ديوان الشاعر (محمد بن الذيب)

ديوان الشاعر (محمد بن الذيب)

ديوان الشاعر محمد بن الذيب بسم الله الرحمن الرحيم السلام عليكم ورحمة الله وبركاته هذه بعض معلومات جمعتها لكم عن الشاعر محمد بن الذيب نبذه عن الشاعر / محمد بن الذيب الشاعر/ ابن الذيب اسمه / محمد بن راشد بن الذيب ال ضاعن العجمي اليامي // عرف بقصائده الرائعه وردوده على الشعراء وفصاحته الشعرية وجزالة قصائده وقوة كلماته وإبداعه في القاف إنه مارد الشعر و إمبراطور الشعر والابهق كما يسمونه جماهيره // له باع طويل بالساحة الشعريه كما له مشاكل مشكلته صريح إلى ابعد الحدوود وهذا سبب كثير من المشاكل له وسبب الكثير من الضجه والفرقعات في الشاحة الشعريه // // ايجابياته / صريح وصادق يتمتع بشاعريه عاليه شعبيته عاليه جدا جدا ثقته بالنفس لاحد لها يتحكم بالشعر وكأنه لعبة بيده متمكن لدرجه قويه // سلبياته / صريح جدا لدرجة غير متوقعه سبب كثير من المشاكل له ابياته جامده وقووويه وان تغزل جاب العيد لازم يشفرون قصايده فيه بعض عصبية قبلية يحب يمدح ربعه واجد // ابن الذيب متزوج وكان زواجه في دولة قطر وكان بمثابة كرنفال بسبب الحضور الشعري القوي حضر اغلب شعار الساحة وتقريبا كلهم وحضور اعلامي قووي من المجلات الشعبية وغيرها حضر ياسر التويجري نايف الرشيدي وفيصل اليامي وتركي الميزاني وضيدان بن قضعان وفلاح القرقاح وغيرهم من الشعار حيث والله اعلم لم يبقى شاعر في الساحة الشعبيه إلا حضر زواجه // من اقوى قصايده إبتساماتي اوص ولا اسمع نفس الطحالب غليص من انجح امسياته امسية نجران امسية بريده امسية قطر امسية قطر 2 امسية الكويت امسية الامارات

