 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
14-10-2019, 02:59 PM
| #29 | |
 
 |  ردية محمد ابن الذيب مع سلطان الهاجري نشبت حرب القوافي بين الشاعرين القديرين محمد ابن الذيب وسلطان الهاجري بدأها الشاعر الشاب محمد ابن الذيب( الابهق ) ورد عليه شاعر الوزن الثقيل سلطان الهاجري محمد ابن الذيب يا إيفان حنا ربع لكن ما حن بخوان..قبلت العذر وإلا المقادير عذاره لا بالله ما سجيت من شرد القيفان..لو اخذ سنه في مفرق الصين وأسواره أنا الشاعر اللي فيه عزم ومعاه لسان..ولا تفشل عزومه إلى طال مشواره أنا الله خلقني إنسان وابغي أموت إنسان..على دالهين القلب تفرق به أذكاره وأهل الجوف ياللي ما نكر طيبكم عبلان..نهار يضيق الرجل من ربطة زراره أحب الهواجر حب سلطان للعجمان..لكن صاحبي سلطان نيته بواره ياسلطان اليا من مات ضيدان بن قضعان..رثيناه دمع ومنك تاره ولي تاره لكن خايف تموت وعيش كحيلان..ليا مت ما تلقى من الناس قباره بعير البدو برك بك العام في المرحان..حدته الليالي والصواديف جباره لو إنك خذيت العلم من هدهد سليمان..ما سقت المدايح عند شيخ طفت ناره عداك الملام وصاحبك ماهو بغلطان..أبو مطرقة حقه على رأس مسماره ظعون البدو ما تكره الدوج في المرحان..مادام السحب تبرق وترعد ومطاره يا سلطان بشت ما تدفا به البردان..ما نبغيه في قيض الكليبين وغباره لو انه جديد ويتدلى على الذرعان..أنا أقول شرايه خسر فيه ديناره لا بالله والشيخان تفرق عن الشيخان..يا صلاحة البنشر يا قباضة الطاره وأنا وان وصلت وطول الله عمر حمدان..أسوق القدم ومهبل الناس محتاره مطرهم مثل وصف البدو همهمة خلان..سرى ليلهم والنفس بالسوء أماره ولا يعرفون الجار ومقاصر الجيران..هذا ساكن داره وذا ساكن داره ولا عندهم قلط ولا وش علوم فلان..ولا يأخذ أخبارك ولا تأخذ أخباره حداهم لو أن هتلر مجاوره بالبيبان..قضى العمر كله كن هتلر ماهو بجاره وعلى قولة بن شريم في بيته المليان..وأنا اقدر بن شريم واقدر أشعاره لاصحت يأهل البيت يامعزب الضيفان..قالوا عش روحك يشبع الطير منقاره ياسلطان لاتبطون تكفون ياسلطان..لو احجز لكم على حساب القلب طياره سلطان الهاجري ياضيدان بن قضعان كيف أنت يا ضيدان..أبن الذيب يبغانا نسوي له زياره جملنا جنوبه جرب واسبق من الغزلان..ولا فيه نادي ما تليح بمضماره بعير البدو بطنه خضر شامخ النيبان..من العام الأول قطع القيد وهجاره والا ياسمي الذيب بسم الله الرحمن..تسافر بعيد وتلحق الغاره الغاره قمرك الصناعي يا محمد يبي ميزان..اخذ كورس من عالم عربسات وأقماره هل الجوف قوم تشكرك بالفم المليان..على كل طاروق من الشعر تختاره والا يأهل العضبا والا يأهل بنيان..نهار المثاري يبتلش ما قضى ثاره ليا دبروا عجمان وليا اقبلوا عجمان..طحاطيح حرب للمعادين جزاره وليا جات من الاقصى عليهم بعض الأحيان..فزعنا لهم فزعات عبده لسنجاره وأنا يوم قلت أعوذ بالله من الشيطان..