( االنفس مقهوره ) بـ قلم " سعود العنزي "

( االنفس مقهوره ) بـ قلم " سعود العنزي "

اقدر اختصر موضوعي وكتابتي هذي كلها بـ ( كلمتين ) : عشنا و شفنا " بس ساعات يوم الواحد يتأمل و يناظر الاحداث من حوله ومن تصرفات الناس تصير ( النفس مقهوره ) يوم الواحد يسمع كلام من فلان سوا صديقه او ولد عمه او ولد خاله او اخوه تصير ( النفس مقهوره ) من كلامهم يوم البنت تسمع وتصوغ اذونها بكلام رفيجتها او اختها او بنت عمها تصير ( النفس مقهوره ) ●●●●●●●●● ادري في بعضكم ما فهم ولا عرف عن شنو اتكلم بس مابي اشرح ابي انسجم وياكم بالكتابه وابي اطير ابي اكتب و اكتب واعبر والباقي يتفسر بقلوبكم ●●●●●●●●● الله يا هالدنيا والله دنيا غريبه واحد : يقول حق امه باجر مابي اروح الجامعه خلاص انسي هالموضوع ولا تكلميني فيه يا يمه يا بعد راسي والام : يا وليدي هذي مستقبلك ما يصير تهملها الولد : لااا ما راح اروح خلاص بشيلها من راسي الام : خلاص خلاص انا راح اكلم ابوك عن الي تبيه وان شاءالله يوافق الولد : اي لو وافق ولا يهمج اشد حيلي بس ما يصير اروح جامعه وسيارتي قديمه ومكسسره وتفشلني جدام الناس يا يمه افهميني ابي سياره جديده الله يعين الحال ^ واحد اعرفه عنده مراجعه حكوميه الموعد ساعه 10 صـ يطلع من البيت ساعه 7 ونص الصبح ليش ؟؟ لانه يروح مشي كعابي ما عنده قيمة السياره ؟؟ يطلع من بيتهم ساعه 7 ونص ويدقها مشي مشي مشي عشان بس يضمن انه يوصل قبل ساعه 10 حق الموعد ؟ مو اقولكم دنيا غريبه ●●●●●●●●● المشكله ان الدنيا تضحك علينا وحنا نضحك على انفسنا ؟ ●●●●●●●●● ما راح اكل خلاص .. ما راح انام .. ما راح اطلع من غرفتي .. ما راح اكلم احد .. انا تحطمت انتهيت .. خلاص انا والموت واحد .. يارب خذ روحي من هالدنيا ( صديقه يقوله شفيك ؟ ) ويرد عليه بكل احساس ومشاعر العاشق المغرم ( خااانتني يا محمد خانتني ) اها توني فهمت موضوعك ما تبي تاكل ولا تكلم احد ولا تنام عشان خانتك جميل جميل الله يستر عليك بس هذا لو اعطيك شعور انسان شنو يصير فيك ؟ لو اعطيك / الي فقد امه وينام وهو حاضن صورتها ؟ لو اعطيك / شعور الولد الي فاقد ابوه ويوم يطلع من المدرسه ويشوف كل ابو حاضن ولده الا هو السايق يناديه ؟؟ شنو يصير لو اعطيك شعور واحد كل يوم حاط راسه جنب امه ويدعي ربه لان امه مريضه ؟ وش شعورك لو اعطيك شعور ام ادموعها تنهار يوم خسرة عملية ولدها ؟؟ ما تبي تكلم احد ولا تاكل ولا تنام طيب ما تبي تاكل وش شعورك لو ابدلك بشعور طفل قاعد بين اربع طواف وريقه ناشف ويدور كسرة الخبزه وحابس الدمعه بعيونه لان عرف ان الدمع منهااار خانتك وتبي تنهي حياتك عشان واحد خانك ابي تفسسسرلي هذي شلون عشان واحد بالنهايه شافك صغير وخانك وتبي تنهي حياتك عشانه الله يكمل عقلك يا كامل الاحساس كل الي اقوله حق الانسان الي نفس نوعية هذا ( شوف مصيبت غيرك تهون مصيبتك ) ●●●●●●●●● والله دنيا تقهر و تبجي وساعات بينك وبين نفسك ما تحس بشي والدمعه نازله على خدك ●●●●●●●●● ليش الواحد ما يفكر ليش الواحد يحب يرفس النعمه ما يفكر بغيره ما يفكر بشعور غيره ما يحمد ربه على كل شي قليل والله قليل لو قلت ( مرض فينا ) والله يشفينا ●●●●●●●●● والي يصكر باب غرفته بـ قوته وزعلان ليش ؟؟ عشان اهله طلبوله من مطعم غير عن الي يحبه ما تحمد ربك ناس تبيع دمها وتتعب ليل ونهار بالشغل عشان بس يدبر لقمة عيش حق عياله او اخوانه ويالله الواحد يمسك اعصابه من هالدنيا كم واحد فيهم نام على لحم بطنه كم واحد فيهم وده بس يدق على مطعم حاله حال الناس وكم واحد فيهم وده بس يذوق الوجبه الي ربعه يتكلمون عليها ولا باليد حييله ما غير يتخيل وتنرسم احلامه بهالدنيا بكيفه ●●●●●●●●● رفس بـ رفس والله يستر علينا ●●●●●●●●● ولا الي يجي مزعزع البيت فوق وتحت وعافس الاوضاع ابي ( فون يديد ) لا لا ابي ( بلاستيشن ) ياخي قبل لا تنطقها اقعد بينك وبين نفسك شوي بس شوي وروح شوف الاطفال اصغر منك بالعمر تشوفهم عند ( اشارة المرور ) يبيعون عطورات ومناديل ؟؟ ما عندك احساس شوي بـ اهلك بـ نفسك وربي الواحد يستحي على نفسه شوي قاعد متربع بالبيت وحاط رجل على رجل والمكيف يضرب عليه وجنبه انواع المشروبات البارده والحلويات ويوم تدخل امه او ابوه مد بوزه وزعل ابي تليفون مالي شغل انا راح اهمل نفسي راح اموت ما راح ادرس ما راح اكل ولا راح اطلع وما راح اكلمكم ( الله يصبر النفس ) وما يشوف حال الناس بعز الظهر وبعز الشمس تصلخ الراس من نارها ( وعرق الصبي ) يصب صب ويبيع بس عشان يدبر قيمة ( الخبز حق امه ) ●●●●●●●●● للاسف فئه كبيره من الناس ما تقدر النعمه ●●●●●●●●● ولا تجي البنت الحزينه الـ بااد موود الفتاة الحزينه عاشقة الصحراء تسسسمع كل يوم من الاغاني الحزينه وتذكر وتبجي وتذكر حبيبها وتركها في الوحده القاتله لو تفقدين ( نعمة السمع ) بتنسين طوايف طوايف حبيبج وما تفكرين الا بـ اذونك و السمع بس شقول شخلي اهمال بـ اهمال بالحياة وتفكيرنا يمشي عكسنا للاسف ●●●●●●●●● ليش نقول ( ما نحس بالشي الا يوم نفقده ) ليش ننتظر وليش نغمض عيونا ليش ما نبطلها ونفتح عيونا وعقولنا معاها ليش ما نهتم حتى لو كان عندنا يعني لازم ما نحس فيها عشان نفقدها عشان بعدين اقول اووه والله تذكرت ما كنت احس بهالدنيا الا يوم فقدت النظر ليش ما تهتم بنفسك . ؟ ما تهتم بـ اذونك وين تسمع بعيونك وين تناظر ؟ ليش الواحد ما يحافظ على الريال او الدينار او الدرهم او او ليش نحب نضيع نضيع لانه مو من تعبنا مو من حلالنا ؟ ما نفكر ابوي او امي شلون طلعو الريال او الدينار ؟ مو صعبه تفكر انه بسهوله حكو المصباح علاء الدين وطلعلهم الدينا ما تفكر الا بنفسك هذي حياتنا للاسف عليك وعلي ●●●●●●●●● والا الي الله منعم عليه ( نعمة البصر ) يروح يتربص ويلحق بـ بنات الناس المحتشمات والغير محتشمات اخ لو تجرب العمى يوم واحد واخليك شلون تشوف الدنيا بتشوف الظلام بـ ظلام وفكر بعدها بالبنات و البنات وخلهم يفيدونك ●●●●●●●●● شقول وشخلي لكم يا الاعضاء همسات عشنا و شفنا وراح نضل نشوف ونشوف وتضل ( النفس مقهوره ) من تصرفاتهم وفعايلهم موضوع كتبته وبقلبي ألف نار بـ نار واتمنى توصلكم جوهرة موضوعي ●●●●●●●●● ( لا احلل لا احلل النقل دون ذكر مصدر همسات الغلا ) بـ قلم ( سعود العنزي )