المصدر: منتدى همسات الغلا

---

]d,hk hgahuv (lpl] fk hg`df) (Hpgn hg`df) hgahuv fk pd,hk

القصيده التي اثارت غضب الكثير من الكويتين

واستفزت شعراء الكويت وكنت لهم ردة فعل ردت فعل

ولا نعرف
هل كان سوء فهم ام لا والمعنى في بطن الشاعر

وهذي قصيدة الشاعر محمد بن راشد بن الذيب


يا سليم اثنين قهوة تركي وواحد بكيت
موشته لا سبيل ابن العراقي لا ملاه


استريت إن جيتك وإن روح الوقت استريت
قالها واحد من العالم وانا واقف حذاه


والتفت وقلت يا قلب التعاسة وش بغيت
لو غرامك شربة الدخان ياحي الشلاه


البلا الما يزعج الخافق ونينك فالمبيت
لين يرفع لي اذان الفجر وتقام الصلاه


اصلب من الكنكري إن خلطناه بالسميت
صدمة الشيخان لا ذلوا.. لهم عيال الرعاه


والدفاع الصلب يكسره الهجوم المستميت
والشجاع اللي يقارن مستواي بمستواه


ياهل الدوحه نصيحة كان رحتوا للكويت
جنبوا عن سوق شرق حسبنا الله وعلاه


فيه بنت الهاص طاغية على بنت السبيت
وان لقاها شيبة الديمن تعثر في عصاه


من هنوف حبها قفى علي وما دريت
حطني في وجهة المدفع ولقاني قفاه


اتصل بارك الله فيك لا منك فضيت
والجهاز اللي تنادي لي معه عطني نداه


ذا كلامك يوم اسمعك القصايد بيت بيت
في الصميم وكل بيت ازين من اللي وراه


الله اكبر يوم وكدت لي الوعد وضويت جيت
من تولن وبديتتك على وادي المياه


انصدمت بعنف في مالا توقعت وغديت
دمع كاهل ما عرف طعم السعاده في صباه


كل ماقلت اللقا قلتي اصول الاتكيت
ما يجوز موعد العشاق اسبق له لقاه


لو حجزتي لي جناح ملكي وألا سويت
اللقا لابارك الله فيك لوفرض خلاه


موقع في الأرض ما لج فيه ذكرى لوفنيت
الظما والجوع لعيونك ولا زاده وماه


كن في قلبي مثل شجاره اجنوط الونيت
لا شحطها اللي ظروف الوقت باحثت خفاه


اطعنيني لاجل اقول اه بوصالك لا حييت
وان رحلتي ماطعنتيني بعد ما اقول اه


سرع ما رحتي وأنا توي من الأعماق جيت
قلت اعشقك من جديد وماياست من الحياه


والحقيقة مابغيت ابكي ولكني بكيت
سالت ادموعي على ذيه وذاه


ادري ان ماعاد منها شي لكني استحيت
تحسبين اني بدون احساس وان قلبي صفاه


ان رحلتي والغلا له في ركون القلب بيت
يحفظك من سخر الهدهد لبلقيسة سباه


لو ملكتي غطرسة هتلر وحنكة لزا بيت
ما تناسيتي ليالي الوصل والحب وجفاه


اندهي واقولك لبيه ياروحي فديت
ضحكة كنها مساء الخير من حلو الشفاه


انتي انتي سبة الغزو العراقي للكويت
ولو غزى صدام مرة ثانية بغزي معاه

وهذه القصيده لاحد شعار الكويت ولا اعرف اسمه



يامل جوفن ولعت داخله نار
نارن سعيره تحرق اللي قربها
ثارت براكين الزعل والغضب ثار
والنوم من عيني هجوسي سلبها
ساهر وانقي بالمعاني والافكار
واقول في نفسي ابرضي طلبها
هذي كويت العز وعزها لنا دار
ياما عطتنا من قلايد ذهبها
وشيوخنا ناسن حلاحيل واحرار
ال صباح اللي عريبن نسبها
وكويتنا ماهمها قول ثرثار
خبلن يهذري وكلمته ماحسبها
ياراعي الدفين والعود والطار
طبل وخل الناس تانس طربها
منتا بحول الشعر يامخاوي الفار
جنب وخل النار عالي لهبها
الشعر بحر ولا يبي غير بحار
لا هاج موج البحر يعرف سببها
الشعر دله والمعاني لها بهار
والقاف نار وفكره اوقد حطبها
يا محمد بن الذيب صار الذي صار
حقك وصل والناس خلت عتبها
بكره اذا طاح الحطب والزمن دار
بالك تجي يم الكويت وشعبها

مع احترامي لاهل الكويت خاصة والخليج عامه

قصيدة في امي - محمد بن الذيب


ياحسن من عادني طفل مانيب أسمي
معظم الأشياء باسماها وقدني صيه
كل ماقالوا عروبه قمت أشمر كمي
العروبه سوقها طايح على ربيه
اسمع بقومية معمر وذبح الذمي
لكن الذمي بخير وماتت القوميه
بس أنا من هل قطر ولانيب مهتمي
لي مع بوش الابن علاقة شخصيه
عندنا أكبر قاعده تشرب زحاح السمي
يعني امريكا خويتنا ماحن بشويه
أي واحد منكم يحاول يفور دمي
والله ان أعلم القوات الأمريكيه
مشكلة شاعركم انه مايخص يعمي
تختلط الأفكار والشرهه على النفسيه
ابردي يالهفة الجمهور والا حمي
مستعد أضحك الجمهور في مرثيه
وياهجوسي نمي الفكره وانا بنمي
دهشة الجمهور من تركيبة القافيه
من ثمان سنين أبغى اكتب قصيده فأمي
بس أخاف الرجال تقول وش داعيه
وانته جنوبك كبار وعظمك الملتمي
مايساعد هيكلك أصلا على الحنيه
لين مره من حدى المرات لدت يمي
غترتي في حضني ومدري وين الطاقيه
قالت محمد وقلت عروق قلبي سمي
قالت محمد وقلت العز ياطاريه
قالت العجمان لو تطمع بشربت دمي
وش تسوي وانت عجمي فامك المريه
قلت لاتموتين والا مت شيلي همي
يافديت رجولش الثنتين يارهابيه
دوريلي ثار مايمتد لابنا عمي
ماهيب لحية بني عمي قالت لي هيه
انحري عود الضلوع الكايدات وزمي
واسكني قلبي بحد السيف والشبريه
وخلي اذنش ثابته واللي تسولف فمي
والله ان اذبح من العجمان لش عجميه
ويمكن أطلع ابي من قبره المنطمي
وأذبحه تسعين ذبحه بالدموع الحيه
أذبحوني يال مره واستبيحوا دمي
والله ان اموت وانا احب لي مريه
لاحد يفهم خطا ترى القصيدة في أمي
قلتها وانا حزين وجت تلقائيه

