دام ما همك بعادي ليش بيهمني وجودك / كامله - منتدى همسات الغلا

 ننتظر تسجيلك هنا


العودة   منتدى همسات الغلا > ¨°o.O (المنتديات الأدبية) O.o°¨ > ❀ همســــات قصص وروايات ❀

الملاحظات

الإهداءات

إضافة رد
 
أدوات الموضوع إبحث في الموضوع انواع عرض الموضوع
#1  
قديم 20-02-2010, 05:55 PM
امير الذوق غير متواجد حالياً
لوني المفضل Cadetblue
 رقم العضوية : 7
 تاريخ التسجيل : 6 - 2 - 2010
 فترة الأقامة : 5499 يوم
 أخر زيارة : 01-05-2013 (11:50 AM)
 المشاركات : 1,149 [ + ]
 التقييم : 10
 معدل التقييم : امير الذوق is on a distinguished road
بيانات اضافيه [ + ]
دام ما همك بعادي ليش بيهمني وجودك / الجزء الاول



البدايــــــــــــــــــــــــهـ


دام ما همك بعادي...ليش بيهمني وجودك؟



بسم الله الرحمن الرحيم

ضاعــــت مـعـاني قـصـتي | واحـتـــرت | وشـلون اســتــريـح .,
كلي اجـابـات وعـــذاب وبعض صمــــــتي اسـئـــلهـ ..

عينـي بها [ العبـــرهـ ] وانا داخلي قـلـب جــــريح .,
واحســاس يحيـى بداخـلي وارجـــع بقــــســوهـ اقـتـــلـهـ ..

/ محـــتــــارهـ / ابــكــي وابــتـسم واضحـــك واعانـــدهم واصيـــح
صـــارت حيــــاتـي كلهـــا مهــزلــهـ في مهـــزلهـ !



بداية قصتي ضياع والم هذا ماكتبه لي القدر ولكني أتسائل حقا
هل القدر سيعفوا عني ويعتقني لأعيش سعيده00 سعيده؟
كلمة ترددت كثيرا على مسامعي ولكني لم أعيش هذه السعاده ولم اشعر بلذتها يوما


