سلام عليكم
اليوم الموضوع جدا بسيط و مجرد ريفيو عن منتج جدا اعجبني , و اتوقع حيعجب معظمكم لان كثير بنات مو مره مع الـ Nail Art و يفضلو الكلاسيك , و انا اعتبر هذا مجرد twist بسيط على الكلاسيك و مره انيق
نبدأ
كنت ماشيه في H&M الحبيب امس , و لازم اطل على المناكير حتى لو عندي كل الالوان يمكن جابو شي << مرض نفسي كل يومين تشيك لما تروح
مع اني كنت هناك الاحد لكن ما شفته , رحت الاربعاء امس و لقيته شكله توه واصل لفرع عرب مول , المهم انا شفته قبل كذا بصور اون لاين زي هذي
طبعا ما اعرف , بعضهم المناكير نفسها يكون من النوع المطفي المخملي , و بعضها لما شيكت يكون نفس حكاية المنتج اللي بتكلم عنه اليوم , وهو الـ Top Coat الطبقه الشفافه اللي تحطيها فوق اي مناكير انتي حاطته و يسير مطفي زي في الصور
و رأيي الشخصي هذا جدا اسهل و اكثر عملية من الاستمرار في شراء كم مناكير كل واحد لون و يكون مخملي , جيبي اي لون عندك و حطي فوقه طبقه من هذا المنتج
اتوقع الآن تلاقوه في اي فرع لـ H&M
اول ما جربته
لون مناكير عادي , اي شركه/نوع ماتفرق
حطيت فوقو الكوت حق المناكير المطفي << لا يا شيخه
لاحطو الطرف ما حطيت فيه الكوت , فلسى باينة اللمعه الاصليه للمناكير , فلازم تشيكي تتأكدي بس انه غطى كل الاظفر
طبعا تقدرو تشكلو اي لون يجي عليه , و ممكن مزج على كيفكم لكن خليت بسيط اليوم وانا العب فيه , و لاحظت انه نوعا ما يبان اكثر على الالوان الغامقه , لكنه يبان على اي لون عموما
طبعا حطيت عادي , و حطيت فوقه الكوت , بعدين عملت بنفس اللون فرنش صغير على الطرف , جدا سهل و عملي و مايبغاله وقت , و احسه انيق
مو مره باين الفرق في الصوره , لكن يبان قدامك , سويت بالفلاش و قربت اللون , جدا عجبني القوام و شكله على الاظفر , و احسه يجي حلو و كيوت على الاظافر القصيره لانه بسيط , شوفو الاصباع الاخضر الغامق
اخر واحد مو مره باين , يمكن لانه فاتح او مافي نور كفايه , هوا يبان عادي زي ماقلت لكن على الالوان الغامقه احلى
في الاخير اتمنى يكون موضوعي البسيط عجبكم , و اعتذر لو حسيتو اني طولت بس حبيت انقل التجربه كامله
تحياتي
