26-04-2016, 08:05 PM
| #22 | |
  
 |  #البــارت الثامن؛) .. تقدمت لبنت عمها بصدمه واضحه على ملامح وجها :رزان ! رزان ارتبكت وسكرت الجوال بوجه سامر : هـ هلا جوري ! الجوري: مين هذا الي كنتي تكلمينه وتقولين له حبيبي!! رزان: ها؟ ههههههه ايه هذا اخو صديقتي البزر اسمه حمود ! الجوري بحده: رزان !! رزان تبلع ريقها: شفيك معصبه ؟؟ الجوري: صارحيني مين هذا حبيبك؟ رزان تنهدت: سامر ! الجوري ترفع حاجب: اها سامر ومين هذا ؟ رزان: مم ولد جيران زميلتي رشا الي جالسه جنبي بالفصل! الجوري: قصدك بنت استاذة الانجليزي؟ رزان: ايه ! الجوري: هه طيب ولد جيرانهم شلون عرفتيه؟ رزان: هي عرفتني عليه من سبع شهور .. الجوري: لا ماشاء الله ! وانتي يعني عشتي معاه قصة حب يا جوليت ؟ رزان : ايه انا حبيته وهو يحبني ! الجوري: هه وهذا هالسامر كم عمره؟ رزان: 22 سنه ! الجوري: طيب ونهاية هالحب يا جوليت زمانك !! رزان: اكيد راح يخطبني لما يتوظف بشركة خاله ! الجوري: والله ! ومره واثقه انه بيخطبك وتزوجون ! رزان: ايه واثقه ! الجوري: ماشاء الله ! ولو تزوجتيه راح يوثق فيك ؟ ماراح يشك ان لك علاقه مع شباب؟؟ رزان: سامر واثق فيني حيل ! الجوري: خير ان شاء الله ! وطلعتي معاه ولا مجرد مكالمات؟ رزان: لا ! اصلا ولا مره طلب اني اطلع معاه! الجوري: ولو طلب منك راح توافقين؟ رزان: لا طبعاً ! الجوري:هه اتمنى يا رزان انك ماتندمين بنهاية المطاف ! رزان بحب: ماراح اندم ..سامر يحبني ويموت فيني ! الجوري: والله انك مسكينه كل الشباب يعرفون يمثلون ولما ياخذون الي يبونه من البنت يرمونها مثل الكلب وانتي بكرامه ! رزان: لا يا جوري سامر غير عن كل الشباب! الجوري : اتمنى يا رزا ن اتمنى ! بالنهاية انتي بنت عمي ومارضى لك بالمضره ! رزان تبتسم: فديتك يا بنت عمي ! الجوري تنهدت: تعالي نطلع نتمشى ..وياليت هذا سامر مايكسر قلبك! رزان: لا فديته مستحيل يكسرني! الجوري : والله يارزان انتي مو صغيره عمرك 17 سنه ! وبعقلك راسك وتعرفين تفرقين بين الصح و الخطأ! رزان ببتسامه: وجود سامر بحياتي اكبر صح! الجوري: هه اتمنى ! .. طلعوا الحوش ..صاروا يسولفون مع الجازي و روان ! الجوري : الا عمتي ..وسن زوجة كسار ليه ماجات معاكم؟ ام كسار: المسكينه حامل وتتنسى في كسار ماتتحمل تشم ريحته ! عاد طلبت من كسار يوديها بيت اهلها ! الجوري: ايه ..الله يتمم عليها ! ام كسار : يارب وعقبال ماتزوجين ركان وتحملين ! الجوري كشرت ولفت وجها واخذت حلاو وحطته بفمها تاكل ومتجاهله كلام ام كسار! .. غزلان وكيان ..جالسين يسولفون .. جاء لهم زيد : سلام ! غزلان وكيان: وعليكم السلام! زيد: غزلان تعالي معاي ابيك بسالفه! غزلان: خير ان شاء الله ؟ زيد: تعالي؟ ماراح اكلك ترى!! غزلان: امم طيب ! .. راحت معاه عند المراجيح زيد يناظرها: غزلان ..بقولك شي ! غزلان : قول؟ زيد قرب منها وبكل تهور حضنها وهمس لها"احبك"! غزلان تصمنت مكانها ! زيد يشدها لحضنه ويكرر الكلمه: احبك احبك احبك احبك ! دمعت عيونها وبعدت عنه : كزاب ! زيد : والله احبك ! غزلان عضت طرف شفتها مو عارفه شتقول! زيد مسك يدها:غزولتي ! غزلان تناظره وساكته ..زيد قرب طبع بوسه على خدها اليمين :اذا كبرنا راح اتزوجك ! غزلان ساكته .. زيد: قولي لي تحبيني ولا؟؟ غزلان ماردت عليه .. زيد تنهد: انا والله احبك ومن زمان حيل !! غزلان همست : وانا كمان بحبك ! زيد صرخ: جد؟؟ غزلان هزت راسها بـ ايه ! زيد استانس وسحبها لحضنه ويهمس: احبك اموت فيك ! غزلان قلبها يدق ومبسوطه ان زيد يبادلها الحب! .. حب مراهقه طاهر ..هل سيتوج بالزواج يوماً ما؟ ام سيحدث مايغير مسار قلب زيد وغزلان ؟ .. عند كيان ..حاطه سماعات الأيبود بأذنها وتسمع اغنية "انت معلم" وكانت تهز راسها وتغني معاه سمعها ريان وابتسم وقرب منها وشال السماعات من اذونها وطالع عيونها :صوتك وايد حلو! كيان استحت:جد؟؟ ريان هز راسه بـ ايه ! كيان : تسلم بصراحه ماتوقعت ان صوتي حلو ! ريان: حلو حيل..ينفع تغنين في برنامج احلى صوت ! كيان: ههههه تخيل عاد ؟ ريان: صدقيني راح تفوزين لو تشاركين ! كيان ابتسمت: طيب شرايك تسمعني صوتك اشوف حلو او لا؟ ريان: بصراحه صوتي شين ! كيان: مايخالف ابي اسمعه ؟ ريان: اوك ..احم احم انت بس حقي انا ..مال احد أي حق فيك دامك الحالك هنا! فيك مابي أي شريك ! .. كيان صفقت: الله الله وايد حلو ! ريان يحك شعره: تجامليني صح؟ كيان ببتسامه: لا والله عجبني صوتك ! ريان : كح من ذوقك والله ! كيان اكتفت ببتسامه وماعلقت .. .. في بيت بو نايف .. كان منسدح ونايم بدون تيشرت !! انفتح باب الغرفه بهدوء ..شغلت النور ..وقربت له بكل خبث وحقاره! فتحت الكاميرا ..والتقطت صوره لها مع نايف ! وكانت تبتسم بالصوره .. : هالصوره راح توصل لأمك وابوك ..راح نشوف شلون ردت فعلهم ..ههه ! .. سكرت النور وطلعت بره الغرفه ..ورجعت جلست على الكنب جنب المعزين ! كانوا الموجودين يقرون قرأن وهي ماسكه الجوال وتطقطق فيه ! .. في احدى البيوت .. جالسه قدام اخوها من امها وتناظره بشر : شقلت يا سامر راح تفبرك صورها وتنشرهم؟ سامر خاق على ملامح رزان : لا رشا حرام هالزين نفبرك صورها! رشا بقهر: يرضيك ان اصغر خوالي خطبها و رفضته ! سامر: البنت صغيره على الزواج ! رشا : هه ماشي يا سامر ..اخذت الصور من عنده : راح اشوف غيرك يفبرك صورها وينشرهم ! سامر بجديه: حرام يا رشا البنت ماضرتك بأي شي ! رشا: رفضت خالي وكسرت قلبه ! وبعدين انت لا يكون حبيتها !! سامر : بصراحه ايه حبيتها ..البنت عسوله وتنحب ! رشا: يع والله ماعندك ذوق ..على العموم لا تستانس قريب وتعرف انك تعرفت عليها لأني طلبت منك تلعب بقلبها وتكسره ! سامر: قبل ماتخبرينها بكون خطبتها ! رشا: هه ايه خير ان شاء الله ! .. صعدت لغرفتها و رسلت لواحد من الخرفان الي تعرفهم : عندي لك شغل والمقابل 2,000 ريال ..شقلت؟ الصيده رقم 55: موافق ! ابتسمت بخبث: حلو يا عمر .. .. تعريف" سامر ؛ شاب وسيم ..عمره22 سنه ..قلبه طيب وحنون مواصفاته؛ اسمر, طويل , عيونه سوداء ! ,, رشا؛ بنت حقوده ..عمرها17 سنه , تكره رزان لانها رفضت خالها ! مواصفاتها؛ حطنيه ..عيونها عسليه ..طويله ورشيقه .. .. في الولايات المتحدة الأمريكية .. كانت طالعه تمشي الكلب حقها "بون" .. فجاءه وقفها منظر صدمها ..صدمه قويه !! كان خطيبها"جاك" ..حاضن بنت ملابسها تفضح اكثر من انها تستر ! وكان يبوسها ويتغزل فيها ! دمعت عيونها ..وراحت له بعدت البنت عنه وعطته كف قوي: حقير! جاك تعلثم ماعرف شيقول ! اما هي دموعها تنزل ودزت البنت و رفستها وخلت الكلب يعضها .. ومشت عنهم وهي تبكي ..ومصدومه في حبيبها وخطيبها"جاك" .. من زود البكي ماعادت تشوف الطريق ..عيونها صارت تشوف ضباب ! كان فيه سياره مسرعه وكانت راح تصدمها! لكن بالصدفه كان طالع من مقهى ..ولما شافها تذكر لما نقذته من السياره وهالمره هو نقذها ! دزها بعيد عن السياره : انستي هل انتي بخير؟ جوليان بصوت مبحوح من البكي: انا بخير ولكن لماذا لم تدعني امت ؟ فهذه الحياه لا تروق لي ابداً ! طلال: لا تقولي هكذا ! هل نسيتي خطيبك ام نسيتي اقاربك واصحابك؟ جوليان: هه خطيبي؟ لقد رأيته يخوني منذ برهه ..اما اقارب؟ ليس لدي اقارب الجميع ماتوا بالحريق ..اما اصحابي؟ انهم برفقتي فقط من أجل المال ! اما انا؟ حتماً لا اهمهم ! طلال عورت قلبه: لا تقولي هكذا ! جوليان: هه .. مشت عنه وهي مخذوله ومكسوره ..ماتوقعت بيوم ان جاك راح يخونها ! و زواجهم كان بعد شهر واسبوع ! لكن من بعد خيانته راح يتفركش كل شي ! .. نرجع لـ سعوديتنا الحبيبه ..تحديداً في الرياض .. في العصر ..في بيت بو طلال؛) كلهم رجعوا بيوتهم ..وبو طلال جالس يطالع مسرحيه مع طلال والجازي ! اما الجوري جالسه على الابتوب تحديداً داخله المنتدى .. شافت التوقيع والصوره الرمزيه الي مسويهم المدير ..فرحت حيل ! على طول حطتهم ..وشكرت المدير وقيمت الموضوع ؛) بعدها صارت تشارك وتنزل مواضيع بكل حماس ! .. يمكن الكثير يقولون المنتديات صارت موضه قديمه ونادر الناس تدخل وتشارك وتتفاعل ! لكن لا بالعكس ..قديمك نديمك ! وكثير يدخلون منتديات ويشاركون سواء بقسم الروايات او الألعاب والمسابقات ! وهذه هي الجوري كل يوم تدخل للمنتدى وتشارك ! .. فتحت منتدى ثاني ..وصارت تقرأ رواية "انت لي" .. تحمست مع وليد و رغد .. وتمنت انهم بالأخير يتزوجون .. .. في بيت بو الوليد ؛) في غرفة التوأم ..كانت رغد تسولف لـ وعد شنهو صار بمدرسة الأولاد ! وعد: وليد ماشك فيك؟ رغد: ابداً ! وعد: طيب يا هبله لا تعيدونها مره ثانيه يمكن يكشفكم ! رغد: اوك ماراح نعيدها ! .. كان الوليد مار بالصدفه وسمع كلامهم .. ! فتح الباب بقوه ! فزت رغد : و وليد! الوليد يخزها: اجل مهند ومشاري وبشار ! رغد غمطت: اممءء وليد انت فاهم غلط ! الوليد: واضح جداً اني فاهم غلط!! رغد: مم طيب شوف انا اسفه وماراح نكررها مره ثانيه! الوليد: فهميني احين مين الي خطط لروحة المدرسه؟ رغد: مشاعل اخت مشعل صاحبك! الوليد: ماشاء الله !! رغد: ايه والله ! الوليد: وانتي معاها بكل شي تقوله ! رغد: احم ايه ! هذه اقرب خوياتي ! الوليد: و ويعه ..حلاة من كفخك انتي وياها ! احد عرف انكم بنات؟؟ رغد بكذب: لا! الوليد: الحمدالله لا تعيدونها مره ثانيه ولا ذبحتك ! رغد: امم اوك اسفه! الوليد عطاها نظره وطلع بره الغرفه .. رغد تنهدت: ااااهخ اويلي بس .. وعد: حمدي ربك ان وليد الي سمع مو امي ولا كان صفقتك! رغد: ايه والله الحمدالله ! .. رغد و وعد ..يتشركان الغرفه ..ودورة المياه ..والأريكه ..وبعض الملابس ! يحبان بعضهما كثيراً تختلف طباع رغد عن وعد ..لكنها تحبها ولا تطيق فراقها ! وهكذا هم الأخوات ! .. في بيت بو ركان .. كانت بدورة المياه تتروش ..كان سامر يتصل عليها ..واكثر من مره اتصل ! لكن لا مجيب ! بالأخير رسل لها" رزان تكفين ضروري كلميني " ! .. بعد عشر دقايق طلعت من دورة المياه وكانت لابسه؟  راحت تحط لها لوشن بخلاصة الكرز .. ومافكرت ابد انها تشوف جوالها .. .. اما عند روان ؟ كانت جالسه على المنتدى ..نفسه المنتدى الي مشاركه فيه الجوري .. كان اسمها "همس الورد" .. كانت تنزل موضوع عن الثقه بالنفس .. وبعد مانزلت الموضوع ..طلعت من المنتدى .. وراحت المطبخ تسوي لها سلطة فواكه "عشقها الأبدي " .. رن جوالها .. ردت : الوه ؟ كانت صاحبتها شعاع: ياهلا ..اخبار الحلوه؟ روان ببتسامه : الحمدالله بخير واخبارك انتي؟ شعاع: بخير ولله الحمد ..بسألك شصار على زواج ريماس؟ روان بهدوء: انتي مادريتي؟ شعاع بستغراب: ايش؟ روان بحزن: ريماس توفت بحادث ! شعاع بصدمه: ايشش؟؟ روان : ايه والله ..حتى كنت ابي اروح اعزي امها ..لكن ترددت ومارحت ! شعاع: ماني مصدقه ! زواجها يوم الجمعه ..حرام عورت قلبي! روان : ادعي لها بالرحمه! شعاع بضيق: الله يرحمها ويغفر لها ..والله انها طيبه وماتستاهل! روان: استغفرالله ..هذا يومها يا شعاع ! شعاع تنهدت: طيب روان انا بتوضأ وبقرأ قرأن .. روان: زين تسوين حبيبتي .. .. "انتهت المحادثه " ..وكملت روان تقطيع التفاح لـ سلطة الفواكه ؛) .. بغرفة ركان؟ جاه اتصال من ولد جيرانهم "موسى" ..قاله ان امه بتولد ! وماعندهم احد يوديهم المسشفى! طبعاً ركان فزع لهم ! و راح اخذ مفتاح سيارته و راح لأمه وقال لها ! لبست عبايتها و راحت معاه لبيت الجيران ! وكانت ام موسى تطلق !! ركبت للسياره بمساعدة ام ركان ! ومعاهم بنتها "جوان" ..وكانت حيل خايفه على امها! وكذلك موسى ! ام ركان فتحت الجوال وحطت على سورة مريم وصارت تقراها لأم موسى ! ام موسى تسمع للسوره والطلق كل ماله ويزيد ! .. عند حلوتنا نور ؟ كانت جالسه كالعاده تتفرج على فلم ..وكان حزين جلس تبكي على موت البطله ! رن جوالها وكان مشاري ..ردت بصوت باكي: الوه ! مشاري بستغراب : نوري شفيه صوتك؟ نور بقهر: البطله ماتت ! مشاري فهم ان شكلها تطالع فلم ..ضحك عليها : لا ياحراام !! نور: اخخ لا تتمسخر والله انها مسكينه ! ابتسم : طيب نور ..انا بمرك بعد المغرب وبنروح للسوق نختار الأثاث ولا حابه أأثث الغرفه على ذوقي؟؟ نور بتفكير: أأثثها على ذوقك ابي اشوف ذوق حبيبي ! مشاري: اوكى حبيبتي ..مثل ماتبين ..احين اخليك لأن صاحبي عندي وانا قمت عنه اكلمك ! نور : زين حبيبي ..على فكره انا احب اللون اللحمي ..ياليت الاثاث يكون فيه هذا اللون ! مشاري : اوكى من عيوني يانوري .. "انتهت المكالمه " .. وقامت نور ..تتروش من الملل ! هي كذا ؟ لما تطفش تروح تتروش ! .. في المستشفى؛) دخلت ام موسى غرفة الولاده .. ام ركان وجوان وموسى جالسين بكراسي الانتظار ويدعون تولد بالسلامه! .. بعد نص ساعه ..طلعت الممرضه تبشرهم بولادة بنت مثل القمر ! .. جوان فرحت كثير ..اما موسى كشر ..كان خاطره بأخو له ! .. ام ركان: شخبار ها هي بخير؟ الممرضه: بخير هي والجنين ! ام ركان : الحمد لك يارب.. .. غسلوا الجنين ولفوه ..وخذوه للحضانه ..المليئة بالأطفال ! .. دخلوا عند ام موسى .. ام ركان: الحمدالله على سلامتك ومبروك ما جاك! ام موسى: الله يسلمك ويبارك في عمرك ! جوان تحضن امها وتبوسها: مبروك يمه جاتك بنوته ! ام موسى :الله يبارك فيك حبيبتي ..ام ركان مشكورين انتي وركان والله ماقصرتوا معانا ! والنعم الجيره والله! ام ركان: افا عليك ..هذا حق الجار يا لولوه ! ام موسى ابتسمت وغمضت عيونها .. .. تعريف" موسى : شاب مراهق عمره 15 سنه ..