
يـا قـاف لاتزعـل علـي لـو زاد لـومـي حبّتـيـن
شاعـرك ذي ثالـث سنـه قصيـدتـه مــا قالـهـا
غيّبتهـا عنـي وعـذرك لاحشـى مـاهـو سمـيـن
سـوق المعانـي سوقهـا واتـرك عـلـي موّالـهـا
محبوبتي ماهـي بتستاهـل كـذا ! يـا اغلـى خديـن
ان ما سعـت لـي بالشعـر غصـب ٍ علـي اسعالهـا
الـدّره اللـي لـو يعذربهـا ( جمـوع الحاسديـن ) ؟
ما عـذرب عـذوق العنـب غيـر الـذي ماطالهـا !!
مـن عادنـي وسـط المهـد وهـي سقتنـي باليميـن
فنـجـال حــب ٍ لا رشفـتـه زاد حــب دلالـهــا
مـرت سنيـن وحبّهـا يكبـر علـى مــر السنـيـن
ونـذر ٍ علـي لامـوت مـاهـزت يــديّ فنجالـهـا
من وين ببدى يا شعر ؟ يا وين بوصل بـك يـا ويـن ؟
وانـا اقتنعـت انـي بقصّـر قبـل اعــدّ خصالـهـا
الترفـه اللـي زينهـا طـاف وتعـدى كــل زيــن
مـا تشبـه الا غيمـة ٍ احـلـى الشـهـد همّالـهـا
الظفـره اللـي بالقسـى تصمـل ولا يمـكـن تلـيـن
تشهـد لهـا وقفاتـهـا .. تشـهـد لـهـا افعالـهـا
مجـرّبـه واداحــم التـاريـخ بالجـنـب المتـيـن
لانـهـا اذا جــت للـكـرم !! متـفـرّده ولحالـهـا
وان قلت منهي ؟ قلت لحظه ! لجل ارفـع لـك ( جبيـن
كـل الحكـي ) و انطـق لـك اسـمٍ شلّتـه واشتالهـا
ذي دار ( اخو مريّم ) عريب الجـد والحصـن الحصيـن
ذي عيـدي اللـي كـل يـوم يـهـل فــيّ هلالـهـا
هـذي الكويـت وخـل فـراغ وحـط بعـده نقطتـيـن
واكتـب ( عـبـاره ) تعتـبـر وصـيـة ٍ لاجيالـهـا
( اكبـر نِعـم رب العبـاد انــه خلقـنـا مسلمـيـن
وانـه جعـل الكويـت ديرتـنـا وحـنـا عيالـهـا )
دار السـلام اللـي تحـب انّــا نـكـون مسالمـيـن
لانهـا اذا ضاقـت تعـرف شلـون فـعـل ارجالـهـا
في كل صبـح وبحرهـا يحكـي لـك بشـوق وحنيـن
عن هيّة ( الرقـه ) وكيـف المـوج ( قبّـل ) جالهـا
و ( القصر الاحمر ) علم الاجيـال وش معنـى عريـن
دامـه يعبـر لـك عـن ( الجهـرا ) وفعـل ابطالهـا
تاريخ .. والتاريخ يحفـظ .. واسمعـوا يـا الطامعيـن
ذي دارنـا .. وآمالنـا ..واحوالنـا .. مــن حالـهـا
انحبّهـا والطـق مـا ينـفـع بـكـم يــا الميتـيـن
مير اقصروا شر ( العجوز ) اللـي ( تبـث ارسالهـا )
مهمـا حكيتـوا وابتليتـوا ذي عجيـن و ( ذيّ ) طيـن
يعنـي علـى قـول المثـل : فـال الله ولا فالـهـا !!
مير الله الله بالفلـس يـا اهـل الفلـس يـا المفلسيـن
لا وآخاسـرة كـدكـم .. والخـيـل مــن خيّالـهـا
وتبقيـن يـا دار السعـد مـدهـال كــل الطيبـيـن
فـي ظـل مـن لا عقدوهـا قـال : انــا حلّالـهـا
نعم ( الامير ) ونعم ( الارض ) ونعم يا ( الشعب الامين )
ولاهنـت يـاقـافٍ تجـمّـل بــي قــدم موّالـهـا
ويالله حقـق مطلـبـي مــدام هـمـي حاجتـيـن ؟
( اموت مـا جاهـا ضـرر ) وان ( اندفـن برمالهـا )
kul hghldv ,kul hghvq dh hgauf hghldk