الموضوع الأصلي: ( االنفس مقهوره ) بـ قلم " سعود العنزي " || الكاتب: سعود العنزي || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

( hhgkts lri,vi ) fJ rgl " su,] hguk.d lri,vi hguk.d hhgkts fJ

سعود

راق لي ماوجدته هنا من صدق في الاحساس ..
ومن رقي في الكلمات ..
ابداع في الانتقاء ..
وتميز في العطاء ..
طبت وطاب لنا وجودك العذب ..
ولروحك السعاده ..
تحياتي .

الله عليك ياسعود جبتهآ على الجرح
فعلاً عشنآ وشفنا وياليتنا مآشفنا..!!
شيء من جد يضيق الصدر على تصرفات المجتمع حولنا..!
صارت الناس تشوف اللي آعلى منها مايناظرون اللي تحتهم ويحمدون ربهم على اللي هم فيه..
الله لآتعاقبنا بس ويديمها علينا آمن وامان وصحه وعافيه حنا في سعاده اللهم لك الحمد
غيرنا يتمنىْ الراحه والآمان هم صدق اللي نفسسهم مقهورة..!!
,
كآتبنا المميز وصاحب القلم الذهبي..
الجمني الصمت امام
حرفك الماطر بالجمال
عزف متفرد لايضاهيه
احساس راقي وانامل ذهبيه
تجيد العزف على اوتار الواقع
اجدني امام بحر من فيض
الطهر والنقاء سكب
من محبرها فاخرة
بالابداع سلمت الايادي والاحساس الراقي
لروحك السعاده

,

سعوود

للابداع وقفه اخرى بين يديك

بحق رااق لي سطوورك


دمت بود

آهنيك ياسسسعود ع قلمك
المميز بطرحك الرائع
تسسسلم يمناك

تقيييمي لك

سعود العنزي

ارفع قبعة تقديرا لعملك الراقي والمميز
كلمات وتصميم خوراااافي
صوت مناسب جدا للطرح
كلمات عذبه رقيقه
الم حزن ولكن بطعم مختلف
بيض الله وجهك
ولاهنت
اجمل تقييم

يعطيك العافية