هــلآ وغـــــــلآ والله ..
شلــونكم شخبآركم ..
بمــآ اني من الناس المجنونين بشي اسمه قصيـــــــــــد ..
حبيـــت يكون لي اول موضوع هوؤؤن ..
اليوم رآح احط مجموعة قصـــآيد حق الشـآعر
(( متــعب التركي ))
جميعنا .. لا يخفانا من هو متعب التركي
فهو من قال :
اكتب بـ غيره والقصايد تجي فيه
كن القصايد حالفه ماتخونه ؟
و قال :
اصعب فراق افراق عكف الاشانيب
ماهو مفارق لابسات الغدافي
و قال :
الموت هيّن والبلا وش ورى الموت
عند الحساب ايهون .. سهم المنايا
جمعت لكم باقات ورد من بساتين هذا المبدع
ولملمت لكم بعض نزفه من مستنقع الجراح
لتعرفوا الكثير عن هذا الشاعر الرائع
قبل اسافر
قبـل اسافـر وتنسـى جيـت اسـلـم علـيـك
جيـت ابـي عمـري اللـي اكتشفتـه غــدى
ضاعت اجمل سنينـي مـن عمايـل يديـك
اكذب ان قلت راحـت لاجـل عينـك فـدى
فرصـة العمـر قالـوا لا غـدت مـا تجيـك
جتني اكثر فرص عمري وضاعت سدى
جـرب الخـوف مـره حــس بــه يعتلـيـك
وارفع الصوت ماتسمـع لصوتـك صـدى
تـدري الـلـي ذبحـنـي قولـتـك مــا ابـيـك
مابـقـالـي لـثــاري لـــو بـغـيـتـه مــــدى
مــا هقـيـت المـشـاعـر كـلـهـا ترتـجـيـك
قــل لـهـا بالمـفـارق منـهـو الـلـي بـــدى
هـاك دمعـة عـيـون(ن) باكـيـه تشتكـيـك
هاك ريـح ضمير(ن)مـا استـراح وهـدى
مـا تنـاظـر عيـونـي زول هــذي وذيــك
مــا يـهـز المسـامـع اســم ريــم وهــدى
قـلـت ماعـادلـي رغـبـة وشـوفـات فـيـك
قلـت يـا نـفـس طيـبـي يفـرحـون الـعـدى
قـلـت عـايـف ونفـسـي بالخـفـا تشتهـيـك
عـزة النفـس تـدري طـيـب مـاهـي ردى
خـل عيـنـك تـهـل دموعـهـا وش علـيـك
انــت خــدك ورود ودمــع عيـنـك نــدى
وهــذي .. قــالــو حبــيــبــك
قالوا حبيبك يسمع الشعـر قلـت أيـه
.يـقـراه بعـيـونـي قـبــل تسمـعـونـه
لولاه حتى طـاري الشعـر مـا ابيـه
مير أكتبه من شـان خاطـر عيونـه
هو روح شعري وأمنياته وماضيـه
جذع الشجر وش كان لولا غصونه
اكتـب لغيـره والقصايـد تـجـي فـيـه
كــن القصـايـد حالـفـه مــا تخـونـه
هـذاك لا منـه زعـل قـمـت أهـاديـه
حتـى وهـو مخطـي تعـذرت دونــه
يمكـن لـو أنـه يلمـس الجـرح بيديـه
.يستغـرب ان اللـي لمسهـا طعونـه
ابطى وهـو غايـب وزلـت حراويـه
وأنــا مــن الـعـام آتـحـرى مـزونـه
هو مادرى اني فـي غيابـه محاتيـه
ليتـه نشـد عـن حالـي اللـي يجونـه
واقلبـي الـلـي تــوه أفـلـت عـراويـه
كيف انسرق وضلوع قلبي حصونه
عجـزت أرده كـان مـانـي براعـيـه
يوم انتثر شوقـه وهاضـت شجونـه
يبسـن عروقـي لـكـن الـلـي يعـزيـه
ان اكـثــر الـعـالـم تـــردد لـحـونـه
خافـو مـن الله لا تجيـبـون طـاريـه
لا صـرت أنـا موجـود لا تذكرونـه
لــو كــل غـالـي جـابـه الله لغـالـيـه
ما شفت لـك مخلـوق تبكـي عيونـه
ايضا...
