(( تجيء نعشق بعض اكثرر واكثرر/ البارت السابع والثامن ))

(( تجيء نعشق بعض اكثرر واكثرر/ البارت السابع والثامن ))

ツ】ઇ需البارت السابع需ઇ【ツ

ღbcღ

↓

قسِسۆھːزﻣ̲̐ﻥ̴‏​‏​‏​​‏​​ #` .

‏ۅظړۆفمآهيٌ [ ړحۆمہْ ]

لندن

كان يوم متعب على البندري ولما دخلت للغرفه لقت الجده راقده .. حبت راسها وراحت تبي تشرب لها ماي
هاري : مرحبا
البندري ارتبكت لان هاري كان دايما يطلعها بنظرات قذره
شربت الماي وتبي تمر .. ووقف في طريقها
هاري : الجمال العربي يعجبني وايد وهو يحاول يلمس خدها
البندري دزته وحاولت تمر ماقدرت لان هاري كان جسمه رياضي
هاري : ليله حمرا وحده بس
البندري ماقدرت تصارخ لانها كانت خايفه على الجده
وبعد ماتعمدت تكسر قلاص , طلعت جوي متخرعه للمطبخ وشافت هاري
جوي : هاري ابعد عن البندري
هاري كان يطالع البندري ومطنش كلام جوي
حاولت جوي تحركه .. لكن بدون أي فايده ولما زادت حركة جوي الي كانت مزعجه بالنسبه لاخوها ضربها
وهني البندري استغلت الوضع وراحت تركض للغرفه وسكرت الباب وهي تنتفض
وكانت تسمع هاري وتهديداته لها
البندري حطت يدها على حلقها عشان شهقاتها ماتقعد الجده ... وكانت مصدومه من الي تسمعه !!!!!


الدوحه


ف السوق
كان تركي يطالع ريماس
ريماس كانت تتأفف من الوضع الي ماكان عاجبها : نوفوه امشي شوفيه شلون بياكلني بعيونه
نوف وهي مفهيه : وانتي تطولين
ريماس تقرص نوف : آآآآآي خليني اسمع له وبنطلع بس شووي ريموو وهي تحبها
تركي كان يدور على نايف الي كان لاهي مع بعض البنات عشان يتوسط لهن عند تركي ...
واستغرب من ريماس الي كان شكلها شبه عادي مب مثل كل مره


وحرك المايك : نكمل
البنات : نككككككككككككككككمل

على هونك على من هم يعشقونك ،،، عيونهم كلها لك و خوفي لا يحسدونك
ملكني سحرك ملكني و لا حد غيرك فتني ،،، بعمري سبعة عجايب و ثامنها في عيونك
جمالك من في جمالك و منهو يكفي بدالك ،،، حاكم لقلبي و تأمر تصرف و الكون كونك
انا مالي غيرك انت يامن فؤادي ملكته ،،، تراني قايل من اول على هونك على هونك


وكانت ريماس فاهمه لتركي بسس !!
تفاجأت بنوف الي راحت قربت اكثر عشان تصور تركي وخلتها بروحها ..
وكان تركي يضحك عليها وفجأه اختفت ابتسامته لما لاحظ ان غانم يسحب ريماس من يدها غصب
تركي طلب من عبد العزيز يعتذر للحضور
عبد العزيز : تروككك يرحم امك لاتفشلنا
تركي عطى عبدالعزيز نظره سكته وراح بدون محد يحس فيه
عبد العزيز : امممم ياجماعه اغني لكم ؟
ولقى التجاوب من الجميع وخذ العود وقعد يدق اغنيه وبدأ يغني بوسط اندماج الجميع


تركي لحق غانم الي سحب ريماس للسياره
غانم : ادخلي
ريماس وهي ادزه : مممابي وخر عني
جا تركي بعد ما شاف مقاومة ريماس لنغانم : ودزه عنها
تركي : روحي البيت
ريماس كانت واقف عناد في تركي
غانم والشر طالع من عيونه : تركي حبيب قلبي ابيك بموضوع
وريماس منصدمه : يييييييآحقير وراحت


