قصيدة: زمجرة تفجر بركان

قصيدة: زمجرة تفجر بركان

. <{ زمجرة تفجر بركان }>
مجاراة بين شاعر وشاعرة ( نصيحة )

تقول الشاعرة/ جواهر بني صخر:-

الشوق يقتل ما بقى....... من خفوقي
روحي تسامت والتسامح علي طوق

ليه المحب ما يعترف .... بالعقوقي
زاد التعلي بالعشق ... قلبي محروق

ما عرفت انك كالدما . . بالعروقي
تجري بروحي بين الاضلاع موثوق

الشاعرة#جواهر بني صخر


مجاراة الشاعر:حمد بن فهد المخالده السبيعي:-

آه يا جواهر بني صخر بالله روقي
وتلاحقي قلب فيك غدى محروق

ودعي محب لك مايعترف بالعقوقي
واقطعي بالزعل من يسمى طوق

واقطعي دم العرق الفاسد لا يعوقي
يتجدد دم عروقك و خاطرك يروق

حبك من طرف واحد بالله فوقي
ما يستاهل الحب من كان له سروق

لصارحبك بين قلبين له الروح سوقي
و متجاهلك كيف روحك له تسوق

ما يستاهل حب الأجواد مطفوقي
ولا نخاطر بالروح لأجل منه مطفوق
الشاعر/ حمد بن فهد المخالدة السبيعي

==========================
رد الشاعرة/ جواهر بني صخر :-
مساء الخير
صحت انفاسك
وصح لسانك ملايين ابدعت بكلماتك وحروفك المتميزة
واعتذر ما شفت ردك الا الحين شاعرنا المبدع
وهذي كلماتي رداً على ابياتك تقبلها ولك جزيل الاحترام

الحب من بادي زمانه . . . . دفوقي
يا شاعري اسمع كلامي وله روق

ما له شريعة او كلام (ن) وثوقي
ما يعترف بغروب شمسه و الشروق

شرعه ظلال و مبدأه من نزوقي
ولا يحتكم بالعدل والحكم مفروق

ان كنت ما عشته ظلمت الخفوقي
وان كنت ذقته صرت ملكه وموثوق

ما بدِّله و القلب خاضع ... مسوقي
وارضى بظلمه وان تمادى بالعقوق

هذا وفى و الغدر به ما .... يلوقي
واحسب عدا ذلك تجاوز بالحقوق
#جواهر بني صخر


رد الشاعر/ حمد بن فهد المخالده السبيعي:-

-<<<{ زمجرة تفجر بركان }>>>-
ألاياجواهر تسلم أياديك مما يعوقي
الغدر ماهوب طبعك وتعداك العقوق

جربت الحب حقيقة و قطع معلوقي
على شرع الله ملكته و صار مطلوق

عشر سنين اطرد وراه ضيع حقوقي
لكن عند الله والله ما تضيع الحقوق

صار الحب من طرف واحد سروقي
سرق قلبي و غدابه سارق و مسروق

من زود حبه ليا نصحت زاد حروقي
يقولون اتركه وما يحسون بالحروق

والله احبه وما قَدَّر الحب معشوقي
وحرقة القلب لأسألوك عن المعشوق

آه تمر سنين عايش الوحدة طفوقي
وجاهل الحب قال واشبلاك مطفوق

البنات واجد و تلقى لك بنت تروقي
اسدد اذاني ماكني اسمعه كود اروق

الله هداني و اجرى الدم في عروقي
سبة شاعر ناصح ومتفرس بالعروق

واكتشف الأمر حين استمع لطاروقي
خذني بحلمه واستشهدلي بالطاروق

دلني على عذرى لها النفس شفوقي
وشفتها بوسط بيت بالطيب موثوق

بديار المصطفى انزلت بعمق خفوقي
سلام الله عليهم كل ما هب الخفوق
الشاعر/ حمد بن فهد المخالدة السبيعي

الموضوع الأصلي: قصيدة: زمجرة تفجر بركان || الكاتب: حمدفهد || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

rwd]m: .l[vm jt[v fv;hk jtdv .l[vm

مجاراة سامقة

صح لسانك ولسان الشاعرة جواهر

أبيات امتلات بروعة البيان
وعمق الصور البلاغية
يعجبني التعبير الغير مباشر لـ الأحاسيس
من هذه النقطة تعرف قيمة الشاعر ومكانته الأدبية
تبارك الله عليك وعليها



ختم ونشر وتقييم

صح لسانك وعلا شانك

ابيات رائعه وراقيه

ومجاراه مميزه و ساحره

لاهنت اخوي

كلمات فوق السطور
يفوح منها العبير
عطر يترجم الاحاسيس
فقلمك يمس القلب بكل حرف
واقرأ حروفك مرارا وتكرارا
وفى كل مرة احساس مختلف
مودتى

مجاراة طيبه صح الله السانكم ابدعتوا يابعدي

تحياتي وتقديري لك

سلم نبض قلبك وقلمك
ودمت بسعاده تغمر قلبك
ودي وتقديري

صح لسـانك واعتلى شـان
أبيات في قمة الجمال
‎راقت لي حروفك بين السطوور
دوم على القووهـ يـارب