اجمل 100 بيت شعر للابنودى

اجمل 100 بيت شعر للابنودى

زحمةمشاركة
أجمل 100 بيت شعر للأبنودي
منذ 6 سنوات
اجمل 100 بيت شعر للشاعر الكبير عبد الرحمن الأبنودي

زحمه- اخترنا لك اجمل 100 بيت ومقطع شعري من قصائد واشعار ودواوين واغنيات الراحل العظيم عبد الرحمن الابنودي الذي غادر عالمنا يوم الثلاثاء 21 ابريل تاركا رصيدا لا يباري من القصائد والدواوين الرائعه

والاغنيات البديعه التي اثرت وجدان المصريين وملات حياتهم فنا وجمالا

نتمني لك قراءه سعيده مع هذه المختارات التي تمثل جزءا صغيرا من عالم الابنودي الكبير

“انا صوتي مني وانا ابن ناس فقرا، شاءت ظروفي اني اكتب واقرا،فباشوف وباغنّي، والفقرا باعتيني، ياناس ياهوه، قبلن ما اقول قوله، اتاكدوا ان صوتي ده وصدر مني“

“يا عيونك النايمين ومش سائلين، وعيون ولاد كل البلد صاحبيين”

“يبقي القمر قاربنا، والليل بحر مهاودنا، والنسمه اللي تاخدنا ترجع شايله الحكايه“

“الجهل مريح يا فاطنه، عدم العلم مريح، عدم العلم عيون تنعس في الليل، ضحكه من القلب ، من القلب صحيح“

“قلبي يا بلاد غريبه بتنوّرها الدموع“

“تقيله تقيله خطوه الزمن، تقيله دقه الساعات“

“يا امي، وان يسالوكي لا يترعش لك حضن، ولا تحسي بحزن وتقولي:مات في السجن، ساعتها يبقي الحزن بلا موضوع ووالسجن بلا موضوع والموت بلا اكفان“

“يامه القمر سهران، عينه علي بيتنا، وحد م الجيران وصف له قلتنا، اسقيه ينوبنا ثواب؟ وللا ارد الباب، يامه؟

( يا مه القمر ع الباب)

“بس الحزن اذا طال القلب..خلاص .. قول ع الراجل يا رحمن يا رحيم ..الشقي مش متعب، التعب الاكبر تعب النفس في اخر العمر، لما تلقاك عمرك كله لم دقت الا الحزن، والعمر بيخلص قدامك ومحطته علي بعد الرجل“

“تمرّ صورتك اتبسّم، الابتسامه تعذبني، كل الحاجات حواليا تدور زي الحيطان بتداري النور وقلبي من بعد الطيران ما حيلته الا جناح مكسور

“عشب الربيع مهما اندهس بالقدم، او انتني للريح، يشب تاني لفوق يغني للخضره وطعم الالم“

زنزانتي لو اضيق، انا من ورا السجان، في العتمه باتشعلق، حتي علي الدخان“

“من يوم ما عينيكي يا فاطنه بلّت شباك القطر، لسوعتي بدمعك ضهر يدي، قلت لك قبل معوصل عتلاقي جوابي جاي، نهنهتي وقلتي بعتاب: النبي عرفاك كداب“

“كل اللي عايشين م البشر من حقهم يقفوا ويكملوا، يمشوا ويتكعبلوا، ويتوهوا او يوصلوا“

“،ادباتي، اراجوز، نديم صاحبي وخلاني، زجّال مهرّج مرّكب صوتي في لساني“

“بلدنا ع الترعه بتغسل شعرها، جاها نهار ماقدرش يدفع مهرها“

“مش كان يبقي احسن، لو لمتنا حبه، ده الموت يبقي اهون، لما نقابله صحبه“

“بتحب موال النهار ، لما يعدي في الدروب ،ويغني قدام كل دار”

“وانت لو جالك فقير، كنت تشوي قلبك الطيب تحطوله في رغيف؟”

(الخواجه لامبو العجوز مات في اسبانيا)

“الارض مش ارضي، ولا العيال ولدي، امال كده مالي شايل همها لوحدي؟”

“احنا شعبين شعبين شعبين، شوف الاول فين والتاني فين، وادي الخط ما بين الاتنين بيفوت“

“نهرب من الصافيين اذا بكيوا، ونحسد الباكيين اذا ضحكوا“

( مسلسل ابو العلا البشري )

“في عينيها نار وجنه وعند وشده وهواده، البنت من الدهاشنه واسمها فؤاده”

“اديكي عمري بحاله يابوي، واديني انتي الفرحه ياعين“

“وسّع طريق للقدم، اللي مصاحبها الالم، من امتي نده العذاب، واحنا مقلناش نعم؟“

“حكموكي ما حكموكي، برضه المصري مصري والمملوك مملوكي“

“لامتي فيك يمشي جريح، يا طريق الالام، ولامتي فيك يفضل يصيح، مسيح وراه مسيح وراه مسيح، علي ارضها

