بابا دخيلك لاتطيحني الزمني

بابا دخيلك لاتطيحني الزمني

السلام عليكم ورحمة الله وبركاته
مساء الخير
مساء خاص للشباب الحلوين الرقيقين
بالأول تعالوا نشرب لنا إستكان جاي(شاي)



حتى تتعدل الجمجمه
لأن عدنه سوالف
اليوم إعتبروني شاب
وإذا تحبون أغير صورتي ماعندي مانع
شرايكم بهالصوره حلوه ؟


اليوم سوالفنه بلهجتنه ولهجة أهلنه
تذكرون أهلنه ؟
جانوا أهلنه من يطلعون بس يعجبك تباوع (تنظر)عليهم
كشخه وأناقه وعطر وساعه ومسبحه
وكبارنه أقصد شيوخنه شحلاة الگعده وياهم
منطق وإسلوب وثقافه وأخلاق
وحِكم
شنو شكسبير شنو آنشتاين
مايوصلون لحكمتهم
أحلى وأحلى بعد
تعالوا اليوم نحجي بكل صراحه
الزعل ممنوع والعتب مرفوع
شايفين منظركم بهالموديلات الجديده ؟
بابا طيحني ؟
ناقص طيحه أنتَ مثلاً؟
احنه طايحين طايحين
بسببكم وبسبب إهمالكم وكسلكم
وقلة ضميركم
وتقليد الغرب
أبشركم إحنه طايحين
واحدكم لابس لي مو بنطلون ستريج نسائي
بنفسي أشوفه شلون گدر يلبسه
والشورتات ؟
مطلعلي سيقانك عبالك سيقان فيفي عبده
ياريتهه حلوه
عبالك عصا هش الطيور
وبيكم كم واحد دمروا عيوني دمار
بسببهم صرت البس نظاراتين طبيه وشمسيه سوى
ما ينعرف كتفه من صدره
بسبب حبوب التسترون
ياعيني الرياضه حلوه ومفيده
بس بالمعقول
يعني من جمال عضلاتك وانت نافخهه ؟




عضلاتك المنو؟
للمنظر لو تخوف بيهه اسرائيل ؟
يا أخي فعلاً منظرك بشع
بدون زعل منظرك أبشع من بشع
يا أخي عيب
والله عيب
أحنه أهل الدين الإسلامي
دين الرقه والجمال
دين الأخلاق والشرف
دين التواضع والمحبه
دين المبادئ والقيم
ليش هالتشويه لهالمبادئ الساميه
من فتره وأنت نزعت الدشداشه والعگال وسامحناك
(وياريتك بقيت على لبس العرب
الأصايل أهل الغيره والشرف)
وگلنه مو مشكله تطور خلي يتطور الشاب العربي
بس يوصل الحد إن تطورك يخليك من تلبس البنطلون ملابسك الداخليه تبين ؟
لا هذا مو تطور
ما فكرت بأُمك أختك
مافكرت بالشارع وأنت تمشي وتتمايل عبالك راقصه مو شاب ورجل
تشوفك العالم وتضحك عليك ؟
بصراحه بصراحه
العتب مو عليك يا حليو يا منمنم
العتب على الي يحفر الصخر حتى يأكلك خبز
لويأكلك تربيه افضل
جان عرفت شنو معنى الرجوله
العتب على الأُم الي ملتهيه بالنوادي والمولات
والقيل والقال
بالله عليك منظرك منظر رجل باجر نتأمل منه يحرر العرب من الذل؟
والله أنت الي ذليتنه بهالتصرفات
وآخر كلامي وياك
ألله يهديك
.
بالمناسبه إذا زعلت يعني كلامي حق
لأن الحق دوم يزعل
.
وإنت أبو عضلات نفخ
دير بالك لاتنفجر
ترى ملينه من الإنفجارات
.
بلهجتي
وحصري لهمسات الغلا
نجوى العراق

.

الموضوع الأصلي: بابا دخيلك لاتطيحني الزمني || الكاتب: نجوى العراق || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

fhfh ]odg; ghj'dpkd hg.lkd hg.lkn fhfh

انا هسه ابغى احشي عراقي عشان ارد عليج ي بنت اسود الرافدين .. يصير ولا ما يصير؟؟

..

بصراحة كلام واقعي ..

اول صورة بس الله يستر عليهم .. الشباب مصخوها لابعد الحدود . ماباقي الا يمشي بالشارع ...... انتو فهموها ..

جيل دلع ولعب وفوضة ..

مابي اعلق كثيرع هالنقطة .. لانه الكلام يكثر

..

ثاني اشي سالفة العضلات ..

انا صحيح ضد انو الواحد ما ينفخ هالكثرررر زي الصورة الي انتي حطتها ..

لانه بصراحة نص الي عاملين كذا .. ف نهاية ما يقدرون حتى يدافعو عن نفسهم .. >> واقع ..

بس مايمنع الواحد يبني جسم متناسق رياضي .. بعيد عن النفخ الاوووفر يعني ..

الله يهدي شباب اليوم ..

تقبلي مروري نجوى ..

لك باقة من الورد

مراحب مبدعنه
اي عيوني حلوه الرياضه ومفيده
لكن بهالصوره والوشم ؟
تگول مو جسم حديقه
يا عيوني كل شي زاد عن حده إنگلب ضده
.
حياك الله على الرد الرائع
بالمناسبه لاتحجي عراقي دمرت اللهجه ههههههههههه

ههههه افا يعني ماكو امل ننجح .. لازم نزيد من الدروس الخصوصية هههه
..

فعلا حديقة بس للصغار ولا الكبار حددي نجوى

يعطيك العافية

ههههههههههه حديقه والسلام يا معود لاتدقق
حياك الله عيوني

نجوى العراق

ي سلااااااااااااام عليك
بالفعل هذي مشكلة شبابنا
مافي اي وعي ابدا
تقليد اعمى للغرب
ما يدرون انه التشبه بالغرب هو انهيار للعادات والتقاليد الطيبه
تسلم يمينك يا راقيه
واصلي فاطروحاتك رائعه
لاهنتي
اجمل تقييم

ما أعذبَ حرفك حينما تغـــــرِّدُ بكلمات الصفاء
وما أبهاكَ عندما تعزفُ لحنَ المودة بكل النقاء
لك مني
خالص تقديري للطفك وفائق إحترامي لسموك الراقي
أمنياتي لك
بسعادة مكللة براحة البال لا يطالها الزوال