لن أخبركم المزيد عن حياتي ولكني سأجعلكم تعيشونها معي
وتشاركوني وتتفاعلون معي00

الجزء الاول


طلعت من غرفتي وأنا أتسحب مثل الحرامي و شايله الجزمه الكعب وعباتي وشنطتي بايديني والتفت بتوتريمين ويسار وقلبي يرقع من الخوف أخاف ان احد من اهلي يصحى من النوم وينتبه لي لان الساعه الحين 12 في الليل وبعد مانزلت مع الدرج لبست عبايتي بسرعه وطلعت من البيت وأنا أتنهد بارتياح وأحاول أهدي من التوتر اللي في طلعت الجوال من شنطتي واتصلت على صديقتي فاتن
000 الوووووووووووووووو
فاتن :هلا مرام فينك تأخرتي 00
مرام :مو وقته الحين اذا جيت اقولك المهم ارسلتي لي السواق 00
فاتن:ايه حبيبتي من دقايق 00
مرام :خلاص خلاص كاهو جاء يلا حبيبتي مع السلامه الحين جايه 0
فاتن:اوكي بانتظارك لاتتأخري 0
سكرت عن فاتن والتفت يمين ويسار عشان أتأكد انه مااحد شافيني ورحت للسياره وركبت مع السواق واول ماركبت نزلت الغشوه وجلست أعدل في شكلي ومااهتميت للسواق اللي كان يطالعني وهو منبهر من جمالي 00 وبعد دقايق وصلنا لبيت فاتن وقبل ماأنزل رجعت الغطوه على وجهي ونزلت من السياره وأنا متوجهه للباب والمهم دقيت الجرس و بعد دقايق افتحت الشغاله ميري
مرام :ميري فين ماما فاتن
ميري :ماما فوق فيه بنات كثير فوق 0
مرام :اوكي روحي ناديها قولي ماما مرام تحت 0
ميري تهز راسها :اوكي ماما 00
طلعت ميري تنادي فاتن وتخبرها اني وصلت 00 اما أنا دخلت في الصاله ونزلت عبايتي ورميتها على الكنب بدون اهتمام وجلست أعدل في لبسي بخبركم ايش كنت لابسه كنت لا بسه تنوره ميني جوب فوق الركبه لونها أسود وبادي لونها احمر وفاله شعري اللي كان يوصل لاخر ظهري وكنت حاطه مكياج ناعم وقلوس وردي على شفايفي وكنت جميله حيل وألفت نظر الكل لي بس ها مو كلامي ها اللس اسمعه من الناس 00 سمعت صوت تصفير من وراي والتفت وشفت فاتن تناظرني بانبهار
فاتن:اوولا لا شو هيدا مرومه عن جد بطيري العقل
ضحكت على كلامها والتفت حاولين نفسي بدلع وقلت:ههههههههههههه ادري ماقلتي شئ جديد
ضحكت فاتن وقالت :هههههههههه صدق انك مغروره
ورحت عندها عشان أسلم عليها
مرام :حتى انتي ماشاء الله عليك كشخه وحلوه
فاتن:ههههههههههههه بعض مما لديكم
مرام :البنات كلهم جوووووو
فاتن :ايه قومي خلينا نطلع فووق البيت فاضي ومافيه حد غيرنا والله انا بنفلها اليووم 0
مرام :يلا
طلعنا فوق وشفت كل البنات موجودات وسلمت عليهم بحراره وطبعا مانسوا انهم يغرقوني بعبارات المدح والاعجاب
