ياقلب وش باقي من الناس ماصار

ياقلب وش باقي من الناس ماصار

يا وقت وش باقي من الناس ماصار
الكل راعـي ثار .. و يريد ثــاره


و أنا .. أناظر فـ الأوادم و محتــار
وينه يمين الدرب ! وينه يســــاره ؟


ضجــّـه وَ لجــّـه وأيضا .. تراب وغبار
و ضاعت على قلب اللبيب ..الإشـــاره


قلت أختبرهم .. يا عسى أقدر أختـَـار
وشكـّـلت من حال الليـــالي .. وزاره


لقيت حامل مسك .. بستان و أزهار ..!
وَ لقيت نافخ كِير ينفخ بـ .. نارهـ


وناظرت فيهم جار ما يحترم جـار !
و ناظرت جار وهمــّـه إسعاد جاره


و أفرحني واحد .. شفته بـ والده بار
وأبكاني ..من أبنه سبب إنكِسـَـَــاره


و أسعدني شوف المسجد .. وفيه الأخيار
و أحزنّي منظر .. من يشبّ ..الزقـــاره


واللي يسافر لأ جل يشرب .. على البـار
ماهو يشدّه صوت .. ذِيــك المنـاره


واللي يبي من دنيته . بعض الأسرار ..!
يمشي معي يمّ المقـــــابر .. زيــــــاره


و ياشينها .. لاشفت شايب أبو صغار !
ويفــقــد على أدناة حـاجــة وقـــــاره


وياما كسرني موت .. وافين الأشـبــــار
كنــّـي هشيم العود .. عقب إخضراره


ويشدّني سرب العصافير .. لا طار ...!
وأتذكــّـر اللي فـــــات .. كلّي مرارهـ


و يطري عليّ قبري وأناديه .. يادار
داري وكل إنسان تعنـيه .. دارهـ


الوقت وافي و أكثر الناس غدّار
و ربّ الكواكب عالم (ن) في مداره


يارب عفوك .. يوم نشخص فـ الأبصار
يا منوة القلب الكسير و .. جبــارهـ


وأغفر لـ منهو .. من شقى الوقت منهار
لا من طرى له يوم .. كشــف الستـــاره

الموضوع الأصلي: ياقلب وش باقي من الناس ماصار || الكاتب: الاداره || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

dhrgf ,a fhrd lk hgkhs lhwhv

ياسلام عليك

صح الله لسانك ولسان شاعرها

كلمات راقيه كرقي شخصك

يا سلام على هذه القصيده
لان بها تشبيه جميل لانسان يدخل مدينه ويرى فيها الحسن والمذم
وفيها جزاله شعريه عجيبه ما رايتها في ابيات كثيره

صح لسانج ولسان من قالها
تسلمين على الانتقاء الطيب الراقي

اجمل تقييم فايف ستار لروعة القصيده

تحياتي وودي واحترامي

النازف
كل الشكر لك على المرور العطر

اسير الأماني
كل الشكر لك على المرور العطر