وشليت فوق العيدهي باقي بشاره وعديتها شرق جنوب عن الريان..أبي عمدة الحاره واثر عمدة الحاره نهار من أيام الشتاء شمسه مسيان..وبيت الفقر مايدحم الفقر بجداره جمال الحمل شقران وألا ولد شقران..عراض المناكب لأثقل الحمل جباره وأنا لابطشت ابطش بقوه وأنا سلطان..هذا أعطيه بيمينه وذا أعطيه بيساره على الهون يابن الذيب لاتطمر الجرفان..ترى البحر موجه دون حصه ومحاره وترى فكرة الفيلم الكوميدي تبي فنان..وإسماعيل بن ياسين ماطبق أدواره هل انجلترا ماهم من الاد بن شلوان..وخواجات لندن كل واحد بمزماره ولا يامحمد جاك مني على العنوان..رسالة غضب ماهي عجاريف وإيثاره أخذها لتوني بلير جعل أبوه للنيران..وقله ترى ما عاد للذنب غفاره وإذا قال لك كمان قله بعد كمان..يا حمار بن تسعه وتسعين حماره ترانا عرب ما نقبل اليعربي ينهان..نحارب يهود الغرب لو كان بحجاره | |
 |
|
14-10-2019, 02:59 PM
| #30 | |
| قصيدة ياليل خير - محمد بن الذيب ياليل خير وماذكرتك يوم جيت الا بخير 0 00ماينخدم بخيل لكنك بخيل وتنخدم لاهين الا الهينه ولا عسير الا العسير 0ولاذميم الا البخل ولا حميد الا الكرم واللي تعدى مرحلة لبداع والنجم الخطير. ان صبها صب الذهب والارسمها لك رسم 00 وش فلسفةسقراط والا وش كتابة شكسبير 0اليا تلاقت حنكة الشايب وطيش المنفطم واستؤمتها وسميت باسم الله وقلت الا يصير سوت سوات المتنبي0واسمعت من به صمم 0لاني على الدرب الطويل اجري الدرب القصير -وامر شمطان اللحى لاهل الشنابات العصم الصف الاول ماهو بصفي ولا الصف الاخير00 انا انا من حيث ما أجلس هنا يبدا الرقم شاعر لياحرك هجوسي رايح الغربي عصير 0 سمعتك احلا ماكتبت من القصيد المنتضم 00 وان صاحت بيوت القصيده صيحت الحر الا سير 0اجيك كني قايد الحمله بجيش المعتصم 0 0والى بغيت انافس الشعار واولهم جرير00 قلت البيان يصير من سحر والشعر حكم 00 ياشعب كشمير انت تبغى حق تقرير المصير- وانا لو الا وضاع بايديني على ذيا الخشم -لكن شاعر لامعي ذمه ولا عندي ضمير -ما اعرف الا جرت المنكوس في راس الحزم -لكن ياجراح والناقه ماهي بمثل البعير - تعال باعلمك والتدخين مايبري الألم - البارحه يوم انصحك وتقو لي ياعم طير- اسلوب خايس بس من حقك لكن وين العشم -لو ان ربي هادي ن بك لو يهودي من نضير - تر النبي اكد على انها خير من حمر النعم -وان كانك مصمم على التدخين ولا لك مطير عليك بالمالبورو الله لايبارك با لألم والى بغيت نغوص للمرجان فالبحر الغزير -ولاتهون من القلام الزرق دور لي قلم وان مالقيت الدفتر موضع على ضهر السرير اشتر لنا دفتر جديد ابو ثلاثمية رزم -واول نصيحه من شوير يسوقها لاغلا شوير -الخال لاوصيك اذا غلط والعم عم -حسن التعامل يجمل الرجال فعيون النضير مثل الصبر لمارسين هواية صعود القمم -واخر كلام احاول اختصره لك بموجز قصير لارحت تبغى المطعم وجيت ولقيته مزدحم مفروض ماتضرب هرن وان جا لك الهندي يسير حاول يكون اسلوبك مهذب وشكلك محترم !