سمر :واااااااااااااااااااااااو مرومه ايش هذا كل يوم عن يوم بتحلوي
مرام :تسلمين عيونك الحلوه
غاده :بصراحه لبسك كشخه وذوق
مرام :كله من ذوقك
ضحكت لما سمعت فاتن تقوووووول:بس يابنات ماصارت مرام صارت الاميره ديانا
انفجرنا كلنا من الضحك على كلام فاتن وسمعت فاتن تاشر لميري عشان تدخل وأخذت الاستريوا اللي معاها
وصرخووا البنات وجلسوا يصفرووون من الفرحه بشوفت الاستريو 00شغلته فاتن وحطت شريط موضي الشمراني وقامو البنات يرقصون الا انا لاني بصراحه انا مااحب ارقص الشرقي لاني مو بهذاك ازود فيه
جات عندي سمر واسحبت ايدي عشان ارقص معها لكني رفضت
سمر بصوت عالي :مروومه قومي ارقصي معي
قلت لها :ماابي انا مااحب الشرقي
وكانوا البنات مبسوطات ويهزن وانا كنت اطالع فيهم بصراحه كلهن كشيخات بس مو باحلى من كشختي صح انه عريان بس كان حيل حلوووو وعاجبني
خلصت الاغنيه وجلسوا البنات وجات فاتن ومسكتني مع ايدي وقفتني وقالت بصوت عالي:هذي الاغنيه لمروومه وبس
ضحكت وقلت لها :شوتقولين لي ؟!تعرفيني مااحب ارقص شرقي 0
قالت لي :ومن قالك شرقي هذي مصري ياحبيبتي وماظن عندك عذر الحين 00
وشغلت أغنيه نانسي اه ونص
وجلست ارقص عليها بمهاره لاني اموت على الرقص المصررري واحب اتفنن فيه المهم البنات كانوا يشجعوني وانا اتحمس اكثر ويصفروون واول ماخلصت الاغنيه جلسوووووا يصفقون لي ويتمدحون في رقصي بعد 00المهم بعدالرقص وهز الوسط تعشينا بعدها نظرت للساعه وبغى يصير لي شئ لما شفت الساعه 3ونص في الليل المهم حاولو البنات في عشان اجلس بس انا رفضت وسلمت عليهم وأخذت عباتي ولبستها وخليت سواق فاتن يوصلني 00 وصلت عند باب بيتنا ونزلت الجزمه عشان ماطلع صوت وصرت أتسحب لين طلعت فوق بغرفتي دخلت بسرعه وسكرت الباب وقفلته واتكيت عليه وانا اتنهد بارتياح وحمدت ربي لان الليله عدت على خير المهم فسخت عباتي ورميتها على السرير ورحت لدولابي وأخذت منه بيجاما ورديه برمودا فيه ورود وناعمه بالحيل واخذت لي منشفه ودخلت الحمام واخذت دش سريع وطلعت من الحمام وأنا لافه المنشفه على راسي رحت لتسريحه وحاولت انشف شعري لانه كان خرسان ماء وبعدين رفعته بكلبس فوق نظرت للساعه وكانت 4 يعني بياذن الفجر المهم قلت بستنى الصلاه وانااااااااام
أكيد بتستغربووون مني وتقولون في خاطركم تطلع من ورى اهلها بنص الليل وتلبس قصير وتسمع اغاني وتنتظر الصلاه مايصير!!