“ابن الوطن ابو جيب فاضي قال مش راضي، ان كان مافيش عدل يا قاضي موّتني شهيد“

“بالليل فكرك يطوف، والنوم خطوف خطوف، تبقي ع البرّ لسه وتقول يا ناس غريق“

( من حبك مش بريء)

“في ايديا المزامير، وفي قلبي المسامير”

“لازودك بالزاد واديكي قنديلي، واصرّلك عمري وقلبي في منديلي، وانتي حمامه صيف باقي المواسم طيف لودنيتي ع الكيف كان النهارده العيد“

“الهوي بعتر ضفايري، ايه قصده معايا؟”

“جاي من بلادي البعيده لا زاد ولا ميه، وغربتي صاحبتي بتحوم حواليا، وانتي تقوليلي بحبك، تحبي ايه فيا؟ حب ايه ده اللي من غير اي حريه؟

“اللي مانعني من الموت اليوم اللي اشوف “علي” فيه متهني وفاتح بيت” ساعتها اقول للدنيا ضحكت عليكي خلاص غوري“

“يا قمر يا رغيف بعيد، النهارده الحد عيد، الفقير ليه مش سعيد؟“

(الخواجه لامبو العجوز مات في اسبانيا)

“لو مش هتحلم معايا مضطر احلم بنفسي“

“من امتي شفنا الراسمال يتفسح؟ من امتي شفنا الراسمال انساني؟ جاي يطمس الاسماء ويمحي الملمح ويحطنا في السلسله من تاني“

“قصر الوالي دايما عالي، مليان حتي لو الكون خالي“

“نص العمر اللي راح، قضيته هناك غريب، لميتك لك الجراح وجايبهالك تطيب“


“احنا ولاد الكلب الشعب، احنا بتوع الاجمل وطريقه الصعب، والضرب ببوز الجزمه، والموت في الحرب”

” ان رحت معاك، وطاوعت هواك، حاهرب علي اول مركب هاتعدي عليّا، ان شالله تاخدني لشط الجنه الدهبيه” ”

“الدمّ اللي في ايديا بالليل ينده عليّا ، ويقوللي: قتلت مين؟“

“وان صرخ القول في الحشا عمر الخشم الحر ما يقدر يقعد مقفول“

“انا ما فرحت الا بكي، ولا بكيت الا وكل الكون بكي، وحياتي مشوار الرحيل منك لكي”

“اخر مره امَا سيبتك كتمت الشكوي ليه، مش كان احسن حاسيبتك، وعرفت القصه ايه؟ لكن محاسبتكيش، وقلت لك مفيش ، كانك يا حبيبتي امرك ما يهمنيش“

“يالولا دقه ايديكي ما انطرق بابي، طول عمري عاري البدن وانتي جلبابي، ياللي سهرتي الليالي يونسك صوتي، متونسه بحس مين يا مصر في غيابي؟

“دلوقتي حتي بخاف حزني يبعد عني“

“اسمك عدويه يا صبيه، ورموشك شط”

“تعرف تقول جودنايت؟ وتفتح السمسونايت..وتبتسم بالدولار؟“

“طول ما انت في العالي يا لاسمر، مش راح تشوف حالي”

“بيوت الناس لا حيطان ولا ساس، ولا ليها لون ولا ليها مقاس“

“قصص الحب الجميله اكيد ناقصها قصه، وبين كل الاغاني في غنوه حب ناقصه”

” يا صاحبي يا صديقي ياللي طريقك طريقي ده انا يوم ما اعيش لنفسي ده يوم موتي الحقيقي “

“اذا مش نازلين للناس فبلاش، الزم بيتك، بيتك بيتك، وابلع صوتك، وافتكر اليوم ده لانه تاريخ موتي وموتك“

“ياللي مفهمينش ابتسامه الشهيد، احنا بنفهم بعض“

“شفت في عينيكي المداين، والبيوت ام الجناين والغيطان ام السواقي والولاد امات طواقي والشطوط ام النخيل، شباكين ع النيل عينيكي“

“ياللي فطمتي النديم، رديه صغير السن، باسكّت الجرح يسكت، ينطق التاني“

“والله صورتك دي تنفع تزيّن الجرانين“

“امّي ، ولو مالت عليا الحيطان امي، ولو يجري ورايا النخل، وانا غيرها ماليش انسان ولا بلد ، ولا مكان ولا اهل”

الوطن هو الديانه، الوطن ، من غير زنازينهم، خيانه“

“قدم البيت ، اتهدت قبله بيوت وبيوت، واصيل هوه، مستنيني لما اموت“

“ياللي عيونك شمعه وضحكه وبحر ونسمه ضيف“

“وتقوللي دوله صديقه؟ مين الي صدقها؟ امال ده مين اللي قتلني في السويس وفي بورسعيد؟ ايام ماكانت بورسعيد بورسعيد؟ مين ده اللي كان يقتلني يومي ع الكنال؟ والوقت، وسع يا جدع للراسمال، يا فقرا بكره تلاقوا شغل: زبال ، وشيال”