تر الغنيمه سندويشة جبنه وقوطي عصير وجهة نضر واكيد تفهمها وغيرك مافهم تر الحقير اللي بدون اخلاق ماني بالحقير والغالي اللي جنسه شوي ويكاد ينعدم لكن لا تذكر مطاليق الرجال الا بخير الا وله على شحم والثانيه على 000شحم تر النشاما فالزمن ذيا مثل كيس الشعير ان ماكلته البل ياستار تاكله الغنم وان هملوني صحبي عتيبه وخلتني مطير اشره على العجمان والمره وانا بلا عجم تصدق اني قبل قرنين مضت كنت الا مير ماغير ابني من عظام القوم صرحي واهدم لكن من جا فالحكم بانجلترا توني بلير وان يديني تنجرح حتى من اشواك السلم غديت طير ن ناشبه رجليه في سبق الجرير الريش حت ومابقى الا الجلد وحتات العظم وان قلت بشت الراعي وش جابه مع بشت الوزير قلت الخياط اهو الخياط الفرق في طول الكمم لكن على طار العروبه وين موسى بن نصير ترز لا علامه عربنا مايرز الها علم = لابارك الله بالقناصل والسفاره والسفير بنضيق وتضيق الملوك وتبتلش فيه الخدم وش موزي الحجاج يو انه يشهر فالزبير الا السنين العوج والنيات واولاد الزلم لو اكثر الحكام يمرض واكثر العالم يسر جراح تعبير الغلا بالقلب ليس بالقدم لو احنا نوكب تطور هالامم ونستنير صرنا ملوك الا رض والنيران في راس العلم الى متى ؟والروس تحنى غصب والواقع مرير ونحن خير امة قد اخرجت بين الا مم ان كانها بالكبر والقوه فغير الله صغير الم تر فيل ابرهه ولم ترى ولم ولم شعوب فينا الذل له ممسى ومقيال وهجير ارأنا متشتته وافكارنا ماتنخدم فينا الغني من البذخ يتفل على وجه الفقير وعلى وجيه العافيه شرهة عيون المنحرم والا شعريين اولا كانوا وهم جمع ن غفير اذ جا منهم شخص واحد حفزوا فيه الهمم تجمعوا ثم جمعوا مايملكونه في حصير وتقاسموه وبالتساوي كل بيت ن له قسم حتى ذكرهم هادم الا صنام ابو وجه ن منير قال بما معناه هم مني وانا منهم لكن نضره من تفاؤل تفعل الشيء الكثير ومن باب شد وأرخ للعشاق من سهمي سهم لانني شاعر واحب وذي طبيعه في خضير وخضير تاسع جد عاشر جد مادري المهم اللي غلاها من ورى الشريان والضلع القصير جروحها فالقلب ياجراح عيت تلتئم ياللي على الطاري قهرك الدرب واتعبك المسير توك تلهم لي وانا من قبل اشوفك ملتهم دامك خذيت الروح من بين الحنايا ياخشير ارحمني الله يرحمك والله يرحم من رحم اسير في رمضى وصالك والغنيمه زمهرير فرقاك لين اصبحت اسطوره تحاك بكل فم يالا فيا من مقلتي دمعا منقطع النضير قد اتسم بما توقعته وقد لاتسم تثيرني وبقدر مانته تستطيع انك تثير= اتقى عروق القلب واقساها سقم ياراس حربه ياضهير ايمن ياتدري لا ضهير الا فديت عيونك الثنتين وانته تبتسم لبيك ياديباج ياستبرق ياسندس ياحرير يالؤلؤ ن مكنون ولولو في جيد ن منتضم في جيدك الا لحاد والفتنه وفي منحرك غير اللات والعزى وماتدعي به قريش وصنم ياكشمير وش تبغى بتقرير المصير =خلك سواتي والعب المنكوس في راس الحزم | |
