((تجيء نعشق بعض اكثرر واكثرر/البارت الخامس والسادس ))

((تجيء نعشق بعض اكثرر واكثرر/البارت الخامس والسادس ))

ツ】ઇ需البارت الخامس需ઇ【ツ

ღbcღ

لآ شَشَيء ] ..
سوىآ أنني " أشتَآق " :'$
لأكثر شخص آحتآج آليه (=|?
لندن
في غرفه 4*4 ..
حاولت البندري تشتكي على صاحب مكتب الاجار الي زور ف العقد ولكن القانون مايحمي المغفلين !!
لان باختصار البندري ماكانت تفهم بالقانوون ولو شوي
كانت البندري تهمز الجده ..
البندري : انا من بكرا بنزل ادور على شغل ما اقدر اتاعيش مع هالوضع
الجده : وانا رايي من رايج الشقه فيها ثنين عزابي وانا مب مرتاحه لهم .. العايله كانت ثنين شباب في العشرين من اعمارهم واختهم الاصغر جوي
وسمعت البندري الباب ..
البندري : نعم ؟
جوي : الاكل جاهز بالمطبخ وانا رفعت لكم من غدا اليوم
البندري كانت علاقتها سطحيه ويا جوي .. لكن هذا مايعني انهم مايتفقون لانهم بالاخير تحت سقف واحد
البندري وهي تمشي لين المطبخ ويا جوي : مشكوره جوي وغدا بكرا علي
جوي : اتمنى اذوق الاكل العربي
البندري : ان شاء الله وانا راح اذوقكم اياه واتمنى يعجبكم
جوي : ياريت
البندري : ليش انتي على طول بالغرفه وماتطلعين منها الا نادر !!
جوي ارتبكت وطلعت من المطبخ
البندري استغربت تصرفها !! وراحت للجده تغديها ..
في الدوحه
كانت ريماس في نظر خالها شاهين تروح لجامعتها وترد في وقتها المحدد لها ما كان يدري انها تطلع من الجامعه
وتروح مع غانم يتمشون صوب البحر والأماكن البعيده
كانت ريماس في داخلها مب راضيه على اللي تسويه بس كانت مستمره في غيها ولا كانت تقدر ترتدع وغانم منقهر منها ومن حركاتها كل ما بغى شي منها رفضت واذا كانت راضيه عليه خلته يمسك يدها ويلعب بشعرها بس
ريماس ورافعه حواجبها :شوف غانم ترى والله غيرك ماتوا ما امسكوا يدي وانت ترى تعديت الخطوط الحمراء !
غانم في نفسه الخطوط الحمراء راح تشوفينها بعدين بس اصبري علي شوي .. وهو مبيت النيه
ريماس : خلاص رجعني للجامعه
غانم وهو يأشر على عيونه : من عيوني ياعيوني وشغل لها اغنيه ومعلي الصوت حده
اما ريماس كانت تتمايل معاه .. ومستانسه
وفي خلال سفر سيف المفاجئ
كان تركي دايما يفتح المجلس ويشرف على العشاء اليومي للشباب " ربع تركي وسيف"وكان سيف موجود
تركي كان فاتح النت وينزل جديده ف الموقع
والي ماتعرفونه عن تركي ان صوته حلو وكان مبدع بالشلات تحت نك نيم طبعا " جريح المحبه "
عبد العزيز صديق تركي : تروك في تويتر منزل لك : ليه المساء وجانيين عليها البنات تعال شوف الكومنتات
تركي وهو يضحك : هههههههههه شبي فيهم
عبدالعزيز : ضبطي على الاقل انا محد معطيني ويه من قمت انزل لك هالشلات والبنات مقطعيني على الخاص
تركي : خل عنك هالسوالف ترى اعتزل من وراك
عبدالعزيز : لا لا وووين تعتزل ترى الشباب يبون يضبطون لنا قعده بسوق واقف وماتحلى الا مع معاك يابو الشباب
تركي وهو يحرك رموشه يملق على عبد العزيز : اخاف اكل الجو عليك ياحبيبي
عبد العزيزوهو يفره بالمخده : ملييييييييق
وثنين من ربع سيف كانوا يلعبون سوني وطلبوا من تركي يسمعهم شي على ذوقه ..
تركي وبدون تردد اختار له اقرب شي لقلبه :
ليه المسا عوق الشقاوي وطبه؟
وليه الهبوب تصحي القلب لا بات؟