ريماس كانت منهاره وردت للبيت وماسلمت على خلود الي كانت ف الصاله
خلود : ريماس شفيييج حبيبتي ؟
ريماس راحت لغرفتها ركض وسكرت الباب وقعدت تصيح
وبعدها بنص ساعه جاهم تركي وهومعصب وعيونه يتطاير منها الشرار وسئل اخته اذا زوجها موجود
خلود : لا ليش تركي وش فيك
تركي :اسمعي يا اختي ابي ريماس مع امها ضروري الحين
وما ابيج تكونين حاضره فهمتي واذا شاهين جاء ولا حسيتي به نبهيني
خلود:تركي وش السالفه ولا انا ماني باختك وقد الأمانه
تركي :الله يخليج بعدين خلود الحين ابيهن بسرعه
خلود :اه يا تركي انا حاسه ان فيه شي كايد صاير ذيك الأيام يوم تجينا ام سيف
والحين ريماس تدخل وهي منهاره و انت بعد يله بروح اناديهم لك تركي
وهو يكلم روحه اكيد بتعتفس من بعد اللي سوته سودة الوجه
جاته خلود
خلود :ريماس رافضه تنزل بس الخاله لطيفه الحين بتنزل لك


قام تركي اتصل على رقم ريماس وقال لها
تركي :الووو ريماس نزلي ابيج تحت بسرعه
ريماس وصوتها مبحوح:مممن انت !!
تركي :ما الومج اذا ما عرفتي صوتي من كثرة اللي تكلمينهم
انا تركي انزلي لي تحت وتعالي قبل لا يجي خالج بسرعه وترى امج عندي
ريماس حست ان نهايتها قربت


راحت للصاله

وبعد ما سلمت من طرف خشمها :هاه شتبي ؟
تركي:لا ابد سلامتج بس لج امانه عندي هاج اياها
وعطاها تليفونه وشافت نفسها في جميع الأوضاع المشينه اللي صورها لها غانم يوم كانت مغمى عليها في سيارته
عند البحروبعد عندي لج مشهد في تليفوني من بعد ما تشوفين ها الصور براويج اياه
لطيفه وهي تشوف تنهار من اللي تشوفه
لطيفه :تركي يمه وش السالفه؟
تركي :خلي بنتج المصون تشرح لج من بعد ما شافت مصيبتج ما خافت ولا اتعظت بل تمادت وهذه هي النتيجه
قربت امها منها وسحبت الصور منها
وشافتها ومن الهول اغمى عليها بعد ما صرخت قام تركي وفوق الأم
لطيفه لبنتها :شنو ذي يا كلبه شنو .. وجاتها وقعدت تضرب فيها وريماس كانت مستسلمه لها في بداية الأمر بعدين دزت امها لين طاحت وقالت لها :تربيتج يمه !!
جاتها امها تبي تضربها حال بينهن تركي وقال:
الحين مهب وقت الضرب والصراخ ترى شاهين على وجه جيه
لطيفه :تركي فهمني انت
تركي :السالفه يا ام سيف ان بنتج متعرفه على واحد من الخمه وقد نصحتها انها تبتعد عنه بس هي ما سمعت كلامي
ريماس:ومن انت عشان اسمع كلامك ؟ولي امري؟
تركي :ما يشرفني اكون ولي امرج،،يا حسافه نزلتي راس اخوج في الحضيض يله حليها الحين
لطيفه :كمل تركي وبعدين
تركي:ابد كانت تطلع معه وفي النهايه خذ اللي يبي منها وقطها وله يومين وهو يتصل يبي يلعب ويتسلى بس هي الظاهر ما ترد عليه
ولأنه يعرف اني اعرف بهذا الموضوع اليوم ف السوق ريماس ماركبت وياه وحب يحرق اعصابي ورمى الصور في وجهي وقال لي هاك صور اخت صديقك العزيز وقبل لا يطلع اهداني مقطع لبنتج وهي ترقص قمت خذيت تليفونه وكسرته له وطردته من مكتبي وهددته بشي عندي ماسكه عليه من زمان انه اذا سوى شي يضر بسمعة سيف اني اوديه وراء الشمس بس هو ما ينأمن طرفه يمكن يسوي اي شي
لطيفه :اه يا ويلي حالنا ما صدقت سالفتي انضبت وستر ربي علينا والحين تطلع لنا هاالبلوى وشسالفة مقطع الفيديو اهوه اشوفه


