22-04-2016, 06:09 PM
| #15 | |
  
 |  # البارت الخامس؛) . . بأحدى المستشفيات في غرفه من الغرف ..الجازي مستلقيه على السرير ومركبين فيها مغذي بعد ماخذوا منها تحليل دم ..بدون ماتحس غفت عيونها وراحت بعالم الأحلام .. اما الشاب راح للكفتيريا اخذ له كوب قهوه يشربه ويصحصح ! رن موبايله ..ناظر الرقم كانت اخته الكبيره استغرب ورد : هلا اماني! اماني : يا هلا سيد راشد ..ممكن تقولي حظرتك وين طالع بوقت متأخر وتارك زوجتك وبنتك في الشقه ؟ راشد كشر: مداها تكلمك وتشكي الحال؟ اماني : هي ماشكت ! لكنها خافت يكون صاير فينا شي واتصلت علي تسأل عنك لأن حظرتك هي تتصل عليك وماترد ! تنهد: كنت اسوق وقت ماتصلت ماعرفت ارد عليها! اماني: طيب وينك ؟ راشد: بالمستشفى! اماني: عسى ماشر شصاير؟ راشد بكذب: واحد من اخوياي مسوي حادث وسمعت بالخبر وجيت اشوفه ! اماني: اها طيب اتصل على زوجتك وطمنها تلاقي قلبها مشغول عليك! راشد: طيب ..تأمرين على شي ثاني؟ اماني:سلامتك وتركد وانت تسوق ! راشد: ان شاء الله من عيوني..انتبهي لنفسك وسلمي على زوجك وبوسي لك عيالك! اماني: يوصل ياخوي! "انتهت المحادثه" ! تعريف بـ اماني و راشد! اماني: ام مهند ..عمرها 30 سنه ..متزوجه ولد عمها وعندها ولدين وبنت وحده تموت بزوجها وعيالها..مدرسة لغة عربيه ! راشد: شاب وسيم عمره 27 سنه ..متزوج بنت جيرانهم رحاب ..عنده بنت اسمها ريم عمرها ثلاث سنوات..كان زواجه من رحاب زواج تقليدي لكنه مع العشره صار يحبها ويدلعها ..وهي كذلك تبادله المحبه والاهتمام؛) . . في احدى المنازل الراقيه كانت نايمه بالعسل وكانت تحلم احلى حلم ! جلست من نومها على رنة جوالها ..ردت بكل نعس :الوه ! الطرف الثاني بضحكه: اوه جود ! جود تفرك عيونها وتثاوب: اااهه بشاير ياهبله شعندك متصله بهذا الوقت؟ بشاير بضحكه: اسفه كنت بتصل على اخوي جواد لكن مادري شلون خربطت واتصلت عليك منجد اسفه! جود تثاوب: انتبهي مره ثانيه لأنك صحيتيني من احلى حلم! بشاير: هههه سوري ماكان قصدي ! جود سكرت بوجها وغمضت عيونها بمحاولة للنوم ! . . # تعريف بـ جود؛) مراهقه مهبوله عمرها 16 سنه , اخت اماني و راشد ..تكره الغرور والدلع ! مواصفاتها ؛ طويله شعرها طويل عيونها عسليه ..صوتها مبحوح ! . . بشاير اتصلت اكثر من مره على اخوها المبتعث لأمريكا لكنه مارد عليها ! استغربت بالعاده يرد عليها من ثاني رنه ! تنهدت: يالله عسى خير ! راحت شربت مويه وانسدحت وبيدها جوالها دخلت الانستغرام تتفرج على مقاطع احمد شريف ! . . في تمام الساعه الثامنة صباحاً ! صحى خالد من النوم ..اخذ له شور دافي وصلى الفجر ! بعد ماخلص صلاه فتح جواله وشاف سبع اتصالات من الجازي ! حس بالقلق واتصل عليها ..لكن لا مجيب ! اتصل اكثر من مره لكن مافيه أي جواب ! قرر يروح لها الشقه ..وفعلاً لبس الثوب وتعطر وطلع من الغرفه وينزل الدرج شاف اخوه سلمان و الجوري و زيد جالسين يفطرون : صباح الخير .. سلمان: صباح النور ..وين رايح بهالوقت؟ خالد بستعجال: عندي شغل مع واحد من اخوياي ! الجوري: زين مستر خالد ماتبي تفطر؟ خالد ابتسم: لا حبيبتي بفطر بره ..عليكم بالعافيه! الجوري: الله يعافيك ! . . طلع مسرع من البيت و ركب السياره وانطلق للعماره وكله قلق على الجازي ! هذه مو بس زوجته؟ هذه حبيبته وام لبنته او ولده..خوفه عليها شي جداً طبيعي ! . . وصل للعماره وعلى طول راح للغرفه دخل وصار يناديها لكن مال لقاها حتى بدورة المياه مو موجوده ! جن جنونه وطلع بره الغرفه وقفلها ونزل للرسبشن وسأل اذا كانت البنت الي بالغرفه رقم 22 طلعت من الغرفه ولا لا؟ المسؤول عن الكيمرات ..تفقد الكيمرات وفعلاً شافها وهي طالعه من الغرفه وضربت غرفه رقم 25 ! هنا كل الجنون صار في خالد ..مين هذا الرجال و وين راحت معاه ! طلع من العماره وقلبه يغلي من القهر ! مو عارف شيسوي ! يتصل عليها وماترد ! شالحل يالجازي ؟؟ كرر الأتصال للمره التاسعه ومافيه أي اجابه ! ضرب الدركسون بقهر: ااه يا جازي ليتني اعلنت زواجنا كان ما صار الي صار ! . . بالمستشفى؛) جلست من نومها وسمعت ضرب الباب ..عدلت الطرحه والنقاب وبهدوء: تفضل! دخل راشد بهدوء: صباح الخير الجازي: صباح النور .. راشد: اول شي الحمدالله على سلامتك وطلعت نتيجة التحليل! الجازي: الله يسلمك ومشكور على كل شي ؛) راشد يبتسم: العفو وهذا واجبي ..التحليل يقول ان فيك التهاب بالدم والتهاب بالمعده.. وكتب لك الدكتور على حبوب تاخذينه بعد الأكل ثلاث مرات باليوم ! الجازي: طيب اخوي متى راح اطلع من المستشفى؟ راشد: احين بقول لـ الدكتور يكتب لك خروج ! الجازي: يعطيك العافيه يا .. راشد ببتسامه: راشد بو ريم ! الجازي ابتسمت: الله يخليها لك! راشد: امين .. طلع بره الغرفه ..تنهدت الجازي واخذت جوالها وفتحته وشافت اخر التصال كان من خالد اتصلت عليه ..ومن اول رنه رد عليها : الجازي !! الجازي بتعب: صباح الخير خالد! خالد: أي خير أي بطيخ؟ وينك انتي ! الجازي بهدوء: بالمستشفى ..بالليل تعبت حيل واتصلت عليك فوق الخمس مرات لكنك مارديت علي ..رحت لغرفه من الغرف وماقصر الأخ راشد جابني للمستشفى ..يقولون فيني التهاب بالدم والمعده ! خالد تنهد: ماتشوفين شر ! الجازي: مايجيك يارب ! خالد: خلك بالمستشفى انا جايك وبشكر هذا الي اسمه راشد! الجازي: طيب حبيبي ! تنهد وسكر الجوال ويحمد ربه ان الجازي والي في بطنها بخير ! انطلق للمستشفى .. . . في بيت بو عمار؛) قبل اذان الظهر بربع ساعه ..كان النقاش جداً محتد بين ام عمار و زوجها ! : صدقني ان ماطلقتني بروح لبيت بو راشد وبقوله انك السبب في انتحار ولده بسام ! وانك طلعت اشاعة انه يتعاطى مخدرات وانه له علاقه مع شباب ! انت شنهو يا عثمان ماتخاف ربك؟ بو عمار : هه طلاق ماني مطلق واعلى مابخيلك اركبيه ! ام عمار : وليش ماتطلقني فهمني ! من حبك الزايد ولا شنهو يا عثمان ! انا خلاص كرهت حياتي معاك ! طلقني و ريحني! بو عمار : ماني مطلقك بخليك معلقه !ولا تبين اطلقك وتروحين تزوجين ! ام عمار بصدمه من تفكيره: بعد كل هالعمر اروح اتزوج؟ جنيت انت ولا جنيت ؟ بو عمار: وبعد كل هالعمر تطلبين الطلاق؟ ام عمار بكره: حياتي معاك جحيم! بو عمار : احترقي بالجحيم لين تموتين وطلاق ماني مطلق لو تبوسين رجولي! ام عمار : الله ياخذك يا مريض! بو عمار تجاهل دعوتها وطلع من غرفة النوم ومن البيت بكبره ! طبعاً كل كلامهم كانت تسمعه ابتهال !! بنتهم الوحيده ! الي كانت تعشق تراب وطت رجل بسام عليه ! اكبر منها بخمس سنوات لكن حبها له كان ماله حدود ! ولما سمعت انه انتحر ..بكت كثير وحاولت تنتحر لكنها مانجحت ! وهذه تعيش حياه مليئه بالذكريات والحنين لـ بسام ! الي صارله ثلاث سنوات منتحر ! . . تعريف في ابتهال؛) مراهقه جميله ..عمرها 18 سنه ..تدرس ثالث علمي ؛) مواصفاتها؛ طويله ..سمراء ..شعرها طويل وعيونها ناعسه ! . . في بيت بو طلال؛) صلت الظهر وبعدها شغلت الابتوب وفتحت الاسكايبي و راحت على اسم اخوها طلال .. رسلت له: مساء الخير ؛) خمس دقايق و رد عليها: يا هلا بالجوري مساء الورد ..اخبارك؟ الجوري ابتسمت وكتبت له: مشتاقين يالأمريكي! ضحك بخفه: الله عاد امريكي مره وحده؟ الجوري: ايه ابتعثت هناك وصرت امريكي ! ابتسم وكتب: لا يبه انا سعودي اصل وفصل! الجوري: والنعم بأخوي السعودي ..الا قولي ماتزوجت؟ ضحك بقوه وكتب: اتزوج؟ شنهو تبيني اتزوج من وراكم يعني؟ الجوري: عشان ا ذ ب ح ك ! بس قلت يمكن يعني تزوجت واحنا ماندري ! ابتسم وكتب: لا ياختي ماتزوجت ..اذا رجعت للسعوديه بقولك تدورين لي فارسة احلامي هههههه ! الجوري: تمام اتفقنا ..افتح الكام اشتقت لجمالك ! طلال: اوكى ! فتح الكام وصار يكلمها عش دقايق وبعدها قفل منها وهي راحت تطالع مسلسل تركي؛) . . تعريف بـ طلال؛) شاب وسيم ..اكبر عيال سلمان ..عمره 25 سنه يدرس بعثه بأمريكا ! مواصفاته؛ طويل ..اسمر ..شعره لرقبته ..عيونه عسليه ؛) . . في بيت بو انور؛) كانت النور مشتطه ..تستشور شعرها وحالتها حاله ..لأن بيت عمها بو مشاري جاين يتغدون عندهم ! ربع ساعه وخلصت من الاستشوار ..حطت لها مناكير وكحل و مرطب شفايف وتعطرت بعطرها المفضل  وكانت لابسه فستان ناعم؛)  ابتسمت برضا على شكلها ..وطلعت بره الغرفه وصادفت انور كان طالع من غرفته : الله الله شالحلا والزين؟ ابتسمت بحيا: عيونك الحلوه ..بيت عمي بوم شاري جاين يتغدون عندنا عشان كذا تجهزت قبل مايوصولون ! انور يغمز لها: فديتك ياختي والله قمر ..محظوظ مشاري فيك! نور صار وجها احمر وماردت عليه ونزلت الدرج و راحت المطبخ تشوف امها اذا تبي مساعده ولا شي! اما انور طاير من الفرحه لأن مشعل بيجي بيتهم! على فكره؟ مشعل ولد عم انور لكن ماكان بينهم الا سلام وسؤال عن الحال! لدرجة ان حتى وليد وبدر مايدرون ان انور ومشعل عيال عم ! فجاءه انور انعجب بشخصية مشعل وقرر يتقرب منه ويكون صاحب له ! . . في بيت بو مشاري؛) شعاع تناظر مشاري وامه تبخره: الله الله ياخوي وش هالحلا والزين؟ مشاري يبتسم: صدق شكلي حلو؟ شعاع تبتسم له:معرس ماشاء الله عليك! ام مشاري : الله يحرسك من العين يا ولدي! نزل مشعل من فوق وهو لابس؛)  : وانا يمه ماتبخريني ولا بس المعرس؟ ابتسمت امه: تعال حبيبي تعال ! راح وقف قدامها وصارت تبخره وتقرا عليه المعوذات وهو يبتسم؛) على الساعه 1:33م راحوا لبيت بو أنور؛) وبعد السلام والسؤال عن الحوال..الشغاله حطت الغداء بمساعدة نور ؛) طبعاً الرجال في المجلس ..والحريم بغرفة الطعام . . شعاع تناظر نور : ماشاء الله نور كل مره اشوفك فيها احسك اجمل من المر هالي قبلها! نور استحت و توردت خدودها: تسلمين عيونك الجميله! شعاع: ههه يا حلاتهم الي يستحون ! نور صار وجها احمر وماردت على كلام شعاع ؛) . . بعد الغداء ..غسلت الشغاله الأماعين؛) وام انور جهزت الشاي والقهوه وحلا اللوتس من صنع ايدين نور ! جلسوا بالحديقه بالجو الحلو ..يشربون شاهي ويتبادلون اطراف الحديث.. ام مشاري: ماشاء الله الجو اليوم حلو بعكس البارح غبار والسماء ماتنشاف! ام انور: ايه والله ..ميري المسكينه تعبت اليوم وهي تغسل الحديقه ! ام مشاري: ماعليه بالأخير بتاخذ فلوس مو ببلاش ! ام انور تشرب شاهي: وانتي الصادقه ياختي .. . . بجهة الرجال؛) مشاري رسل لنور يبغى يشوفها عن المراجيح!! وصلت لها الرساله وثواني وقامت من عندهم تسحب وراحت عند المراجيح وشافته جالس ..ابتسمت و راحت له : احم مساء الخير؛) التفت لها : مساء الحب يانوري القمر ! نور استحت وماقالت شي .. قرب لها وطبع بوسه خفيفه على خدها ..نور صار وجها احمر! ابتسم مشاري: تدرين اليوم سويت عشان امي ماتطبخ غداء؟ نور : شسويت؟ مشاري : احم اول شي استئذنت من المستشفى قبل اذان الظهر بنص ساعه و رحت البيت ورحت للممخزن واخذت كيس الرز وخبيته تحت سريري ! نور تنحت: مو منجدك ! مشاري يضحك: والله ! وقالت لي امي اروح اشتري رز لكن قلتها اني تعبان والمسكينه كلمت امك وهي منحرجه وقالت لها نبي رز ! عاد امك ماقصرت وعزمتنا على احلى غداء ! نور همست: مجنون ! كل هذا عشان تشوفني! مشاري: اخخ فديتك من حبي لك اسوي كل شي عشانك! نور ناظرته وبحب: الله يخليك لي! مشاري سحبها لحضنه : امين يانوري ! . . عند مشعل وانور ..جالسين يسولفون؛) مشعل: تدري عاد لو يدري بدر انك ولد عمي بينصدم ! انور ابتسم: اكيد راح ينصدم لأن ماعمره شافنا مع بعض ..علاقتي فيك مو قويه حيل ! مشعل يناظره: واحين؟ انور : احين راح اكون اخوك وصاحبك ونشبة حياتك! مشعل ضحك: احلى نشبه والله ! ابتسم انور بهدوء وماقال شي ؛) مشعل: اقولك شي؟ انور: قول؟ مشعل: عيونك حلوه ! انور بهبال: شفايفك حلوه ! مشعل يخزه: احلف بس؟ انور: ههههه امزح !! مشعل : مالت عليك الشرهه علي اتغزل بعيونك! ضحك انور وماقال شي! رن جوال مشعل وكان الوليد : ياهلا! الوليد: يا اهلين وسهلين ..اخبارك مشمشه؟ مشعل: مشمشه بعينك ..شتبي متصل؟ الوليد: اليوم فيه مباراه للهلال والنصر تروح معاي للمعلب؟ مشعل: لا ماني رايح انت ناسي ان بكره علينا اختبار؟ الوليد كشر: اوه صح تذكرت ..اجل بالمره الجايه مباراة الاهلي والشباب بنروح الملعب ! مشعل: يصير خير ! الوليد: زين انا بسكر الرصيد بيخلص! مشعل: طيب تشقلب ! . . انتهت المحادثه؛) و رجع يسولف مع انور ويتعرف عليه اكثر ! . . في العماره؛) الجازي : يا خالد انا خلاص مليت من هالوضع ! صح ماصارلنا مده من رجعنا من كندا ! لكن خلاص ابي الكل يعرف اني زوجتك على سنة الله و رسوله ! وبعدين انا ثلاث شهور واولد ..