| |
|
14-10-2019, 02:59 PM
| #31 | |
| قصيدة يا عرب نجران - محمد بن الذيب الهواء نسناس والليل ابتداء والشعر دوبه يا قصيدي لا يروعك الزمن والليل ساري وان مدحت امدح رجل ذكره الي منهم حكوبه ثارت البندق وسال الدم من روس الشباري يا عرب نجران صيحوا من شماله لي جنوبه ومن علوه لين حدريه وانا ما اثني قراري وصلوا للمكرمي سلام فيه من العذوبه ما يداوي علة المرضان ويرد اعتباري هيبته تذكر ووقفاته مع الناس محسوبه يا شذا العود المعتق يا هوا البن الهراري ما نسينا يوم جدك ناصر عجيم بحروبه تدري العجمان وابن الذيب يا العجمان داري يكفي ان يمناك في الصكات ما هي بمعطوبه وشاربك ما يدسم الا من ظهر ذيب المساري انت جدك مرجع الديره ولا خيب شعوبه لك مثل ما له فعول وفيك من جدك مواري احتزم بإسم الديانه والعقيده والعروبه وانت تدري كل غمر من ضنى يام انتحاري والقصيده في حسين ابن اسماعيل العجوبه تجبر الشاعر يطوح غترته والضغط ناري جل همه: كيف تفهم كل ذا العالم اسلوبه ما طمع في مال بنك الراجحي ولا التجاري كل دعوه من فمه تستحظر الغيم وهبوبه وكل سجده منه ترسل لي من الايمان طاري من طهارة قلبه تشوف النظافه وسط ثوبه أي نعم ذا رأيي الشخصي ولاني باستشاري في جبينه هيبة الأقصي وعشرين الف توبه وفي كيانه هيبة اليامي وعزي وانتصاري انت كنك بارد النسناس في عز الرطوبه تبتسم وتندي الازهار وتهب الذواري كل مامريت قصرك قمت ألد العين صوبه كنك القصر المبين بمعركة ذات الصواري في ضلال الدوله اللي عزها عز العروبه يحفظ الله الملك والشيخ والصرح الحضاري | |
| |
|
14-10-2019, 03:00 PM
| #32 | |
| قصيدة القهر والصبر والفتنه - محمد بن الذيب يوم أطولت على القهر والصبر والفتنه يابال لون به دمحه اتسر الحال ماوفرتها لاكن روس أهل الوفا ماتندفن بين الرمال فحولها من فوق لارض وفوق لارض وتحتها وياوقت ياللي لك ثمان سنين وديارك محال أرضيتلك ناسن وناسن جاتلك وزعلتها لاتنفعل وتضيق وتزود علينا الانفعال خل الفرح في ليلة الجمعه يعانق سبتها والعزوه اللي في مجاورها ذرا ولها ضلال تجبرني بوقفه تنومسني الا وقفتها وقصيتن ماهي تشرف موقفي بين الرجال ماليبها ودور اللي تنذكر لاقلتها وقول بسم لله وهي تاتي من الراس أرتجال مثل المخيله يوم خيل مزنها خيلتها موضوعها من واقعي ماهو من صلب الخيال ون لفلفوها مدعين الحكي مالفلفتها لون به قدامها وحده معانيها أثقال قالو وجيه الخير كنسلها وانا كنسلتها على حرارتها تفوحن الغواري والدلال وبكي الشيبان وانا مابعد كملتها لن الحدث يبغا لسانن طلق ووجيهن أطوال شروا الوجيه اللي تنومسني أيلا نومستها مثل ماقال أبن الشمالي في قصايده الجلال يوم أنتها شين الحجاز وقال لالا مانتها انا من ال مره هل الردات والابل الغوال ون كان في راسك حصاتن قاسيه بينتها وليا ذكرت أنكم خوالي شاش راسي يالخوال وريحت الغصون المايله وتحتها ألنا بني عم ومواقفكم معا ربعي أجلال مواقفن لو ضاقت الدنيا علي عينتها ساعت ماردينا الشلايل صوبكم والدم سال جيتو وساعات النصر بقدومكم ضمنتها ونهار رديتو الشلايل داخل الوادي شمال جينا مثل ماجيتو وهاذي قضاها فختها | |
