ديوان ريم شمر ... ( غروب )

..
هيضت قافي يا كريم الصلايب
بهرت لك دلة قوافي قرابين

..
قريحتي عيت تطيق الغلايب
فطره من الله ما نهاب الشياهين
..

شمر هل الطولات نسل النجايب
صغيرهم بالطيب ياخذ نياشين
..

من عاش بالدنيا يشوف العجايب
يشوف فيها ما يخل الموازين

..
ناس تقلّب بين مخطي وصايب
وناس على درب السنع تسلك الزين

..
وناس على راسك تجيب المصايب
انشهد ان بقربهم جرح سكين

..

بعض الاوادم ما تجيب المعايب
والبعض منهم كله فعله معك شين

..
أحذر عدوك لا تجيك النوايب
أعرض بوجهك لا تسوق البراهين

..

وأحذر قليل الفود راع الطلايب
ينثر سمومه فوق عش المحبين
..

في خوتة تشبع علوم ومصايب
مشقي ركابه بين كل الميادين
..

الوقت مهما زان تلقى نوايب
أحيان يضحك ثم يجلدك بعدين

..

اليا ابتسم لك ارتكي للنشايب
الحرص واجب والقدر فيه تلوين

..
أشياء حارت بين حاضر وغايب
كل شي صار اليوم خطة شياطين


..

حصريا لمنتدى همسات الغلا
..
بقلم ريم شمر
الاثنين 28\10\2019