جاء عند ريماس وامها وراواهم المقطع لها وهي تتمايل وترقص بكل الدلع


ريماس :يمه والله ان كنت ارقص في بيتنا حتى شوفي الخلفيه
بس من اللي صورني وشلون وصلت له الحقير النذل ليش ليش
تركي :من هو الحقير النذل
ريماس وهي تبكي : من يعني انت مثلا غانم الله ياخذه
تركي :الحين الله ياخذه شوفي ريماس غانم مراح يخليج في حالج يا تلعبين معه
وياخذ منج اللي يبي ولا على قولته بينشر صورج
ريماس :بس انت تقول انك كسرته تليفونه اللي فيه كل صوري
تركي:أي كسرته بس تضمنين ما عنده نسخ منها
لطيفه:والحل يمه تركي والحل اه يا ويلي عليك يا ولدي لاامك حشمتك ولا اختك احفضتك وش بيكون وضعك وسمعتك بين الناس
الحين مع ها النذل ولا شاهين اخوي اللي يحبج ويموت فيج وما يحلف إ لأ باسمج وش بيصير فيها
ما يكفي اللي سويت انا تقومين تكملين انتي اللي بقى
ريماس :وهي تبكي وتصارخ كله منج لو انج مربيتني عدل ومهتمه فيني كان ما صار لي اللي صار
تركي:كفايه ريماس ها الكلام ماخوذ خيره
والحين اما عندي حل بس مدري وشرايج فيه ام سيف
لطيفه:قول تركي وانا مستعده اساعد ريماس باللي اقدر ولا تنشتر ها الفضيحه اللي بتقضي علينا كلنا
تركي :ريماس تعرفين وش قال لي قبل لا يطلع تبقى تقابلني لو حد خذها عقب فضيحتها هاي
المهم انا عندي حل مؤقت اني اتقدم لريماس واعقد عليها حتى يكف عنها اذا عرف انها في ذمة رجال
وان وراها رجال يقدر يدافع عنها
ريماس :شنو شنوا تزوجك لا والله لو كنت اخر رجال في الدنيا ما خذتك
تركي:عدال يا ام السنع يا بنت الأصول والله ما خلاني اتقدم لج إ لأ لمحبتي لسيف ولا انتي وحده مستعمله !!!
فاهمه ها الكلمه وش أقصد بها يعني انتي ما تشرفين أي رجل ياخذج
وانا ما قدمت هذا العرض أ لأ عشان سمعة سيف وبعدين قلت عرض مؤقت اذا خذتي بالج
ريماس :بعد عرض مؤقت شنو يعني
تركي:يعني سنه واطلقج ولا انا اخذ وحده لا شرف ولا كرامه لها
وكل ذا الشي اسويه لخالج شاهين واختي وعيالها وقبلهم سيف ولا انتي ما تسوين عندي شي
ريماس: هي انت يحصل لك انا انت ناسي انك تموت فيني وتتمناني
تركي:ههههههههه هذاك اول يومج نظيفة سمعه مهب الحين من يبيج في ذمتج
ريماس وهي تصارخ عليه وتأشر بصبعها عليه : انت فاكر اني عشاني في هذا الموقف برضى بادنى الحلول
تركي:من زمان وانتي تشوفيني دونج واني ما اشرفج وانج انتي الملكه
وانا من ضمن حاشيتج لا يبه فوقي اذا ما خذتي بالج من طريقة تعاملي معاج من مده وانا انظر لج باستهزاء و
ترى امي توها مكلمتني على بنت خالتي تعرفينها ملكة جمال بس انا فكرت في سيف
والتفت للطيفه :هاه خالتي وش قلتي في عرضي المؤقت وكان يصر على كلمة مؤقت
لطيفه:شورك وهداية الله اكيد انك ما تبي إ لأ الصالح والزين لنا
ريماس :يمه يمه لا انا مهب موافقه
لطيفه:وحطبه تنشب في بلعومج ولا عاد تظهر انتي مهب في موقف توافقين ولا ترفضين انتي تحمدين ربج انه وافق
ينتشلج من الحضيض اللي حطيتي روحج فيه
تركي:على فكره ريماس ترى غانم طلب مني انقل لج خبر زواجه بعد شهرين من اقرب رفيقاتج
ريماس :زواجه ومن رفيقتي من هي من هي
تركي:مها
ريماس :طاحت على الكنبه مصدومه مها
أي مها كانت معجبه فيه وميته عليه وكله تنصحني اني اتركه
تركي :لا تنسين ا نهم جيران ومن زمان ويعرفها ويعرف اخلاقها
يعني لعب معج وخذ ما انتخذ ولفظج ويوم فكر في الزواج خذا له البنت الشريفه العفيفه اللي ما عرفت حد قبله
ريماس :قامت تسب تركي وغانم واخلطت الحابل بالنابل
قربت امها منها وعطتها ذاك الكف اللي فوقها لعمرها
التفت ريماس لأمها وقالت لها:اكرهج اكرهج كله منج كل ما تقربت منج بعدتيني مج
وقامت تبكي
وخذتها امها وحضنتها لأول مره وسمت عليها
لطيفه :يحق لج تكرهيني بس والله ما كنت اقصد يا بنتي اخليج للدمار صحيح لهيت عنج
بس مدري ليش كنت مقتنعه انج ما تسوين غلط
تركي:الحين انا بروح منكم وانتوا اتفقواوترى بجي بعد ما يوصل سيف بالسلامه وبخطب لأن غانم ناوي على الشر لأنج ما تردين عليه
ريماس:بس انا ما ابيك ولا ابي اتزوج
تركي :يعني انا اللي ابيج وميت يعني
لطيفه :يا عيال اذكروا الله بس ريماس خلصنا وانت توكل على الله والله يخليك
ما قصرت لا معي ولا مع ريماس
ريماس:اكرهك تركي اكرهك لأنك عرفت عني كل ها الأشياء ولانك بتتزوجني غصب عني
وقامت تبكي وهي بحضن امها