مفتوح باب الرجى لو هـب مليـون ريـح
والريـح ماتاخـذ الغرسـه مــن عروقـهـا
القـوس مكسـور والرامـي يقـوم ويطيـح
والـسـهـم مـنـعـاج والايـــام خـازوقـهــا
لـو لبسـو ساقـط الهرجـه ثيـاب المـديـح
قـلـنـا سـحـابـة وبـلــة يـابــس حلـوقـهـا
ياحـادي الركـب لا تـوده عليـه وتصيـح
مـاعـاد هــي سالـفـة ليـلـى ومعشـوقـهـا
مديت شوفي وشفت الكون رحب وفسيح
والارض حدر المواطي والسمـاء فوقهـا
مادام عين الرضا ماهـا همـاج وشحيـح
ابـتـبـع الغـيـمـة الـلــي رفـــة بـروقـهــا
مدري عن المقبلـة لكـن عسـى الله يبيـح
الـلـي تـهـز القـلـوب وهـزنــي شـوقـهـا
غنيـت للـحـب ولـسـان المحـبـة فصـيـح
والـبـدو سـبـة غنـاهـا ضيـقـة خلـوقـهـا
باكر يروح الشتاء والثلـج قصـره يسيـح
مايفضـح الثلـج غيـر الشمـس وشروقهـا
يوم طاب السهر
يـوم طـاب السهـر عيـت تطيـب النـفـوس
جـت مـن الله وانــا كــم كـنـت محتاجـهـا
كنـهـا مــن حـلاهـا كــل لـيـلـه عـــروس
خايـفـه مــن عـيـون الـنـاس واحـراجـهـا
حـي هالطـول يـا زولٍ عـسـاه مـحـروس
مــن عـبـث لـوعــة الايـــام وازعـاجـهـا
تزعـل نـفـوس ولا تمتـلـي غـيـض روس
مــن يـقـرب لـهــا وضـلـوعـي سيـاجـهـا
لي متى وانت يـا شـوق القلـوب محبـوس
طـالــت الـسـالـفـه وابـطـيــت بـعـلاجـهـا
جعـل قلبـن علـى نـار الغـيـاب محـمـوس
يـحـتــرق بــيــن صـالـيـهـا ووهـاجــهــا
من خبر لـه غـلا بيـن الضلـوع مغـروس
غرسـةٍ كــل ابــو شـعـري مــن انتاجـهـا
لا تـقـرب لــك الفـرقـا هـذيـك الـهـجـوس
مــن مـتـى والبـحـور تـفــارق امـواجـهـا
لازم اصبـر علـى وجـه الزمـان العبـوس
لـيـن ســود الليـالـي يضـحـك احجـاجـهـا
مـن بغـى يقطـع الفرجـه يعـاف الجـلـوس
لــيــن يــاصــل نهـايـتـهـا ومـخـراجـهــا
كان شعري قصر ما طال شمس الشموس
تسـتـريـح الـقـصـايـد داخــــل ادراجــهــا
الله واكبــر على ابــداعــك يالـمبــدع .
لـيـه وطـيـت عـــن خـيــل الـســروج
لـيـه مـديـت عـقـب الـقــراح الـهـمـاج
لا تجمل لـي الغلطـات والعـوج عـوج
يضحـك احجـاج او ينعقـد لـي حجـاج
اصبر اشوي وش علمك تهوج وتموج
ميـت القلـب مثـلـك مايـعـرف الهـيـاج
ماتـعـودت اجـامـل معتلـيـن الـبــروج
الزم العلـم قبـل يصيـر هرجـك سمـاج
المشاعر تحـي مثـل المعاصيـر هـوج
ونت مالك على هوج الريـاح احتجـاج
جيـت وقلـوب حسـادي تميـل وتـروج
لا صفـى جوهـم ساعـه قفـاه العـجـاح
ابتسـم لـك وهـمـي فــوج يقـفـاه فــوج
من يحبـك لـزوم ايصـر مثلـك هجـاج
بـس قلـي ونـا غلطـان لـك ومحجـوج
ويـن يلقـون لجـروح النواعـس عـلاج
لقمر غاب وانت اطفيت نور السـروج
قلت يكفيك نور الوجه الاصبح سـراج
كن بين الضلوع العوج صفقـات مـوج
يوم فاض الغلا والشـوق والقلـب هـاج
ضيقة الصدر لـو بيـن المحانـي تلـوج
كـل ضيقـة لهـا عنـد الكـريـم انـفـراج
ماهو الغيض سبت كل ابـو هالهـروج
