تدري بلاش ...اكتبك ...والناس ماتقرا

#1 14-10-2012, 10:37 PM

البارح القلب يكتب والسهر يقرا

و الليل دفتر عجز يستوعب عتـابي

قلت انقض الجرح واجعل سيرته مسرى

مليت اروح بقصيدٍ مابعد جاء بي !!

حنيت لك يالغرام العذب وانت ادرى

ياأغلى وأجمل واعز واطهر احبابي

يامرحبا وان لفيت وصادفك غدرا

عزاي بانك تميزني عن القــابي

من غبت

والناس كن نفوسهم قشرا

أشواهم اللي كســـر روحي وهلّابي

الجرح يبرى لو ان الوقت ...مايبرى

شف وقتي اللي خذلني ويش سوى بي !!

ماقلت لك بأجعل من السالفه مسرى

لك يالقصيد الصدوق رضاي وإعجابي

أكتبك سيل(ن) يجي له فالورق مجرى

واذا كتبتك ...نبت فالطــرس غيّابي

تدري

بلاش

...اكتبك ...والناس ماتقرا

يكفيني انك مقـــــربني من أحبابي

تكلم ..وأكسر جدار السكوت وخلنا ننشاف

......تكلم ...وانت وجهي في عيون الناس وأوصافي

تكلم ...لا يردك سجن وزن ولا يحدك قاف

......ولاتخشى من بحــور الخليل ومعك مجــــدافي

تكلم ...كلها ..خطوة قلم وتقول يالانصاف

.....( وراك أبعدت عني ..مابغيت ألقاك ياجافي )

(انا ودي)(وأنا ودي بعد)(وأخاف)(ليه تخاف؟؟)

.....اخاف أن الكلام يبور بي ...مابر ميقافي

أنا ماودي أسكت ...بس ..أحس ان الحروف نحاف

.....وأنا (حملي) ثقيل ودرب (حلمي) وعر ياوافي

غديت (الحادي) اللي ساق ذوده والسنين عجاف

....على البيدا ولا ش الا الظما والجوع والســافي !!

الموضوع الأصلي: تدري بلاش ...اكتبك ...والناس ماتقرا || الكاتب: مميزه بطبعى || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

j]vd fgha >>>h;jf; >>>,hgkhs lhjrvh aaaaa