خوي ريان و زيد .. جوان : بنت مراهقه ..عمرها 17 سنه ..تدرس بثاني علمي .. مواصفاتها ؛ بيضاء ..قصيره ..رشيقه وجميله .. .. ركان دفع الفلوس كلها ومارضى ياخذ ولا قرش من ام موسى ! وقالها اعتبريها هدية للبنوته ! وقالها بمزح: ترى بنتك الكتكوته راح تكون زوجة المستقبل! الكل ضحك على كلامه ! .. في بيت بو نايف ..الساعه 8:00 مساءً ! .. ضرب الجرس ..فتح عبد الرحمن الباب ..وكان هندي ! :سلام اليكم بابا! عبدالرحمن: وعليكم السلام! الهندي عطاه ظرف: هذا من مدام ! عبدالرحمن عقد حواجبه: مدام؟ الهندي: يس بابا! عبدالرحمن هز راسه : طيب ! .. راح الهندي وعبدالرحمن فتح الظرف وانصدم بالصور الي شافها! كانت صور لـ ريماس بجسم مركب وملابس فاضحه ! وكانت هالصور مركبه مع واحد ! .. انصدم عبدالرحمن حيل ..لكن شق الصور : مستحيل المرحومه مو كذا ابد ! هالصور ماراح يشوفها نايف لازم تنحرق ! .. طلع الولاعه من جيبه ..الي يستخدمها عشان يولع السجائر ! شب الصور وانحرقت ..وصارت رماد ! .. عبدالرحمن " ريماس ..مستحيل تكون كذا ..اكيد هذه الصور مفبركه لكن من له مصلحه بهذا الشي؟ الله لا يسامحهم حتى وهي بقبرها مارتاحت !!" .. عند اشواق؟ كانت متحمسه تعرف ردة فعلهم لما يشوفون صور ريماس المفبركه ! ماتدري ان عبدالرحمن حرقهم ! .. انضرب باب غرفتها : ادخل! دخلت رشا: هاي اختي! اشواق : ياهلا ! شعندك؟ رشا بحقد: رزان ! الي خطبها خالي و رفضته! اشواق بلا مبالاه: ايه شفيها؟ رشا: ابي افبرك صور لها وارسلهم لأهلها ..تساعديني؟ اشواق ابتسمت بخبث لتفكير اختها المشابه لتفكيرها:اكيد اساعدك! رشا: طلبت المساعده من سامر ومن واحد لكنهم رفضوا شرفاء مكه هه! اشواق : هههههههه حبيتها شرفاء مكه ..طيب انا عندي واحد يفبرك صور لكن يطلب مبلغ كبير..مستعده تدفعين؟ رشا : اكيد ! اشواق تبتسم: حلو ياختي ! راح اكلمه واشوف شيقول ! رشا : تمام ! .. عند سامر ؟ اتصل للمره التاسعه على رزان .. واخيراً ردت عليه: الو ! سامر: ياهلا حبيبتي لي ساعه اتصل وماتردين وينك؟ رزان: اعتذر ماسمعت الفون وهو يرن ! سامر: طيب ياقلبه ابيك بموضوع ! رزان: امرني حبيبي؟ سامر تنهد: رشا .. رزان كشرت : بنت جيرانكم شفيها؟ سامر : ......... رزان كانت تسمع لكلامه ومصدومه بقوه !! معقوله رشا تفكر كذا ! معقوله تكون بهالحقاره ذي ! كلها لأنها رفضت خالها ..كأنها ماتدري ان الزواج قسمه ونصيب! .. انتهى البارت الثامن" توقعاتكم؟ اختكم؛أنفاس غاليها  2016 م | |
  تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر"   |
|
16-05-2016, 01:55 PM
| #23 | |
| #البارت التاسع؛) .. رزان:أمرني حبيبي؟ سامر تنهد: رشا .. رزان كشرت: بنت جيرانكم ؟ سامر بهدوء: رشا موبنت جيرانا مثل مافهمتك .رشا اختي من نفس الأم والأب مختلف ! رزان بستغراب:كيف؟ سامر: امي وابوي ماتفقوا ..وامي طلبت الطلاق ..ابوي طلقها و وقتها كان عمري سنه ونص .امي ربتني بمساعدة جدتي وجدي ..بعد سنتين تزوجت بو رشا ! وجابت اشواق و رشا ..وقبل خمس سنوات سمعت خبر موت ابوي .. رزان: الله يرحمه ..طيب رشا ليه كذبت وقالت انك ولد جيرانهم ! سامر : رشا حقيره يا رزان .. رزان بستنكار: شتقصد؟ سامر : قبل سنه انخطبتي صح ؟ رزان: ايه خطبني خال رشا اسمه حامد و رفضه لأني صغيره ولأني مابي اتزوج قبل اختي الكبيره ! سامر : حلو ..رشا ماتقبلت هذا الشي ..وصارت تخطط انها تدمرك ! وطلبت مني اني اتعرف عليك والعلب فيك واكسرك واتركك ! رزان بصدمه: من جدك تكلم؟ سامر: هذه اختي يا رزان ومستحيل اتبلى عليها ! رزان : طيب ليه كل هذا ؟ ترى الزواج قسمه ونصيب ! سامر تنهد : هي تحب خالي حامد وماتحب احد يزعله .. ولأنك رفضيه ماراح تسكت لك ابد ! حتى انها طلبت مني افبرك صور لك وانشرها بالنت وكل مكان ..بصراحه رفضت مو لأني احبك وبس ؟ لكن مبادئي واخلاقي ماتسمح لي اسوي هذا الشي! عصبت علي وقالت بتشوف واحد غيري يفبرك الصور ! رزان دمعت عينها: انا مصدومه حيل معقوله تكون بهذه الحقاره ؟ سامر تنهد: سامحيني يا رزان مانكر اني تعرفت عليك عشان اضيعك لكن من اول شهر حبيتك ودخلتي قلبي وان كنتي فعلا تبادليني الحب ..راح اخطبك لما اتوظف بشركة خالي ! رزان دموعها تنزل: انت جد تحبني؟ سامر : احبك اكثر من روحي ! رزان انا ماعمري طلبت منك تطلعين معاي ولا حتى ترسلين صورك لي ..بختصار ماعندي شي اضرك فيه ..