قصيدة الشاعر البناتي - محمد بن الذيب


ماهوب كالأتي ولا كالاتي
اجيبها مثنيتن مربوعه
والمومن اللي ماهو بمرأتي
ماني بضامن سيفه وفاروعه
اكسر عيون الشاعر البناتي
واللي يفتل شاربه فربوعه
واوقف الحالي وريحي عاتي
والعب بحسبتهم وهم مجموعه
وش كان حال الشعر قدام اتي
سؤال ومحير كذا مطبوعه
مجلة ماهي تلامس ذاتي
لاهي بمقروءه ولا مسموعه
الذ منشيتات منشيتاتي
والبحر والابداع والموسوعه
لكن صباح الخير يامولاتي
فريد من تركيبه ومن نوعه
يالفارقه دايم على البناتي
والفاتنه جداولكثر روعه
لايسمع السلطان تصريحاتي
يهل وضاح اليمان ادموعه
ياسيدة حسناتي وسيئاتي
والشوق والفرقاء وكثر اللوعه
قرأني وانجيلي وتوراتي
والوصل من جدوله لي ينبوعه
تجبرني ارفع لسماء نظراتي
مشاعري لمواصلك مدفوعه
الله يعطيني على نياتي
ومن الرذيله والرداء مرفوعه
مبدع وبيت واحد من ابياتي
تفخر بنشراته كذا مطبوعه