راح تركي ومحى المقطع وكل الصور واكدلهم انه كسر تليفون غانم بس ما يندرى عنه اكيد عنده نسخ يله اسمحوال لي بروح وطلع


ريماس :يمه ليش يصير فينا كذا ليش
ومها صديقتي ليش تاخذ الشخص اللي يماشيني ليش اكيد بينهم شي ولا متفقين على شي ضدي انا قدلي كم يوم ملاحظه عليها انها تخطط لي شي وانا يا غافلين لكم الله
لطيفه:اسمعيني يمه عدل ترى تركي رجال والنعم فيه عدلي لسانج وياه يمكن بعد الزواج ما يفكر يطلقج
ريماس :يمه وش تقولين انا احمد ربي انه ها التركي فكر ياخذني انا ريماس
لطيفه:هي هي انتي محد وداج في داهيه غير غرورج وخشمج اللي زامته فوق على مخاليق ربي
ريماس:هههههههههههه طالعه على امي ولا ابوي واخوي وخالي متواضعين
لطيفه :استهزئء فيني ياامج قد ما تقدرين هذا انا وانتي شوفي نهايتنا وشلون
ريماس :معليه يا مهوي كان ما انتقمت منج
لطيفه:خليج بعيد عنها دامها مع الشيطان ولا والله انج تروحين فيها
ريماس :بس يمه مابي اتزوج تركي مابي
لطيفه :مهب على كيفج الحين غصب طيب بتاخذينه
والحين قومي روحي فوق قبل لا يجي خالج ويشوف شكلج المبهدل ويشك بالامر
قامت ريماس وهي تتوعد با لانتقام من مها وانه ابتكره تركي بحياته


◄انتهى البارت ►

الموضوع الأصلي: (( تجيء نعشق بعض اكثرر واكثرر/ البارت السابع والثامن )) || الكاتب: اسكن عيوني || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

(( j[dx kuar fuq h;evv ,h;evvL hgfhvj hgshfu ,hgehlk )) )) hgfhvj hgshfu h;evv fp[l fuq ,hgehlk ,h;evvL

ツ】ઇ需البارت الثامن需ઇ【ツ



ღbcღ



غريبھٓہَ

ڳل [ مَ يلعبَ ] . . *

بَ شبآكي / ھٓوىَ ذڳرآڳ ‏​‏​‏​♑#

ﺂفز منَ ﺂلۆلھٓہ : مَفزۈعَ , !

ۆ ﺂعطر .. للقىُﺂ ثيآبي♡

ومن وحده من الدول الاوربيه
الى لندن



تفاجىء سيف بأتصال من السفاره القطريه في لندن .. ان لازم يتواجد وبأقصى سرعه !
البندري كانت رافضه تدخل التحقيق قبل لاتقابل سيف



ولما وصل سيف


لقى الجده والبندري وهم منكمشات على انفسهن
وتوه بيقرب من البندري يبي يمسك يديها وخرت عنه وراحت صوب جدتها وطاحت بحضنها وتمت تبكي مر البكاء


سيف:البندري وش فيج ؟
حاول انه يستنطقها بس ما فيه امل كله صياح
الضابط:هذه حالتها من بلغتنا بالجريمه
سيف :جريمه!!!!!!!!؟


سيف قرب من الجده وحب راسها ومسك يديها بين يديه
وحاول يكلمها وهي ما غير تطالعه ولا تتكلم


سيف:يمه الله يخليج تكلمي ترى حالتي با الويل قد لي كم اسبوع وانا احاتيكم وبالي مشغول
وش صار فديت روحج قولي ؟؟