بس مالي على بعض السوالـف مـزاج
هـــب الهـــوى
هب الهوى غرب واجتاح الضلوع وشعرت
إن الـلـيـالـي الجـمـيـلـة هــــب نـسـنـاسـهـا
مــدري كـبـر حلـمـنـا ولابعـيـنـي كـبــرت
والاهــي اوهــام ودي يـصـدق إحسـاسـهـا
تنسـانـي أيــام وتجـيـنـي مـتــى مـاذكــرت
اليامـتـى وانــت روحــي حـابـس انفـاسـهـا
كنت أجمل احلام عمري بس ليـه انكسـرت
يــازيـــن الاحــــــلام لوماينـكـسـربـاسـهـا
بيديـك مديـت لـي كـاس المحـبـه وصــرت
أنــا اول الـلـي يــذوق الـمـر مــن كـاسـهـا
من يومها وانـت قـدام عينـي ولوماظهـرت
دايـــم وعـيـنـي تـشـوفـك بـيــن جـلاسـهـا
قــدرت ولا عـلـى نفـسـي مـعـك مـاقـدرت
لازاد عـنــهــا غـيــابــك زادوســواســهــا
لوشفت حـال الـورق والشعرعقبـك عـذرت
اللـي حــرق صفـحـة المـاضـي وكراسـهـا
تـــوديــع الاحبـــاب
توديع الاحباب مثل الموت له سكره
ادمي جروحـي وشـق الصـدر منيّـا
والقلب طيرن ضلوع الادمي وكـره
لاشـاقـه الـطـلـع لاسـلــم ولا حـيّــا
مصيـر الاحـزان تنسانـي وتفتـكـره
ماكـل الايـام بيـض وسمحـت محيّـا
قل غيرها منـت لامجبـر ولا مكـره
لاصـار ماهـو غـلا مابيلـك احمـيّـا
لوفي يدي شي ماقلـت الوعـد بكـره
حزمت حدب الضلـوع وقلتلـك هيّـا
لوكل غالي تجـي دايـم علـي ذكـره
ماصرت اشوفك هناك وحبـك هنيّـا
ياليتنـي لابغيـت اكـره قـدرت اكـره
ماكان قلبـي اللياجيـت اكرهـك عيّـا
مادامك معيف رح لكن علـي فكـره
ماقلتـلـى لـيـه دمـعـك ســـال مـنـيّـا
دليل المحـــبــه
دليل المحبـه شـوف عينـي عليـك تغـار
ولاودي الـحـاسـد عـيـونــك يطـالـعـهـا
مع إنك رحلـت بعيـد لكـن بقـى التذكـار
لياشـافـتـه عـيـنـي تـسـابــق مـدامـعـهـا
دفنـت الغـرام بخافقـي والقلـوب أسـرار
مشاعرهـقـيـت إن الـلـيـالـي تضـيـعـهـا
فرحت برجوعك ماطلبت لخطاك اعذار
ونفسـي نسـت ماجـرى مــن تواضعـهـا
تهادت مشاعرخاطـري لـك بـلا معيـار
تجاهلـتـهـا لـوكـنـت خـابــر دوافـعـهــا
يقولـون جنّـب درب مالـك معـه معبـار
يلومـون نفـسٍ بـعـد لاحـبـاب موجعـهـا
يقولونـهـا قبـلـي يـخـون البـحـر بـحّـار
والآمـواج لاهاجـت خـذت ماتبـي معهـا
تكاثـرت منـك الصـد وأثرالعلـوم كـبـار
لقيـتـك عـلـى نفـسـي تقـلّـب مواجـعـهـا
اقوله وأنـا اللـي شفـت ذاك الغـلا ينهـار
يشـوف النـدم رجّــال نفـسـه يطاوعـهـا
مثـل ماضـرب جّـوٍ خـلا غـاي محـتـار
يـدّوج ورجـلـه مــادرى ويــن موقعـهـا
تعرض سموم القيض والـدار مامـن دار
هليـك وشعربالـمـوت روحــه ينازعـهـا
جحدت الغلا ليـن امتـلا بالخفـوق وثـار
قصايـد عساهـا اليـوم تطـرق مسامعهـا
غرامـك مثـل نـارٍ حطبهـا الغـلا الـنـار
تـمـوت وغــلاك الـلـي بقلـبـي يولـعـهـا
غلاك بضميـري واضـحٍ ماعليـه غبـار
تشيـل الغـلا نفسـي وأنـا عاجـز امنعهـا
يقولـون ماودعّك:قلـت الـفـراق وصــار
والإنسـان روحـه تنسـلـب مايودعـهـا !