ان كنتي تحبيني كلميني كل يوم و وعد مني راح اخطبك ..وان كنتي ماتبيني..حذفي رقمي من جوالك وانسي شي اسمه سامر !! رزان شهقت : انا احبك وابيك معاي لأخر عمري ! سامر ابتسم : وانا ميت فيك .!! رزان : توعدني ماتجرح وتخون ؟ولقلبي تاحفظ وتصون؟ سامر : اوعدك يا روح الروح ! .. في اليوم الثاني .. كان يوم الجمعه ..جلست من النوم بكل نشاط ..راحت تروشت ولبست ..  جففت شعرها بالأستشوار ومشطته ..وحطت لها لوشن بجسمها بخلاصة التوت البري .. ونزلت تحت و راحت المطبخ لقت ابوها وخالد والجازي جالسين يفطرون .. طبعاً الجازي لابسه عباية كتف وحجاب .. راسمه على شفتها احلى ابتسامه: صباح الخير .. بو طلال وخالد والجازي: صباح النور .. راحت باست راس ابوها .. بو طلال:تبوسين الكعبه يابنتي .. راحت باست راس خالد وخد الجازي وجلست جنبها تفطر .. خالد : شعندك كاشخه ؟ الجوري ببتسامه : نور بنت عمة الجازي وبشاير بنت عمها جاين يتغدون عندنا ! خالد: اها ..حياهم الله الجوري تدهن الجبن في التوست : الله يحيك .. الجازي : كويس قلتي لنا ..عشان بعد الصلاه البس شي حلو ..مو اظل بالجامه واتفشل! الجوري بضحكه: فديتك انتي بكل حالاتك عسل ولو تلبسين خيشه تطلع عليك حلوه ! ابتسمت الجازي بخجل وماقالت شي .. .. في بيت بو انور ؛) الساعه عشر وربع الصباح ..تروشت ولبست ..  جففت شعرها واستشورتها ..وحطت لها لوشن بخلاصة الكرز وتعطرت بعطرها المفضل .. بعدها مسكت جوالها ورسلت لـ مشاري "صباح الخير ..شخبارك حبيبي ان شاء الله بخير؟ حبيت اقولك اني ماراح اقدر اجي بيتكم اليوم مع امي وانور ..لأن صديقتي عازمتني على الغداء في بيتهم وماقدر ارفض العزيمه ..ان شاء الله بالليل راح اجي بيتكم ..اكل عدل ..وبالعافيه " .. .. بعدها اتصلت على بشاير بنت عمها .. خمس رنات و ردت بصوت مليان نوم: الوه ! نور بصدمه : انتي للحين نايمه؟ بشاير تثاوبت : مين معاي؟ نور : انا نور ياهبله !! بشاير : اوه هلا هلا ..شتبين متصله هالوقت؟ نور : اخ ياحظي انتي ..الساعه عشر و ربع يالله جلسي وتروشي وصحصحي عشان نروح بيت بو طلال ولا نسيتي عزيمة الجوري؟ بشاير تتمغط : اوه طيب خلاص ربع ساعه واكون جاهزه ! نور: اتمنى ! بشاير سكرت بوجها ..وقامت بكسل تطلع لها ملابس عشان تتروش وتصحصح .. واخيراً طلعت لها ؟  طبعاً بدون القبعه ..دخلت دورة المياه تتروش بالماء الدافئ .. .. بعد نص ساعه ..نزلت تحت ولقت امها جالسه تتفرج على التلفاز :صباح الخير .. ام بندر : ياهلا صباح النور .. بشاير : يمه قلت لك ان صاحبتي الجوري عازمتنا انا ونور على الغداء في بيتهم؟ ام بندر: لا والله ماقلتي لي ! بشاير : زين انا احين قلت لك عادي اروح ولا؟ ام بندر: صاحبتك من بنته؟ بشاير: بنت بو طلال صاحب شركة ..... ام بندر : ايه والنعم فيهم ..خلاص قولي لبدر ولا روحي مع السواق والشغاله .. بشاير : زين يمه بروح افطر .. ام بندر: بالعافيه يابنتي .. .. ملاحظه: تم تغير اسم جواد ؟ الي بنته اسمها روز؟ لـ بندر وعلى فكره هو اخو بشاير وبدر لكن غلطت وقلت انه اخو نور وانور ! اتمنى انكم تنتبهون لـ الملاحظه ! .. في بيت بو مشاري .. كان جالس يفطر بحديقة بيتهم .. رن جواله ..وكان خالد ..كح : اويلي غبار هالرجال ! رد: هلا .. خالد: اهلين ..اخبارك مشاري ؟ مشاري : الحمدالله بخير وانت اخبارك يامغبر؟ خالد بضحكه : بخير ..ايوه بغيت اقولك اني عرفت من بنت اخوي ان خطيبتك وبنت عمك جاين يتغدون عندنا ..حبيت ابلغك عشان تجي انت بعد تتغدا عندنا ! مشاري : اممم اوك ماعندي مانع ..لكن لو ماكانت خطيبتي وبنت عمي بيتغدون عندكم كان ماعزمتني صح؟ خالد بضحكه: لا والله اصلا كنت اخطط ان نطلع للبر انا وانت ومحمد وعبدالله ..من زمان عنكم يا رجل ! مشاري : اها تمام ..بعد صلاة الظهر تلاقني عندكم ! خالد: تمام وياليت تكلم محمد وتقوله يجي مع اخوه عبدالله .. مشاري : من عيوني وجعله بيت عامر .. خالد: تسلم عيونك ..يالله سلام وبنتظاركم .. "انتهت المكالمه " .. وكمل مشاري فطوره .. خالد ..محمد ..مشاري ..عبدالله ..اعمارهم مختلفه ..لكن بينهم موده وحب كبيره ..! .. وكلنا نعرف ان الحب والصداقه مالهم علاقه بـ العمر مثل الموت تماماً ! .. في بيت بو طلال؛) اذن الظهر ..وبعد الصلاه ؟ غيرت الجازي ملابسها ..ولبست ؟  حطت لها كحل ومناكير عنابي و روج وردي .. تعطرت بعطرها المفضل من شانيل .. وبعدها لبست عباية الكتف والشيله ..وطلعت من الغرفه و راحت لـ غرفة الجوري ضربت الباب ..