وليه القمر يدعي جريح المحبه؟

ويقول له يا هيه..ما فات ..ما مات

جرحك ظهر لو قلت للوجه خبه

وللحزن في ضحكك رسوم وعلامات

وليه المطر بالذات ريحه.. وصبه

كنه رسول بين الاحباب بالذات؟

اشتاق فيه لشوفتك واتنبه

للي نسيته من مواقف ونظرات

لا استانس الخافق ذكر من يحبه

ورجع يراجع فالوناسات ما فات

يا مرتع القلب الحزين ومربه

يزيين بك مثل الذهب صدر الابيات

هيهات ينسى القلب شخص لعبه

وهيات يدله خاطري منك هيهات

سبك مديح ومدح غيرك مسبه

تقول واذني صوتها تقول لك هات

ونبع الغلا عندك وعندي مصبه

ومن الولا .. في خافقي لك ..ولاياات

وطيفك حطب عيني..وعيني مشبه

والشوق برد ما انقطع لو للحظات

ومكانك الصدر ولك القلب شبه

بين الظلوع اللي فردها التنهات

ولك بيرق فالقلب حبك يهبه

شامخ ولا هزه من العذل غارات

محبتك فالوقت ذا ما تشبه

الا بخيمة بدو بين العمارات

ان شفتني ضايق واهوجس واسبه

اخاف غدر الوقت.. والوقت دورات

لا تحسب ان دمعي نزل دون سبه

ابكي من الفرقا وهي مابعد جات

اليوم كل امورنا..مستتبه

وبكره ماندري وش معه من مسرات
ارب قلبك مثل قلبي اربه
ما يخلفه شور العرب والمسافات

وكمل تركي وهو منسجم .. وبطل عينه لقى عزيز هايم

تركي : وايد خذت على الجو

عبد العزيز : يا اخي احب صوتك .. وقام وعطاه بوسه قوووويه على خده
تركي وهو يدزه: ياكرهك وخر هههههههههههههه
عبد العزيز : شدعوى ياحب
فيصل : لا ماشاء الله عليك صوتك وايد حلو ... وهو يكلم عبد العزيز: عاد اعزمونا بقعدتكم بالسوق
عبدالعزيز : من عيوني انتوا اول المعازيم
بيت شاهين
كانت الوضع كالاتي
ام سيف تقضي وقتها في الصلاه والأستغفار والقعده مع ام خلود وخلود
وشقد كانت تقول في خاطرها انها كانت متكبره ولا كانت تعطي ها الناس حقهم لازم يعني اطيح واعرف معدنهم
وكانت كله تلعب مع سميتها لطوف بنت شاهين
ويوم اتصل سيف فيهم
وعرف انهم انتقلوا لبيت خاله حاول يعرف ليش بس هم موهوه وانهم حابين يغيرون جو و...و.. وسيف من الظروف اللي هو فيها ما دقق ولا لو فكر شوي كان عرف انه امه ما تواطن خلود زوجة خاله ولا اهلها واخته بعد
وكانت ام سيف تحاول تتقرب من بنتها
لأنها شايفه على بنتها حركات مهي بجايزه لها من تليفونات مشغوله وهمسات ولما تجيها امها تسكر
الفون وكانت معطيه امها الطاف ولا هي مستسيغه منها لا كلام ولا نصيحه
وكانت ريماس تتاواصل مع رفيقاتها الجازي ونوف ومها في الجامعه
ولا بيت خالهاوكانوا يعذرونها اذا تحججت انها ما تقدر تطلع مثل
اول لين يجي سيف
وفي هذا اليوم
كانوا مجتمعين في بيت خال ريماس كالعاده واصعدن لغرفة ريماس وقعدن يسولفن ويضحكن
نوف : ييييييييييآي بنات سمعوا هاي جديد جريح المحبه " كانت نوف مشتركه بقروب مسويه عبدالعزيز لتركي على البلاك بيري ينزل كل شي جديد "
ريماس : بندي والي يعافيج مانبي عوار راس خلينا نشوف هذي السرحانه .. هييييي جزوي
الجازي : هلا !!
ريماس (كانت ريماس تحسد الجازي على الحريه اللي فيها واللي انحرمت منها ريماس من يوم فعلة امها) :اقول جزوي والله ان فيج شي متغير وشي كايد بعد وش فيج؟
الجازي كانت تاخذ دورات في التصوير الضوئي في كتارلانها من عشاق التصوير ..هنيه احمر وجهها : بقول لكم بس عن الضحك علي
نوف كانت تراسل عبدالعزيز على البلاك بيري : صبررر لاتقولون شي خلوني اخلص الي بيدي
نوف : اخوي يعني الدعوه بتكون عامه ولاخاصه !
عبد العزيز كان مطرش برودكاست للقروب بخبر جمعته مع الشباب على شرف تركي وكانت نوف تاخذ التفاصيل ..
قروب جريح المحبه : عامه .. حياج
نوف : انا اوووول الموجوين ودي نتعرف على جريح المحبه من قريب
قروب جريح المحبه : يشرفنا تواجدكم
نوف حذفت البي بي : ونننننننننناسه بشوف جريح المحبه يمممآ فديت صووته ياناس مخبل فيني