“القبضه قابضه ع الحديد ليفرّ، القاضي يستغبي والمتهم بيصرّ”

“تعبت اقرا الوجوه بحثا عن الانسان، تعبت اقرا اليفط بحثا عن العنوان، كل الخرايط ما توضح، تبهت الاوطان“

“الواد كما اي عيل في عيال ناس البلد، يهوي صوت السواقي لما تملي البلد، والقلب اخضر مزهزه لا مكر ولا حسد“

“ ده دمي وللا الربيع؟ لاتنين بلون اخضر، وبابتسم من سعادتي وللا احزاني

“الحزن محاوطكي وهمك تاعبكي وليه مش قادره تبكي؟“

“الحلم اللي حلمته في الصبح بيتفرد، يصبح ذنب ابلد يصبح هم البلد، والضحك اللي ضحكته اهو سمعاه البلد، صرخه حزن ونكد، صرخه بنت وولد“

“يضحك نبكي احنا طوالي، امال ازاي يبقي الوالي؟“

“ومهما انزل بلد انزلها بالجسد، لكن القلب راحل، له في السواحل ساحل، لغيره ما انوجد، سايب قلبي في حاراتك سايب صوتي في سكاتك، وخضرتي في نباتك يا مصر، وتنّي راحل

“عاد اللي يعجّز في بلاده، غير اللي يعجّز ضيف؟“

“لا الصوت ده صوتك ولا اغانيكي عاجباني اهين يا محروسه قد ما انتي واحشاني، مش عايز اشوفك وخللي ما بينا حيطه وباب“

“الموت مجرد سفر، لا شوك ولا زعابيب ولا عفر“

“يا قبضتي دقي علي الجدار ، لحد ليلنا ما يتولد له نهار، يا قبضتي دقي علي الحجر لحد ما تصحّي جميع البشر، لحد ما تتفسر الاسرار”

“وان يسالوكي، قولي مسافر بعيد، رايح يقابل العيد في قلعه فوق الجبل وللا في سجن حديد، في غرفه ضيقه في ساحه الاعدام برمي الرصاص، وللا الخلاص في خيه المشنقه، مشوار بعيد المعني عالي الصوت، ان مرحتوش اموت وعالمي يتقفل، والشمس تلملم خيوطها وتنسحب في خجل“

“في الليل يا حراجي تهف عليا ماعرف كيف، هففان القهوه علي صاحب الكيف”

“اقتلني ، قتلي ما هيعيد دولتك تاني“

“حبيتك يا حبيبي من غير ما اسال سؤال“

“مراكب الهم ترسي ليلاتي في جراحي“

“لسه مشبعتش طوافه يا للي بتطوف من سنين؟ يا قمر مولود في يافا واتقتل في دير ياسين؟“

“علي كرسي ف قهوه في شارع شبرا قعدت ..وجابلي كبايه الشاي الجرسون، كبايه شاي القهوه غير كبايه شاي البيت خالص، بصيت له كتير مش عارف ليه، من مده طويله ماشفتش حيّ“

“استشهد تحتك وتعيشي انتي، يا بيوت السويس“

“عارفه يا مرتي الراجل في الغربه يشبه ايه؟ عود دره وحداني في غيط كمون”

“ربنا رزقه بجهل، غانيه عن كل العلم“

“الليل جدار، اذا يدن الديك من عليه، يطلع نهار“

والنبي يا حراجي لو اطول قلبك، لاقطع بسناني الحته القاسيه فيه، شهرين يا بخيل ؟ ستين شمس وستين ليل؟“

“”محبوس في حكايه، وسجني جوايا ، قضبانه في ضلوعي“

الموضوع الأصلي: اجمل 100 بيت شعر للابنودى || الكاتب: الفارس المصرى || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

h[lg 100 fdj auv gghfk,]n gghfk,]n h[lg jpj

مَوْضُوٌعْ فِيٍ قَمّةْ الْرَوُعَهْ
لَطَالمَا كَانَتْ مَواضِيعَكْ مُتمَيّزهَ
لاَ عَدِمَنَا هَذَا الْتّمِيزْ وَ رَوْعَةْ الأخَتِيارْ
دُمتْ لَنَا وَدَامَ تَأَلُقَكْ الْدّائِمْ

حروفك كانت مختلفه في كل شيء
في أحساسها الجميل
وطرحها الرائع
وروحها العذبه

عبق نرجسي يسطر بعذوبه
وجمال يعانق السماء كجمال الانتقاء

انتقاء مكلل ب اهاديِج الزهور
اشكرك عدد مداد الارض
لروحك الجوري

طرح رائع
شكرا لهذا الحضور المتميز
ودام تواجدك يعطر صفحاتنا بكل خير
سلمت ودام لنا هذا العطاء