 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
14-10-2019, 02:51 PM
| #15 | |
 
 |  قصيدة قد صيح التاريخ - محمد بن الذيب ياضيوفنا بيض الوجيه السمحه النبل الكرام الليله العين الحزينه ماحن أمبكينها يامرحبا ترحيبة فيها غلا ولا انسجام تكاثروها القوم والعجمان متشاوينها الله خلقنا فدرجات وكل انسان مقام لكن قربه من عباده في تفاوت دينها والعين مدهال السهر والقلب مدهال الهيام والانفعال اللي يسببه التفاعل بينها وشرف علامات السماحه فالوجيه الابتسام وعزها ضحكة أحجاجك ساعة ياشينها يامعزز لصبيان يام بقدرتك برجال يام لازمت من فوق الرجال أستر علي من عينها ون طاحت الدنيا على راسي ماخلتني حطام أصيح بقصى يام وعيوني على شبرينها ياوجد حالي يابني عم السعد في كل عام يوم المواتر خيل والموت الاحمر تأمينها اليا وقفنا مع طويلين الشبور أنشق خام اما لعين ابن المرظف أو لبن حثلينها والطنخه اللي صدق والفعل المحكحك والكلام فعول ربعي يوم طاح أبن جلوي في عيينها يوم أعتزينا والحراب مركزه والدرب شام صدورنا مدهال لطعنات ومضرينها قد صيح التاريخ يالعجمان مامنها سلام النصر ولا الموت قلنا هاتها ثنتينها | |
 |
|
14-10-2019, 02:52 PM
| #16 | |
| قصيدة رؤساء العرب - محمدابن الذيب في زخم الأحداث..وبين قسوة الذكور ولين الأناث أجتثني من الأعماق أجتثاث.. بيت لنزار قباني..وهو من المجني عليهم ولا الضالين وليس الجاني.. فقال شعب أذا ضرب الحذاء برأسه..صرخ الحذاء بأي ذنب أضرب فصحا شاعر شعبي من غفوته وقال.. سيدي ياشيخ الأسلام التقي الاتي من رحاب أهل السماء لأرضنا المنعفسه مر زولك في عيوني وأمتلات نظراتي ومن تلاشى صارت كبار المعاني طفسه ياصلاح الدين الأيوبي لاطال سكاتي عذري ان سود الليالي كلبيها جفسه كل يوم أون ظلم وتنتحر اهاتي والعريس يموت ويكفن بليله عرسه في زمان العولمه والأنكسار الذاتي العروبه صايعه والشعب ينكح نفسه ******** وأنا مواطن عربي لست ذكي!ولست غبي! وأذا ذبحت ذبحت.. ومثل بجثتي بعد ذبحها !!! قيل وهل يضير الشاه سلخها بعد ذبحها ؟؟ أنني عليل.. والذئاب في وطني قليل !! والكلاب يزيد نبحها أتعلمون أم تصدقون.. أنني وأعوذ بالله من أنني لاأنني أكتشفت وجه التشابه ولاغرابه !! بين حكام الغضب في ظل الواقع المرير والكائنات في كوكب العجب..ذات الذنب القصير !!!!!! رغم الأختلاف في معنوياتهم المحبطة .. وعدوانيتهم المفرطة !!! فصرخت وأنا رجل,,,وكان بي رجس !! وأمعتصماة... فأستشهدت أحدى أخواتي في القدس !! فأطرقت رأسي في خجل وأصبحت بلا شفاة..... ولاذكرت وعلي الحرام أني صادق..ألا صوت البنادق.. !!! في وادي العجمان...بين متالع وجودة..ومعركة كنزان وهذه مناطق معروفه .. والى مسامعكم غير مألوفة.. والحديث ذو شجون..والى ماأرمي أليه قد لاتفهمون.. لنا عوده...فسألت نفسي بحماقتي المعهودة..وشراهة دودة القز وهي دودة ذات فائده..قد لايحظى بها وزراء العرب.. وهم مجتمعون على مائدة..!!!!!! فسألتها..ماسبب كره العرب واليهود..وعاد وثمود..واليوم المنشود فقالت ومالت..وليتها يوم مامالت ماقالت !! لأنك عربي أبي...فقلت هاذي أهون من خلعي لعبائتي.. دون أن أغير هويتي...فقالت غبي..بل لأنك مسلم تقي وذو فكر قبيح..