 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
18-10-2019, 02:41 AM
| |||||||||||||||
| |||||||||||||||
 ديوان الشاعر الكويتي ( حامد زيد) 
المصدر: منتدى همسات الغلا ]d,hk hgahuv hg;,djd ( phl] .d]) hg;,djd phl] pd,hk  |
|
18-10-2019, 02:42 AM
| #2 | |
 
 | قصيدة الأم - حامد زيد قصيدتي زاد بعيونها بجمالها.. وأخذت انقى بالمعاني جزالها.. واكتب معانيها من الشوق والغلا.. لأمي وانا اصغر شاعر من عيالها.. كتبتها في غربتي يوم رحلتي.. لما طرا لي بالسفر ماطرالها.. امي وانا بوصف لها زود حبها.. وان ماحكيت لها قصيدي حكالها.. امي لها بالقلب والجوف منزله.. ومكانة ماكل محبوب نالها.. اقرب من ظلالي وانا وسط غربتي.. وانا تراي اقرب لها من ظلالها.. ماشافت اعيوني من الناس كلهم.. اتبع رضاها وارتجي زود قربها.. واللي طلبته من حياتي وصالها... الصدق مرساها والأشواق بحرها.. والعطف واحساس الغلا راس مالها.. اهيم فيها وابتسم يوم قلبها.. تسال وانا قلبي يجاوب سؤالها.. وان طلبتني شيء فزيت مندفع.. اموت انا واحمل تعبها بدالها.. واصبر على الدنيا والأحزان والتعب.. واحمل على متني فطاحل جبالها.. واسهر واعذب راحة القلب بالشقا.. واعيش اعاني بس يرتاح بالها.. تربية ابوي اللي على الطيب بذكره.. اللي وهبني للحياة ومجالها.. نور لي ادروبي وانا طفل مبتدي.. حتى تركتني واحد من رجالها.. الوالدين اولى بالإحسان لجلهم.. واولى بتكريم النفوس وعدالها.. اقولها وانا على الله متكل.. والله يعلم بقدرتي واحتمالها.. ياكلمة اغلى من الناس كلهم.. ياشمس بقلبي بعيد زوالها.. يافرحة تملي لي الكون بالحمله.. ياشجرة تكبر ويكبر ظلالها.. تضحك لي الدنيا ليا شفت زولها.. مثل السما تزها بطلة هلالها.. والبعد عنها ياهل العرف ماقدره.. لاشك ناري زايده بإشتعالها.. ماعيش ببلاد ولاهيب بارضها.. ولابي عيوني كان ماهي قبالها.. ارض تدوس امي بالاقدام رملها.. اموت فيها واندفن في رمالها.. | |
| |
|
18-10-2019, 02:43 AM
| #3 | |
| قصيدة لعنبو قصة غرام كل ابوها كلمتين - حامد زيد لعن أبو قصة غرام كل أبوها كلمتين أبتدينا عند أحبك وأنتهينا عند باي تونا ماقد مشينا بالهوى لو خطوتين وأنتهت كل المسافه دون علم عن خطاي كيف تنهين المحبه وبسهوله تحكمين وين أحبك وين أبيك وين ساكن في حشاي يمكن أنك ماعرفتي يوم جيتي تعشقين ولا أنك تحسبيني بتبعك من دون راي ويمكن أصلا ماعشقتي بس كنتي تلعبين ويمكن أنك ماقدرتي توصلين لمستواي ويمكن أني ماعرفت بالحقيقه وش تبين ويمكن أني خنت نفسي يوم سلمتك وفاي خبريني بالهوى يالخاينه وش تعرفين تعرفين أنك صرتي كل شي يجري في دمي علميني بالعطاء والتضحيه وش تفهمين لعن أبو حيك عشانك عفت أقرب أقرباي كنت أحطك في عيوني تسرحين وتمرحين كنت أشيل هموم قلبك وهمومي وأرميها وراي كنت أطير من السعاده يوم أشوفك تضحكين كنت ذايب في هواك مثل سكر وسط ماء كنت نايم فالعسل وأرسم من الفرحه سنين كنت أظنك قلب عاشق ماسكن وسطه سواي مادريت الا وأنتي في خفوقي تطعنين مادريت الا وسيفك بالحشا رايح وجاي وردة أي والله ورده بس عرفتي تجرحين كل شي فيني جريح الا فخامة كبريائي ماتأثرت بغيابك وش يعني دمعتين بكره أنسى صدقيني وأرجع بكامل قواي أدري أفترقنا بس أبفهم أمرين علميني وش كسبتي وعلميني وش خطاي أصلا الموضوع كله ماتعدى كلمتين التقينا عند أحبك وأفترقنا عند باي | |
