الى مدونتي فرأيت باب مدونتك مفتوح فقلت في نفسي ساذهب واغلق الباب قبل ان تدخل الاغنام وتأكل الورد وعاد ابن العم الان في المدرسة وقالبين راسه هالبزارين والمعلمين ومتنرفز عالاخر وان جاء ولقى الورد مقطع ياليل البعارين سيقتل الاغنام كلها وهي حيوانات لطيفة ومفيدة نستخرج منها الحليب ومشتقاته وناكل لحومها الذيذة ههههههههههههههه ذكرني بالتعبير اللي كنت األفة ايام الابتدائي ياني اعطيهم من هالرخيص ذهبنا وعملنا ووو وانا قاعدة ماسويت شي واشوف الابلى تقرا وتضحك اثرها كافشتني وانا ماادري مرة كتبت في التعبير وقد ذهبت انا وعائلتي الكريمة الى حديقة الحيوان الجميلة ورأيت الزرافة الطويلة والاسد المخيف وحمار الوحش المخطط للان الامور تمام بس ورأيت القرد ذو الابتسامة الساحرة هذي اللي مالها داعي الابلى طاحت تحت الكرسي من الضحك واخذت الدفتر وراحت لغرفة المعلمات وصابتهم عدوى الضحك وخذيت اسبوع ياولد عمي العالم يطالعوني ويضحكون علمتهم كلهم هالابلى هالملقوفة بعدها لاقالوا اهلي بنروح لحديقة الحيوان قلت بطني يعورني ماني رايحة وانا مايعورني شي بس اخاف اتحمس والف تعبير ثاني عن ابتسامة احد المخلوقات الرائعة في الحديقة وعاد وش يخلصني تصدق لا جاء عندنا حصة تعبير كثرت زيارات المعلمات لفصلنا مدري ليش الزبدة يازين ذيك الايام صح انها شقى وكرف وتعبير خايس بس كان لها لذة يكفي ان ابوي الله يرحمه كان معنا  مالك بالطويلة يالغالي امس انقطع عندنا النت وتعرف الهجمة الالكترونية WannaCry مايستهدفون الا التجار عشان يبتزونهم ويطلبون مبالغ خيالية عشان مايهكرون مواقعهم وعاد انا خفت وقلت ياليل البعارين صادونا وانا اللي انادي اخواني واخواتي واعقد اجتماع مغلق قلت ياعزوتي الكفار لقونا وهكروا نتنا ولازم نكون يدا واحدة ضد هذه الهجمة الشرسة قالوا لعيناك الجميلة ياشيخة القبيلة كني تحمست صح قلت نبي قطة الله لايهينكم ترا مااقدر استغني عن النت تتعطل مصالحي وشركاتي واموالي وبيفقدوني احبابي وجماهيري قالوا كم تبين بس وكل يطلع محفظته ويقطون من عشرة ريال وشوي الا يوم رجع الارسال اثر السلك مفصول يعني الهجمة الالكترونية مالها دخل الحمدلله بقت امولنا لنا وكل واحد خذا عشرته وواضح اني طفشانه هالصبح ومالقيت احد اسولف معه قلت مافية الا مدونة العائلة مدونة ابن العم وتوتة توتة خلصت الحدوتة مايستفاد من ماسبق اللي يطفش يجي هون | |
| |
|
16-05-2017, 11:32 AM
| #3680 | ||||||||||
| اقتباس:
 مساء النور يا بنت النور ..وريح العطور ههههههههههه أجل أجمل منقط (مرنقط ) أكيد ...وأدري أني بسم الله علي مزيون بالحيل بس بثوب العيد أطلع شي ثاني أحس أني مطور لا تخافين فيه مزيل التجاعيد أو مخفي التجاعيد والله أني مدري عنك يالطيبة ...أحسك تقولين أنت شايب وكل تجاعيد ...وكلك عكاريش هههههههههههههههههه الأبيات والله تستاهلينا وما قلت الا شي لك وحق من حقوقك اقل شي بكلمة والا تقييم مع أن التقييم يكون حصري .... كلمات من ذهب وحروف فيها الجمال والعجب مقتطفات برائحة الورد وجمال اللفظ والمعني الله يجزاك بالخير ..ما تقصرين دوم وافية ويشرفنا أنك تكوني بيننا موجودة بفكرك الراقي لك تقديري وإحترامي وأعذب تحياتي | ||||||||||