لكني اممممممم احب أن اخبركم السبب يعدين لان هذا كله (بداية قصتي )


جلست بغرفتي أنتظر صلاة الفجر وانا جالسه سرحت أتذكركل شئ صار لي قبل سنتين يعني عمري وقتها كان 17 سنه لان عمري الحين 19 سنه00 المهم تذكرت ذاك اليوم اللي تحطمت فيه كل أحلامي وأمالي اليوم اللي حملت فيه لقب تكره أي وحده من البنات إنها تحمله حملت لقب مطلقـــــــــــه 00 أكيد بتنصدمون أنه في وحده بهالعمر وتحمل هاللقب البشع اللي ممكن يحطم في أي وحده ثقتها بنفسها 00 ارجعت لي ذكرى ذاك اليوم وكانه يصير قدامي وقتها 00
كنت نازله مع الدرج أركض وانا فرحاااااانه حيل والفرحه مو سايعتني واصارخ وانادي
مرام :يمه يمه يمه وينك
ماسمعت صوت أحد في البيت وكان البيت هدوء ورجعت أنادي مره ثانيه وبصوت أعلى
مرام :يمه يبه وينكم فهــــــــــــــد وينك
طلع فهد من غرفته وهو معصب ويصارخ ويناظرني ن فوق مع الدرابزين لاني كنت تحت وهويقول
فهد :مراموووووووو وصمخ إن شاء الله ليش تصارخين 0
قلت له بفرحه:فهد نجحت نجحت وجبت نسبه عاليه
شفته قلب وجهه وتغير من العصبيه الا الابتسامه وقال وهو يبتسم
فهد :والله مبرووووووووووووك مبروك حبيبتي
جلست أدلع عليه واقول:أقول فهيدان تعال انزل 00 كملت وأنا العب بشعري شو مبروك حبيبتي مبروك ماتكفي
أبغى هديه عوووووووووده 0
نزل فهد من الدرج وراح عندي ومسك خشمي وبعدها قرصني مع خدودي بخفه وهو يقول
فهد:أعوذ بالله منك يالفصعونه 00 ماتعاملين الا بالهدايا والفلوس
ضحكت عليه وقلت له :هههههههههههههه شو حبيبي تبغى تضحك علي بكلمتين لا انا مرومه دلوعه هالبيت والأجر على الله 0
ضحك على وشد شعري وصرخت وقلت :ااااااااااااااااااي
وكملت وانا معصبه مااحب احد يشد لي شعري :فهيدان ياحمار والله يعووووور
ضحك علي وانا مديت بوزي زعلانه ولفيت عنه وتوي بدخل المجلس أشوف أبوي طالع منه وهو مبتسم وأروح عنده بسرعه وأبوسه على خده وادلع عليه عشان أغايض فهد لان فهد من النوع اللي مايحب الدلع
قلت لبابي :بابا شوف فهيدان بس يشد شعري والله بابا يعور
وطلعت لساني لفهد عشان ينقهر وفرحت لما سمعت بابي معصب ويقول
بابا :فهيدان وصمه كم مررره قلت لك اترك اختك بحالها
فهد وهو ياشر لي ويتحلف لكن أنا مااهتميت وطنشته ويقول لابوي :اسف يبه
صرخت فجاءه لاني نسيت أخبربابي اني نجحت :بابي بارك لي نجحت نجحت
وسرت انطنط من الفرحه وشفت أمي طالعه من المطبخ وهي زايغه وشكلها ضحكني مسكت ضحكتي لان خفت انها تعصب علي وشفت ابوي يطلع من جيبه محفظته فتحها وطلع الف ريال وعطانيها ويقول
بابي :مبرووووووك يابنيتي مبروووك حبيبتي
وشفت الفرحه انرسمت بوجه امي ورحت عندها وضميتها وسمعتها تقول
أمي :مبرووووك حبيبتي مبرووووووووك عقبال ماافرح في زواجك يارب 00
انصدمت مره لما سمعت أبوي يقوول :قريب قريب إن شاء الله بنفرح فيها 0
وشفت شكل فهد تغير وكانه مو عاجبه الكلام واستأذن وطلع لغرفته أما أنا ماهتميت كثير لاني قلت أكيد كلام أمهات وطنشت الموضوع وكنت جالسه بحظن بابي وادلع عليه بعدها طلعت فوق لغرفتي عشان أخذ شو ر سريع لانه بيأذن الظهر00طلعت من الحمام( وانتم بكرامه )والمنشفه على راسي وكنت لا بسه روب قطني نعوم وشكله كيوت ورحت جلست على التسريحه واخذت المشط وجلست أسرح شعري واناظر شكلي بالمرايه وانا اقول :فديت عمري ياربي هههههههههههههههه شو هالجمال يامروم فديتك والله