| |
|
14-10-2019, 03:00 PM
| #33 | |
| قصيدة عام الالفين - محمد بن الذيب في عام الالفين حال الناس متداني حتى الوزير يتهرب من معاملته لكن ميحد لاغنى بعض الالحاني يهيض اللي هموم الوقت مشغلته ياراكب اللي مهي من صنع ياباني لكن كائن رفعه الله بمنزلته صفراء من الخيل مخلوقه على شاني فيها من الوصف شي ماتخيلته تلفت عليها النظر في كل ميداني وراعيها بالنصر والعز شاملته مثل الهواء يوم يصفق خضر الاغصاني عين الحسود الخبيث النذل كاحلته علامة النصر كنها روس الاذاني والعاتق هناك والغارب مشهلته وان رزت الذيل كنه راس ثعباني مقبوله وكل عضو فيه قيبلته غراء وفيها زخارف رسم عثماني مشكل جسمها كنها مشكلته يوم اتهزع مابلا بنت نصراني قميصها نص والمنحر مبطلته ركابها حبكم مابين ضلعاني يزف شوق عروق القلب ناهلته والعصري ابن المهيني قاعد اوزاني والشيخ حمدان قدام وتأملته يوم ابغي الشعر والجمهور يبغاني جاملني الحظ من طيبه وجاملته وانا محشش شعر والفكر سكراني خلوني اقوووول شي مابعد قلته | |
| |
|
14-10-2019, 03:00 PM
| #34 | |
| قصيدة تضيق بي ماليزيا - محمد بن الذيب سبحان من در المطر وأحيابه القاع الهميت الشكر له والحمدلله والفضل له والمن له يالمانع اللي تمنع وتعطي الى منك عطيت ياكافل رزق اليتيم اللي تولته رمله على محمد صل ياربي وسلم وال بيت محمد وصحبه وبلغنا معاه المنزله وياصاحبي واغلا اصاحيبي يانايف ويت..wait علم رشايدة الكويت الطيب منهم منهله رجال عبس اللي بنوا لي في قلوب العز بيت أحفاد مجد الماضي اللي يحفظه مستقبله هاماتهم مثل الجبال الشم وأولها حفيت سلالة العز القديم بعزها متسلسله ودي أصرح لك وأخاف أنك تحطها مانشيت وينسل سيف وينتخي عزوة وتقدح قنبلة ماودك إلى ضاقت فجوج الوسيعة كمبليت ودارت عليك النايبات وتعبتك المعضله إلا رشيدي من رشايدة نجد وإلاأهل الكويت من دون قاصر في رجال مجدهم مانجهله في روسهم حب مايطحنه الزمان المستميت وعيونهم تقبس شرار من شرار المرجلة لكن نايف لاأعدم من صحبته ولاخليت من وقفته وقفة ورى وقفه ولاهي بالأوله ياصاحبي نايف سعيد الحظ من حظه بخيت ماكل راعي حظ حظه فاللزوم ايجمله اشوف بعض حظوظ خلق الله مثل بنت السبيت تاكل وراعيها مادامه يمتلكها تكله اليانويت تزو شيخ له على أهل الصيت صيت اخذ معك قلبي يقول اللي باأقوله أوقله وشلون مايرضى علي وأنا قبل ماأزعل رضيت وشلون مايزعل علي وأنا اتشرف بزعله ياسيدي ياللي على العالي من المجد اعتليت ارض مهي بأرض زراعية ماتنبت سنبله وسنابلك تملأ بطون الفقراء اللي تبيت وايدينها لك فالسماء فكل ليل مشهله