فتحت لها الجوري وصفرت : الله الله شالجمال شالكشخه ؟ ضحكت الجازي : لا تبالغين عاد ..الفستان حده ناعم وبسيط! الجوري ببتسامه: لكن حلو والله! الجازي: فديتك عيونك الحلوه ..الا بسألك شنهو الغداء اليوم؟ الجوري : والله مادري عن سونيا ..اتوقع دجاج ! الجازي : نور ماتحب الدجاج ..بقول لسونيا تسوي لحم او ربيان! الجوري: خلاص اوكى ..انا احين بروح اسوي سلطة فواكه وبطريقي بقولها تسوي لحم او ربيان .. الجازي: يعطيك العافيه حبيبتي .. الجوري: الله يعافيك ياقلبي .. .. نزلوا تحت ..وفعلاً كانت سونيا ناويه تسوي رز دجاج .. لكن الجوري قالت لها تسوي لحم او ربيان سونيا: ان شاء الله ماما .. الجوري راحت تطلع فواكه وتقطعهم ..والجازي تعصر برتغال لـ سلطة الفواكه .. .. على الساعه وحده مساءً ! .. دخلوا مشاري ومحمد لـ بيت بو طلال ..استقبلهم خالد بالأحضان والسلام ودخلهم لـ المجلس .. خالد: الا وين عبدالله ماشوفه معاكم ؟ محمد: تعرفه كاتبن طياره مو كل يوم تشوفه بالسعوديه ..حالياً هو بالأمارات ! خالد: ايه الله يحفظه .. .. رسل خالد لـ الجازي تقول لـ سونيا تجيب لهم مويه .. دقيقتين وجات سونيا وبيدها المويه .. خالد: سونيا كم دقيقه على غداء ؟ سونيا : ساعه ! خالد: الله ساعه؟ زين ذلفي! محمد يضحك: ههههههه ماشاء الله عندك اسلوب راقي! خالد ابتسم: لا يكثر ..وصح باركولي تزوجت و زوجتي حامل ! محمد ومشاري تنحوا ! خالد ضحك على شكلهم : ههههه شفيكم؟ ترى ما مزح جد تزوجت ! مشاري: ماشاء الله واحنا اخوياك واخر من يعلم ! خالد: احم ماصارت فرصه اقولكم ! مشاري: هه خير ان شاء الله ..ومن سعيدة الحظ؟ خالد ببتسامة: بنت خال زوجتك ! مشاري: قصدك بنت بو حمد الله يرحمه ؟ خالد: ايه وصلت خير .. مشاري: طيب على البركه .. محمد: تتهنى يارب .. خالد: الله يبارك فيكم .. وصاروا يسولفون بأمور مختلفه .. .. الساعه 1:30 مساءً ! وصلوا نور وبشاير لبيت بو طلال ..واستقبلتهم الجوري بكل حب .. دخلتهم لـ غرفة الضيوف ..وجابت لهم مويه .. ثواني ودخلت الجازي وراسمه على شفاتها احلى ابتسامه .. فزت نور وحضنتها وسلمت عليها وباركت لها على زواجها وحملها ! الجازي : الله يبارك فيك حبيبتي وانتي مبروك الملكه .. نور: الله يبارك في عمرك حياتي .. سلمت بشاير على الجازي سلام عادي .. جلسوا يسولفون على مايجهز الغداء.. .. في الأمارات المتحده .. هبطت الطياره بـ سلام ..كل الركاب نزلوا من الطياره كان عبدالله يتفقد المقاعد ..انتبه لـ مقعد كانت صاحبته نايمه .!! رفع حاجب ..و راح لوحده من المضيفات وطلب منها تجلسها ! .. راحت تجلسها : انستي انستي .. فتحت عيونها الناعسه وصارت تفكرها .. عبدالله بصوت جهوري: ياختي كل الركاب نزلوا ..وانتي نايمه عسى ماشر؟ البنت استوعبت انها بالطياره : ءء ياخوي كان راسي مصدع واخذت حبة بندول ونمت ! عبدالله : ماعليك شر ..واحين ممكن تنزلين للمطار؟ البنت تفتح حزام الأمان: ان شاء الله اخوي .. .. قامت من الكرسي وبيدها حقيبة اليد ونزلت من الطياره والهواء يداعب شعرها .. ابتسمت ..واخيراً جاتها فرصه انها تشوف الأمارات !! ... ركبت في باص صغير ..بيوصلهم لـ المطار .. كان معاهم عبدالله والمضيفه .. .. وصل الباص ونزلوا لـ المطار ..اول شي سوته انها راحت لدورة المياه " الله يعزكم" .. بعدها راحت عند السير المتحرك لأجل تاخذ شنطتها ! .. طلعت موبايلها من الشنطه ..وشالت وضع الطيران .. واتصلت على زوجة اخوها .. : هلا سوسن بس كنت بقولك اني وصلت للمطار بسلام ..واحين انتظر شنطتي وبعدها مباشرتاً بروح للفندق ! سوسن : الحمدالله على سلامتك مهاوي مها تبتسم: الله يسلمك حبيبتي.. بوسي لي حمودي وسلمي على اياد ..باي ! .. "انتهت المحادثه " . .. تعريف .. "مها ...شابه جميله وجذابه ..عمرها 24 سنه ..ابوها سعودي وامها امارتيه لكن ولا مره بحياتها شافت الامارات الا بالصور الي ترسلهم لها امها ! .. امها منفصله عن ابوها لأسباب ! .. مواصفاتها: طويله ..سمراء ..شعرها طويل..عيونها ناعسه .." .. كانت بتدخل موبايلها بالشنطه ..فجاءه حست بواحد سرق موبايلها ! و راح يركض ..شهقت بقوه : موبايلي ..حرامي !! راحت تركض وراه ..وكانت حيل سريعه ! صقعت في عبدالله بقوه وانسكب الكافي عليه ! عبدالله توجع شوي من حرارته : ااهخ ! مها تفشلت: ياخوي انا اسفه بس فيه حرامي سرق جوالي! عبدالله: حرامي؟ مها : ايه راح من ذاك الاتجاه ! عبدالله:جوالك فيه باسورد؟ مها: ايه ! عبدالله: زين اجل مايقدر يفتحه ويشوف صورك ان كنتي تصورين ! مها: اوه انا ماصور نفسي ابد بس جوالي هديه من امي من زمان وانا مابي افرط فيه مهما كان ! عبدالله: لا حول الله ..طيب الحرامي هرب شلون بتاخذين جوالك ! مها مقهوره: مادري مادري ! عبدالله: انا من رايي انك تروحين تاخذين شنطتك وتروحين ترتاحين والجوال بداله عشر ! مها تأففت ومشت عن عبدالله وهي تدعي على الحرامي بالشلل الرباعي! .. وقفت عند سير الشنط تنتظر شنطتها ! .. نرجع لـ السعوديه؛) في بيت بو طلال تحديداً .. جهز الغداء ..وتغدوا ..وبعد الغداء .. الجوري: اقول بنات شرايكم نقول لـ الشباب يطلعونا البحر؟ نور: حلفي ؟ الجوري: ايه والله..نطلع نغير جو ! الجازي: تصدقين عاد خوش فكره بكلم خالد واشوف شيقول! الجوري: وه فديتك انا ! ابتسمت الجازي ..وكلمت خالد .. طبعاً خالد شاور محمد ومشاري ..مشاري وافق بما ان نور حبيبة القلب بتكون موجوده ! خالد بلغ الجازي بالموافقه ..انبسطت حيل و قالت لـ البنات .. بشاير : وناسه عاد من زمان عن البحر ! نور: انا بقول لأمي عشان ماتسوي لي سالفه! بشاير: وانا بعد بقول لأمي ! الجوري تبتسم: وانا بقول لأبوي .. .. قالوا لهم وطبعاً مارفضوا ! .. كلهم ركبوا سيارة خالد لأنها اكبر سياره .. بشاير : ماشاء الله السياره وايد حلوه ! الجوري: سيارة خالد فديته .. بشاير : الله يعطيه خيرها ويكفيه شرها .. .. مشاري ركب السياره: السلام عليكم! فز قلب بشاير من صوته ..وصار قلبها يدق حيل ! حتى نور دق قلبها لكن استغربت وجوده هنا ! .. مشاري : اخباركم صبايا؟ الجوري والجازي انحرجوا يردون .. لكن بشاير ونور ردوا عليها ! مشاري بجراءه : فديت صوتك يانور ! نور صار وجها احمر ! الجوري والجازي ضحكوا عليها ! اما بشاير ماتت من الغيره والقهر وتمنت لو هالكلام منقال لها هي مو نور ! .. انطلق خالد لـ البحر .. وكان صوت ماجد الراشد ..هو الصوت الوحيد بالسياره .. عمرك سمعت بطيرويحب سجانه من شافك انت نسى وش تعني جنحانه انا تراني طيرك اللي يحبك موت لو حب قلبي غيرك بدعي عليه يموت في قربك انت نسى انه ياعمري طير ماتشدعينه السما ولا يريد يطير هذا الغلا و الحب من الله سبحانه عمرك سمعت بطير ويحب سجانه.. مشاري رسل لـ نور " هالأغنيه اعتبريها اهداء مني لك !" ابتسمت ورد ت عليها " ياقلبي انت ..احبك واحب اهدائك .." .. وصلوا البحر ..نزلوا من السياره .. تنفست الجوري الهواء العليل وابتسمت و راحت عند البحر ودخلت يدها في البحر وتحركها والابتسامه مرسومه على شفتها .. .. جاوا عندها نور والجازي وبشاير .. نور : ياحلاة البحر من اشوفه احس براحه نفسيه .. بشاير: حلو البحر لكن غدار ! .. وقفت الجوري وطلعت جوالها وصارت تصور البحر .. والابتسامه مافارقت شفاتها .. .. خالد ومحمد ومشاري ..جلسوا جنب بعض يسولفون .. محمد: اقول شرايكم نسبح في البحر ؟ خالد : خوش راي لكن ماعندنا شورتات ! محمد : يا معود اسبح بسروالك الداخلي وبعد ماتخلص روح لدورة المياه وفصخه والبس الثوب بدون السروال ! خالد: احلف؟ محمد: والله ..انا بسبح وانتوا كيفكم ! وفعلاً راح سبح وشوي ولحقاه مشاري وخالد ! .. كانت المويه بارده وترد الروح وتنعش الجسم .. على فكره ملح البحر جداً مفيد للجسم !! .. استمتعوا جداً بوقتهم وبعد غروب الشمس .. رجعوا لـ بيوتهم .. وكان يوم جداً جميل بالنسبه لهم ! .. رجعت البيت صلت المغرب ولبست بجامه ..  شغلت الابتوب ونزلت موضوع حصري ..تصويرها لـ البحر والسماء وقت الغروب طبعاً مانست تحط اسمها وحقوق الموقع .. بعد مانزلت الموضوع ..فتحت رواية انت لي وصارت تقراها بحماس .. قطع عليها حماسها صوت رنين جوالها كانت رزان بنت عمها ردت : هلا رزونتي رزان بهدوء : الجوري انا لازم اشوفك ابيك بموضوع ! الجوري : خير عسى ماشر ؟ رزان : تجيني ولا اجيك؟ الجوري : خلاص حبيبتي انا راح اجيك ..تمام؟ رزان : انتظرك .. الجوري :اوك دقايق واكون عندك ! .. "انتهت المكالمه" طفت الجوري الابتوب و قامت غيرت ملابسها ! ولبست؟  تعطرت ..ولبست عبايتها والشيله والنقاب واخذت جوالها وطلعت من الغرفه راحت لغرفة زيد كان يلعب جالس على الابتوب.. : زيود قوم ودني بيت عمي بو ركان ! زيد: شتبين فيهم امس كانوا عندنا ! الجوري بكذب: جمعة بنات يالله ودني ! تأفف وقام : طيب .. .. تروش بالعطر وطلع معاها و صلها لـ بيت بو ركان ..