وبعد دقايق سمعت دق على الباب وقلت تفضل دخل فهد الباب وسكره وراه وكان شكله جدي
فحبيت أتمصخر معه وقلت :عافانا الله كل هذا عشان الهديه خلاص ياأخي هونا مانبيها
سحب فهد كرسي التسريحه وجلس وكان وجهه جدي وهو يقول لي :مرام أبغى أتكلم معك موضوع جدي
وأبغاك تسمعيني زين 0
بصراحه خفت لاني اول مره أشوف فهد في هالحال صح هو أكبر مني بخمس سنين بس عمري ماشفته جدي مثل اليوم وجلست على السرير وقلت له :خير فهد صاير شئ
فهد وهو يمسك ايديني الثنتين ويقول :مرام اذا خطبك رفضيه رفضيه يامرام 0
من جد انصدمت وكان احد ناثر علي مويه بارده 00 من هذا اللي ارفضه ومن الي خطبني بالاصل ومن قال لكم أني ابغى اتزوج كل هذا دا ر في راسي بس مانطق فيه لساني وقلت بصوت خافت ماينسمع :فهد شو تقول
فهد :مرام ماجد ولد عمي عبدالرحمن خطبك
قلت لا شعوريا :نعم ماجد ولد عمي عبد الرحمن خطبني بس من قال لكم إني ابغى اتزوج 0
فهد بحنان:سمعيني يامرام انتي لا زم ترفضينه ارجوك لا توافقين ترى هذه كل عشان مصلحتك 00
بصراحه استغربت من فهد ليش يبغاني أرفض ولد عمي مع انه ماجد صديق فهد الروح بالروح ليش يبغاني ارفضه لكني ماخليت السؤال في بالي وقلت له:فهد ليش تبغاني ارفضه صار بينكم شئ
فهد وهو ينزل عيونه على الارض :ارجوك مرام لا تسأليني لاني مااقدر أجاوبك الحين بسـ
قلت بسرعه:بس ايش
فهد وهو واقف : بس اعرفي ان هذا كله لمصلحتك
وطلع من الغرفه وخلاني مستغربه وصارت الاسئله دور في راسي وأنا منصدمه كيف رفضي لولد عمي لمصلحتي 00 ايش السبب اللي خلي فهد يبغاني ارفض ولد عمي وصديقه الروح بالروح بصراحه إحترت
وجلست أفكر لين اذن الظهر ولبست شرشف الصلاه وفرشت السجاده وكبرت وبديت أصلي بعد ماخلصت صلاه نزلت لامي وابوي تحت ولقيتهم حاطين الغداءوجالسين على الطاوله ورحت جلست عندهم بعد ماسلمت عليهم وانا مو قادره اكل وافكر في كلام فهد لي 00 وماانتبهت لكلام أبوي لي وهو يقول
بابا :شو فيها حبيبتي اليوم ماتاكل
قلت له وانا اقوم من مكاني :مافي شئ بس شبعت تسلمين ماما على هالطبخه اللذيذه
ردت علي أمي بحنان :الله يسلمك حبيبتي بس ماكلتي شئ؟!
قلت لها :الحمدالله شبعت
وقبل ماطلع من الغرفه بروح أغسل قال لي ابوي
بابا :مرام غسلي وتعالي لي في المجلس ابغى أكلمك في موضوع
انا نغزني قلبي وحسيت أنه بيكلمني بنفس موضوع ماجد وخطبته لي ارتبكت وماادري ايش اسووي احترت لكني رحت غسلت ولقيت أبوي جالس في المجلس ويشرب شاهي لما شافني حط الشاهي على الطاوله اللي قدامه ناداني واشر على المكان جنبه وقال لي
بابا :تعالي حبيبتي هني اجلسي جنبي
رحت عند والا بتسامه على وجهي لكن من داخلي حاسه بخوووف وتوتر مو عارفه شو أسوي جلست جنب ابوي وضمني لصدره وقال لي
بابا :والله وكبرتي يامرمر وصرتي عروووس
انا سويت عمري متفاجاءه من كلام أبوي وحاولت أجاريه وقلت له وانا احاول اضحك :هههههههههههههههههههه أدري بابا اني حلوووووووه والكل يتمناني
لكن اللي من جد ماتوقعته هو رده لي لما قال
بابا:لكن انا خلاص عطيت موافقتي لواحد يتمناك ومستحيل اتراجع عنها
هني ماقدرت استحمل وبعدت عن ابوي شوي وجلست اطالع في عيووونه واشوف الجديه فيها وشكله قرر خلاص وانتهى وعطى كلمته للرجال ومن داخلي ضحكت باستهتار وقلت في خاطري ياحليلك يافهيدان تحسب ابوي بياخذ رايي ولا بشاورني ابوي قررمصيري وخلص 00