ابي الي في بطني يعرف ان عنده عمام واهل ! خالد تنهد: طيب ولا يهمك بأقرب فرصه بقول لأخوي سلمان عنك ! صدقيني ماراح تولدين الا والكل عارف انك زوجتي ! الجازي تتنهد: لو كانوا اهلي الله يرحمهم عايشين ماكان رضوا بزواج السر ! خالد: حبيبتي اوعدك خلال هاليومين بقول لسلمان عنك ! الجازي: اتمنى ياخالد تكون قد وعدك لي ! . . في الولايات الأمريكية .. كان طالع من المطعم ..وكان يمشي وفيه سياره مسرعه كانت راح تصدمه لولا البنت الي دزته بكل قوتها وطاح بالأرض وطاحت فوقه ! قامت عنه بحراج : ايم سوري ! طالعها بفهاوه ..تنح على شكلها وجمالها !  كانت لابسه كذا وكانت ملامحها مثل هذه بالضبط! ابتسمت له ومدت يدها : جوليان ! مد يده لها بفهاوه: طلال ! . . "جوليان , شابه جميله عمرها 22سنه امها امريكية وابوها سعودي ..مرتبطه بواحد معاها بالجامعه اسمه جاك.. مواصفاتها؛ طويله وبيضاء وشعرها اشقر وعيونها زرقاء .." . . رن موبايلها وردت : هلو جاك ! مشت عن طلال وهي تكلم جاك ؛) مشت عن طلال وعيون طلال تلاحقها وخاق على شكلها! همس: صاروخ والله صاروخ !! . . نرجع لسعوديتنا الحبيبة؛) كان جالس بغرفته يذاكر ..رن تيلفون غرفته رد:الو ..هلا وعليكم السلام , بشاير ؟ مادري والله ثواني اروح اشوفها! طلع بره غرفته وراح ضرب باب غرفة بشاير ..فتحت له الباب: ها شتبي؟ بدر يرفع حاجب: وحده بالتيلفون تبيك ! بشاير: اوه طيب ! راحت غرفته ردت : الوه .. هلا ميشو اخبارك؟ دوم ي رب وانا بخير ..شعندك ماتصلتي على الجوال ؟ اها اجل رصيدك مخلص ..طيب كان رسلتي واتس ..اوه بعد الاشتراك مخلص ههههه حالتك صعبه والله ..ايه شتبين؟ هاه ؟ مو منجدك !!! مشاعل: الا منجدي ..تجين معنا انا و رغيد ولا لا؟؟؟ بشاير : الا والله معاكم ! مشاعل: حلو اجل بكره تجون تنامون عندي والخميس بنروح المدرسه ! بشاير بحماس: تمام ! مشاعل: زين اخليك بكمل مذاكرة العلوم بشاير: اوكى بتوفيق حبيبتي ! "انتهت المحادثه" .. و رجعت بشاير لغرفتها وتحس بحماس لمدرسة الشباب ! . . باليوم الثاني ..يوم الأربعاء؛) كانت بطلتنا الجوري رايحه للمدرسه مبكر على غير العاده .. دخلت للمدرسه ..شافت حارس المدرسه بو شهيد يسقي الزرع ! ابتسمت: وه ياحليله .. قالت بصوت عالي: يعطيك العافيه عمي! بو شهيد: الله يعافيك يابنتي! . . راحت الجوري للفصل..فسخت عبايتها وجلست على الكرسي وطلعت كتاب علم النفس تراجع للأختبار الحصه الرابعه ! . . في شركة بو طلال ! الساعه سبع و ربع ! مجمع كل الرجال عنده بالمكتب ! يناظرهم كلهم وبحده: الملف الأسود مختفي ..ابي تفسير لأختفائه ! طبعاً مابتطلع له جنحان ويطير ! حامد: يا طويل العمر انت اخر مره وين كنت حاطه ! بو طلال: في مكتبي !! حامد: طيب طال عمرك دورته عدل ! بو طلال: عفست المكتب كله ومالقيته ..مو معقوله شلون اختفى ! بو عمار : هالملف وايد مهم؟ بوطلال: جداً مهم ! بو عمار: زين طال عمرك انت مو شاك بأحد ماخذ الملف؟ بو طلال: لا ! انا بالشركه مالي اعداء وماتوقع ان فيه احد من خارج الشركه دخل وسرق الملف ! حامد: طيب ياطويل العمر ماعندك نسخ للأوراق الي بالملف؟ بو طلال: للأسف لا ! حامد: طيب شراح نسوي احين؟ بو طلال: والله مادري ! لكن ان عرفت اليم اخذ الملف ماراح يشوف مني خير ابد ! حامد: ان شاء الله تلقاه يا طويل العمر! بوطلال: ان شاء الله..يالله كل واحد يرجع لمكتبه ! . . سمعوا كلامه و رجعوا لمكاتبهم ! وبوطلال عفس مكتبه للمره الثانيه يدور عن الملف ! . . في مطبخ الشركه!! صور الملف و رسله واتس " الملف صار بيدي يا سيدي "! ثواني وجاه الرد " الألفين صاروا بحسابك يا بطل" ! . . ابتسم بخبث وباس الملف وخباه عدل ! . . انتهى البارت الخامس؛) توقعاتكم؟ اختكم: عاشقة الليل 2016م  | |
  تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر"   |
|
23-04-2016, 01:25 AM
| #16 | |
 
| سلمت أناملك على روعة النقل يعطيك العافيه تسلم يدينك مع كل التقدير لرقي طرحك والله لا يحرمنا من إبداعك تحيتي والورد | |
  |
|
23-04-2016, 08:41 PM
| #17 | |
| سلمت أناملك الذهبية عالطرح الرائع الذي أنار صفحات المنتدى بكل ماهو جديد لك مني أرق وأجمل التحايا على هذا التألق والأبداع والذي هو حليفك دوما" أن شاء الله  | |
  الجوري ربي يحفظك ياعمري |
|
24-04-2016, 12:36 AM
| #18 | |
| كل الشكر لكم على مروركم الرائع لمتصفحي لا عدمت تواجدكم العطر مودتي لكم  | |
| تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر" |
|
25-04-2016, 12:57 AM
| #19 | |
| # البارت السادس؛) . . بمدرسة البنات الثنويه؛) ضرب جرس الفرصه ..وكل البنات طلعوا يتفسحون .. شافت الجود جالسه تشرب عصير برتغال ..راحت لها : صباح الخير ! الجود ببتسامه: هلا صباح النور بهلوله ! ابتهال تخزها: اسمي ابتهال ! الجود تضحك: شسوي من صغري تعودت اقولك بهلوله واخوي بسام الله يرحمه يسميك ام الهول ..ههههه ! تنهدت ابتهال من طاري بسام: الله يرحمه ..جود حبيبتي ابيك بموضوع ! جود بهتمام: شنهو الموضوع؟ ابتهال: ماينفع اقولك هنا ! لازم اجي معاك بيتكم واقولك الموضوع انتي وعمي وامك ! جود: اوه شكله موضوع خطير ! ابتهال: حيل خطير يا جود ! جود: عسى خير ! ابتهال" للأسف مو خير يا جود ابد مو خير" !! .. جات طالبه من اول ثنوي : جود استاذه لطيفه تبيك! جود كشرت: خير ان شاء الله ..اخلص العصير واروح لها ! الطالبه: اوكى! ابتهال: شكلك مسويه مصيبه ! جود: ابد لا مصيبه ولا شي بس يمكن لأني غبت يوم الاثنين وكان علينا اختبار! ابتهال: اها! خلصت جود العصير و راحت لغرفة المدرسات : السلام عليكم ! المدرسات: وعليكم السلام ! جود: احم استاذه فيه بنت قالت انك تبيني ! استاذه لطيفه: ايه ..يوم الاثنين شعندك غايبه؟؟ جود: بصراحه كنت رايحه المستشفى لأسناني ! استاذه لطيفه: طيب جبتي ورقه من المستشفى؟؟ جود: احم لا والله راح عن بالي! استاذه لطيفه: اجل اختبارك انسيه ! ماراح اعيده لك! جود: بس يا استاذه انا .. استاذه لطيفه تقاطعها: انتهى كلامي معاك! تأففت جود وطلعت من الغرفه وهي تتحلطم وخاطرها تصفق هالمدرسه ! . . عند جوري ونور وبشاير .. قالت لهم نور الي سواه مشاري عشان يشوفها! الجوري تضحك: هههههه لا بصراحه هذا مشاري جداً فضيع! نور بحب: فديته الله يخليه لي...