ريماس : شفيج تصارخين خلينا نشوف هالدايخه شوراها
كلهن اقتربن منها
الجازي وهي مغطيه وجها وهي قايمه : لحظه
نوف وريماس بصوت واحد : وووووووووين !!
الجازي : بروح استحي
نوف سحبتها من شعرها وهي تضحك : هههههههههه اقعدي هني وتكلمي لا اقطج من الدريشه
الجازي وهي مستحيه قالت : وانا في كتارا رايحه لكلاسي وقف في طريقي واحد وكان متعمد .. وهي تتذكر الي صار
الجازي والكرك طايح من يدها : اوووه ماي قاد
: اسف بس ماقدر ما اكلمج
الجازي : خير ؟!
: انا بدر
الجازي وهي تنضف عبايتها : انا عندي كلاس عن اذنك
بدر : لحظه انا يمكن ضايقتج بسس
وراحت .. كانت الجازي متلثمه
وراح وراها ونطرها لين تطلع وقرب كاميرة القناه
بدر " كان مذيع في وحده من القنوات القطريه " وفاجأها بهالتصرف وكان يصور على الهوا
بدر : اختي احنى على الهوا ممكن نسوي لقاء ؟!
الجازي وودها تكفخه : اكيد تفضل
ريماس :وبعدين جزوي وش صار كملي
نوف:أي والله وش صار بعدين؟
الجازي:وانتي بعد مها ما تبين تعرفين وش صار
مها:هاه وش تقولون لا معكم وبعدين
ريماس :لا والله يا مهوي منتي بمعنا وش فيج ها اليومين مفهيه ولا انتي على بعضج لا يكون تحبين انتي الثالثه وحنا ما ندري
مها:واذا احب يعني ما يحق لي ولا انا مهب بنت مثلج تحب وتنحب
ريماس:مهب القصد عزيزتي بس حبيت ا تحرش فيج واشوف وش بلاج
مهاوهي تكلم روحها(اه لو تدرين وش بلاي كان رحتي وراء الشمس) : لا مافيني شي يالغاليات كملي جزوي
الجازي : اللقاء كان يخص الدوره وشرحت له الجو العام وبس خلص اللقاء ..
بدر : ماينفع وياج الا الحيله انا صار لي اسبوع وانا مضيع علومي
الجازي : احرجتي انت ماتشوف شمسوي بالعبايه ولا شكلي كان اكسس
بدر : ممكن نتكلم شوي
الجازي بعد مالاحظت انها خذت وعطت وياه : لا عن اذنك ومشت
ريماس وهي تصفر : حببببتين على الثقيله تعجبيني وغمزت لها
الجازي : والله وان شاءالله تبيني اعطيه وجه ؟
مها : وليش لا .. الريال رايح فيها من ورا هالعيون
الجازي بعد ما انحرجت من ردت فعلهم : بتسكتون ولا اقوم اروح بيتنا ؟
ريماس : لاااااااااا خلاص بنسكت
لندن
في الحي الانجليزي ,
لقت البندري وظيفه متواضعه وكانت متردده انها تقبل او ترفض ... لكن مافي مجال للرفض في ظل هالظروف الصعبه وتوكلت على الله وقبلت
والوظيفه كانت عباره عن ويتر بمطعم والراتب كان ضعيف .. لكن شي احسن من لا شي !!
وبعد ما اتفقت ويا المسؤوله على اساس تبدا دوامها بكرا راحت تتمشى في الهارودز وكانت تتذكر سيف في كل لحظاتها ... وتتصل على رقمه وكان مقفل
البندري : يالله .. لما تدق ف القلب اجراس الكرامه !! كل المشاعر مجبوره تموت يا سيف ... تموت
كانت البندري ملتزمه في شغلها .. عشان الكم فلس الي تاخذهم اخر الشهر لانها دفعت للشقه كل الي وراها وقدامها .. وللأسف تعرضت للنصب !
ف المطعم
كانت البندري تتجاهل أي علاقة صداقه مع كلا الجنسين من الشباب والبنات .. كانت ما تأمن على أي حد
وهي تاخذ الطلب :
البندري : تفضل
: انتي جسمج وايد حلو
البندري : نعم ؟؟
كان يأشر لها تروح للحمام
البندري خافت وتوها بتروح مسكها من يدها ودزته بقوه وهو كان شبه سكران وطاح على الارض وراحت تركض للغرف المخصصه لهم
وتكهرب الجو العام في المطعم وراحت البندري تلم اغراضها تبي تطلع المسؤوله : البندري شصاير ليش كل هالمشاكل ؟!
البندري كانت ترجف من الخوف وكانت تحاول تشرح لها
المسؤوله هدتها شوي لين مافهمت الموضوع
البندري : انا محتاجه الوظيفه ما اقدر اطلع من الشغل .. وكان تصيح صياح يعور القلب
المسؤوله كانت متعاطفه وياها : انا اعرف انج محترمه وانا بعطيج فرصه ثانيه بالشغل لانج ملتزمه .. راح انقلج قسم التنضيف
البندري وقلبها يعورها من الحاله الي وصلت فيها : وينك ياسيف تجي تشوف شالي يصير فيني !!!!
◄انتهى البارت ►