طلعت من عند بابي بدون ماارد عليه ولا اعطيه راي ورحت لغرفتي وجلست على السرير وانا افكر في كلام أبوي 00اللي فهمته من كلام ابوي انه موافق وراد على عمي وشكلهم اتفقوا على كل شئ بدون حتى ماياخذون ولا كان الموضوع يخصني 00 قومني من السرحان اللي كنت فيه صوت الباب هو يندق
قلت بدون اهتمام :مين
ريتا :ماما انا ريتا تلفون عشان انتي تهت 0
قمت من مكاني بسرعه وطلعت اركض وانزل مع الدرج انقز درجتين درجتين اللي ماتعرفونه عني احب اسولف في التلفووووون المهم وصلت للتلفون وانا اتنفس في سرعه واقول :االووووووووووووو
سميره :مرامووووو وجع سنه لين تردين وين كنتي يادبه 0
حاولت اخفف من تنفسي واريح شوي وبعدين قلت :صبري علي يامعفنه تقولين سنه وانا جايه اركض عشان الحق على التلفووون 00
سمعت سميره وهي تضحك وتقول :هههههههههههههههههههههههه خلا ص خلاص المهم نسيتيني ليش متصله
ضحكت معها وقلت:ههههههههههههه قولي بسرعه شو تبين 0
سميره :عافانا الله أكلتيني بقشوري 00كتي شوي خليني اقدر اتكلم
قلت لها وانا اضحك لان سميره من النوع اللي يطفر بسرعه :ههههههههههههههههههه خلاص سكتنا بسرعه قولي الدرر اللي عندك 0
سميره :اول مبروووووووووك على النجاح وثانيا انا مسويه حفله بمناسبة نجاحي اليوم والبنات كلهم بيجووون لازم تجين اليووووووم ولا ترى بزعل عليك00
قلت لها :الله يبارك في عمرك ومبروك عليك النجاح 000 واذا على الحفله امممممممممممم
قالت لي بسرعه :شو مو جايه 0
قلت لها وانا احط اصبعي على راسيو افكر بخطه عشان أقنع مامي فيها اني اروح :لا إن شاء الله بشوف مامي وارد عليك 0
سميره :حاولي بكل الوسائل لازم تجين ترى الحفله ماراح تكون شئ بدونك 0
ضحكت وقلت لها بدلع :ههههههههههههههه ادري اني انا فديتني نواره الحفله ومستحيل تستغنون عني 0
سميره :هههههههههههههه شو مروووم ماتركتي الخقه اللي انتي فيها 0
ضحكت معها وقلت :ههههههههههههههههه شو اسوي يحق لي اغتر في نفسي 0
سميره :اقول بس لا يكثر هرجك عندي أشغال مو فاضيه لدلعك انتظرك اليوم لا تتأخرين اوكي
قلت لها :اوكي
سميره يلاااااااا بااااي
سكرت عنها وافكر بخطه عشان اقنع مامي فيها إني أروح للحفله ولان مامي مو من النوع السهل يبغى لي خطه محكمه عشان تقتنع 00 المهم رحت عند مامي ولقيتها جالسه في الصاله وتتفرج على التلفزيون على مسلسل(الفرية )المسلسل اللي جاء في رمضان مالت حياة الفهد وكانت مندمجه عليها رحت عندها وضميتها بقووه وعطيتها بوسه على خدها ابتسمت في وجهي وقالت :خيررررررر ايش ورى هالبووسه
حاولت امسك الضحكه وجلست أتمسكن واتصنع البراءه وقلت :ليش ماما والله اني احبك ليش تسؤين الظن فيه
مسكتني مع خدي وقالت :اعوذ بالله من شرك شو مااعرفك انا 00 اخلصي وقولي شو عندك 0
عاد هالمره ماقدرت أمسك نفسي من الضحك وجلست أضحك بصوت عالي :هههههههههههههههههههههههههه
وشفت امي تناظرني بنص عين وتقول : انا قلت هالدلع والحنان مو لله يلا قولي شو عندك 0
سويت نفسي مؤدبه وجلست العب في صبوعي ومنزله عيوني للارض:يمه سميرة خويتي مسويه حفله وعازمتني عليها وعازمه البنات كلهم 00 يمه اقدر ارووووح0
ماما:يابنيتي صعبه شو تسوين عند ناس مانعرفهم
قلت لها بسرعه :يمه واللي يخليك عشان خاطري انا ناجحه وابغى افرح مع صحباتي وبعدين فهيدان يوديني وإن شاء الله مااطول واوعدك ارجع بسرعه 0
ماما :خلاص يابنيتي بس اول اشاور ابوك وارد عليك 0
فرحت من كل قلبي لاني ماتوقعت امي بتوافق بهالسرعه وحبيتها على راسها وقلت لها قبل مااطلع من الصاله:اقووول يمه تابعي المسلسل لا تفوتك وشوفي حصوه الياهل كيف تتزووج ابو مبارك وتاخذه من ريله
ها مامي لا وصيك انتبهي لابوووي لا تاخذه وتفر عقله وحده من اليهال 0
خافت امي وقامت من مكانها وهي تتحسب على حصه وتقول :الله يغربلك يالياهل ياخرابه البيوت الحين ماملى عينك الا هالشايب
وبعدها شفت امي قامت من مكانها وهي تقول :الله يغربل ابليسك يامرموه خليتي الشيطان يوسوس لي خليني اقووم اتصل على ابوك واشوفه وين ؟ لا يكون بيتزوج علي وانا ماادري
عاد انا تعالووووا دورورني جلست اضحك واضحك وحسيت نفسي بموت من الضحك ومسكت بطني مو قادره اوقف ضحك لان شكل مامي وهي رايحه للتلفون وتتحرطم يضحك 00



