 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
18-10-2019, 02:45 AM
| #8 | |
 
 |  قصيدة الدنيا بخير - حامد زيد الظلام اليا تبرى من مدرات النهار يبتدي عمره ضرير وينتهي عمره ضرير والعيون اليا عماها حقدها تبقى صغار ماتهادي مستواها غير للعقل الصغير والدروب اللي نهاية وصلها ذاك المسار ماتساوت مع طموحات الفهيم المستنير من يميز في طريق الشر حسن الاختيار من صرخ في كل قلب مظلم بصوت النذير من قدر ياخذ بحق التايه الضايع قرار من دفع عمره لحب الناس لو يبقي فقير من يقيد لكل فزعه للندم همسة شرار من يطفي بالقلوب المدمنة نار السعير من خلقنا ماعهدنا غير حب الافتخار نملك الصبر الكبير ونعشق الدرب العسير همنا نرفع بلدنا مع صفوف الازدهار ونتذكر يوم كان ترابها فرش وحصير وللاسف عشنا وشفنا حرب درب الانحدار حرب تشتيت القلوب وحرب تأنيب الضمير حرب اقسى من حروب النار وحروب الدمار حرب ابشع من نزيف الدم وبالسيف الشطير بالسموم اللي تروج بالكويت بكل دار السموم اللي تردوا من سبايبها كثير والشباب اللي تمادوا في دروب الانتحار اصبحوا فيها رهينة لعنة السم الحقير يستغيثون بعمار النفس من نسف العمار يرتجون وداع ظلما الليل للصبح المنير صرخة المدمن تهيم وترتجي رفع الستار رددت عند الهدف كلمة يصير أو مايصير أشعلت بين الضلوع العوج بعد النور نار وأدمعت كل العيون المشفقة دمع غزير وامتلت كل الحناجر من صدى الصرخة مرار وارتوت كل القلوب الضامية من زمهرير افة الإدمان زادت وابتدت بالانتشار والوجوب إنا نحدد في تلاحمنا مصير ناخذ اطراف القضية في عيون الاعتبار ونرسم دروب النجاة وخطة الفوز الكبير ونرسم خطانا وتكفي دمعة المدمن شعار ويكفي إنا من ربوع المجد وأخوان الاسير إن نوينا ما بغينا غير حرب وانتصار وان ضمينا ما رضينا غير نروى من غدير إتحدنا قلب واحد للهدب والاختيار والفضل يرجع لربي ثم يرجع للامير وعلموا من يفقد احساس الامل بالانتظار الهدف لازال حي وتوها (الدنيا بخير) | |
 |
|
18-10-2019, 02:45 AM
| #9 | |
| قصيدة قالها حامد - حامد زيد تمادي وأنا مثلك تماديت بهجر وبعاد وكل مثل عناده خفوق ثابت صامد وإذا عندك بعادي عيد ترى عندي جفاك أعياد وعسى طول الجفا مني يلين قلبك الجامد أبضحك وأظهر البسمة ولو إن الجروح اجداد وترى قلب الحريقة ضو ولو وجه الحطب رامد بكون أكبر من الغلطة وبعلن للهوا ميلاد إذا كان الخطا منك مجرد ثورة الخامد وإذا كان الجفا منك مسافات وغلا وعناد تراي أكبر من عنادك وقولي قالها حامد | |
| |
|
18-10-2019, 02:45 AM
| #10 | |