هي راحت لعند رزان وهو طلع مع ريان .. .. الجوري: رزان حبيبتي شفيك صاير شي تراك خوفتيني!! رزان خذت نفس : سامر .. الجوري: شفيه؟ رزان تنهدت وقالت لها كل شي عن رشا ! الجوري انصدمت : فعلا حقيره ! وشراح تسوين؟ رزان بضيق: مادري يا جوري ! الجوري: طيب هذا سامر واثقه انه يحبك مو متفق معاها؟ رزان: هو حلف لي ..انه يحبني وراح يخطبني بعد مايتوظف بـ شهر! الجوري : حلو ..طيب و رشا الزفت شبتسوين معاها؟ رزان : مادري !! الجوري جات في بالها فكره وابتسمت: خلاص خلي الموضوع علي ! رزان : شراح تسوين؟ الجوري : ماعليك مع الايام راح تعرفين ..احين ابتسمي وضحكي يالله؟ رزان تنهدت ..الجوري قربت منها وصارت تدلدغها! رزان ضحكت ودموعها نزلت : ههههههههههههههههههه جوجو بعدي خلاص كاني ضحكت ! ابتسمت الجوري وبعدت عنها وعكرشت شعرها: زينك و زين ضحكتك يا رزونه ! رزان : الله يخليك لي .. الجوري: ويخليك يا عسل .. .. في الامارات العربية المتحدة" .. راحت مها لـ فندق لأنها ماتعرف عنوان بيت اهل امها وهي ماقالت لها انها بتجي خلتها مفاجاءه ! تروشت ولبست .. مشطت شعرها وحطت بجسمها لوشن بخلاصة التفاح .. وتعطرت ..ولبست عبايتها والشيله واخذت الشنطه وطلعت .. راحت لأقرب مجمع ..واشترت لها جوال وشريحه .. راحت لـ مطعم بالمجمع ..طلبت لها عشاء ..وجلست تنتظر الطلب واتصلت على امها ..حافظه رقمها عن ظهر قلب .. .. ثلاث رنات و ردت امها : الوه .. ابتسمت: يمه شحالك ؟ ام مها: هلا اميه مها ..انا زينه انتي شحالش وشحال اخوك اياد؟ مها بحب لأمها: كلنا بخير يالغاليه وابشر ك انا عندكم في دبي ! ام مها: لا من صدقج يا مها؟ مها: ايه من صدقي ..انا احين بجمع *** شرايك تجين ؟ ام مها: ايه يابنتي اتعشا واجيش ليش لا؟ مها: انتظرك حبيبتي .. .. "انتهت المكالمه " .. ومها حيل مبسوطه لأنها بتشوف امها ..اخر مره شافتها من سبع شهور .. .. رسلت لـ سوسن ان هذا رقمها وان جوالها انسرق .. .. جاء طلب العشاء وجلست تاكل بهدوء ..ومن حسن حظها كان المطعم شبه فاضي من عادات مها انها ماتاكل قدام الغرباء ! .. في بيت بو نايف؛) جالس بغرفته يطالع صور ريماس وهي صغيره ..ودموعه بعيونه .. : اه يا ريماس ليش رحتي وخليتيني ليش؟ دموعه صارت تنزل ..مسحهم بقوه .. رن جواله ..رد بدون نفس: الوه ! اشواق بدلع: هلا زياد ؟ نايف: غلطانه بالنمره ! سكر بوجها ..و غاص في بحر الذكريات في ريماس ! .. في بيت بو ركان .. الساعه 11:33 مساءً ! الجوري: يالله حبيباتي رزان و روان..انا راجعه البيت .. روان: الله معاك حبيبتي.. .. طلعت الجوري من البيت وكان بنتظارها زيد بالحوش مع ريان .. الجوري: يالله زيد مشينا ! زيد : اوك ..تصبح على خير ريان ريان يطقطق بجواله: وانت من اهله .. .. طلعوا من بيت عمهم ..وهم يمشون لـ بيتهم الجوري: زيد عندك رقم ركان؟ زيد: اكيد هذا ولد عمي ..طبيعي رقمه يكون عندي! الجوري: طيب عطني رقمه ! زيد : نعم ؟ وليش ان شاء الله ؟ الجوري : ابيه بـ شغل ! زيد : وش هالشغل هذا؟ الجوري: ان لله ..بتعطيني رقمه ولا شلون؟ زيد: ما راح اعطيك .. الجوري عطته نظره : اها اوكى ماشي !! .. وصلوا البيت ..راحت الجوري لـ غرفتها فسخت عبايتها وغيرت ملابسها ..لبست البجامه .. و راحت فرشت اسنانها ..وانسدحت بالسرير وهي تفكر بـ رزان والمشكل هالي بتصير لو رشا نشرت صورها ! .. وتفكر بطريقه توصل فيها لـ رقم ركان ! ياترى شتبغى ب، ركان ؟! .. في الأمارات المتحده .. كان اللقاء جداً حار بين مها وامها صيته ! وطلبت صيته من مها تجي لبيت اهلها وتنام بحضنها ..بما ان زوجها مسافر! بدون أي تردد وافقت مها ..مشتاقه لحضن امها من زمان عنه! .. كانت صيته بدورة المياه تتروش ..مها حست بالعطش! بدون أي تفكير طلعت من الغرفه و راحت لـ المطبخ تشرب مويه ! فجاءه حست بأحد غطا عيونها ..شهقت ! .. انتهى البارت التاسع؛) توقعاتكم؟ اختكم: همس الخفوق"  | |
| تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر" |
|
19-05-2016, 09:41 AM
| #24 | |
| طرح قيم ومفعم بالجمال . . كل الشكر على روعة الإنتقاء . . بإنتظار تميز جديد . . وتقبلوا مني مروري وتقديري . . | |
  |
 |
| الكلمات الدلالية (Tags) |
| ..! , انت , رواية؛ , نبض , وسلطانه , قلبي |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| انت نبض قلبي وسلطانه | حنين الروح | (همســـات الديكور و الكروشيه Crochet) | 14 | 30-07-2015 06:20 PM |
العرض العادي