تخيلي قالي انه بشهر العسل بنروح ثلاث ايام مكه وثلاث ايام المدينه وبعدها بنروح تركيا! بشاير: اوه حركات اجل بتشوفين نور ومهند والكوسوفي! نور : ماهموني ابد الي يهمني اني بكون معاه حتى لو بكوخ صغير ! الجوري: ههههههه ماقدر على الحب يا ناس ! نور : احبه والله احبه ! الجوري تبتسم: الله يخليكم لبعض! نور: امين يارب ؛)! . . في بيت بو نايف؛) جالس بالحديقه ويناظر صور ريماس وقلبه متوجع ! رن موبايله ..رد: الوه ! بدلع : الوه هذا موبايل هنادي؟ نايف: لا ! بمياعه: اوه طيب سوري شكلي غلطت مره ثانيه! . . قفل بوجها بدون مايرد عليها! اما هي؟ تكلم نفسها" هين يا نايف ان ماجبت راسك ما أكون انا اشواق"! اتصلت على واحد من الي تعرفهم : هلا احمد قولي شصار على موضوع فبركة صور ريماس ؟ اهمم حلو حلو ..اليوم بالليل ابي الصور توصل لنايف ماشي؟ اكيد ماراح انساك بالحلاوه يا حلو انت ! اوك باي باي ! "انتهت المحادثه" ابتسمت بشر: صورك يا ريماسوه بتنتشر والكل بيشوفك وانتي بقبرك هه ! "أشواق ؛ بنت جيران نايف ..جميله جداً ..لكنها حقيره وماتخاف الله ! انانيه وتحب كل شي يكون ملك لها لوحدها ! عمرها 21 سنه ..تكره ريماس بالحيل ! مغروره وشايفه نفسها !! مواصفاتها؛ طويله ..بيضاء ..شعرها طويل وعيونها بني فاتح ؛) . . الساعه وحده وربع الظهر ؛) انتهى الدوام المدرسي وكل الطالبات ركبوا الباص .. اول وحده وصلت الجوري وبعدها باقي الطالبات ..اخر وحده كانت بشاير ! وحظرتها كانت نايمه .. تورط السواق ماعرف شيسوي ..نزل من الباص وضرب جرس بيتهم ! فتحت له الشغاله .. السواق: السلام عليكم ؛) الشغاله: وأليكم السلام! السواق: فيه بنت من هذا بيت نايمه في باص ! الشغاله: انتا شنو يبي؟ السواق: روحي جلسيها ! راحت الشغاله الباص وجلست بشاير: بشاير ماما بشاير ! بشاير فتحت عيونها بنعس وناظرت المكان مو مستوعبه! اشوي اشوي استوعبت وفزت من مكانها: انتي شتسوين هنا؟ الشغاله: هذا واحد يقول جلس انتي من نوم داخل باص! بشاير شهقت : اويلي اكيد السواق يا فشيلتك يا بشاير!! الشغاله: انتا شنهو يقول؟ بشاير: ولاشي! خذت شنطتها ونزلت من الباص مع الشغاله ومتفشله من السواق ! السواق ركب الباص وحرك لبيتهم وميت من الجوع ! . . بشاير دخلت البيت وعلى طول على غرفتها رمت الشنطه بهمال وفسخت عبايتها وانسدحت نامت بدون ماتغير المريول ولا حتى صلت !! . . في بيت بو راشد؛) دخلت ابتهال البيت مع جود ..سلمت على ام راشد ! وصعدوا لغرفة جود ..وغيروا المريول ولبست ابتهال من ملابس جود! مع انها اصغر منها لكن ملابسها تكفيها! جود؛)  ابتهال؛)  توضوا وصلوا ..وبعدها نزلوا تحت ؛) طبعاً ابتهال مالبست العبايه لأن بسام متوفي ! واخوه راشد بالعماره مع زوجته وبنته ! بو راشد: حي الله ابتهال الحلوه ! ابتهال ببتسامه حلوه: الله يحيك عمي ..شلونك؟ بو راشد: الحمدالله بخير ! ابتهال: عسى دوم ياعمي ؛) ام راشد : ها يابنات صليتوا؟ جود: ايه يمه .. ام راشد: زين يالله تعالوا تغدوا ! ابتهال: عاد من زمان عن طباخك يا خالتي ! ام راشد: عاد انتوا الي قطعتونا ! بالأول كنا كل جمعه نجتمع على حياة امي الله يرحمها لكن توفت وانقطعنا عن بعض! ابتهال: يالله ان شاء الله ترجع الأيام الحلوه قريب ! بو راشد: الله كريم ؛) . . سكتوا عن الكلام وابتدوا في الأكل؛) وبعد الأكل ..جلسوا يشربون شاي .. ابتهال بتردد: خالتي ..عمي ..جود ابيكم بموضوع ! ام راشد: خير يا بنتي ! ابتهال بضيق: للأسف مو خير يا خالتي ! جود: عسى ماشر؟ ابتهال بهدوء : امس بالصدفه سمعت امي وابوي يتناقشون ومن كلامهم عرفت ان ابوي الله لا يسامحه هو السبب في انتحار بسام ! ام راشد بصدمه: شنهو؟؟ ابتهال: ايه والله ..انا حيل متفشله ان هذا ابوي ! تبلى على بسام وطلع اشاعه انه مدمن مخدرات وانه له علاقات مع شباب وكل هذا اصلاً كذب! بو راشد مصدوم معقوله اخوه الوحيد يسوي كذا !! ام راشد: والسبب؟؟؟؟ ابتهال : هه عشان ابوي خطب لما خطبك يا خالتي انتي رفضتيه وقبلتي بأخوه الي من ابوه ! بو راشد: لهدرجه ابوك حاقد ومانسى !! ابتهال بحزن: ياعمي تكفى ابيك تدعي لبسام بالرحمه والمغفره هو انتحر بسبب معاملتك له وضربك له وحبسك له بالغرفه ! هو خسر دنيته قبل اخرته ! تكفى ادعي له !وياليت تروح الشرطه وتبلغ عن ابوي ! اصلا وجوده خطر علينا ! امي طلبت الطلاق لكن رفض يبيها معلقه ! ام راشد: لا حول ولا قوة الا بالله ..الله يهديه ! بو راشد:ماني مستوعب اخوي الوحيد يسوي فيني كذا! ابتهال: ياعمي انا بعد مصدومه ومتفشله حيل منه ..ليته مات بالحادث قبل خمس سنوات ولا انه سوى سوته الشينه! ام راشد: لا تكلمين عنه كذا هو مهما كان ابوك ! ابتهال: مايشرفني والله ..! بو راشد: انا ماراح اسكت لازم ابلغ عنه الشرطه! ابتهال: ايه ياعمي لاتسكت له !! ياخوفي بعدين يسوي اشياء اكبر واكبر ! بو راشد: انا احين رايح للشرطه وببلغ عنه ! لكن للأسف ماعندي اثبات ! لكن مستعد احلف لهم على المصحف الشريف ان كلامي كله صدق! ام راشد: روح يا بو راشد روح ..هالسالفه مو لازم تمر كذا ..اخوك لازم يعفن بالسجن! جود: هه هذا قدره والله ! ابتهال متفشله حيل ان هذا ابوها ! . . في بيت بو طلال؛) جالسه متملله ..من الزود الملل راحت لبست فستان من فساتينها القديمه!  حطت لها مناكير ذهبي و روج وردي وكحل اسود ومسكره .. وتعطرت وابتسمت برضا على شكلها ! طلعت من الغرفه و راحت للصاله وكان موجود ابوها مع خالد ! :سلام ! بو طلال وخالد: وعليكم السلام ! بوطلال: شهالحلا يابنتي؟ ابتسمت بخجل: طفشانه وحبيتا غير ملابسي واكشخ شوي ! خالد بضحكه: ياليت كل يوم تطفشين عشان نشوف هالزين الي مخبيته ! الجوري: احم طيب خالد شرايك تاخذني الاستيديو اصور؟ خالد يرفع حاجب:حلفي؟ الجوري: والله ! انت فاضي ماوراك شي؟؟ خالد: طيب ياهبله روحي لبسي عباتك وانا بنتظرك بسيارتي ! الجوري: وه فديتك احلى عم والله! راحت لغرفتها لبست عبايتها وخالد ..ينتظرها بالسياره ! خمس دقايق و ركبت السياره وانطلق خالد للأستديو؛) ! . . في بيت ياسمين؛) جالسه بغرفتها ..انضرب الباب ..كانت امها ! ياسمين: تفضل ! دخلت ام ياسمين: حبيبتي ابيك بموضوع ! ياسمين: خير يمه؟ ام ياسمين تنهدت: جاسم الي تقدم لك من اسبوع ! ياسمين كشرت من طاريه: شفيه؟ ام ياسمين: اتصلت اخته ومتفشله تقول ان خلاص مايبيك زوجه له ! ياسمين بدون اهتمام: ابركها من ساعه وانا مابيه زوج لي ! ام ياسمين: ماعليه يابنتي يجيك الي احسن منه ويحطك بعيونه ! ياسمين: خير ان شاء الله ! وبحاطرها" انا غير الوليد مابي !!" ام ياسمين: زين قررتي تروحين تتعالجين ؟ ياسمين: ايه يمه ..لكن مو احين بعد مايخلص ياسر من اختباراته بالجامعه ! ام ياسمين: زين حبيبتي اهم شي انك تتعالجين احين ولا بعد سنه ! ياسمين هزت راسها وماقالت شي! طلعت ام ياسمين من الغرفه ..وياسمين رسلت لوليد "حبيبي انا قررت اتعالج بعد مايخلص ياسر من اختبارات الجامعه" ! دقايق و وصلها رد الوليد " خبر حلو والله !" . . ابتسمت و رسلت له: احبك وليدي! رسل لها: وليدك يعشق تراب وطت رجلك عليه! باست كلامه ..ورسلت له"ينباس كلامك حبيبي" رسل لها قلب .. تنهدت: ياربي اكتب وليد من نصيبي ..انا من دونه مالي حياه والله! . . في الأستديو ؛) صورت الجوري اكثر من صوره ..وكل صوره احلى من الثانيه .. الجوري: يعطيك العافيه متى راح تطلع الصور؟ المصوره: بعد اسبوع ! الجوري: طيب مشكوره ! المصوره: عفواً .. طلعت الجوري وركبت السياره :خالد حبيبي تكفى ابي باسكن روبنز ! خالد: اوكى !! حرك السياره و وقف عند باسكن وشرى له على كافي ولجوري على توفي كالعاده ! رجع السياره وحرك للبيت .. . . في بيت بو مشاري؛) كان جالس طفشان ..من الطفش صمم توقيع وصوره رمزيه بأسم"الجوري" .. ونزل موضوع "اهداء لعضوتنا النشيطه الجوري" .. وحط الموضوع بالتنبيهات .. بعدها طلع من المنتدى وسكر الابتوب ..وشغل التكيف واتمدد على السرير وغمض عيونه بمحاوله للنوم ! . . عند نور ؟ جالسه تطالع فلم هندي والبطل بالنهايه انتحر ! انقهرت وجلست تبكي ! سمعت صوت بكائها امها : اسم الله عليك حبيبتي شفيك؟ نور بقهر: البطل انتحر يمه !! ام انور: البطل؟ يالله انك تخلف على بنتي ! نور تبوز: مسكينه البطله ! ام انور عطتها نظره : اقول قومي قطعي البطاطس والجزر للباستا! نور: طيب ! طلعت ام انور من الغرفه ودقايق ولحقتها نور للمطبخ وقشرت البطاطس وقطعته .. . . في امريكا؛) جالس بالشقه لحاله وياكل اندومي !! ضرب باب الشقه ..راح فتح الباب كانت بنت بالعشرين من عمرها وبيدها طفله ! ناظرها بستغراب: yes؟ البنت تناظره وبالانجليزي: هل انت جواد؟ جواد : !!yes البنت بالانجليزي:انا ميرا شقيقة كاميلا ! جواد كشر : حسناً ؟؟ ميرا : شقيقتي توفت وهي تلد الطفله روز ! وقد عرفت مسبقاً انك والد هذه الطفله ! جواد بأنكار: هذا ليس صحيح ! ميرا: بل صحيح ! لا تنكر زواجكما ! ثم ان شقيقتي توفت وتركت هذه الطفله وانا سأتزوج قريباً و زوجي لن يقبل ان تربى هذه الطفله بين يدي ! ارجوك اعتني بها ! جواد يناظر روز ومتردد ! ميرا: ارجوك يا سيد انها طفله عمرها اسبوعان فقط ! جواد تنهد : حسناً سوف افعل تحليل الـ dna وسوف اتأكد ان كانت طفلتي ام طفلة رجل اخر ! ميرا: حسناً..ارجوك اعتني بها جيداً وانا بين كل فتره سوف أأتي لزيارتها ! جواد: هذا جيد ! ميرا مدت له روز ..وشنطه صغيره فيها ملابس لها وحفايظ! وعطته رقمها : ارجوك حينما يطرئ شي ما ..اتصل علي فوراً ! جواد: حسناً ! . . طلعت ميرا من الشقه..وجواد يناظر روز مو مستوعب انها بنته ! وتذكر لما اغتصب كاميلا بدون وعي منه كان سكران ! لكن عدل غلطته وتزوجها ! لكن اكتشف انها تخونه ..وطلقها على طول ! هل ياترى روز بنته او بنت رجال ثاني؟؟ . . نرجع لسعوديتنا الحبيبه" بالليل بعد العشاء ..الساعه العاشره مساءً! خالد يناظر بو طلال والجوري و زيد وبتردد: ياخوي..بقولكم موضوع ! بو طلال:خير ان شاء الله؟ خالد : انا ياخوي...تزوجت على سنة الله و رسوله ! بو طلال بصدمه: ايش؟؟ خالد يبلع ريقه: تزوجت بكندا ! الجوري تشهق: تزوجت كنديه؟ خالد: لا ! سعوديه واعرف اخوها كان صاحبي وتوفى ! بوطلال: الله يرحمه ..زوجتك وينها؟ خالد: بعماره من العمارات ! زوجتي من سنه ونص ! وهي حامل وبعد ثلاث شهور بتولد ! بوطلال: الله من سنه ونص وتوك تكلم؟ خالد: خفت اقولك وتعصب !! بوطلال تنهد: كان ودنا نفرح بزواجك ! لكن دامك اخترتها بنفسك وتزوجتها ! خلاص الله يهنيكم ! خالد ابتسم: مو زعلان؟ بوطلال: لا والله بما انها اخت صاحبك وسعوديه ..وتحبها وتبيها وحامل منك ! ليه ازعل بعد؟ هذه حياتك ودامك ماغلطت انا مو زعلان ابد ! خالد : الله يخليك لي ياخوي! بوطلال: امين ياخوي ! زين مو ناوي تعرفنا عليها؟ خالد فز: اروح اجيبها؟ بوطلال ضحك: روح ! الجوري: تكفى خذني معاك بشوفها ! خالد : لا بروح اجيبها واجي !! بوطلال: زين تركد وانت تسوق السياره ! خالد : ان شاء الله ! .. طلع من البيت وهو مبسوط وكأن هم وانزاح من صدره ! والجوري حيل متحمسه لـ زوجة خالد ..الجازي؛) .. بعد ربع ساعه؟ دخل خالد لبيت اخوه وايده بأيد الجازي .. دخل الصاله وببتسامه: السلام عليكم! بوطلال: هلا وعليكم السلام ! الجوري قامت تناظر الجازي بتناحه ! الجازي ابتسمت : الجوري .. الجوري شهقت واندفعت تحضنها بقوه : ماني مصدقه !! انتي بنت خال نور ! الجازي ابتسمت : ايه ماشاء الله عليك ذاكرت قويه مانسيتيني ! الجوري : واحد ينساك وينسى لطفاتك ؟ خالد: تعرفون بعض؟ الجوري بحماس:هذه بنت خال صديقتي نور ! بو طلال: ماشاء الله الدنيا فعلاً صغيره! الجوري تمسك يد الجازي: تعالي بوريك غرفتي وغرفة خالد! الجازي تبتسم: اوكى ! .. صعدوا لـ الطابق الثاني و ورتها الغرف! غرفة خالد  غرفة الجوري  الجازي بعجاب:ماشاء الله غرفتك وايد حلوه ! الجوري : عاد تصدقين هذا ذوق ابوي مو ذوقي ! الجازي: ماشاء الله ذوقه حلو ! الجوري: الله يخليه لي ! .. نزلوا لـ الصاله ؛) وجلسوا يسولفون ؛) والجازي مبسوطه لأن خالد قال لأخوه عن زواجهم ! وخالد مبسوط لأن زوجته مبسوطه ! .. بو طلال يوقف: بروح انام ..تصبحون على خير! الجازي والجوري: وانت من اهل الخير! خالد يناظرهم: انا بعد نعست ..يالله الجازي تعالي ننام! الجوري: لا خالد تكفى خلها معاي ! من زمان عنها اشتقت لها ولسوالفها الحلوه! الجازي ببتسامه: حبيبتي انتي لاحقين على السوالف! الجوري: اوه طيب انا زعلت ! الجازي: افا؟ خلاص بجلس معاك ربع ساعه كل شي ولا زعل الجوري! الجوري تبتسم: فديتك يا حظ خالد فيك! خالد: انا الي فديتها والله! تصبحون على خير! الجازي: وانت من اهل الخير .. صعد خالد لغرفته ..فصخ تيشرته وانسدح ينام ..