ديوان ريم شمر ... ( غروب )

..




..

يانجم عديها ولاعاد ..... تهتم
أمسيت صدرك ضايق من يعزيه
..


جرح المحبة غاير حيل .... يكتم
الموت أرحم من ليالي تجافيه
..


ماودي أجرح خاطرك وانت تفهم
الشوق يفضح بالعنا قلب راعيه
. .


يانجم طيرك فوق الاغصان يبرم
الطير يكفخ والقوانيص ترميه .!
..


ان كان عاش الحب في ليل معتم
حزن الهوى ماله طبيب يداويه
..


لا يفرح العذال لو كنت مهتم
خل الكدر والضيق لاتجيب طاريه
..


لو كان حبك لأريش العين معدم
لاعاد ترجي مركبٍ في شواطيه
..


هذي حقيقه لو عليها تندم
أصبر على فرقاه لاعاد ترثيه
..



في ذمتي شرع المحبين مظلم
ياشيب عين ضايعة في طواريه
..


الله يستر ليتنا بس ... نـسلم
العمر يمضي والمقادير ترويه
..


وختامها حلم بغيته .... تحطم
خلاص روق وأبتسم لا تحاتيه


..
بقلمي \\ ريم شمر

حصريا لمنتدى همسات الغلا


الاحد \15 \3\2020
مجاراه القصيدة الشاعر \\نجم ضاوي
(فيني متى يا اريش العين تهتم)
..