الموضوع الأصلي: ((تجيء نعشق بعض اكثرر واكثرر/البارت الخامس والسادس )) || الكاتب: اسكن عيوني || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

((j[dx kuar fuq h;evv ,h;evvLhgfhvj hgohls ,hgsh]s )) )) hgohls h;evv fuq ,hgsh]s ,h;evvLhgfhvj

ツ】ઇ需البارت السادس需ઇ【ツ



ღbcღ



رؤيتكَك


تجعل قَلْبِــي يضطربُ بِشدھہ !!

حقاً أعجز عن وصف عشقيَ لككَ

في الجامعه
كانوا البنات متجمعين في الفودكورت " المطاعم "
وكانت مها متغيره في الفتره الاخيره وكانت ما تبي تلفت انتباه البنات عليها وسألت الجازي


مها : جزوي شخبار بدر ؟!
الجازي: هههههههههه شدراني عنه
مها : شلون شكله ؟
الجازي وهي تشرح : مملوح ابيضاني وله غمازه على خده اليمين
ريماس :اكيد مب احلى من غنوم
نوف :يا ها الغانم اللي اذتينا به روحي بس اقول جزوي شنهي اخر مغامراتكم
الجازي:امس بعدالمغرب رحت خذت لي حبتين جباتي وكوب كرك وكنت امش بحذر لايشوفني بدون اللثمه
البنات : ههههههههههههههههه
الجازي وهي تعدل شيلتها : مامنه امان المهم ما شفت احد رحت صوب البحر وقعدت ورفعت لثمتي واكلت ... و
ريماس :يا الليل بتدخلين الموضوع ولا اهفج كف يخليج مصحصه