| |
|
18-10-2019, 02:43 AM
| #4 | |
| قصيدة تبيني صدق و إلا ماتبيني - حامد زيد تبيني صدق وإلا ما تبيني . . قبل لا أبهذلك وتبهذليني وقبل لا أفقد شموخي واحترامي . . وقبل لا أشمت العذال فيني أنا داخل عليك من الفضايح . . تبيني صدق والا ما تبيني أنا ماني بلعبه في يدينك . متى ما تعشقيني تعشقيني أبيك ان كان جيتيني حبيبه . . تجيني بصدق ولا لا تجيني أنا ما أجرح مشاعر من عشقني . . ولا أرضى لي عشقتك تجرحيني ما دام أني عطيت بكل قلبي . . مثل ما عطيك من قلبي عطيني وإذا بعت العذارى واشتريتك . . تبيعين الرجال وتشتريني عشان أكون صادق لي عشقتك . . و عشان أريحك واتريحيني دخيل الله وقولي وبصراحه . . تبيني صدق والا ما تبيني أنا ما جيت ابي ألعب وتسلا . . أنا جيت أحتويك وتحتويني تبيني مثل كل الناس والا . . تبيني أقدرك واتقدريني مثل ما استحملك لامن زعلتي . . إلى مني زعلت استحمليني عرفتيني وأنا رجال وافي . . وأنا وافي قبل لا تعرفيني أحب الصدق لو هو من عدوي . . وأعاف الكذب لو من والديني مثل ما أقبل بليني وبشموخي . . لو أكره رحت بشموخي وليني إذا عن عاذلي ديني ودينه . . وإذا عن غيرتي دينه وديني أنا لي ثارت الغيره بقلبي . . تقول الجن الأزرق معتريني أبي وأنتي معي منتي لغيري . . وإذا كنتي لغيري جنبيني أغيب وتذكريني بالحشيمه . . ولا أمرح في ذراك وتلعنيني طويلين الشوارب ما احقروني . . تبيني أنتي تجين وتحقريني إذا نفسي رضت لي بالمذله . . أبذبحني قبل لا تذبحيني مادام أني وفي كوني وفيه . . لاني ما أخدعك ولا تخدعيني أنا لي أخذت قدري واحترامي . . خذيني مثل ما تب تاخذيني تبين بخوتي سيف(ن) مجرب . . وإذا بمروتي ليث بعريني فأن ألفيتني شهما شجاعا فليس البر أن تستضعفيني فأني ذقت بالالام ذرعا وما في الغدر قمح يتقيني أكف الدم لحزنا بعد حزن عشقت القمعا حينا بعد حيني لعمري كم حيوت الناس قلبا وما في الناس قلب يحتويني أنا الحزن الذي لا حزن بعدي ولا يغني حنين عن حنيني فلا من كان قبلي كان قبلي ولا من قد يليني قد يليني أنا المملوء حزنا وانكسارا وما فرطت في عرضي وديني أنا المختال من فخري بفقري وتبت كل عين تزدريني أنا من ذاق ملئ الأرض هونا وما أخضعت للدنيا جبيني فإن جاءت بي الأقدار يوما أجوب الأرض خوفا من أنيني فروفي واحفظي لي ماء وجهي ولاتخشيني واخشي الله فيني فلو أني رجوت الله شيئا فأرجوا الله أن لا تظلميني علشان ان عشقت اعشقك كلي . . أبيك كلك تجين وتعشقيني فلا تقفي عيونك عن عيوني . . ولا تدفي يديك ألا يديني أكون أقرب لقلبك من عروقك . . وأحسك بين شرياني وبيني اسامح لك خطاك اليا خطيتي . . وأنا لا من خطيت تسامحيني ولك مني عهد ما أصد عنك . . وأبي منك عهد ما تخذليني عشان أبقى معاك العمر كله . . وأشيل محبتك برموش عيني أنا بحلف يمين أني لصونك فلا أخونك ولا أرد بيميني.. وعساني للهلاك أن خنت . . وأنتي عسى الله يلعنك لو تتركيني ! | |