اما الجازي والجوري جلسوا يسولفون ؛) . . باليوم الثاني؟" يوم الخميس" .. جلست مشاعل من النوم وتروشت وصلت الفجر و راحت تسحبت لغرفة مشعل وكان نايم ! فتحت دولابه بشويش وطلعت لها ثوب وطلعت من غرفته وطارت لغرفتها .. حطت الثوب في شنطتها ومتحمسه لمدرسة الأولاد ! .. نفس الشي سوته بشاير اخذت ثوب من اثواب بدر ! و رغد اخذت ثوب من اثواب الوليد ! .. على الساعه 6:30 ص طلعت مشاعل مع مشعل ..بيروحون المدرسه ! شغل اغنية " خميس ومالي خلق ازعل مهما تستفزوني .."! وقف عند مدرسة مشاعل ..نزلت وهو حرك لمدرسته ! راحت لورا المدرسه وشافت بشاير و رغد ! : يا خايسات ليه ماجيتوا نمتوا عندي؟؟ بشاير: امي مارضت ! رغد: احم نسيت ماقلت لأمي ! مشاعل: مالت عليكم ..يالله تعالوا ! بشاير: وين ؟؟ مشاعل: نشوف لنا مكان نفسخ المرايل ونلبس الثوب ونروح للمدرسه! بشاير: واو حماس ! مشاعل : لحقوني؟؟ راحت لمكان صاد ..ماحد يشوفهم وفسخت عباتها ومدتها لرغد تغطيها ! وفسخت مشاعل المريول ولبست الثوب وكانت حاطه المشد من قبل على صدرها! ونفس الشي سواه رغد وبشاير ! وطقوا اللثمه ؛) ! حطوا مرايلهم بالشنط ..وخبوا الشنط بهالمكان !!! و راحوا لـ مدرسة الاولاد الثنويه مشي ! رغد: تخيلوا يعرفونا مشعل و وليد وبدر؟ مشاعل: ماراح يعرفونا !! وعلى فكره انا اسمي مشاري ! بشاير: انا بشار ! رغد: وانا شنهو اسمي؟؟؟ مشاعل: مهند ! رغد: اوك حلو!! .. وصلوا المدرسه ودخلوا ..وكانوا صافين طابور ! بشاير: وه شنسوي؟ مشاعل: تعالوا نصف معاهم ! رغد: سلامات حلفي؟؟ مشاعل: والله !! بشاير: لا ياهبله ! تعالي نتمشى بالمدرسه !! مشاعل: اوك !! .. راحوا يتمشون... رغد: وه بنات ماتشمون ريحة دخان؟؟ بشاير: الا كأني اشم ! مشاعل : ايه وانا بعد! .. مشاعل طاحت عيونها على الي يدخن وشهقت بقوه !! رغد: بسم الله ياهبله شفيك !! مشاعل متنحه مو مستوعبه ..!! .. انتهى البارت السادس؛) توقعاتكم؟ اختكم؛أنفاس غاليها  2016م | |
| تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر" |
|
26-04-2016, 12:46 AM
| #20 | |
| # البارت السابع؛) .. مشاعل متنحه مو مستوعبه الي تشوفه ! بشاير تدقها: هيه ياهبله شفيك؟؟ مشاعل تأشر على مشعل: تشوفون الي انا اشوفه؟ بشاير و رغد ناظروا للمكان الي تأشر عليه وشهقوا بقوه ! رغد: مشعل!! بشاير: لا ماصدق ..من متى اخوك يدخن؟؟ مشاعل: مادري ..اقول لأبوي ومشاري ولا لا؟؟ بشاير : طبعاً لا يا هبله !! اذا قلتي لهم بيعرف مشعل انك جيتي للمدرسه وشفتيه ! ولا كيف بتعرفين انه يدخن !! مشاعل: عادي اقولهم اني شفت سجاير بغرفة نومه ! رغد: لا ياهبله خلاص انسي الي شفتيه وخلينا نروح نكتشف المدرسه! مشاعل تتنهد: اوك ! راحوا الثلاثي يكتشفون المدرسه ومشعل بعد ماخلص السجاره رماها وداس عليها وطلع عطر من جيبه تعطر و صعد للفصل ودخل .. الاستاذ: وين كنت ؟ مشعل بكذب: بدورة المياه وانت بكرامه ! الاستاذ: زين اجلس مكانك وثاني مره لا تتأخر على الحصه ! مشعل: ان شاء الله .. راح جلس جنب الوليد .. الوليد داخ من ريحته: اويلي ! كنت تدخن بدوني؟؟ مشعل ابتسم وماعلق .. الوليد: ريحة عطرك تدوخ شسمها؟ مشعل همس: جادور ! الوليد: ايش جدار؟؟ مشعل: جدار تصقع راسك المصدي فيه ! اقولك جادور يامال الجدري ! بدر كان وراهم سمع كلام مشعل وفطس ضحك ! الوليد: اسم الله علي يا كلب لا تدعي كذا ! مشعل: كل تبن ! .. طلع مشعل كتاب الرياضيات وجلس يشخبط في الكتاب .. .. في مدرسة البنات الثنوية؛) الجوري تسولف مع نور بالكتابه على الورق " اقولك ماصدقت عيوني لما شفتها شهقت بقوه وحضنتها ! " نور " جد؟ الجازي بنت خالي زوجة عمك خالد وحامل بعد؟" الجوري" ايه والله ..وخالد ميت فيها! " نور" اشتقت لها هالوصخه بجي بيتكم ابي اشوفها !" الجوري" حياك الله تعالي بكره لأن اليوم بنشغل بذاكر تاريخ" نور" اوكى..خلاص لا تكتبين شي خل نركز شوي بالشرح " الجوري"شرح فاشل " نور ضحكت بخفه ..وصاروا يستممعون لشرح الجغرافيا! .. في مدرسة البنات المتوسطة؛) سميه بستغراب: يابنت ! مشاعل و رغد ليه غايبين؟ وعد: الهبالات رايحين مدرسة الشباب الثنويه! سميه شهقت بقوه: حلفي! وعد: ايه والله حاولت امنع رغيد الهبله لكن تعرفينها تمشي ورا مشاعل بالشينه قبل الحلوه! سميه: الله يهديهم عسى ماينفضحون ! وعد:لا ان شاء الله ماحد يعرف انهم بنات ..الا اقول حليتي واجب العلوم؟ سميه: ايه وانتي؟ وعد: والله نسيت ..هاتي بحله منك ! سميه تطلع الدفتر وتمده لها ..اخذته وصارت تحل الواجب ؛) .. طبعاً كانوا بحصة انتظار ..مدرسة الانجليزي غايبه ! . . في الولايات الأمريكية المتحدة .. كانت روز بس تبكي مو راضيه تنام !! جواد يهزها بضجر: هيه يابنت خلاص سكتي !!! روز متواصله في البكي! تأفف ..طلع جواله واتصل على ميرا ! ميرا بصوت نعسان: helo جواد بالانجليزي: روز لا تتوقف عن البكاء !! ميرا تتثاوب: لابد انها جائعه ! جواد: قد شربت الحليب ! ميرا: هل غيرت الحفاظ؟؟؟ جواد: ماذا؟؟ لا لم اقم بذلك! ميرا: ياللهي !! ماذا تنتظر هيا قم وبدل حفاظها! جواد بقرف: حسناً !! .. "انتهت المحادثه" .. ميرا رجعت للنوم اما جواد فسخ روز فستانها الوردي وغير حفاظتها وكانت ريحتها جداً كريهه !! .. تعريف بـ جواد؛) شاب جميل عمره 26 سنه يدرس في امريكا ..شقيق انور ونور ..عصبي ويكره الأنتظار !! مواصفاته؛ طويل , اسمر , عيونه عسليه , صوته جوهري ! . . بعد ماغير لها الحفاظ ..صار ينزها واخيراً هدت ونامت ! وهو كذلك نام بعد مافرش اسنانه ! ويفكر بالأيام الجايه مع روز ! .. نرجع لـ سعوديتنا الحبيبة تحديداً في الرياض في بيت بو طلال" كانت جالسه تتفرج على الـ t.v رن موبايلها ..كتمت صوت الـ t.v و ردت : هلا ! خالد: يا أهلين ..الجازي حبيبي جهزي نفسك بعد صلاة الظهر ! اخواني بيجون البيت يتغدون معانا وبالمره يتعرفون عليك! الجازي بستغراب: عندك اخوان غير بو طلال؟ خالد: ايه حبيبتي عندي !! وابيك بعد صلاة الظهر تجهزين نفسك مابي يشوفونك بشكل عادي بأول لقاء بينكم ..فاهمتني حبيبتي؟ الجازي: ان شاء الله حبيبي الي تبيه راح يصير ! خالد: يا فديتك والله ! ابتسمت الجازي .."انتهت المحادثه " وكملت الجازي مشاهدة المسلسل التركي .. ,, في مدرسة الشباب الثنوية" ضرب جرس الفسحه ..كل الطلاب طلعوا من فصولهم ! بالمقصف؟ مشعل وانور و الوليد وبدر ..اشتروا لهم الي يبغون و راحوا ورا المدرسه ياكلون ! بدر يناظر مشعل و انور: بصراحه انتوا اغرب اولاد عم ! مشعل: ليه؟؟ بدر: مابينكم أي كلام وتواصل ! فجاءه بدون مقدمات يطلب انور انه يتعرف عليك ويكون صاحبك ! ابتسم مشعل: ماعليك تحصل في ارقى العوائل! بدر: خير ان شاء الله! الوليد: انور انت ماعندك اصحاب؟ انور تذكر بسام وتوجع قلبه ..تنهد: لا ! الوليد: غريب ! عمرك 18 سنه وماعندك اصحاب ! ابتسم انور بهدوء وما قال شي ! مشعل يربت على كتف انور: ماعليك ياولد العم احين صرنا اصحاب ومايفرقنا الا الموت ! انور : الله يخليكم لي ! مشعل: امين ياولد عمي ! ,, مشاعل و بشاير و رغد قربوا منهم وبجراءة ! : السلام عليكم ! مشعل: ياهلا وعليكم السلام ! مشاعل: نبي نتعرف يالمزيون ! مشعل يعقد حواجبه: تتعرفون؟ ليه انتم مو معنا بالمدرسه؟ بشاير ترقع : احنا طلاب جدد بفصل ثاني ادبي! مشعل يناظر انور: معاك بالفصل؟ انور بستغراب : لا ! مشعل: مين انتم ؟؟ مشاعل: انا مشاري وهذا خويي بشار وهذا مهند ! مشعل: تشرفنا! انا مشعل وهذا وليد وهذا انور وهذا بدر ! مشاعل: الشرف لنا وعاشت الأسامي! مشعل: تعيش ايامك يا مشاري! مشاعل: بصراحه احنا طلاب من المتوسطه لقينا نفسنا طفشانين وجينا نكتشف المدرسه الي بندرس فيها ! بشاير: خوش مدرسه والله! بدر: شلون دخلتوا المدرسه؟؟ بشاير: من الباب ياذكي! بدر عقد حواجبه ! مشاعل دقت بشاير وضحكت: ماعليك بشار يحب يمزح ويقط الميانه بسرعه! بدر: هه يا هلا ! مشعل: اجل تدرسون بثالث متوسط؟ مشاعل: ايوه على السنه الجايه بنكون أول ثنوي ! مشعل: الله يوفقكم ! مشاعل: اجمعين ؛) بشاير: شرايكم تورنا المدرسه ؟؟ وتورنا فصلكم ؟ مشعل : اوكى قوموا شباب ! كلهم وقفوا ..و مشعل وانور متقدمينهم و وراهم كل شي بالمدرسه ! لين ضرب الجرس وخلصت الفسحه ! رغد: ماشاء الله مدرستكم حلوه ! بشاير: أيه احلى من متوسط ! مشعل : عيونكم الحلوه ..عن اذنكم بنروح فصلونا ! مشاعل: الله معاكم احنا شوي وطالعين لبيوتنا ! مشعل: خير ان شاء الله! .. مشعل وبدر والوليد راحوا لفصلهم! انور راح لـ فصله! اما الثلاثي راحوا السطح ..وفتحوا الثممه وجلسوا يشربون عصير ليمون اشتراه من قبل مايضرب الجرس ! رغد تشرب: يميم طعمه لذيذ ! بشاير: ياختي مدرستهم تفتح النفس مو مثلنا! مشاعل: اخ ايه والله حيل حلوه ! بشاير: ليتني ولد وادرس معاهم ! مشاعل: كان نفلها والله! رغد: بنات تتوقعون وعد وسميه ونوف شيسون؟ مشاعل: مادري والله اكيد يدرسون ! رغد: هه مساكين ! بشاير: احلى شي بكره الجمعه مافيه دراسه ! مشاعل: ايه والله ! سكتوا لـ سبع دقايق ..فجاءه مشاعل انفجرت ضحك وصار وجها احمر ! رغد: بسم الله الرحمن الرحيم..شفيك ياهبله؟؟ مشاعل تمسح دموعها : تذكرت شكل ابله نوره وهي ترفع تنورتها وتركض ! بشاير : شسالفه؟ مشاعل ضحكت وقالت لها السالفه ! بشاير: ههههه اما عاد هذه حدها تحفه مره شافت عصفور وصارت تصرخ وطلعت بره الفصل ..اسبوع كامل البنات يتمسخرون عليها! مشاعل: ههههههههههه هبله والله ! رغد : انتي الهبله ! ماراح تنسين شكلها وهي تركض ابد ! اشك انك بتزوجين وبتقولين لزوجك وعيالك ! مشاعل تضحك وعيونها تدمع ! على طاري الزواج ؟ بشاير تذكرت مشاري ودمعت عيونها ! لا تنصدمون؟ تحبه من ثلاث سنوات لكن مايدري عن حبها! ياترى بينكشف هالحب ولا لا؟؟ .. راحت بذاكرتها قبل ثلاث سنوات؟ " كانوا مسافرين لـ الأمارات .. بشاير: ابي اروح البقاله!! بدر: مو فاضي لتس شوفي احد غيري ! بشاير: اوف مشاري خذني البقاله ! مشاري: طيب شوفي طلبات البنات وتعالي اوديك ! بشاير فرحت وراحت للبنات تسألهم شنهو يبغون من البقاله ! كتبت طلباتهم بورقه ..بعدها راحت مع مشاري ركبوا الأصنصير ! نزل طابق واحد ..وفجاءه طفت الكهرباء وطفى الاصنصير ! بشاير شهقت: يمه !! مشاري مسك يدها : لا تخافين شكلها الكهرباء طفت ! بشاير: اويلي لايكون تطول وهي مطفيه؟ مشاري يشد على يدها: لا ان شاء الله لا ! .. مرت عشر دقايق والكهرباء طافيه ..بشاير صارت تحس بحراره وضيقه ! : حر مشاري حيل حر !! مشاري تنهد وماقال شي! بشاير : انا خايفه ماتشتغل الكهرباء الا بعد ساعه ! مشاري: لا ان شاء الله شوي وتفتح !! مرت ربع ساعه وهي طافيه !! بشاير صارت عيونها تدمع: مشاري ! مشاري: هلا؟ بشاير : انا بموت خلاص ..انكتمت والله ! مشاري: اسم الله عليك..ذكري الله واشوي وتفتح الكهرباء ! بشاير صارت تذكر الله ! : لا الله الا الله .. مشاري كان يتمنى لو نور هي الي بالمصعد معاه مو بشاير !! مرت عشر دقايق زياده على الربع ساعه وفتحت الكهرباء! بشاير من الفرحه حضنت مشاري وباست خده ! مشاري تصنم لكن استوعب انها مثل اخته وضحك عليها ! راحوا لـ البقاله وشروا كل شي نفسهم فيه و رجعوا للفندق ومن ذاك اليوم وبشاير بس تفكر في مشاري ! .. فاقت من ذكرياتها على صوت الجرس .. تنهدت وبخاطرها" الله يسعدك يا مشاري..صح احبك لكن اتمنى لك السعاده معاي ولا بدوني ..ونور تستاهل كل خير ..الله يهنيكم " .. في فصل انور؛) مدرس الانجليزي: يا شباب شرايكم اشرح الدرس بالسطح؟ الشباب: ايه استاذ ايه ! المدرس: ياسلام عليكم ..يالله يا انور خذ اللوحه والأقلام على السطح وانت يا محمد وهاشم خذوا البساط للسطح ! .. صعد انور للسطح ..وتصنم مكانه وهو يشوف هالبنات الثلاثه ! : احمم !! رغد شهقت بقوه وبسرعه تلثمت وكذلك مشاعل وبشاير! انور: بنات ! شتسوون بمدرستنا؟؟ مشاعل متلعثمه: اءء انور اقصد امم !! انور بستنكار: مين انتي ؟ تعرفيني؟؟ مشاعل: لا لا ..تكفى لا تقول لأحد انك شفتنا! انور بحيره: طيب ترى الطلاب ومدرس الانجليزي اشوي وجاين ! مشاعل شهقت: اويلي انتي وياها بسرعه تعالوا وراي؟؟ نزلوا لتحت ..وراحوا المدرسه بشاير: اخ كنا بنروح فيها! مشاعل: الحمدالله انور ولا مشعل ولا بدر ! رغد: اويلي لو كان وليد كان ذبحني! مشاعل: الحمدالله ..الله ستر ولطف !! رغد: توبه توبه اسمع كلامك واجي معاك لذا المدرسه ! مشاعل: اووش ! اول مايضرب جرس انتهاء الدوام ..على طول بنطلع ونهج لـ مدرسة البنات وناخذ الشنط وننلبس العبايات ونركب الباص ! بشاير: اخ يا مشيعل ! والله اخر مره انهبل واجي معاك لأي مكان من ورا اهلنا ! مشاعل: اوش كلي تبن خلاص ما صار شي!! .. في شركة بو طلال؛) بو طلال جمع كل الموظفين في المكتب : ماشاء الله هذا هو الملف لكن الأوراق وينها؟؟ حامد: مادري طال عمرك ! بو احمد: ياطويل العمر انت ليش ماتركب كيمرات مراقبه بالشركه ؟؟ بو طلال: كيمرات ؟؟ حامد: صح كلام العم بو احمد ركب كيمرات ! احنا الموظفين ماراح نتعدى عليك بالسرقه لكن ماتدري عن عيال الحرام ! والي سرق الأوراق الي بملف هذا يمكن بعدين يسرق اشياء اكبر واكبر ! بو احمد: صح كلام حامد يا طويل العمر ! بو طلال: والله راحت عن بالي فكرة الكيمرات ! خلاص يا حامد شوف أي واحد يركب لي كيمرات يجيني اليوم بعد صلاة المغرب! حامد: تم طال عمرك! بوطلال: يالله كل واحد يرجع لشغله !! .. كل واحد رجع لـ شغله وبوطلال يفكر في الي سرق الأوراق ! كانت اوراق جداً مهمه !! ولو عرف الي سرقهم ماراح يرحمه ابد !! .. في شركه ثانيه ؛) كانت بيده الأوراق يناظرهم ويبتسم بخبث: والله وبتروح فيها ياسلمان وهالصفقه بتصير من نصيبي مو كل مره تكون انت الرابح ! يوم عليك وعشره عليك هه ! .. حط الأوراق بملف احمر ومسك الكوب يشرب شاي بالحليب ! ,, على الساعه الواحده مساءً ! ضرب جرس انتهاء الدوام ..طلعوا الثلاثي المرح من المدرسه ! وراحوا لمدرسة البنات ! كل وحده خذت شنطتها ولبست عبايتها ..وركبوا الباص! .. في بيت بو طلال؛) الجازي صلت وقرت قرأن ..بعدها تروشت ولبست ؟  حطت لها مناكير وردي ..واستشورت شعرها ..وتعطرت وحطت لها مسكره وكحل وروج وردي .. وصارت جاهزه للعزيمه .. نزلت لتحت وشبت البخور وبخرت البيت؛) على الساعه 2:00مساءً ! اجتمعوا اخوان سلمان !! ,, عبدالله:بو ركان اكبر من سلمان بثلاث سنوات ..عنده ولدين وثلاث بنات ! فاطمه: ام ركان ..ربة منزل ..طيبه وحنونه ..! عيالهم" ركان: شاب وسيم..عمره 25 سنه ..من صغره يقولون انه لـ الجوري والجوري له ! مواصفاته: اسمر , طويل , عيونه سوداء , .. روان: شابه جذابه ..عمرها20 سنه ..مخطوبه لصاحب ركان ..تدرس في معهد للحاسب ! مواصفاتها ؛ طويله , بيضاء , عيونها عسلي .. ,, رزان : شابه متوسطة الجمال ..عمرها 17 سنه , تدرس بثاني علمي ,حلمها تكون مدرسة رياضيات! مواصفاتها: متوسطة الطول , شعرها طويل , عيونها عسليه ! ,, ريان:شاب مراهق عمر  5 سنه , يدرس بثالث متوسط !مواصفاته: طويل , اسمر , عيونه عسليه ! ,, ريمان: اخر العنقود , عمرها خمس سنوات , تدرس بالروضه .. مواصفاتها: بنوته حلوه كيوته؛) .. سعود: بو غزلان ! متزوج سوريه ! ريم : ام غزلان , عمرها 37 سنه ! .. غزلان: البنت الوحيده , عمرها14 سنه , تدرس بثاني متوسط ! دلوعة ابوها ! مايرفض لها طلب مهما كان ! لأنها بنتهم الوحيده ! .. مواصفاتها:سنفوره ..شعرها طويل ..عيونها خضراء ! .. العمه زينب؛) ام كسار : راعية مشغل ..جميله ..وعندها ذوق ! زوجها متوفي من سنه ونص ! عيالها" كسار: شاب جميل ..متزوج اخت صاحبه ..عمره 27 سنه .. مواصفاته؛ طويل ..مزيون ..عيونه عسليه ! .. كيان: البنت الدلوعه عمرها 14 سنه ..تدرس بثاني متوسط ! مواصفاتها: طويله ..بيضاء ..عيونها بني فاتح ؛) .. بعد السلام والسؤال عن الحال ! الجازي : تفضلوا يا جماعه الغداء جاهز ! ام كسار : زاد فضلك حبيبتي ! .. راحوا يتغدون ! الحريم والبنات في غرفة الطعام الرجال والشباب في المجلس ؛) غزلان تهمس لـ كيان: شو بتجنن الجازي ..كتير مهضومه ! كيان : ايه فديته خالي خالد عنده ذوق بكل شي ! الجوري: احم سمعوني ! ام ركان: شفيك حبيبتي نسمعك؟ الجوري: الجازي زوجة عمي خالد ..حامل !! ام ركان : والله؟ مبروك حبيبتي الله يتمم عليك ! ام غزلان: يا حياتي الله يهنيك ! ام كسار: مبروك يالجازي ان شاء الله بنت حلوه تشبهك ! الجازي : الله يبارك فيكم ! .. كملوا الغداء .. وبعد الغداء ..راحوا بالحوش جلسوا يشربون شاي وياكلون فصفص ويتعرفون على الجازي اكثر ! .. الجوري : الجازي تذكرين نور بنت خالك؟ الجازي: ايه فديتها شخبارها؟ الجوري ببتسامه: الحمدالله بخير وتراها ملكت يوم الجمع هالي طاف ! الجازي: يازينها باركي لها عني وقولي لها ابي اشوفها! الجوري: ان شاء الله راح تجي البيت بكره ! الجازي: لها وحشه والله ! .. استمروا بالسوالف؛) غزلان: كيان ياختي ملل ! كيان تثاوب: بقوه ملل..شنسوي؟؟ غزلان: مابعرف ..تعي نتسابق !! كيان : اوكى ! .. راحوا ثنتينهم يتسابقون ! .. بعدوا عن الحريم والبنات ! وهي تركض وتبي تسبق كيان ..صقعت في ...! زيد: بسم الله شفيك تركضين كذا؟؟ غزلان : انا كيان عم نتسابق ! زيد: فاضين ! غزلان: ولك طفشانين ..يالله بعد خليني اسبقها ! زيد: اوك يا طفشانه !! .. راحت تركض وفعلاً سبقت كيان ..! غزلان: ياي سبئتك ..ايوه بدك تنفزي طلبي ؟؟ كيان: وشو طلبك؟ غزلان: اممم بدك تغني لي ؟ كيان انصفق وجها: اغني لك؟؟ صوتي مو حلو ! غزلان : مادخلني بدك تغني لي ..عينها بعيني !! كيان : اوك ..احم احم .. عينها بعيني اشكره وقلبها عن حالي مادره اني ابيهااا؟ لو تمر خطوه لو تمر ما كان في بالي بندمر؟ رحت فيهاا ! .. كان تغني ..وماتدري عن الي ذايب على صوتها! .. زيد يهف راسه: يا هيه لا تفهي ! : احم صوتها حلو !! زيد: حلو بس مو ذاك الزود ! : اووص خلني اسمع؟؟ زيد بملل: اوك ! .. رن جوال رزان ؟ راحت بعيد عنهم وردت بهدوء : الو ؟ : احلى الو ..اخبار رزونتي؟؟ رزان : انا زعلانه ! : افا الحب زعلان مني ليه؟؟ رزان : ليه رسلت صوتك لـ رشا؟؟ ابتسم: تغارين؟؟ رزان : شرايك يا سيد سامر؟؟ سامر : هممم انتي قولي !! رزان : اغار!! سامر : وه فديتها انا !! رزان بضيق: سامر تكفى ابتعد عن رشا !! سامر : امم اوك حبيبي ! رزان : اتمنى انك جد تبتعد عنها لأنها راعية شباب ! سامر: وانتي؟ رزان : انا ماعمري كلمت الا انت ! سامر: جد؟ رزان : جد يا حبيبي جد! .. كانت داخله البيت تبي تحط جوالها يشحن سمعت كلام بنت عمها وانصدمت حيل !! .. انتهى البارت السابع؛) توقعاتكم؟ اختكم؛أنفاس غاليها 2016م | |
| تشكرات ᏗᏂᏕᏗᏕᏕ ᏦᏂᏝᏋᎴ " تشكرات عذب المشاعر" |
|
26-04-2016, 07:01 AM
| #21 | |
| شكرا على الطرح الرائع تسلم الايادي | |
| ::: ثلاثة اخرجهم من حياتك: :: من استرخص مشاعرك :: من يتلذذ في تعكير مزاجك :: من هانت عليه العشرة ا-------------------ا |
 |
| الكلمات الدلالية (Tags) |
| ..! , انت , رواية؛ , نبض , وسلطانه , قلبي |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| انت نبض قلبي وسلطانه | حنين الروح | (همســـات الديكور و الكروشيه Crochet) | 14 | 30-07-2015 06:20 PM |
العرض العادي
