ديوان ريم شمر ... ( غروب )

..



:


يا أخوي لا تكسرك خوة ملاعيب
من يقهرك يا جعل ..عمره توالي


.
.

في هالزمان نعيش عصر الأكاذيب
قم ..لا تعثر.. وارفع الراس عالي


.
.

ياما بلعت الغدر صامد كما الذيب
وش فيك هالمره غزاك .. إعتلالي


.
.

لو خابت الهقوات عند الأقاريب
بكره يطيب الجرح يا رأس..مالي


.
.

أرهقت نفسك بالزعل والنشاشيب
النااااس مرضيها .. يجيه إختلالي



.
.

طمعتهم في فزعتك والمطاليب
من فضل ربي منزلك بالمعالي


.
.

ما كل من تعطيه بين به الطيب
ولا كل عين تستحي ..يا حلالي
.

.
الطيب يرفع صاحبه بالمراقيب
وإلا الردى يدفنه تحت الرمالي
.

.
إحذر تبين ضيقتك ..للأجانيب
الصمت حكمة يا شبية الجبالي
,

.
خلك وسيع البال كثر التراحيب
الضيف له قدر كبيــرٍ وغالي
.

.
مابيك ياأخوي تعيش بلواهيب
أنا بليا عزوتك .. وش بقالي..؟
.
.


يابعد عيني ياعضيد المكاسيب
الروح فدوة مبسمك .يا ظلالي
.
.


لا يأخذك شك ولا يسكنك ريب
ولد الكفو .. دايم .. عليه إتكالي



.
.

في ذمتي عديت كل التجاريب
يحفظك ربي يا سليل الرجالي



.
.

ماهو .بدايم كل أيامنا .تطيب
لا صار ..رأسك سالم.. مانبالي
.
.

كل حاجة مع طول الأيام بتغيب
ما دايم الا ذكر .. رب الجلالي

.
.





حصريا لهمسات الغلا
الأربعاء2020/11/4


غروب