ازهل ابو ضلع عوج وازهل ابو وجه شميت لكن صدك ياطويل العمر وشلون أزهله اتضيق بي ماليزيا او تتسع بي ماهنيت إلا معا ذكراك في وادي يغرد بلبله نفيتني في رحلة المنفى لكنك مانفيت مقامك اللي كل طاري للمعزه يشعله من سائل سؤال يطرح له سؤال وماعطيت جواب يطرح له جواب إيحل لغز الاسئلة اغيب عنك شهر كامل وانت مقفي مادريت ولانزل عندي غلاك ولاذبل فيني وله ومادام مابه وصل مابعد مفارقك اجل ياليت ياليت تسمح لي اغيب العمر عنك بأكمله ذكرتك وطاحت دموعي من غلاك وماستحيت إلاوقفت اصيح في دمعي غلا واستعجله ماهو بعيب إليا بكيت اللي على بعده بكيت رجال وابكي لي على رجال وين المشكله بغيت ارسل لك مسج لكن والله ماقويت من النبل تختار وسيلة وصل مستنبله احساسي الصادق لايمكن ينحصر في كم بيت ولو ينحصر في كم بيت الاجهزة ماترسله واحساسنا اللي من مفارق شخص وإلافقد ميت بعض الهواتف حسها مرهف ماهي تستعمله قصرت طايلة الأيادي لين طاحت واستويت اتكبل يدي هيبتك وإلاماهي بمكبله مجرم وسوى له جريمة يوم غبت ويوم جيت زبن على ظلك لو ان ظل الجبال يظلله ثنتين للمجرم فشرع الله واختر مابغيت إما عفوا عنه هل المجني عليه..او اقتله ياصاحبي يامحزمي ياقدوتي انا غديت على طريق المايل ومالي عذر غير أعدله والعز ماهو بشت واخويا وكم برميل زيت العز جدك ورثه لابوك وانت تكمله واللي سرى في ليل اسود موحش من دون ليت ماهي تهمة عوية من ذيب في راس اجبله ياكم صباح قد غبشت وكم ليل قد سريت وانا اكتوفي بالحمول الكايدات محمله ماهو بمسرى واحد ودع هله عند المبيت ولاخذاله ساعتين إلاوهو في حماهله سريتها مسرى الملك عبدالعزيز من الكويت حتى حكم نجد المسمى من علوه لأسفله وإليانويت أقول باسم الله اليا مني نويت ويثور موج البحر والربان يثبت محمله متعود اني لاحكيت اجهر برايي لاحكيت ولافكر فالسنين الماضية والمقبله ماحد يحط فقبر احد بغيت او مابغيت وان حط احد في قبر احد كل يحاسب بعمله | |
| |
|
14-10-2019, 03:01 PM
| #35 | |
| قصيدة امنا هند - محمد بن الذيب من طفرة الهاجس ومن قدحة الزند بليت نفسي والزمان ابتلاني جربت طعم المر ومجرب الغند قنوع لكن العطا ماكفاني خذت الحياه عناد واتعبني العند كأن جررح شعوب الارض فكياني فجعات اهل السند في ساحل السند مثل البيوت المادره من لساني وام الرجال اللي تحت امرها جند اللي فضلها بعد ربي كساني ياوقتي اسألها وان كان ماعندها عند ام المكارم راي ثاني تراني والله لا اسمي عليها تحت بند ليتك مكثر منها يازماني يارب تجعل هند مثل امنا هند ارب هند اتجيب حمدان ثاني | |
| |
|
| الكلمات الدلالية (Tags) |
| (أحلى , الذيب) , الشاعر , بن , حيوان |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر الامير ( خالد الفيصل) | باربي | (همســــات شعر وشعراء) منقول | 75 | 10-10-2019 08:44 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