الجازي :ههههههههه لا بقول بس لازم اذكر هذه التفاصيل عشان ادخلكم جو عدل المهم مرني بدر وتحم حم والتفت
إلأ اشوفه قدامي واقف
بدر قعد جمبها: ممكن اكلمج وقعد
الجازي : انت قعدت خلاص !
وهو كان مفهي وانا انتظره يتكلم اتاريه كان يشوف وجهي وانا ناسيه احط اللثمه
ريماس :لعنج لعناه حد ينسى يحط لثمته اللي متعود عليها عمره كله كملي يا بنت كملي
الجازي:لا والله بنات كنت ناسيه هو جاني وانا اشرب حليبي وما انتبهت لحالي وتلثمت وجاء قعد قريب مني وكنه بيطول ! قال لي
بدروهو يطالع البحر :انا امس يوم وقفت في طريقج كنت اقول لو ما خطيت هالخطوه وكنت جرىء راح ارجع البيت واندم
الجازي وهي متوتره : اخوي ابيك تسمح لي انا عندي كلاس
بدر : اوصلج ؟
الجازي : لا ادل الطريق..
وحركت شوي والتفت وراي إلأ اشوفه يمشي وراي بس من بعيد وقعد قلبي يدق ويرقع وشيبي يتبعني
ريماس : وبعدين وش صار؟
الجازي:ابد استمر ها الحال اسبوعين كله يجي ويشوفني مرات من بعيد ومرات يقرب مني
وانا اطلب الكرك يسلم بصوت هامس وهو مار .. كح كح
نوف:واااي حلوه ها القصه كني اشوف فيلم ابيض واسود مال اول
مها:صدقتي نوف الحب النادر النظيف نادر ها اليومين
ريماس:لا حب ولا غيره السالفه لعب بعقول البنات الخفيفات
مها :زين وقصتج مع غانم وش تسمينها؟
ريماس:اعجاب متبادل وتمضية وقت لا هو يحبني ولا انا احبه
الجازي:بس انتي كنتي معجبه فيه اول ما عرفتيه
ريماس:لا وانتي الصادقه انا معجبه باعجابه فيني وطريقة تعامله واسلوبه ما قد مر علي مثل هالتعامل
المهم الجازي تتوقعين وش نهاية قصتج ويا بدر هذا ؟
الجازي:ما ادري والله انا ماني مفكره ولا معطيه الموضوع اكثر من حجمه
نوف:كذبج في ذمتي والله ان عيونج تبرق وتلمع وانتي تتكلمين عنه
جا مها اتصال وقامت ترد بعيد عن البنات
مها: انا بجيب لي عصير احد يبي وياي ؟
البنات : لا


استغربن تصرفها عمرها ما سوتها من قبل رجعت بعد عشر دقايق وهي باين عليها التفكير وانعقاد الحواجب


ريماس:وش فيج مها عسى ما شر فيج شي هلج بخيروشها الأتصال اللي جاج وخلاج تطلعين برا وانتي عمرج ما قد سوتيها ؟!
مها بينها وبين نفسها اه يا ريماس لو تدرين من منه ها الأتصال كان ما قعدتي مكانج
ريماس : هيييي مها مها
مها:هاه أيه وش فيكم ما عندي شي بس اتصال من هلي وغثوني شوي
ريماس:من متى هلج يتصلون فيج ها الكثر ولا رحتي بعيد كنج ما تبينا نسمعج ؟
مها:ريماس وش فيج كنج مستكثره ان هلي يتصلون علي يسئلون عني ولا يبون يشوفوني متى اخلص محاضراتي ؟!
ريماس:لا حول مهوي مهب القصد بس غريبه كم لنا واحنا مع بعض عمرنا ما خبينا شي عن بعض
وكل شي نناقشه قدامنا كلنا هذا مقصدي وانتي وش فيج صايره ها اليومين حساسه انا دوم اقول ان حنا مكملات لبعض
انا بطيشي ولا مبالاتي وانت العاقل الوحيده وكله نصايح ونوف ودعوا الخلق للخالق وكله ضحك
والجازي وعقليتها اللي تبي تعيش قصص الحب مال الستينات يعني حنا كوكتيل مكمل لبعضنا
المهم خلونا مع الصداع من أي مطعم تبون نتغدى
نوف والجازي : تنننننندوري
ريماس : يلا


