أبقولك شيء بس أرجوك لا تزعل
اللي حصل غصب عني ما تمنيته
من يوم ما غبت تاركني ولا تسأل
وناداك قلب يبي شوفك ولاجيته
يرحل مع الشوق وانت بغيبتك ترحل
شف كيف يتعب علشانك وخليته
حبيت غيرك..! صراحه.. يوم لي أقبل
إنسان من طيبته شفته وحبيته
وأقول يا قلبي إثقل قال كيف أثقل
جاني يسوق الخطى وبرغبتي جيته
أطهر من الماء وأرق من الزهر وأجمل
أطعمني الشهد بالحب وتحاليته
أسهل من الصعب وأصعب لي من الأسهل
خلاني أعرف غلاته كيف وأغليته
علمني شلون أحب الحب بالأول
وحسسني بشيء ما في يوم حسيته
حرك شذا الورد قبل الورد ما يذبل
ورتب شعوري وأخذني منك وأعطيته
حاول يداري دموعي قبل ما تنزل
ومن لوعة الحب بكاني وبكيته
وعاهدني إنه بصدق الحب ما يبخل
وعاهدته إني أموت وما تناسيته
هذا
((خــــيــــالــــك))
معي من وين ما ترحل
كم ليلة بالهوى شفته وناجيته
صحيح بعض الغلا يا صاحبي يقتل
لكن غرامك قتلني فيك وأحييته ..!
أسهر له الليل وشموع الغلا تشعل
من لهفتي زارني طيفك
>وضــــمــــيــــتــــه <
Hfr,g; adx fs Hv[,; gh j.ug