| قصيدة حد علمي - حامد زيد حد علمي بالغلا يوم كنت اسوا كثير يوم كانت ضحكتي طبع وعنادي سمه وحد علمي بالعنا يوم خفاقي ضرير قبل اهدم العشق وابنيه وارجع واهدمه وحد علمي بالبكا يوم لي قلب وضمير قبل اشوف المسلم يموت بأيد المسلمه ايه عدت من يدي بس ما عدت بخير ليلة عيت تجيني وجتني مظلمه من عرفت احساسها كن في قلبي نذير والنهار المكتأب باين من مقدمه ليلة حسيتها ما تجور ولا تجير مثل طفلا ما حقرته وعيت احشمه واصبحت مثل شعره واقسمت ظهر البعير وابتدا في موتها الجرح من حيث ختمه صار لي في العشق ما لا هقيت انه يصير ان ظلمت بعشرة انسان ما كنت اظلمه العشير اللي تبرا من ظلوع العشير الحلا عزز خطاياه والحظ خدمه لا تبسم يكسر النور فعيون البصير وكن شمس المغربيه تبات في مبسمه معتدل في قامته لا طويل ولا قصير ممتلي بالزين من معصمه لي معصمه فيه بألوان الهدب لون غير ولون غير مثل ما للرمش بالعين قصه مبهمه كنها نكس البيارق على شط وغدير ومثل لملمة الشتات بشتات اللملمه في سواد مجدل ما يثور الا يثير كنه اللي ينهم الريح ثمن تنهمه ما تجمع لين قيد حريرا مع حرير في ظلام علم الليل ما لم يعلمه ما هقيت ان الهدب صلب واجفانه تغير لين سلهم لعن ابو جد ذيك السلهمه ما عتقني لين ساق البشاير للبشير يوم صد وجاه قلبي بشحمه ولحمه والله انه حط قلبي تحت رحمة شطير في يديه وكل ما اراد يقسمه قسمه لو صحيح ان الحبيبين يجمعهم مصير كان نفس اللي حرمني من النوم حرمه والله ان مروتي ولعة فيني سعير يوم شفته تل قلبي وداسه بقدمه ما رحم زهرة شبابي وانا توني صغير لين ضيق خاطري ضيق الله نسمه ايه عدت من يدي بس ما عدت بخير ليلة عيت تجي بس جتني مظلمه حد علمي في عناها عذاب وزمهرير يوم قمت توحي بالاضلاع صوت وهمهمه وحد علمي في الرجا من نصير ليا نصير يوم شفت النفس تذبح وهي مستسلمه وحد علمي بالبكا يوم لي قلب وضمير قبل اشوف المسلم يموت بأيد المسلمه | |
| |
|
18-10-2019, 02:46 AM
| #11 | |
| قصيدة التمثال - حامد زيد عفا الله عن خطا غدر الخناجر والضلوع ابطال بسامح واتركك تحت الظلام الحالك لحالك دخيلك وفر دموعك ترى هدر الدموع اذلال وترى ما فيه احد يصبر مثل صبري بغربالك انا عيب علي أنقض كلامي والرجال افعال واذا قلت اقطع احبالك تراني بقطع حبالك عشان اكسب هدب عينك تجرعت العذاب اشكال وليتك ترأف بحالي علشان ارأف بحالك مسوي في حياتي شي ما يذكر ولا ينقال حشا حتى العدو وهو العدو ما يعمل اعمالك تمسيني على الهم وتصبحني على الغربال تقلطني فناجيلك وتقصر عني دلالك تحملت التعب لجلك وانا حملي يهد جبال رحلت من العذاب وما وقفت الا على جالك علامك كل ما جيك متواضع جيتني تختال؟ معاك اليا متي بصبر وصبري معك يحلالك؟ مثل ما اقبلت لعيونك لزوم تلد لي باقبال ومثل ما قد حشمتك حس واحشم قلبي اشوى لك أنا محدن بجابرني أساير معك هالمنوال ترى لاني تبيع لك ولا ني باصغر عيالك أنا جيت اعشقك نبض ومشاعر ما اعشقك (تمثال) أنا جيت اسكنك واحياك وابقى فيك وابقى لك أنا جيت بظما عاشق تعب يطرد سراب اللال أنا جيت استفز رضاك من فرقاك والجا لك أنا ما همت بك عاقل أنا كنت اعشقك بخبال أنا ما كنت احبك حي أنا كنت اعشقك هالك تخيل من كثر ما اخاف تلقى للزعل مدخال أخاف اخطي على طيفك وادوس برجلي ظلالك تبعتك والعرب تتبع رعود البارق الهمال وانا شفت المطر يتبعك في حلك وترحالك كأن اللي خلق حسنك خلقني مع جسدك ظلال وصرت اقرب جسد يمشي معك باقفاك واقبالك أبي قلبك يحس انه فقد بمحبته رجال ملكته من هدب عين وخسرت رضاه باهمالك صحيح ان الفراق اقسى ولكن الوصال محال أنا صعبن علي أرضي غرورك واضعف قبالك بعد ما حققت عيني فبعدك للرقاد امال أعود للسهر؟ -- يا خوي فال الله ولا فالك! ببدل نظرتك فيني واجي لك كل يوم بحال بكون اقرب من ثيابك عليك ولا تهيا لك بالمك وانثرك واجمعك وارجع وانثرك باهمال بخونك وازعلك وارضيك وازعل منك وارضى لك أبرسم بالثرى وجهك وابدفن صورتك برمال أبشكي للعرب فرقاك واضحك عند عذالك أبهديك الوصال فراق واهديك الفراق وصال بسوي مثل ما شوفك تسوي وافعل افعالك عشان تعرف من فينا الزعول ومن وسيع البال أبيك تذوق فنجالي وانا بذوق فنجالك نصيحة واحتفظ فيها قصر معك الزمن أو طال أبي تسمع كلامي زين وتحطه على بالك اذا حبك هبال اطفال لك عندي هبال اطفال ولا وابشر بعد بهبال حب ما هو بهبالك واذا قصدك تهين اسمي عشان تشمت العذال ترى لا انته ولا غيرك ولا عشرة من اشكالك | |
| |
|
18-10-2019, 02:46 AM
| #12 | |
| قصائد لم تكتمل - حامد زيد لولا العقل أنقهرت ورحت بالخطوه وراي يوم شفته من بعيد يكلمك والله إن لولا العقل توه معاي كنت أعرف أعلمه وأعلمك قصائد لم تكتمل - حامد زيد ملعون ابو العشق ملعون أبو العشق دام العشق دلعها لاصارت البنت تامرنا وتنهينا تجزم على الراي والكلمه وتقطعها وحنا الرياجيل لارحنا ولا جينا قصائد لم تكتمل - حامد زيد أربع جهات يالحبيبه خفوقي مايبيك ويبيك أشهد أنك حبيبه غير كل البنات وين ما ألد وجهي بالطريق التقيك صرت أخيلك واشوفك في جميع الجهات قصائد لم تكتمل - حامد زيد صوت الفناجيل ياحبيبي لاتواعد مواعيد وتغيب دامك تقول المواعيد من غير شهوه والله إني من عرفتك وسميتك حبيب أسمع بصوت الفناجيل وماشفت قهوه قصائد لم تكتمل - حامد زيد لا تردين روحي وهالمره خلاص لاتردين هذا الفراق وروحة دون رده الكذب خيبه ماعرفتي تحبين ما أنتي من يستحق الموده ماتعرفين الحب والعطف واللين ولا عاد في قلبي على الحب شده قصائد لم تكتمل - حامد زيد ماتشوف شر لاباس أنا يالغاليه قلتها لك من قلب يخلص لك يحبك ويغليك ياليتني كنت المنوم بدالك وليت المرض يابنت فيني ولا فيك | |
| |
|
18-10-2019, 02:47 AM
| #13 | |
| قصيدة مايحق لك - حامد زيد في هالزمن لاصار للرجل لابه اقربهم اللي بينه وبينهم دم يلجى لهم لا كشر الوقت نابه ولا امتلى صدره من اهل الكدر غم كان الخوي يفزع عشان القرابه ويش عاد انا صاحب وغالي وابن عم وانا ليا جيت الرجل عند بابه ابغي فعل يمناه مابي فعل فم الذيب ينصى بالرجال الذيابه وانته من اللي فزعته تفرج الهم في مجلسك على السعه والرحابه ابي اطلبك حاجه وابي قولتك تم اليا انقضت يقضي خويك عتابه وان مانقضت والله ما يلحقك ذم | |