هـذيـك الليـالـي ويــن أثـرالـزمـن دوار
خـذاهــا ولاظـنــي زمـانــي يـرجّـعـهـا
طوتها السنيـن ولابقالـي سـوى التذكـار
لياشـافـتـه عـيـنـي تـسـابــق مـدامـعـهـا
لاتنشـــغل فينــى
لاتنـشـغـل فـيـنـي أنابـحـالـي ادرى
قلـبٍ تعلّـق فيـك ينسـى مـع الوقـت
اكثرمن اللي صارلي ويـش يجـرى
بيـن الرجاوالـيـاس فـكـري تعلّـقـت
مثلي ولوشفتـه عـن همومـه ازرى
ماقـال ليتـك فـي جروحـه ترافـقـت
هـاك القصايـد لاتضايـقـت واقــرى
شـف وشكثرفيهـا لبسماتـك اشتقـت
أثرالـوفـا ينـبـاع عـنـدك ويـشــرى
ماكنت اصدق فيـك واليـوم صدّقـت
يامشتهـي فرقـا الموالـيـف حــذرى
تبعد وأنا مـن سكـرة الحـب مافقـت
لاطافت الفرصـه تحريـت الاخـرى
وتــروح ماكـنـي عليـهـا تـشـوقـت
سـاري لـو إن الليـل مافيـه قـمـرى
اشيل من حمل الهوى فوق ماطقـت
لاصـارحـظ أقشـروالايـام قـشــرى
مافيه احـد عاقـل يلومـك إلياضقـت
صحيح بعض النـاس فرقـاه بشـرى
وبعض البشرلاغاب ليلـه تضايقـت
ليتك خذيـت بليـل الاحبـاب مسـرى
غربت من كثر الطـواري وشرّقـت
السيـل يبقالـه علـى الـقـاع مـجـرى
ويبـقـالـك التذكارلـوكـنـت فـارقــت
اشوف لك من وين مارحت ذكـرى
ولاشفتـهـا صـديـت عنـهـا ودنـقـت
مـاكـل جــرحٍ لاخــذا أيــام يـبـرى
بعض الجروح يزيد شره مع الوقت
88888
8888
امووت بهالقصيده
احــدن يخــــون
مرفوض ياللى بعت غيـره عشانـه
أزريت عـن رد الجـزا أو تهاونـت
مابـي لـك أكثـر سـد بـاب الميـانـه
بانـت مـع الوقـت الخفـايـا وبيـنـت
مـادام مـالـى وســط قلـبـك مكـانـه
أنـا بعـد مثلـك عـن الحـب هـونـت
أنــا مـثـل خـيـال خـانـه حـصـانـه
عذره يقـول مـن الرسـن ماتمكنـت
غرّه مع المركاض وارخـى عنانـه
مخطى وانا غلطان يوم انى امنـت
لـو كنـت وافـى ماتـخـون الامـانـه
ياللى تقول تشيب روحك ولا خنت
ذاك الهـوى لـو ماشعـرت بحنـانـه
ماكنـت فـى حلـو القصـايـد تفنّـنـت
شاعـر تزلـزل مـن فـراقـك كيـانـه
لك يعترف مايسكن القلب غير انت
لـو كـان قلبـك صافـى الـود خـانـه
فـى ذمّتـى ماهـان حبّـك ولا هنـت
أحـدٍ يخـون وواحـد الوقـت خـانـه
أنا تـرى الثانـى وألاوّل تـراه أنـت
ضـــايـــق البـــال
ضايـق البـال مايستـانـس الحـالـه
وانت لاغبـت عنـي كنـي الحالـي
جتـك الاشــواق رجلـيـه وخيـالـه
غيـر الاول تحمـل شوقـي التالـي
ليت من قال متعـب خابـت امالـه
شاف بعيونـك الخـدرات منزالـي
واحـدأ فيـك ماهـو منشـغـل بـالـه
اشهد انـه بهـا الدنيـا هـو السالـي
راوي الـعـود يزهـالـك وتزهـالـه
عاد مـن يقـدر ايلومـه إليـا مالـي
صاحبـي والقصايـد فيـك مختالـه
وأنت لك حق فيهـن يـوم تختالـي
دام نفـسـك لـحـب الشـعـر ميـالـه
ليه ماصير شاعر وانت في بالـي
مـن تمنـاك لاتنشـد عـن احـوالـه
كيف عقب العسل يستطعم الحالي
عقبـك النفـس مذعـوره ومهتـالـه
سود الايام هـزت برجـي العالـي
لكن القلـب مـن يمـك علـى حالـه
في تناسيك ليه اكذب علـى حالـي
قلـت لـك نعـمـة النسـيـان زوالــه
ذكريـاتـك بعضـهـا قــام يبـرالـي
كـل مامرنـي طيفـك عـلـى فـالـه
قلـت يامرحبـا فـي ريحـة الغالـي
شلـت همـك وهمـي ماحـدأ شالـه
كن قلبك غدى ياصاحبـي خالـي!