بعد نص ساعه الجده ام خالد تكلمت


وقالت له :انت وينك عني وعن مرتك حرام عليك كل الفتره اللي راحت وهي تتصل بك ولا ترد عليها ؟!
سيف:أي اتصال يمه والله ما جاني منكم اتصال ،
والتفت للبندري
سيف:البندري متى اتصلتي ؟
البندري بعد ما ارتاحت شوي بس عادها خايفه ونظراتها زايغه
البندري: كم مره اتصلت و... ابتدت تبكي
قام سيف وخذها غصب عنها وقعدها جنبه ومسك يدها عشان يهديها ويعرف كل شي
الضابط :لو سمحتي اختي نبي نبتدي التحقيق ونعرف كل شي من البدايه
شجعها سيف انها تتكلم
الجده:حياة حفيدتي في خطر لو تكلمت
الضابط :لا خطر ولا شي هي الحين تحت حماية البوليس البريطاني وهذا زوجها وهو ضابط (اول ماوصل عرف عن نفسه )
كبير معها وش تخاف منه كلنا معها
البندري :سيف اللي يخصك بقولك عليه بعدين والحين بقول اللي يخص القضيه اللي انا بصددها هنا
الضابط : قولي وثقي انج مراح تنضرين ولا راح يجيج أي شر


كانت تسترجع الاحداث الاخيره بالشقه
هاري وتحت تهديداته لجوي ..
وبعد الضرب المبرح الي اخذته ومتعوده تاخذه يوميا من اخوانها الاثنين هاري وبيتر ..
لكن كان هالمره مختلف كانت اخر ايام جوي


جوي : ارجوك هاري ارحمني كانت تستغيث بالبندري


والجده قعدت مع الاصوات
الجده : حسبي الله ونعم الوكيل فيهم
البندري وهي تنتفض .. : يما لازم نسوي شي لازم نتصرف
الجده : انا مافيني شده عليهم وانتي بنت وماراح اخليج تطلعين .. حسبي الله ونعم الوكيل
البندري وهي في حضن الجده : الله يكون بعونها يارب وهي تصيح على صياح وصراخ جوي ..
وكان شوي شوي يهدأ صراخ جوي لين اختفى ..


والبندري خافت وكانت تبي تطلع تشوف الي صار وماقدرت تتحمل

وبعد مامرت ساعتين ..

فتحت الباب ولقت جوي على الارض تنزف دمم !!
راحت تركض لها : ججججججججوي
جوي : البندري روحي من هني اخواني ناويين عليج انتي والجده اطلعي بسرعه
البندري : لا انا ما اقدر اخليج انتي تنزفين دممم لازم نطلع كلنا
جوي : لا يالبندري انا اخواني ماراح يرحموني وراح يبقون وراي لاخر عمري انا راضيه بالقدر ...
وكانت تكح وتاخذ نفس عشان تقدر تكلم البندري
البندري تحاول تسعفها لكن مافيه فايده كان الدم ينزف منها بأكثر من مكان ولما سمعت اصواتهم ..
ركضت للغرفه وقلبها يتقطع على جوي ...
وهالمره خلت الباب شبه مفتوح
وسط شهقات البندري .. وتكبير الجده
ماتت جوي بيد اخوانها بس بعد شنو !!


البندري : الله واكبر عليهم .. الله واكبر عليهم شلون يعتدون عليها...
وماقدرت تكمل الكلمه وقعدت تنتفض وتصيح
الجده كانت تهدي ببنتها وكانوا خايفيين من الجاي ... لان هاري وبيتر كانوا سكارا ويهددون ويتوعدون بالبندري
بعد ما مر الوقت وكان الهدوء يعم المكان ....

فجأه يجي ضرب على باب البندري والجده من هاري وهو يهدد البندري
وحال البندري والجده كان لايحسد عليه !!!


واستمر الوضع ل6 ساعات وقدرت البندري تطلع برى الغرفه بعد ماشافت هاري وبيتر منسدحين كل واحد منهم بزاويه ف البيت
طلعت هي والجده بأمان وسلام ...


سيف : وبعدين يالبندري ؟
البندري : رحت للسفاره وهناك ماقصروا وياي واتصلوا فيك وجابوك لي .. وكانوا بيجيبوني لقطر بس رفضت
حرام يضيع حق جوي وقعدت تصيححح
سيف:وما طرا عليج تتصلين علي؟
الجده : إ لأ انا اللي اتصلت على مكتبك ومن ثم بيتك بس مابه من مجيب
سيف :انتي متأكده انج اتصلتي وشدعوى وليش اتصالاتج ما توصلني
الجده :بتقولك البندري ليش ما وصلتك ؟