| |
|
18-10-2019, 02:47 AM
| #14 | |
| قصيدة الريم اللعوب - حامد زيد هذه قصيدة للشاعر حامد زيد العازمي من دولة الكويت وهوا يتغزل فيها بفتاة من أهل الجنوب (( الريم اللعوب )) واعيني اللي كل ما ذعذع من الغربي هبوب يحلى لها لون الغروب اللي يذوب أقبالها ويا ويل حالي كل ما يحلى لها لون الغروب تطري لي الريم اللعوب وسالفة ترحالها وعزالله اني كل ما تطري لي الريم العوب حرمت أمد إدي على حاجه وانا مقوا لها من سافرة ريم الفلا صديت عن كل الدروب ما هو قصور بالعذارى بس ذيك لحالها من فارقتني ما خطف قلبي من الحور محبوب ولا لقيت الجادل اللي تستحق أحيا لها لان القلوب اما وفت لحبابها ماهي قلوب والعشرة اللي ما ترد الروح ما نسعى لها أما الوفا اللي يستر الرجال من كل العيوب والا الجفى اللي يستر اعيوب العرب في رجالها مقسى من افراق الجنوب الا فراق اهل الجنوب ويلي على اللي كل ما تزعل تشد ارحالها اللي مذيرها العتب لا شبت بصدري شبوب عييت أراضيها وهي عييت تطول بالها كانت معي مثل النصيب يحدني من كل صوب كانت دروبي من متاهات الضلل لظلالها كانت هروبي لا شعرت إني بحاجه للهروب كانت سماي اللي ليا ضاقت علي الجا لها ليه تحداني وانا في كل الاحوال مغلوب ليه أحرمتني من قهر عذالي وعذالها ليه اتجاهلني وانا ماني جبان ولا كذوب ليه أرخصت دمعي وانا اللي ما بكيت الا لها ما ترحم اللي له سنه كنه على النار محطوب ما هزها دمع الفقيد اللي بكته أطلالها ما خافت تهدم السنين اللي بنتنا طوب طوب ما فكرت تشفق على حالي وترحم حالها قولوا لها لو ما تذوب أنا بخليها تذوب قولوا لها لو ما عنت لي مستعد أعنا لها اليا ادمحت لي هلخطاء بدمح لها كل الذنوب وان جابت الحسنه معي تبشر بعشر أمثالها أفرش لها صدري وطن واجمع من اضلوعي شعوب وارقأ لها لمكانها اللي ماحدا يرقا لها ان كانني مخطي فنا ماني خلي من العيوب الذنب يغفر والبشر تجزى بقدر اعمالها البعد قاسي والفراق يضيق الصدر الرحوب وانا تعبت أدور الحيله وارد احتالها قولوا لها ترجع ترى ماتي على الحزن مغصوب و الا ترى نذرا علي انه مهوا بشوا لها أما تجنبها هلهبال وتترك البعد وتتوب وإلا بتبشر بالهبال اللي مهو بهبالها كافي زعل ترا الظروف مقفله من كل صوب وانا حملت من الهموم أنواعها واشكالها يكفيني اني كل ما هبت على صدري هبوب أتحن عيني للجنوب وتلتفت بالحالها والمشكله اني كل ما حنت عيوني للجنوب تطري لي الريم اللعوب وسالفة ترحالها وعزالله اني كل ما تطري لي الريم العوب حرمت أمد أيدي على حاجه وانا مقوا لها | |
| |
|
| الكلمات الدلالية (Tags) |
| الشاعر , الكويتي , حامد , حيوان , زيد) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| اناشيد مكتوبة عن العيد الوطني الكويتي | ابن عمان | (همسات الوطن والعالم العربي ) | 16 | 27-02-2018 07:46 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