فقلت غير صحيح ... أنني أومن بموسى (صلى الله عليه وسلم نبي).. وأخاف ولاأتكلم.. وأومن بالمسيح.... ومحمد (صلى الله عليه وسلم ) نبي.. فقالت ومالت..وليتها حين مامالت ماقالت.. لأنك أنسان ذو لسان وشفتان..فقلت أنقلب ألى حيوان والله المستعان !!!!! فقالت وماذا تريد أن تكون ؟؟؟ أتعذرون ... أتريد أن تكون ثور أو حمار؟؟ قلت لاخيار .. أن بيني وبين الحمار أختلاف في وجهات الأنظار !!! أريد أن أكون ثور ... فأهيج وأثور !!! فقالت هل تجزم أوتسالم ... أن ترضى رابطه الثيران في العالم.. ( أن يكون بينها ثور عربي مسلم !!!! ) | |
| |
|
14-10-2019, 02:52 PM
| #17 | |
| قصيدة ياميتين المشاعر - محمد بن الذيب انا لوزع على الناس ابتساماتي ياميتين المشاعر ويش يحييها حقك علي مادسملي شنباتي وفعايل الناس ماتشبه مباديها والفرصه امواتيه والطاري امواتي والشعر حاجه تعنيني وعنيها لاكن ماهو يعبر عن معاناتي الا اتعبر عن الدنيا ضواحيها ولى تحرش هجوسي في بونياتي تطابخت روس عجميها وياميها ومن تجربت ربع قرن عاشها ذاتي مكل فرقن يهز القلب طاريها والا أمبرطورة الخافق ومشهاتي اطربخ فبركت الخفاق رجليها ياول محطة غرامن من محطاتي ليالن جمعتني فيش يسقيها أجيش وانا كبيراتن طموحاتي وروح وانا محثلها ومعطيها وان كان حبش من اوسوء الاحتمالاتي كل الاحتمالات فيها اشوف لبيها وعليش قلبي ورا لضلاع ماباتي ولا يقرب لديارش يوم انويها يكود جمسن ماترهبه المسافاتي أملكعن باول الدنيا وتاليها منحره لقبل مع خشم الطويلاتي منحر ذلولن تزول بكبد راعيها ومرايتينه دون كبوته عريضاتي كفوف ايمامن معه دعوه ويدعيها والهولي يبخ وبلوفه بلوفاتي ايولع النار والا مايطفيها مابينه وبين اهل نجدن علاقاتي لاهي أدانيه ولا هو يدانيها وصوته لاريح بنمره عقب زتاتي تنهيتت اللي صدوق العشق كاويها اتناحي هل المحبه بتنهاتي ولالقت فالمحبه من يناحيها ورفارفه يوم يصفق فالمطباتي أردوف بنت من النعمه أدربيها الى نطحها هوى هيفيتن عاتي تحسبنه من الزود أمتقفيها ومساحتينه لاقامت تقبل وتاتي أصبع عجوزن كثيراتن دعاويها عليه الاحياء تدخل جو الامواتي وعليه الاموات مدري وين اوديها يوم اتفلت على الطرقه تفلاتي ضعاف لنفس على الفتنه يجريها الجكور اكبر اعياله والبنياتي الكزس والبرش وال بي ام وأخيها وان قلت يا الجيب خاوه قال ماحاتي لاكن ديره يواليها ماوليها يشرب فناجيلي ويكسر أبيالاتي ويمد رجله على دربي ويثنيها وان قلت يا الفرت قال الفرت سكاتي بعض الطواريق ماودك تلاحيها الجمس ابداع من كل أ تجاهاتي كنه قصيدتك هذي اللي على أيها امصدرن للفجيره بسم كرواتي يدرس علوم الطبيعه في نواحيها وشراه واحد سعودي من أماراتي وباعه على حضرمين رايحن فيها والحضرمي كل ماخزن أمن القاتي الحاجه اللي على باله يسويها الى بغا يرهب كبار الحكوماتي رجله على قطعة الفرجه أمضريها والا خواطر خفوقي واخر أبياتي قصايدي كل أبيها قد سمعتيها اي والله اني عشقت أرضاش بذاتي مابه مساحه بقلبي مامشيتيها يهنيلي العذب يادجلاي يفراتي ياديرة الحب شارعها وكبريها يبلغ قصيده عليها من حركاتي مايجذب الدهشه لعي ني قاريها الى أنتثر دمع عينش سوي أسواتي قولي بكمش كذيا ثم مشيها الحزن يوم المفارق عاملن ذاتي فطره فالانسان مايقدر يخليها | |
| |
|
14-10-2019, 02:53 PM
| #18 | |