في بوند ستريت – لندن



كانت البندري تحاول انها ماتقصر ويا الجده
الي اطلعها بين الفتره والثانيه ... بس هالمره كانت وياهم جوي
جوي : لندن تغيرت وايد
البندري كانت تحاول تفهم جوي بعد ما ارتاحت لها : جوي ليش ماتحاولين تفتحين لي قلبج ؟!
جوي كانت متوتره : ماعندي شي اقوله
البندري ماحبت تحرجها : على راحتج
البندري كانت تلاحظ شرود جوي المتواصل طول التمشايه ..
وقررت بينها وبين نفسها تعرف الجانب الغامض من ورا هالطفله البريئه ..


اليوم الثاني


طلعت ريماس مع غانم كعادتها للبحر
وقضوا الوقت ضحك وسوالف وطلبت لها عصير معين هي تحبه نزل من سيارته وجابه لها وشربته ومن بعدها ما عاد حست باللي صار لها
فاقت بعد ساعه وهي تترنح متدري هي وين



ريماس : ها ؟ اننننآ وين
شافت غانم جنبها يضحك عليها وكانت شبه عاريه وهو يتفرج عليها قامت تتخبط وتسبه وتضربه وتلبس في نفس اللحظه
ولا هي عارفه وش سوى في نفسها
مسك يدها ولواها لها
غانم : هييييي انتي من اليوم ورايح انتي تحت امري واي شي ابيه منج راح تنفذينه بدون اعتراض ..
وبعد شوفي اللي خذته لج من صور وراواها صوره بجميع الزوايا وشكل وجهها الواضح


قامت تصارخ عليه وتضربه
ريماس : يا الحقير يا النذل ليش تسوي فيني كذا
غانم : تراج ما بعد شفتي شي لين الحين خليج عاقله ولا والله لأراويج وجههي الثاني
والحين البسي هدومج وتستري وبرجعج لجامعتج وانتظري مني أي اتصال ومتى ما طلبت حضورج تجيني
ولا والله لاتشوفين صورج ذي منتشره في كل مكان


قامت تلبس وهي تبكي وتلعنه وتلعن ساعته
وهو ما سكت لها مسكها من شعرها وعطاها ذاك الكف اللي عمرها ما قد جربته


غانم : هييييي فوقي ترى زمن اللعب والدلع راح الحين أي شي يبيه سيدج غانم راح تنفذينه وانتي تضحكين
وقالت له: ليش سويت فيني كذا وش تستفيد
غانم:كيفي ودي ما عمر بنت استعصت علي إ لأ انتي بغرورج وتكبرج ومن تكونين انتي عشان تمرمريني هاه من؟
خذها ووداها لجامعتها وراح وقبل لا تنزل حذرها انها ما تقول لأي احد عن اللي صار لمصلحتها


راحت ريماس من الجامعه على طول للبيت وهي منهاره
راحت لغرفتها وسكرت على عمرها يومين وهي لا تروح للجامعه ولا تكلم حد حاولت امها تكلمها ولا تاخذ منها أي معلومه تفيدها
عشان تساعدها ابد ما به امل
حتى خلود جاتها


خلود: اطلعي من غرفتج ريماس ترى خالج كذا مره سئل عنج
ريماس : خلاص شووي ونازله
غسلت وجهها ونزلت وراحت وانزت في كنبه بروحها واستغرب خالها حركتها هذه
لان المعروف عنها كله ما تقعد إ لأ في حضنه وكله تدلع