يتبع


كلمات البحث

العاب ، برامج ، منتدى همسات الغلا ، هاكات ، استايلات





]hl lh il; fuh]d gda fdilkd ,[,]; L hg[.x hgh,g






آخر تعديل امير الذوق يوم 20-02-2010 في 06:04 PM.
رد مع اقتباس
قديم 20-02-2010, 06:59 PM   #2


الصورة الرمزية دمعهـ وفا
دمعهـ وفا غير متواجد حالياً

بيانات اضافيه [ + ]
 رقم العضوية : 44
 تاريخ التسجيل :  14 - 2 - 2010
 أخر زيارة : 22-06-2011 (06:03 PM)
 المشاركات : 2,997 [ + ]
 التقييم :  10
لوني المفضل : Cadetblue
افتراضي



يسلموووووووو ع القصه


 

رد مع اقتباس
قديم 21-02-2010, 01:18 AM   #3


الصورة الرمزية القيصر
القيصر غير متواجد حالياً

بيانات اضافيه [ + ]
 رقم العضوية : 54
 تاريخ التسجيل :  16 - 2 - 2010
 أخر زيارة : 07-07-2016 (10:42 PM)
 المشاركات : 4,002 [ + ]
 التقييم :  584
 الدولهـ
Kuwait
 الجنس ~
Male
 MMS ~
MMS ~
 SMS ~
ليس كل سكوت يعني نسيانا
فـــ قمة الشوق يرتلها الصمت
لوني المفضل : Darkviolet
افتراضي



يسلمووووووو صراحه قصه عجيبه


 

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماجد المهندس اول الناس 2010 كامله امير الذوق ❀ همســـات الــ YouTube 10 05-04-2010 09:23 PM
قريه كامله بالليمون والبرتقال دلوعة باباتي ❀ همسـات الأخبار المحلية والعالمية ❀ 8 22-03-2010 10:09 PM
الجلد والسجن لاسرة كامله في تبوك ؟ !! mesho-q8i ❀ همســـــات المسلسلات العربيه والأجنبية ❀ 6 01-03-2010 07:18 PM
معلومات كامله وشامله عن كرة القدم ( معشوقة العالم ) امير الذوق ❀ همســـات الرياضه ❀ 1 24-02-2010 10:24 PM
دام ماهمك بعادي ليه بيهمني وجودك ... تكمله الجزء الثاني امير الذوق ❀ همســــات قصص وروايات ❀ 6 21-02-2010 02:34 PM