قصيدة قنوات العرب - محمد بن الذيب


يا أهل القصيد والنثر والروايه
بعض قنوات العرب بثها حي

أفضل ركوب الخيل ولا الرمايه
يجوز فيصل ما يعرف منها شي

متكبر من يوم سوى دعايه
معها حليمه بنت بولند فدبي

لو الدراهم هي اساس الحكايه
أرسلت له مليون دولار وأشوي

لكن له مقصد ونيه وغايه
لعين بنت فاتنه من اهل الحي

عساك فصحه وأفضل رعايه
لكن يا فيصل ترى ماهي بهي

خليتني في ديره الغرب تايه
القلب نضجه الغلا واللحم ني

فيصل انا زعلان ومن البدايه
حذرتك من الكر والعب والغي

واليوم لو ترسل علي بالولايه
الي أنا فيها ذهب حاتم الطي

لو عاد ترسل جي على المرايه
مكتوب سامحني على الهجر يا خي

ونواف يبكي دم يالله معايه
ومحمد عويضه على تندت الجي

خلاص يا فيصل كفايه كفايه
اخر علاج الكي ما فادك الكي

سكنت فافخم قسم فأرقى بنايه
ومن قسم ذي وذي ثم ذي ثم ذي

مافيه قسمن مثل قسم العنايه
تكبر بعين المحتضر قيمه الحي

عمومن انا ماهقيت النهايه
تجي هجر لكن بقولك شي

لو منك اجيب الدبل فالدعايه
بدل حليمه بنت بولند فدبي

قصيدة سياسة حوحو مثل سياسة قيص قيص - محمد بن الذيب


ترى سياسة حوحو مثل سياسة قيص قيص
لكن ماكافيني خياسة بررت وسايله
مابه يتيم الا الذي ماله ولد عم خليص
ينوب عنه في الدهروان ثقل حمله شايله
لان السنين المقبلة عويات ذيب ونبح نيص
والا الابوه والامومة مرحلات زايله
هيص ياقلبي في بساتينك وان بهيص
والفرحة العادية تغطي عليها الهايله
والاكلومبوس من ردى حظه ماجاء شرقي خريص
والاكتشف صخور الارض الصلبة من المتسايله
من راح اللي مالك قلبي وله جرح غويص
اجتاحني بين الظلوع العوج ولانا شايله
تعال ياعذب من قصيد ابن الغريب لابن رميص
يامسبب هدرة بعير القلب وارغى حايله
يامتع من علوم القنص عقب البطا لابن القنيص
وارق من وبل السحاب اللي انتثر في القايله
ياروعة الشارع في غراميات سعد بن الحريص
بسمعك بين مهستربي وانا اللي قايله
خلتيني دمعه على خد الزمن فيها بصيص
من الماسي والكوارث والحروب الطايله
وانا حريص اني مافرط فيك ولاني حريص
انك تبليني بقلب يحايلني بصبر واحايله
يامخترع سياسة التأخي والحب الرخيص
يامعسره هالعشق ومنه ومن عمايله
لكن عذري غير العذر يوم اضعف عظامي وانا مالي نقيص
الهجن تقطع بيدها واوكارها متمايله
ماحك قلبي بالغلا وانت نتاج من المحيص
راعي الجميل يموت ماتنسى العرب جمايله
من كثر ماتملك بقلبي خصوصية يالخصيص
ماباقي الاسجل اسمك بكرت العايله

قصيدة ابن الذيب في العجمان


ياضيوفنا بيض الوجيه النبله السمحه الكرام
الليله العين الحزينه ماحن مبكينها

يامرحبا ترحيب ن فيها غلا ولا انسجام
تكاثروها القوم والعجمان متشاوينها


الله خلقنا درجات وكل انسان ن مقام
لكن قربه من عباده في تفاوت دينها


والعين مدهال السهر والقلب مدهال الهيام
والانفعال اللي يسببه التفاؤل بينها


واشرف علامات السماحه في الوجيه الابتسام
واعزها ضحك الحجاج في ساعة ن يا شينها


يا معز ن صبيان يام بقدرتك برجال يام
لازمت من فوق الرجال استر علي من عينها


قد تعظم في عين الصغير اصغارها بس العظام
في عيونها تصغر متاهات الزمن وسنينها


وان طاحت الدنيا على راسي ما خلتني حطام
واصيح باقصى يام وعيوني على شبرينها


يا وجد حالي يابني عم السعد في كل عام
يوم المواتر خيل والموت الحمر تأمينها


واليا وقفنا مع طويلين الشبور نشق خام
يمال عين ابن مرضف او لبن حثلينها



والطنخه اللي صدق والفعل المحكحك والكلام
افعول ربعي يوم ردينا القضى في عيينها



يوم اعتزينا والحراب مركزه والدرب شام
واصدورنا مدهال للطعنات ومضرينها



في جسم الانسان الطبيعي حسب ما جا من علام
نظام ن اسمه كريات الدم واللي فجينها



هذي اذا ضقنا يجي فيها سوات الانقسام
تذوب لين من الغضب يغضب على تكوينها



يضخها عرق الطنا مثل العرق عبر المسام
اكبر اشعه نافذه ما عاد تدري وينها



قد صيح التاريخ يا العجمان ما منها سلام
النصر ولا الموت قلنا هاتها ثنتينها



لو الصحابه عاصروا راكان وحروب الامام
تجاوزت عما حصل في بدرها وحنينها



نملى عقول الناس فكر ونكسب اكثر الاحترام
ونجي ديار جهينه ونحشم كثير اجهينها



وارجيلنا فوق الثرى وارقابنا فوق الغمام
وان نحت ابراج السما حن اللي منحينها



ولا التهامي يلوي شدوقه ويصفقله تهام
واسيوفها ماهي تهوم الا على سكينها



ياقاني الجربا ترى ماهي تباع ولا تسام
لو تنطلي من خشمها لا فرس ن كراعينها



واللي في راسه حب ما يطحن وفي خشمه عرام
ياتي مع وجه العرب لا يمر مع جمبينها



في شارب ن في راشد اللي قومته لامنه قام
تهز راسي من طنخ وتشوش بي في حينها



ولا كبرت الحمله على كتف الجمل جبر العظام
ولا كتفه قد صلفات الزمن ولينها



والا نكحناها مع رجلينها وثمها حرام
وشلون ننكحها مع ثمها ورجلينها