وبعد يومين
انتهت التحقيقات

با القبض على المجرمين بعد مجهود مكثف من قبل البوليس البريطاني وشكرهم سيف على سرعة تجاوبهم
وقبل لا يطلع طاحت عليه البندري من شافت المجرمين قدامها وعيون هاري كلها تهديد
خذها سيف هي وجدتها وراحول لمستشفى كبير


وبعد الفحوصات تبين لهم انها حامل
البندري من سمعت انها حامل قامت تصيح بقو
سيف جاء جنبها وحضنها وهداها هي كله تبكي وهو يسألها
سيف :ليش البكاء كل شي انتهى وراح انا جنبج وهاي جدتج وعلى ما ترتاحين وبنروح للدوحه
البندري :لا مابي اروح للدوحه من لي هناك؟؟
سيف :أفا وانا مهب زوجج أنا و كل شي لج
البندري :لا لا امك مهيب راضيه
سيف وهو كله استغراب : امي وشدخلها
جاتهم الجده ومسكت يد حفيدتها وباركت لها الحمل
البندري:جدتي تخيلي لو هاري اعتدوا علي ذاك اليوم كان وش مصيري ومصير ها الياهل وانا ؟
كانوا بيذبحوني ولا بيعذبوني
قامت تتنافض وهي في حضن زوجها حتى سيف عاش معها الموقف
سيف وهو يمسح على راسها :حبيبتي خلاص كل شي راح وما عاد به خوف وتخيلات بس
وش سالفة امي وشدخلها برجعتج معي للدوحه ؟؟
البندري:وهي تبكي ودافنه وجهها في صدره :يوم اتصلت فيك هذاك اليوم ولا رديت
ارسلت لك مسج طويل عريض اشرح لك فيه الوضع بس ما جاني منك رد قمت
وحرقت تليفونك كذا اتصال لحد ما ردت علي حرمه وقالت لي خير وشتبين من سيف؟ هنا ارتبكت وما عرفت وش اقول لها
جات جدتي وخذت التليفون من يدي وشرحت للوالده كل شي وقامت امك قامت ....
ما قدرت تكمل وقعدت تبكي


سيف : لا حول البندري خلصي وقولي وش صار
الجده :انا بقولك امك الله يسامحها قامت تسب وتشتم وما خلت كلمه في قاموس الكلام الكريه ما قالته لي وللبندري
حاولت اشرح لها كل وان حنا مهب نصابين وان وان بس يا امك مابه فايده
كانت تصارخ بهستيريا وبعده اختمت كلامها انك تتجهز لعرسك
سيف :عرسي وشها الكلام ؟؟؟! البندري ممكن تعطيني تاريخ ها المكالمه لأني شاك بشي
البندري :أي " وعطته التاريخ "
سيف :فهت الحين الله يسلمكن كنت في عزا ابوي وقاط تليفوني في غرفتي ولا دريت عنه ثلاث ايام
كنت محتاس في الدفن واستقبال المعزين ولا فقدت تليفوني إ لأ متأخر
البندري وجدتها عزوه في وفاة والده
سيف :المهم كملوا ؟!
البندري :وش نكمل خلاص من بعد ما سكرت منك الظاهر قفلت خطك
لأني بعد اتصلت كذا مره ما كان عندي غيرك الجأ له لقيته مقفل
سيف:والله وبالله اني من خذت تليفوني وانا اتصل عليكم وعلى الشقه ولا به من مجيب وانا الف وادور حوالين روحي
لحد ما جاني الأاتصال من السفاره وانا مسافر لوحده من الدول يطلبوني لشي ضروري
اصلا حتى لو ما جاني أي اتصال كنت جاي جاي ابي اعرف وش صاير لكم ..
الحين بروح احجز لنا وبنروح للدوحه ولا ابي أي اعتراض وبحقق مع امي ليش سوت كذا ؟!
الجده:اسمع يبه وشرايك تسبقنا وترتب امورك وبعدين نلحقك
البندري:لا لا اخاف اقعد بروحي لا سيف خذني معك
قام سيف وضمها وهو حزين من حالة الأنهيار اللي هي فيه
سيف : والله ما اخليج يوم بروحج من بعد ها اليوم يله يمه اجهزوا وخلونا نرد لبلادنا
وهناك يصير خير ولا تحاتون امي اكيد بيكون عندها رد مقنع
البندري : زين ابي ارتاح يومين ما اقدر على دوخة الطياره ممكن
سيف : اوكي يا عمري ما طلبتي شي


وحجز وضبط اموره على انه يكون في الدوحه بعد يومين
وكلم امه تسبقه لبيتهم ويرتبونه وان معه ضيوف بيقول لها عنهم بعد ما يوصل
حاولت امه تفهم منه شي بس هو قال لها خليها مفاجئه !!