| |
|
18-10-2019, 02:43 AM
| #5 | |
| قصيدة السفينة - حامد زيد ضاقت وساع القوافي والوعد متن السفينه للطريق اللي دعاني بعد امان الله وامانه لا تناديني.. وصوني قلبك الله لا يهينه لا يراهن في رجوعي لاجل ما يخسر رهانه ليه ما ارحل عن غرامك بعد ما ذقت الغبينه اذكري لي شي واحد يستحق اقعد عشانه قلب ما حن لوصالي.. ماني بحاجة حنينه واشهد انه ما يعزر بالرفيع.. الا هوانه الهوي الغدار.. حد الله ما بيني وبينه والرجل لا خير فيه ان ما حفظ قدره وصانه واحد مثلي اليا من حدته عوجا سنينه ما شكي لاقرب بن ادم لو هو اغلي من اخوانه يوم قلبي ما عصاك وما قدرتي تذبحينه ليه خنتي فيه وانتي معه من نفس الديانه كان ذبحي بيدك ارحم لي من اللي تفعلينه ان طلبتك تذبحيني.. ما ذبحتيني لعانه كل جرح من جروحي تذكرينه.. تنكرينه كان مالك في نزيفه يد خانت بالامانه ينزف الخافق تواضع لين لطختي جبينه والا انا ما كنت ابيها تاصل لحد الاهانه قلت من باب الميانه.. صاحبك وتعذبينه لعنبوك ارخي معاي شوي ما صارت ميانه طعت عقلك يوم قيل ان العقل بالبنت زينه لكن الشرهه علي ان كنت احسب انك تكانه من بعد ما كنت انتي في حشاي اغلي سجينه بوعدك باطلق سراحك واتهمني بالادانه وين رايح؟؟ لاي درب ما يرجع للمدينه ليه رايح؟؟ لان قلبك ما ترك قلبي و شانه كيف ابنسي؟؟ ربي اللي ملهم القلب السكنيه مثل ما عانه بقربك لا نوي فرقاك عانه كان قاسي يجرح اطراف السكاكين السنينه ما يطيح.. وبنت مثلك حبها هزت كيانه والا انا خابر خفوقي ما يمد الا الثمينه وان بغي يغيظ الثريا قعد القمرا وزانه مزعل لاجلك هنوف رجت قلوب رزينه وان تهادت بالطريق الجرهدي تزهر جنانه جادل.. كن الجمال اقبالها كتف ايدينه والقمر لا شاورت له ينزح وتقعد مكانه كانت اول من تحكم في فروع الياسمينه وان تعدتهن ثنتهن خيزرانه.. خيزرانه بعتها لاجلك وصارت لاصغر اطرافك رهينه والا هي لفتة هدبها تغمرك ثقل و رزانه والخفوق اللي تغذي من معزة والدينه مشكلته انه تعلق في زمن ما هو زمانه كل ما زادت جراحه واكتشف غلطة ضنينه صدقيه ان قال ما به شخص يستاهل حنانه يوم نادي: يا فلانه. ما رضيتي تسمعينه لين صوت: يا فلانه، يا فلانه، يا فلانه كنت اشوفك زعفرانه تقرض الورد وتدينه يمكن اني ما قطفتك بس اشوفك زعفرانه كنت اهاب البعد عنك واطلبك لا تذكرينه كان خوفي من الفراق وخطوة الفرقا جبانه ما اقتنعت ان الخيانه للرجل تلوي يمينه لين ما ربي بعثك وذقت من طعم الخيانه اسمحي لي ما بقي فيني مكان تطعنينه واقبلي من جوف قلبي كل عطفه وامتنانه والله الله في عذابك بتركك عينك بعينه دلليه.. ولا يرده عن شقاك الا لسانه والا انا قررت اسافر وامتطي ظهر السفينه لانه ما به شي واحد يستحق اقعد عشانه | |
