ورب البيت وحشتوني ,,من التاجر الى السقا,,وحشني كل ما فيكم
وأشياء ما اقدر أسميها,,حاجة كدا ترد الروح,,صعب أوصف معانيها
موضوعي بيكون خاص عن جده الاثريه (التاريخيه) :
بقايا من اثر الاجداد لدحين محافظين عليها ..من قبل بلدية جده
طبعاً جده مقسومه قسمين/ قسم متطور وحضاره وعمران الي بتشوفوه
بالتلفلزيون وبزيارتكم لها .
وقسم تراثي / نادراً في احد بيزورها او يهتم لها..
انا من عشاق جده القديمه /كتير اتردد عليها .بحب اسواقها ..
بيعرضوا اشياء جميله ومتاحف حجات كدا بقمة الروعه ..
بعتبرها افضل بكتير من جده الجديده ..
فحبيت اعطيكم معلومات عن جده القديمه وعن اسواقها ..فمتى احببتوا زيارت جده لتمروا عليها ..
طبعاً جده القديمه يعود تاريخها -حسب بعض المصادر-
إلى عصور ماقبل الإسلام ،
وأن نقطة التحول في تاريخها كانت في
عهد الخليفة الراشد عثمان بن عفان ر ضي الله عنه
عندما اتخذ ها ميناءً لمكة المكرمة في عام 26 هجري / 647 م.
جده زمان كان لها سور وبوابه تخص سكانها .
وكان السور من عهد المماليك بناها حسن الكردي امير المماليك
عشان يحمي المدينه من الهجوم عليها من الاعداء
وهيدا السور
طبعاً السور دحين مو موجود لانه تم ازالته لدخوله في منطقة العمران عام 1947 م.
بس البوابه موجودين كأثر تاريخي
وهيدي البوابه شكلها من قريب مره تجنن
وكان داخل السور مقسم لاقسام يقال لها احياء ..
وكل حاره سميت على حسب الاحداث اللي صارت فيها او
موقعها الجغرافي .ومن هيدي الاحياء :
حارة المظلوم /سميت هذه الحارة نسبة للسيد عبد الكريم البرزنجي الذي
قتلته الحكومة العثمانية
حارة الشام /تقع في الجزء الشمالي من داخل السور في اتجاه بلاد الشام
حارة اليمن/ تقع في الجزء الجنوبي من داخل السور,
واكتسبت مسماها لاتجاهها نحو بلاد اليمن
حارة الكرنتينه/ تقع جنوبي جدة وكانت مواجهة للميناء البحري القديم ,
دحين الحارة صارت سكانها من افريقاء .(ومانصحك تزورونها )
بجده القديمه في اسواق مررره تجنن ويبيعوا فيها حجات حلوه ..
طبعاً اي منتج او بضاعه مشهوره دحين هي من الاساس كانت
بدكان بهالسوق ..
متلا : القرشي , والعربيه للعود . وكمان الاقمشه والبخور .
كله من هالاسواق بدات انتاجياتها ..هناك تقدر تشتري بالكميه وبسعر
مره قليل ..
يعني لو تبغى عطر مشهور بالاسواق وسعره غالي ..بتشريه من اسواق
جده برخيص ونفس الجوده. انا غالب البخور والعود اشتريه من هناك ..
في سوق اتردد عليه كثير اسمو ( الخاسكيه )من اشهر اسواق جده القديمه .
وكمان سوق البدو/ في باب مكة ويباع فيه كل ما يجذب سكان
البادية.
وسوق البلد / جداً روعه .وبالذات للاواني وحاجات المطبخه وبسعر حلو
الكلام كثير عن جده القديمه ..يبغالوا صفحات وصفحات ..
بكتفي كذا ..
ان شاءالله بيعجبكم الموضوع