| رد محمد بن الذيب على ابن فطيس - ياكبدي صبر الغنيمة يا كبدي الصبر الغنيمة وأنا اخيش اقوله لكبدي وكبدي معيه لا هب ذعذاع الهواطير يا ريش طعنة رفيق الجنب ماهيب ليه يكبر مقامي في عيون المداغيش ويطيح في عين الردي والبنيه والزمزيه ما تقهوى المشاويش يقطعك يا رزق ورى الزمزميه ببيت لأابى محسن بن فطيس كنه ايش كنه ترفاعي ولي مقدريه بيت لعود ما اتعبته المطاريش لو إنها بين الحفر والحويه عود على ربعه صدى صوته شويش وعلى قبيلة يام عنده حميه ليتك يا أبى محسن على الواقع تعيش وتشوف صنع أهل العقول الرديه لو إنها بالطيش يمديني أطيش لكن حي وشيمة الناس حيه وانا حفيد الطيب وام العكاريش ما هيب ولدة لاش ولا صلبيه أردها بوجهي ولا اردها بأيش يكرم نباي وتكرم الجابريه وأنا بني عمي اهل الهوش وتهيش وخوالي أهل الوقفة الأوليه ما هم ببيز في يدين الدراويش وقصيرهم ما هو يعرف الأذيه وأصواتنا يا اهل القلوب المعاطيش تعرف بدون أسماء والنار حيه ماهوب من كثر الحكي والأشاويش من كثرة الترحيب والقابليه ودام الجمل عقب السنين المرابيش يبرك لها ويحن مثل المطيه تكفون خلوها يا ركابة الجيش ترى المعقب شيخ وأنا سميه ورى الحكومة ما ندور بخاشيش ارزاقنا بكفوفنا الصيرميه على الملوك نزوم ونزوم ونعيش تسمعوا يا اهل العقول الرديه | |
| |
|
14-10-2019, 02:53 PM
| #19 | |
| قصيدة الصدر ضايق - محمد بن الذيب الصدر ضايق وصبري يا حسن طول ودي أغادر ولو في وسط غواصه انا اشهدني ماحب العالم الأول ماغير كاس يابو ماجد ورقاصه حضاره زايفه واعلام مهول حتى البزر يرضع الوسكي بمصاصه صحيح فيها الجمال وجوها يهول وقف لاهلها وحنا بس بصاصه شفي مع لابتي شيبان ومعول ربع نهار الوغى للروس قناصه نصبر على الحرب ونصاليه لاطول وقت مضى محتمين هجر وخلاصه حنا هل الطايله ذلحين ومنول من طاح في نحورنا يا صعب مخلاصه صغيرنا يحتمي الميقاف لاحول لو الفخر وسط جوف البحر لاغاصه للكايده نتعب الرجلين ونهرول يوم ان ولد الردي رجليه لواصه نتعب على الطيب لجل المركز الاول ندعس طريق الخطر ماقيل حواصه عن لابتي نايب للشعر ومخول قصيدي الجزل جلسني على ماصه | |
| |
|
14-10-2019, 02:53 PM
| #20 | |
| قصيدة مانيب ماجد ولكني زميله - محمد بن الذيب انا مانيب ماجد ولكني زميله وخويه الغالي وشاعر ومن يام قل للعرب انتوا عليكم فشيله ملحمه في جبهة الوقت لحام جيوشكم اطلق شنب ياحليله مايمسح الدمعه من خدود الايتام وانا مانيب ادم ولانيب وكيله لكن حنا شعب من دون حكام اذا بغينا حاجتن مستحيله في الليل صوام وفي الصبح صوام نطاوع امريكا على كل ميله ولانعارضها ولو بالتكلام تخفس سعر بترولنا ثم تشيله تبا تحكم في بلدنا تحكام وايلا هرجنا قلتوا انها عميله تشدي بها حتى قنوات الاعلام لاحدن يقول ان الخليل لخليله الزير لجل كليب ضحى بهمام ومن حط بيته في دروب المسيله هبيل لو تمنه دورات الايام لو انه مضحي بفرد من كل عيله التضحيه باب الامل للتقدام احداث سبتمبر خذوها وسيله فعاله لتمرير تخطيط الاجرام وفي البوسنه والهرسك امه قتيله والقدس والشيشان وافغان الاسلام قالوا اسامه لازم انا نزيله يموت موته قاسيه مثل عزام وصدام يا اما يستقيل والا نحيله والاتقوم الحرب والوعد قدام وننصب في بغداد حاكم بديله وتمشي مصالحنا بلا قيد واحكام حاكم هبيل ومعطياته هبيله نقوله روح نام ويروح.. وينام يا ام القرى يامنبع اهل الفضيله الصمت في بعض المواضيع هدام ياقبلة الاسلام دمعي حصيله اما تهان في كل يومن وتنضام رؤوسنا تخفض والانفس ذليله راحت حضارتنا خرافات واوهام جنودهم نارن تشب الفتيله وجنودنا حبر وقراطيس واقلام لكن ماتدري دعاة الرذيله عبادة الدولار وارباب الاصنام ان الشعوب تحقق المستحيله وان بيننا مليون اسامه وصدام | |