| |
|
18-10-2019, 02:44 AM
| #6 | |
| قصيدة الاستغفار - حامد زيد استغفر الله العظيم من الخطايا والذنوب استغفر الله كل ما اركع في رحاب الله واتوب استغفر الله كل مالبس من ثياب الذنب ثوب استغفر الله العظيم... استغفر الله العظيم استغفر الله العظيم اللي عليه المعتمد استغفر اللي لا اله الا هو الفرد الصمد استغفر اللي منشي السبع الشداد بلا عمد استغفر الحي اللي يحيي العظام وهي رميم استغفر الله لانه اهل للعفو و المغفره لان الله ارحم بالعباد من العباد استغفره استغفر الله لان اجهر في خطايا ويستره استغفر الله لاني اذنب واعرف ان الله حليم استغفر اللي كل مايستغفره عبده غفر استغفر اللي مالنا عن ساعة حسابه مفر استغفر الله واشهد ان اللي رحمه الله ظفر وعز الله ان اللي ظفر في رحمة الله في نعيم استغفر الله... لا ريا ولا نفاق لا دجل استغفر الله كل ماينتابني خوف و وجل استغفر الله لاعصيته ومتلا قلب خجل استغفر الله كلمة يبرا بها القلب السقيم استغفر الله قبل لافنا واندفن تحت التراب استغفر الله قبل اموت وينقفل لذكر باب استغفر الله قبل اجاهر بالخطا يوم الحساب استغفر الله قبل اجوز بها السراط المستقيم استغفر الله واسجد لوجهه واصلي له واصوم استغفر الله وحمده واثني عليه بكل يوم استغفر الله لانه الدايم والا غيره يدوم استغفر الله واشهد ان الله هو البر الرحيم استغفره لانه جود ولان لي بالله رجاء استغفره واللي يفوز بمغفرة ربه نجا استغفره وانا الفقير اللي على بابه لجا وعز الله اني ما وقفت الا على باب الكريم استغفر الله كل ساعه لا لهوب ولا ملل استغفر الله كل مايبعدني من الله عمل واستغفر الله دامني مؤمن ولي بالله امل واستغفر الله قبل اطاوع كل شيطان رجيم استغفر الله كل ما قالو عذاب الله قوي استغفر الله لسمعت المئذنه تدوي دوي واستغفر الله لذكرت ان الهب يشوي شوي استغفر اللي ماياس من رحمة غير الغشيم استغفر الله كثر مايملي السموات ويزود استغفر الله كلمة توصل الى ماله حدود استغفر الله من هنا لاخر مساحه بالوجود استغفر الله كثر ما لا يعلمه غير العليم استغفر الله كثر مايمطر من المزن الهمال واستغفر الله كثر ما بالارض من حب الرمال واستغفر الله كثر من لستغفر الله قال استغفر الله العظيم .. استغفر الله العظيم | |
| |
|
18-10-2019, 02:44 AM
| #7 | |
| قصيدة هذي طبوعك - حامد زيد هذي طبوعك من سنين في شوفة احبابك شحوح مره..تصد و لا تبين ومره .. تباشيرك تلوح كانك تعبت من الحنين انا تعبت من الجروح شف لك طريق من الثنين إما تجي ، و الا تروح ... | |
| |
|
| الكلمات الدلالية (Tags) |
| الشاعر , الكويتي , حامد , حيوان , زيد) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| اناشيد مكتوبة عن العيد الوطني الكويتي | ابن عمان | (همسات الوطن والعالم العربي ) | 16 | 27-02-2018 07:46 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