شاهين:يمه ريماس وش فيج يمه مهب على بعضج عسى ما شر قلبي تعالي جنبي؟
وجات وطاحت في حضنه وقعدت تبكي وروعت امها وخلود من بكاها
شاهين :وش فيج ريموو ردي علي وش فيج
ريماس:انتبهت على روحها :هاه لا بس معدلاتي الأخيره كله نازله
وانت عارف ا نها اخرسنه لي
شاهين: بس وها المعدلات تخليج تبكين كذا وتطيرين قلبي حرام عليج
وخذها وضمها وقعد يقرأ عليها



اما امها فحست ان فيه شي صاير لنبتها ولا ريماس من متى تهم هامعدلات



شاهين : خلاص غلاي لا تهتمين اللي نازله نسبتج فيه عيديه
ولا ها الدموع الغاليه لا عاد تنثرينها علشان خالج شاهين ولا ما استاهل
ريماس : وهي تتنهت وتقول في خاطرها اه يا خالي لو تدري وش بيصير لي وش صارلي كان ذبحته وذبحتني وياه اه وش الحل الحين راح شرفي وسمعتي والخبيث يبي ازود من اللي سلبه



كان غانم يتصل على ريماس
وهي ما ترد عليه خايفه من اللي بيطلبه منها وفي الأخير ارسل لها كم صوره من صورها العاريه و
معه تهديد انها اذا ما ردت فبيرسل لأخوها وخالها صورها



ريماس استغربت وش عرفه بخالي وانه ما عندي ابو بس اخ وخال !!


اتصلت نوف على ريماس الي كانت متضايقه : الو
نوف : بدون لا اجهزي يلا بنمرج انا والبنات
ريماس : بسس انا
نوف : بدون بس اليوم مسوين جمعة شباب وبيكون جريح المحبه موجود وانننننا ميته واشووفه
ريماس وهي تضحك في خاطرها هذا اخر هما وانا في هالمصيبه اليم ادري شنهي اخرتها وياك يا غانم
نوف بصرخه : ريمممممو
ريماس : زين مروا علي ابي اغير جو
نوف الي كانت حاطه ريماس سبيكر وقاموا يصارخون ويصفرون على حماسهم لهاليوم المنتظر من كل محبين ومعجبين جريح المحبه !


سوق واقف


الشباب كانوا ماخذين تصريح من السوق على اساس يضبطون الجو العام لتركي وتكون اول سهره خاصه فيه
وظهور للساحه على قوولة عبد العزيز


عبدالعزيز : قلبي بيوقف
تركي وهو خاش وجه عن التصوير : حسبي الله على عدوكم كل هذا حضور انا منصدم من روحي
فيصل وهو يدز عبد العزيز : على قولتك عزوزز روح قند الكيف
عبدالعزيز : يبي له وهو يكلم الحضور
عبدالعزيز وقف قدام تركي ومد يده الثنتين كانه يمنع التصوير :
عبدالعزيز :بنات رجائن بدون تصوير الريال خاطب والحب ماترضى عليه لوتبون تصورون عندكم انا والشباب
نط غانم : انا حاضر بأي وقت
والبنات كانوا : يصارخون ويصفرون


كان الجو العام وايد حلووو
كانت القعده ارضيه وشعبيه بنفس الوقت وكانوا مرتبين المايكات والسماعات وبدأ تركي بالابداع بعد ماسلم على الحضور

تركي : مشكورين على كل من تعنا عشان يسمع لي
وبدأ في :

قلبٍ شكى البعد ليتك تدري بهمه ،،، و احوال مرت عليه و لاعت ايامه
حزين عايش في ذكرى تسري بدمه ،،، لو هو تناسى تجدد فيه آلامه
كنه تسلي في عذاب الخلق و الأمة ،،، و اصبح رصيدي يحطم باقي احلامه
قلبٍ له الله تجمع همه و غمه ،،، ان مر طيفك عليه و لاح جدامه
تسكن عليه الجوارح حيل و تضمه ،،، كنه تمازج مع الشريان و انسامه
يامنية الروح عهدك وينه و حلمه ،،، طال انتظاري بحلم الامس و اوهامه