| |
|
14-10-2019, 02:54 PM
| #21 | |
| قصيدة سكر زيادة - محمد بن الذيب رب أخ لم تلده أمك في هيئة خوي ما تنتهي مدته ولا صلاحيته وأنا ويش ابغي من الشخص القويم السوي الا احترامه لشخصي في علانيته والنفس قد تنطوي على ما قد تنطوي ماني بربه أعرف اللي في نفسيته حديث خير البشر في شرحه النبوي أعمال كل امرئ على حسب نيته وأنا مثل من طموحه للعلا منتوي ولا تعدى طموحه حد سطحيته لكن لو أن راس مالي فالبنوك ضغوي حمدت ربي على نعمة عبوديته مثل الشبح الأحمر اللي عند مصطفوي اللي فريد فتركيبه ونوعيته عشقت لي بنت وأثر الليل ليل سروي وان راح الليل دربي ويش تاليته واثر الغرام الذكوري كنه الأنثوي متفشي وكل منهم فيه خاصيته قالت من أنته من أنته قلت رجال بدوي ثقافته ما هي تعارض على حبيته سحاب له ضجيج ودوي يا ما اشر بغترته وطاقيته جباننا لترفع سهم المنايا يا وي يظهر له بموقف تفخر به بنيته قالت من رجال يام مزبنين الخوي قلت ولد عم بن حثلين وحميته قالت يا جن الغلا لو شفت ذيب يعوي قلت أتعشاه لعيونش يا جنيته لكن ظلم السنين وقلبي المكتوي تثر علي خوة الطيب وعقليته وقريحة الشاعر المبدع ما هي ترتوي ويثبت احساسها حسب مزاجيته يا فاتنه سكر زياده وسكر شوي ابشرب زيادته وابشرب شويته تعبت أسدد فوائد حبك الربوي والحب أناني ولا يدري بأنانيته أحلى بنات المدارس ثالثه ثانوي ذراي قلبي وقلبي له نظريته عن خلقها لو درا وزيرنا التربوي خلا من أخلاقها منهاج تربيته في وجهها الأمتحان الصعب الشفوي سماحة أب القتيل اللي رفض ديته وفي جيدها لذة المدن فعيون قروي وفقلبها طهره وطيبه وعفويته على شفاها مخارج اسمي اللغوي وسويكي حروف اسمها في ميداليته هي همي الشهري وتحصيلي السنوي المثقل بنزوات يوميته احتلت احساس خفاق ما حوله ذوي وأعضائي الباقيه تطمح لشرعيته يا جعلها تعيش حتى عقدها المئوي وتشارك القلب في فرحة مئويته وصالها دموي وافراقها دموي كن هتلر مورث الها من دمويته الشين ف أتفه زوايا حسنها منزوي بالعكس تشكي ظروف القهر أقليته والا على الزين حيل الله يا قلبي قوي الزين هي موطنه الأصلي وجنسيته في جيدها فوضوية شاعر فوضوي وفعينها قسوة الفارس وحنيته خذيتها من يديني وجات تهوي وصارت في يدي ما هي حيه ولا ميته لو اني الشجره اللي للغصون تحوي ما فيه غصن ماهي دابه ولا حيته لو انها الألتهاب القاتل الرئوي قلت الوعد جنة المسلم يا حوريته ايعزها الشوق لين تخضر وتستوي وتعيش من حسنة المسلم ومن سيته واثارها بنت حوا فاتنه وتغوي | |
| |
|
| الكلمات الدلالية (Tags) |
| (أحلى , الذيب) , الشاعر , بن , حيوان |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر الامير ( خالد الفيصل) | باربي | (همســــات شعر وشعراء) منقول | 75 | 10-10-2019 08:44 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