بعد يومين


ف مجلس سيف
تركي مستانس بردت الغالي وكان مجمع الشباب
عبدالعزيز وهو يتكلم في التيلفون : يا حب بنرتب لج ويا تركي ولا يهمج بس خلاص فكينا منه ترى انا اغار
" وهو يحرك حواجبه لتركي "
تركي : هههههههههههه شقاعد تسوي عزوووووز !
عبد العزيز وهو يسوي نفسه ذايب : اقند الكيف وهو يغني :


الكيف قربك لو بقند لي الكيف
اغفى عسى طيفك يرد حنآننني
واصحى لوعد قلبك إنته بلازيف
يفداك عمري وفدوتك عمر ثاني



تركي ويحط يده على قلبه : خفي علي عبد العزيز ترى قلبي صار يدق اكثر
عبدالعزيز يعطيه بوسه على الهوا : امممموآه
فيصل : عطنا نسلم زين !!
عبد العزيز : جب انت ماتستحي وكمل التيلفون : الوو .. الووو !!
افففففففف منكم يالقواطي زين الحين سكرت
تركي : عسى لك خل بنات الناس في حالهم
عبدالعزيز : بنات الناس مايرفعون التيلفونات على الشباب لان المتربيه متربيه ياتروكك ولا شرايك ؟
تركي سرح في البندري
فيصل يهزه : بو الشبببببباب نحن هنا
تركي : هاا
فيصل : شل لنا شله يابوك
تركي يبي يتجاهل التفكير في البندري : من عيوني


الله يجازي.. من يسوّي سواتك
وبذنوب من سوّى سواتك.. يجازيك
مشيت درب الثقل.. وتحبّ ذاتك
ما تدري إنه.. للمهالك يوديك
وغرّك جمالك.. يا خسارة حلاتك
ما تدري.. إن ما غير طبعك يحليك
بتقول زينك.. يشفع لسيئاتك
الحسن ما هو عن وفاء الحب.. يعفيك
لو التواضع والوفاء.. من سماتك
بعت الحبايب كلهم دين.. وأشريك
لكن عجزت أغيرك.. يا جراتك
على الغياب.. اللي بلا عذر ينجيك


رجع سيف للدوحه



ومعه زوجته وجدتها وعلى طول جابهم لفلته ودخل وحصل امه قدامه قاعده بالصاله
وخذها با لاحضان وسلامات وسوالف
وبعدين قرب البندري منها وقال لها:مرت ولدج يمه البندري وهذه جدتها ام خالد


اول الأمر ارتبكت بس في النهايه تقدمت منهم ورحبت فيهم وهلت
سيف تفاجأ بطريقة امه في الترحيب كان حامل هم الطريقه اللي امه بتقابل بها زوجته وهذه هي اختصرت عليه ولا فشلته
وقعدوا وبعد السوالف
شرح سيف لأمه كل شي من طريقه زواجه من البندري ومحاولاته ويا ابوه لانه كان رافض
لين اضطر يتزوجها ويحطهم امام الامر الواقع
لطيفه وهي مستحيه : وانتوا من منه يابنتي وين ابوج وامج واهلج
سيف تكلم عنها وشرح لها بأختصار
(ابو البندري متزوج وحده من الدول العربيه ، ضد ارادة اهله ..
وتوفت ام البندري وهي تولدها وعشان مايحسس البندري بفقدان حنان الام وجاب امه في لندن
ولما كبرت البندري وبرزت ملامحها الحلوه .. كان عمها يبيها لولده على رغم المشاكل الي بين الاخوان لكن ابو البندري رفض
وهالسبب الي خلى ابو البندري يأمن مستقبلها في حياته ولكن !
بعد ماخسر كل املاكه بسبب المشاكل وتوفى اثر حادث وعاشت البندري حياتها مع الجده )
لطيفه : الله يرحمهم ويغفر لهم يارب
الكل : امين
سيف :سئلها عن سر المكالمه التليفونيه اللي مسحتها من تليفونه والمسجات
لطيفه :والله يا ولدي كنت خايفه عليك قلت منهم هذولا ومن متى انت تزوجت وعرفت خفت عليك بصراحه
سيف:بس يمه مهب من حقج تتصرفين من وراي تدرين كانت زوجتي وجدتها وحفيدج بيروحون فيها
لطيفه :هاه حفيدي!!!!!!!!
والتفت للبندري وجابتها جنبها واحضنتها وقامت تبكي من الفرحه
سيف :يمه وشفيج ما كنت اظن ان ها الخبر راح يفرحج ها لكثر
لطيفه :الله يسامحك يبه انا صدق بعض المرات قاسيه بس بالنهايه ام واحلى واغلى شي بحياة أي ام انها تصير جده
سيف : هههههههههه وين ريمو اكيد بتفرح اذا عرفت اني تزوجت وبتصير عميمه
لطيفه : هي فوق روح لها وخبرها بنفسك وجبها تسلم معك
سيف اوكي يله عن اذنكم شويات بس