ومن بدأ بالشله الي كانت معروفه لكن مختلفه بأداء تركي كانوا البنات يصورون
ومحاولات عشان يوصلونه عشان يلقون منه توقيع او صوره

نوف : اففففففف شهالزحمه
ريماس : اخيه ما احب الزحمه خلونا نطلع بليززز بنات !
مها : خبلتي فينا نوفوه بسس كل هالبنات عشان جروح ؟!!
نوف : اسكتي انا مصدومه وهي تحاول تشوف صاب الحنجره الذهبيه .. اففففف انا بروح قدام
ريماس : يله خلينا نخلص من هالسالفه لاعت علي كبدي


وقربوا شوي



وبعد ما خلص تركي : ياجماعه عبد العزيز يبي يقند الكيف من وده ؟؟ وهو يضحك
الشباب : ضبطوووك عزوز
عبد العزيز : بعد عمري تروك ههههههههههههه وراح عطاه البوسه الخايسه
تركي ويحاول يضبط اعصابه : حبيبي عبدالعزيز وهو يغمز له
البنات : واحححححححنى مالنا نصيب ؟
تركي ضاع ف ثيابه
البنات كانوا ساحبين على عبد العزيز باختصار
ريماس انصدمت : هذا تركي !!!!!
نوف : وينه
ريماس وهي تأشر
نوف : لا هذا جريح وين تركي ؟
ريماس : جريح هو تركي


نوف وهي تسحب ريماس لين قددددام عشان تتوسط لها مع جريح وتشوفه .. وتركي كان مايلتفت للبنات
بس نوف سوت المستحيل عشان ينتبه عليها


تركي : يلا نكمل ياجماعه
نوف بصوت عالي : احبكككككككككككككك


التفتوا عليها الشباب
عبدالعزيز : افففف وانا يعني !


تركي ضحك على عبد العزيز وشاف نوف و .... ريماس
وقف قلبه


◄انتهى البارت ►

صباحكم الخير ال همسات الغلااااااااااا
المعذره منكم امس ما نزلت بارتيني بموعدهم
وها انااااااااااا جيتكم اليوم وهااااااكم بارتيني
الخامس والسادس
متمنيه لكم قراءه ممتعه معاي ومع ابطالي الحلوين..
وتعالوا هناااااااا يوم الخميس
ببارتيني السابع والثامن
تابعوني وفالكم طييييييب

:



حجزمقعد لحين عودتي

سلمت أناملك الذهبية عالطرح الرائع
الذي أنار صفحات المنتدى
بكل ماهو جديد لك مني أرق وأجمل التحايا
على هذا التألق والأبداع
والذي هو حليفك دوما" أن شاء الله

هلا وكل الغلا فيج الناعسه
لا حرمني الله منج يا قلبي
مرور اسعدني غاليتي
ودي وجزيل شكري لروحج ..

الله الله مو هين تريكان طلع صوته جنان
وجريح المحبه بعد ههه
ريماس كانت نهايتها متوقعه مع غانم
عشان تتآدب هالبنت
الحين راح يبدآ مشوار الندم في حياتها
وتركي اتوقع بل اكيد راح يكون له دور في حل هالموضوع
وتخليصها من غانم
الجازي وبدر واو رومانتك
حبيت علاقتهم وان شاء الله راح تتطور اكتر
ويلتم شملهم ^_^
لغز جديد في القصه
غير غموض البندري انضمت لها مها
مين كان يكلمها ؟
حسيت انو لها طرف باللي صار لريماس
بطلنا سيف متى يبدآ دوره
عشان نعرف شخصيته وعشان يكشف غموض القصه
خصوصاً مع البندري

بارت رووووعه غلاي
مبدعه مبدعه مبدعه
متابعه معاك للنهايه
وبإنتظار يوم الخميس بفارغ الصبر
لمعرفة بقية الاحداث
تقييمي ونجومي + نشر وختم
اعتذر من المسؤوله عن القسم