مرثية سعدون العواجي.. لأولاده
يذكر الرواة خاصة الامير محمد السديري في كتابه ابطال من الصحراء" قصة الشيخ سعدون العواجي شيخ ولد سليمان من عنزه...
وكيف ان ابن عمه خذا الشِيخة منه ، وكيف جاء اولاد سعدون (عقاب وحجاب ) ورجعوا الشيخه لابوهم
وبعد فترة جرت على سعدون مصيبة كبيرة عندما انقتل ولديه (عقاب وحجاب) في ساعة وحده .. في غزوة جرت في ( بيض النثيل )فتكاثرت الاحزان على (سعدون )
فقال الكثير من قصائد في رثاء اولاده وخاصة (عقاب).
وهذي اشهر قصايد سعدون وهو يبكي عياله:
يـــــــاونة(ن) ونيتها تسع ونات ... مع تسع مع تسعين مع تسع الوفي
مع كثرهن باقصى الحشا مستكنات ... عداد خلق الله كثير الوصوفي
ونة طريح(ن) طاح و الخيل عجلات ... كِسْرَت حدى الساقين غادن سعوفي
على سيوف بالملاقى مهمات ... سيفين(ن) اغلى ماغدى من سيوفي
وعلى محوص(ن) بالموارد قويات .. اسقي بهن .. لو القبايل صفوفي
محشم بشمتهن ولوهن بعيدات .. وانام لو ان الطواري تحوفي
خليتني ياعقاب مابه مراوات .. عيالك صغار(ن) والدهر به جنوفي
من عقبكم مانبكي الحي لامات .. ولاني على الدنيا كثير الحسوفي
ياطول ماجريب بالصدر ونات ... على فراق معطرين السيوفي
ياعقاب عقبك شفت بالوقت ميلات .. واوجست انا من ضيم بقعا حفوفي
مرحوم يانطاح وجه المغيرات ... لي جن كراديس السبايا صفوفي
مرحوم يامشبع سباع مجيعات ... وعز الله انه عقبكم زاد خوفي
الخيل تدرى بك نهار المدارات .. ياللي على كل الملا فيك نوفي
الخيل تقذي من فعولك معيفات .. تاطا شخانيب الرضم ماتشوفي
lvedm su],k hgu,h[d>> gH,gh]i
يا صآحبي في خآطري أسألك شي ..... شي معكر كل صآفي حيآتي
ان كنت مدري بغلاتي وانا حي ... وش مكسبي كانك حزنت بوفاتي