| نصفي غموض بإمتداده تضيعون والنصف الآخر صعب تستوعبونه |
|
16-05-2017, 11:34 AM
| #3681 | ||||||||||
| اقتباس:
 يسلمك ربي ندووش على التصبيحة | ||||||||||
| نصفي غموض بإمتداده تضيعون والنصف الآخر صعب تستوعبونه |
|
16-05-2017, 11:47 AM
| #3682 | |
|  : صباح النور والسعادة والسرور هلا وغلا بك يا بنت العم الغالية يا هلا ...والله منورة بهالطلة الحلوة فالباب يفتح كلما أقبلتي على المدونة فحياك ربي أجلسي وتربعي وأكتبي أي بالله منشغل بالمدرسة ..مع الطلاب وأولياء الأمور ..والأمهات والأخوات وأظن حتى باقي الخدامات يجن للمدرسة ههههههههههههههه ( عديها يابنت العم ) أقصد ما كل كلام ينقال نأخذه بمحمل الجد تعرفين الرجال من يشوف زول حرمة ويتصنع أن حنين وقلبه طيب ..وهو شيطان هههههههههههههههههههه ويسوي فيها أتكيت ورسمي ويعدل الشخصية وهو ..ما يتحمل أمه أو ابوه ...بس سواده يضيع ههههههههههههههههههههههه أما التعابير ...شي خطير ..هذولاك يعبرون رحنا وصيفنا في الطائف وحنا ما غير نطرد البهم ونكرف ليل ونهار ...وشغلنا في المزرعة ... أما حكاية التعابير ..شي خطير ..ذكرتيني بسالفة طالب رايحين للطايف وأبوه طاق أمه يوم كتب ( وصفق ابي أمي كف خلاها تبترم ) طبعا أذكر الكلام ..وكتابته ...وبعد قعدت أمي تصيح وخفنا من ابوي يطقنا وينزلنا في البر ههههههههههه هذي جد ...صايرة ...مع طالب كنا ندرسه ...! متطورين حديقة الحيوان ...بسم الله علينا حديقة الحيوان عندنا في الحارة يمشون أشكال ههههههههههههههههههههههه ايه اللأبلات يحبون يمسكون شي ويطقطقون عليه هههههههههههههههههههههههه يا زين سوالفك بس أنتي وخشتك يالحولا أجل القرد ابتسامة حلوة ...يا شينك ... (( الله يغفر للوالد ويرحمه ويسكنه جناته )) أمس ..كنت مار عليكم في الحارة ... وأشوف خوانك يشتغلون عند الكبينة يهنسون فيها ...حتى واحد من خووانك اشتغل صار يرن ههههههههههههههه حتى طرت معك وتحمست بسوالفك يا حلو السوالف ...وقطة عشرة ريال أستمري بالسوالف دوما هنا نستمتع فيها عاد تدرين على قولتك معصب ومضغوط (( أحس أني بكون مندي )) المهم قريت سوالفك نسيت كل المشاكل عسى ربي يحفظك ولا نفقد هالطلة الحلوة تقديري وإحترامي وأعذب تحياتي  | |
| نصفي غموض بإمتداده تضيعون والنصف الآخر صعب تستوعبونه |
 |
| الكلمات الدلالية (Tags) |
| ... , الوردية , بأحلامي , بصمات , خيالية |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بصمات في مملكة الانثى | مـــصــريــه | (همســـات الديكور و الكروشيه Crochet) | 15 | 22-04-2015 12:27 AM |
| هل تعلم لماذا جعل الله لدينا بصمات الأصابع | NaWaL | ( حدث في مثل هذا اليوم // هل تعلم ) | 14 | 21-05-2014 08:18 PM |
| بصمات في الاعماق | قوت القلوب | ( همســـــات العام ) | 27 | 13-01-2014 11:45 AM |
| بصمات تحرك الدمع في عيني | همس القلوب | ( همســـــات العام ) | 22 | 25-11-2013 04:12 PM |
العرض العادي
