من متى والجريح يطيب عقب الكلام

من متى والجريح يطيب عقب الكلام

	من متى والجريح يطيب عقب الكلام مدخل ...} جيـت فـي ليلـة وداعــه تـايـهٍ بـيـن البـيـوت وصحت : "وينك ؟!.. جيت اوادع عمري اللي ضاع فيك" مـا سمعـت الا صـدى صوتـه وكـان آرقّ صـوت ينطق اسمي .. ثم يهمس : "من متـى وانـا احتريـك ؟!" توك اللحين تدري فالهوى والهيام ؟! يوم جفف ظلام الغدر .. عشق الجفون جاي تشكي لي الضيقة .. وقل المنام تحسب إنك إلين اللحين .. خل وتمون!! جاي بأصدق بداية وأنته أكذب ختام تحسب إن الخيانة من تعدي.. تهون من سهر/ يا سهيري .. لا يخاف الظلام ومن طعن/ يا غريمي .. لا يهاب الطعون من متى والجريح يطيب عقب «الكلام»؟! من متى والعيون تحب «دمع العيون»؟! كف دمعك ! ترا توي بديت الملام ياخي بدري على الدمعات .. توهم يجون ؟! لا تسولف .. ترى هالفرقى تهد العظام لا تسولف .. تراني صدق .. صدق إمغيون خل دمعك يسولف .. واذكر الله .. ونام وحط راسك على «صدر الفراق الحنون» ان صدفت الهوى قله : (عليك السلام).. وإن صدفت الحزن قله : (عساها تهون).. إنت ضيعتني عقب الجفا .. والخصام وإنت علمتني كيف الخيانة .. تكون منت قد المسامح / والوفا / والغرام «أنت واجد عليك تحب يوم .. وتخون» ،، مخرج ....} قلـت وهمومـي تغافـل زفـرة الحـزن وتـفـوت : "هذا انا جيتك .. يا ليـت المـوت جانـي قبـل اجيـك" بعدهـا يـا دوب عـدّت عبـرتـه حــد السـكـوت قـال وعيونـه تغـارق دمـع : "بـسـم الله علـيـك" قلت : "يا ابن الناس عادي مـاورى ه (المـوت) مـوت وش وراهـا لا فقـدت عيونـك ولمـسـة يـديـك"؟!

الموضوع الأصلي: من متى والجريح يطيب عقب الكلام || الكاتب: مغرورة بكيفي || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

lk ljn ,hg[vdp d'df urf hg;ghl

مغرورهـ بكيفي
تسلم الأيااااادي على الطرح الأكثر من رائع
دمتي لنا

الله يسلم نبض قلبك يالغلا
نورتيني
تحياتي الك

إنت ضيعتني عقب الجفا .. والخصام
وإنت علمتني كيف الخيانة .. تكون

مغرورة بكيفي

تسلمين ويسلم احساسك على الابيات وصح لسان شاعرها .كل الود

أطيب التحايا ،،

جاي تشكي لي الضيقة .. وقل المنام
تحسب إنك إلين اللحين .. خل وتمون!!

كلمـآت رآئعه
صح لسـآنج ولسـآن شـآعرهـآ
لا هنتي

نورتوني الجميع
تحياتي لتواجدكم العطر

لا هنتي رانوشا