وطلع


لطيفه وهي توجه كلامها للجده وللبندري
لطيفه :سامحوني والله ما كان قصدي اللي صار لكم حطوا انفسكم مكاني
الجده:لا ابد لا تتأسفين اهم شي سعادة عيالنا واسمحي لي اعيش اللي بقى من عمري مع حفيدتي
لطيفه :ابرك الساعات والله يا ام خالد تاخذين بحسي واسليج وتسليني واعتبريني اختج ولا بنتج
شوي إ لأر يماس نازله ركض وراها سيف نازل وهو يضحك عليها
ريماس :وين مرت اخوي اللي حامل ببنته وسميتي
لطيفه :هههههههههه تعالي سلمي قبل وبعدين قولي اللي تبين
وجات وسلمت ومن اول نظره حبت البندري وحست انها بتصير لها الأخت اللي ما جابتها امها
وقالت للجده
ريماس : تسمحين اقولج يدوه مثلهم ولا لا
الجده :ههههههههه اكيد انا جدتج وغصبا عنج تعالي يمه ابوسج تراج بمنزلة البندري


وبعد ساعه

خذ سيف زوجته وصعد بها لقسمه وقعد وياها وهو يناضرها بكل الحب
البندري:سيف وش فيك تناظرني كذا ؟
سيف :ابد ولهان وعاشق ومغرم وما ادري هل عادني حبيبج
ولا ما عاد تحبيني وقل رصيدي !
البندري:الله عليك وعلى سؤالك هذاانت عارف انك اول حب واخر حب في حياتي
قرب منها وضمها بكل الحب
وراح يمسد شعرها بيده وعيونه كلها حب وحنان من دون ما ينطق بحرف فجاجأ انفتح الباب .. إ لأ بدخلة ريماس الغير متوقعه
ريماس : اممممممممم اووه ماي قاد ! ما عندي سالفه جايه ومدرعمه من غير احم ولا دستور
سيف وهو ضام البندري له وهي كانت تبي تفلت منه بس ماكو امل : أي لا عاد تدرعمين كذا دقي الباب يا بنت
ريماس : هههههههههههه انا جيت اقولج انا غرفتي جنب غرفتج واي شي تبينه انا حاضره لج
البندري :لا خلا ولا عدم يالغاليه
ريماس:عن اذنكم وكملوا اللي كنتوا تسونه وقطعته عليكم
سيف:صدق ما تستحين يله برا
ريماس طلعت وهي تضحك
سيف التفت للبندري : استاذنج دقايق اسلم على الشباب وارد لج
البندري : خذ راحتك ياعمري
سيف حب راسها وطلع برى الغرفه وراح للشباب في المجلس


اما ريماس

راحت لغرفتها وطاحت على سريرها وتمت تصيح فتره تبكي حظها العاثر
وتبكي السعاده اللي شافتها في عيون البندري وهي تطالع اخوها
ونامت بدموعها وتعاستها


◄انتهى البارت ►

صباحكم سعاده همسات الغلااااا
كيف الحال وكيف اصبحتوااااا ان شاء الله بخير وطيبين
هاكم بارتيني لهاليوم الخميس
متمنيه ان تروق لكم احداثي
وانتظروني يوم الاثنين المقبل ان شاء الله
محبتي للجميع..

تسلمي ياقلبي
جهود مميزه بتأليف القصص
ربي يوفقج وبانتظار البارتات الاخرى
تقييم & نشر & ختم
اعجاب ونجوم

صباحج سعاده ريحانة بغداد
الله يسعدج وين ما كنتي يا قلبي
اشكرج واشكر لج ومتابعتج وتقيمج ونشرها وختمها
لا خلا ولا عدم منج حبي
مودتي لروحج

تميز وابداع
سرد قصصي سلس وجميل
الله يعطيج العافيه
تقيمي

سلمت أناملك الذهبية عالطرح الرائع
الذي أنار صفحات المنتدى
بكل ماهو جديد لك مني أرق وأجمل التحايا
على هذا التألق والأبداع
والذي هو حليفك دوما" أن شاء الله