إبتعـدنـا وكـلـن راح فــي حـالــه
بيـن هالنـاس لكـن كـنـي الحـالـي
البـــارحــــه
البـارحـة مــدري وش الـلـي خـذانـي
يوم اجنبوا عني مـن الضيقـة اشملـت
جـيــت أتـكـلـم بـــس عـيــا لـسـانــي
ماكـنـي إلا مرتـكـب ذنــب واخمـلـت
الله يسـامـح مــن ذكــرت ونسـانـيـي
وأنــا أدري إنــي لاذكـرتـه تجـمـلـت
عانـيـت وأدري كــل طـيـب يـعـانـي
وعلى حساب طعوني الخضر جاملت
يامـاخـذوا مـنـي ولا احــدأ عـطـانـي
من طيبتـي فـي حـق نفسـي تساهلـت
عــــزاي لامــنــه تـجـهــم زمــانــي
يمـمـت وجـهــي للـكـريـم وتـوسـلـت
والـلـي يـبـي قـربـي وبـعـدي لـقـانـي
أمشي علـى وضـح النقـاء مـا تختلـت
( يامـن سكنـت اجمـل زوايـا كيـانـي
يامـا علـى نفسـي عشانـك تحامـلـت)
مرات احس انـك معـي شخـص ثانـي
ومرات احس انـك حبيبـي ومـا زلـت
لاتـفـرح انــك دجــت بـيـن المحـانـي
لــو ماتـخـون الـذاكـره مـــا تسـلـلـت
(( عشان ماضيـك الجميـل وعشانـي
حاول تشيل من الوفا ربـع ماشلـت))
((( ماني على خبـرك حبيبـي ترانـي
حتى عن اصغار الاماني تنازلـت)))
888888
8888
يــآ ويل قلبي
اســـكـــت
ماقـلـت لــي شــي وش خـلـيـت ماقـلـتـه
اسكـت وخــل الـكـلام لجـرحـي الـدامـى
لـوغـيـرك الـلــي يـسـولـف ماتحـمّـلـتـه
لكـن علـى شــان عيـنـك هـانـت ألامــى
لـلـحــب مـفـهــوم عــمــرك ماتخـيـلـتـه
مـاأظــن يستـوعـبـه تفـكـيـرك الـسـامـى
هــذا الـفـراق الطـويـل وهــذي أسئـلـتـه
هــذا حـصـاد السـنـيـن وهـــذي أيـامــى
يـامــا ويـامــا عـلـيـك الــبــال طـولـتــه
والعمرعـدى وأنـا عايـش علـى أوهامـي
حـتـى طـريـق الـفـراق الـلــي تساهـلـتـه
لقيتـه أصعـب علـى نفسـي مــن أقـدامـى
اصـبـرلــي شــــوي لــودمــي تثـاقـلـتـه
بـحـاول أستـوعـب الـلـي صــار قـدامـي
الـحـب ضحـكـة بعيـنـك بـــس ماطـلـتـه
عمرك بهالكون شفت أبسط من احلامي!
القـلـب لومـاخـفـق لـــك كـــان ماشـلـتـه
ولوماأنـت ملهـم قصيـدي جفـت أقـلامـي
هـــذا قـصـيـدي بعـيـنـك لـــو تجاهـلـتـه
ينزف علـى شـأن يـروي قلبـك الضامـى
الــعــام طـــــاري غـيــابــك ماتـقـبـلـتـه
واليـوم حرمانـي أصبـح مصـدر إلهامـى
لاتـعـتـذرلـي وابـنـســى كــــل مـاقـلـتـه
وش ينفع العـذر لامـن ضاعـت أيامـى ؟
انشآلله تكون القصــآيد اعجبتكم :$
ودي
عـذبـّةٍ الآطـّبآعِ
ljuJ~f hgJJjvQ;dQ ?!>>
