ديوان ريم شمر ... ( غروب )

يا الشمري ما به على غيرك حسوف
تاج المـراجل كاســبه بأحــترافـــه
..
أنت الوفاء تشهد مواثيق وحلوف
وأنت الصديق ان شان وقت لجلافه
..
يا الصارم اللي بالمواقيف معروف
ياللي بيديك العــدل زاد انتصافـه
..
بيضت وجهه الجود بحساب مكشوف
سماك تبــرق والخـطــر ما تخافــه
..
يا راعـي الشرفـا دواء كل منتوف
الشامــخ اللـي خــوته مـا نعـافــه
..
للطيب فخر وللمواجيب موصوف
منتى على دربٍ سريـع انحرافه
..
يوم أن غيرك ضيع العمر ملقوف
نـارك سناهـا يشتعل مـن مسافـه
..
ماانت من اللي لازعل شال بالجوف
حقـد دفيـن وبالمجالس صحافــه
..
يكشف هموم الناس للعلم ملهوف
جوفه عميق وخوته به سفافه
..
يا مسندي عند الشدايد لنا ريوف
قلب كبير ان ضاق بان اعتكافه
..
يزهى عليك المدح حارت بك حروف
ياا ذروة الاخــلاق حسه ورهافــه
..
وختامها جعل العمر ورد مصفوف
جعــل الليالي مهتني في لحافــه
..
حصريا لهمسات القلب
الاحد \2019\6\30
..