الساعة الآن 12:55 PM

أقسام المنتدى

¨°o.O (المنتديات العامه) O.o°¨ | ❀ همســـــات العام ❀ | ❀ همســـــات الحوار والنقاش الجاد ❀ | ۞ همســـــات الإسلامي ۞ | ¨°o.O (المنتديات الأدبية) O.o°¨ | ❀ همســــات المقال و الخواطر والنثر للمنقول ❀ | ❀ همســــات شعر وشعراء للمنقول ❀ | ❀ همســــات قصص وروايات ❀ | ¨°o.O (المنتديات الأسـريـة) O.o°¨ | ❀ همســـات الديكور و الكروشيه ❀ | ❀ همسات عالم حواء ❀ | ❀ همســـات عالم آدم ❀ | ❀ همســـات التاريخ والتراث والأنساب ❀ | ❀ همســـات الرياضه ❀ | ( همســـات السيارات والدرجات الناريه) | ❀ همسـات الأخبار المحلية والعالمية ❀ | ❀ همســـات الصحه والطب ❀ | ( منتديات الرياضية والتسلية ) | ❀ همســـات الترفيه والطرائف ❀ | (همسات الالعاب والتسليه ) | ❀ همســـات جـسـر الـتـواصــل ❀ | ❀ همســـــات المسلسلات العربيه والأجنبية ❀ | ¨°o.O (المنتديات الثقافية والفكرية) O. | ❀ همســـــات English word ❀ | ❀ همسات الجامعة والطلبه والطالبات ❀ | ❀ همســـات الاسرة والحمل ❀ | ❀ همســـات المطبخ ❀ | O (منتديات اليوتيوب والصور والأنمي)O | ❀ همســـات الصور ❀ | ( لآئحة الشرف ) | ¨°o.O (منتديات الـتـقـنـيـة) O.o°¨ | ❀ همســـات الكمبيوتر والانترنت والبرمجيات ❀ | ❀ مجلات ودواوين همسات الغلا ❀ | ❀ همـسآت آلسويتش مآكس والتصاميم والجرافيكس ❀ | فارغ | ❀ همســـات الــ YouTube | ¨°o.O >(منتدى المشرفين والادارة) O.o°¨ | (همســـات المواضيع المكرره والمحذوفه) | ❀ حصريات عدسة ومطبخ الأعضاء ❀ | ❀ حصريات بأقلام الاعضاء لم يسبق لها النشر ❀ | ❀ همسات مدونات الأعضاء [ blog ] ❀ | ( حصريات الأديبه همس الروح ) | ❀ أطروحات إحترافيه وبنود أدبية ) ❀ | ❀ همسات الوطن والعالم العربي ❀ | (همسات المسابقات والفعاليات ) | ۞ همسات الصوتيات والفلاشات الاسلاميه ۞ | ❀ همسات النثرْ و الخواطر والشعر بقلم العضو سبق نشرها ❀ | ❀ همسات جنان الكلمة ديزاين ❀ | ❀ همسات الأيفون و الأندرويد وسوشيال ميديا ❀ | (الخيمه الرمضانيه) | (منتديات الفوتوشوب والسويتش ماكس) | ركن الكاتبة قَبَس | ❀ همسات حقيبة المصمم ❀ | ( قسم الفواصل والإكسسوارات لتنسيق المواضيع ) | ۞ (المنتديات الاسلاميه) ۞ | ۞ سيرة الرسول صلى الله عليه وسلم وقصص الانبياء والصحابه ۞ | ۞ همسات القرآن الكريم وتفسيره ۞ | ❀ همسات تطوير الذات ❀ | ركن الأديبة البارزه | ( حدث في مثل هذا اليوم // هل تعلم ) | (همسات كرسي الإعتراف و ASK ME ) | ۞ همسات الحج والعمرة ۞ | ❀ همسات القصائد الصوتيه والمرئيه ❀ | (همسات الطفل ) | (حصريات ملاذ الفرح) | ( همسات أعز الحبايب الأم ) | ¨°o.O ( المنتديات الادارية ) O.o°¨ | ¨°o.O ( الاقسام الخاصه ) O.o°¨ | ❀ همسات الترقيات وتكريم الاعضاء ❀ | ❀ همســـات الأعضــــاء ❀ | ( همسات الثقافه العامه ) | ❀ همسات الألفيات والمئويات و التهاني ❀ | ❀ حصريات تطوير الذات والنقاش الحر ❀ | ❀ قسم الحيوانات والنباتات والاسماك ❀ | فارغ | (مكتب المدير العام) | ( ارشيف مسابقات رمضان ) | ( قناة وحصريات البرنسيسه فاتنة ) | ( قسم الفتاوي الاسلامية ) | ( المدونات الخاصه blog ) | ( همسات العزاء والدعاء بالشفاء للمرضى ) | ( قسم خاص للأنمي ) | ( همسات الدوري الاوروبي وكأس العالم) | ❀ إستراحة الأعضـــــــاء والمقهى الأدبي ❀ | ❀ حصريات قناة همسات الغلا ❀ | O.o°¨( منتدي الحصريات الأدبيه )¨°o.O | ❀ حصريات التصاميم ❀ | ❀ حصريات المقالات ❀ | ( ومضات خواطر وشعر حصرية ) | ( همســات رابطة الأدباء والشعراء ) | ❀ همسات لإهداءات التصاميم ❀ | °¨(حصريات الرسم والخط العربي)¨° | دآر عمدآء الأدب | ( قناة وحصريات الجوري ) | °¨( ورشة عمل الفعاليات والمواضيع )¨° | ❀ حصريات الروايات والقصص القصيرة ❀ | ( قناة و حصريات ميارا ) | ❀ حصريات الشعر والمساجلات ❀ | الارشيف الخاص بالهمسات | ( السيرة الذاتيه للاعضاء ) | (أكاديمية صـفوة الأقلام) | ركن عميدة الادب د. نور اليقين | (ركن المصمم بو خالد) | ركن الاديب أعذب ميسان | ( حصريات النـور ) | ❀ همسات تاريخ العرب وأنسابها وأيامها ❀ | ركن عميد الادب عبدالله الصالح | ركن الشاعرة سيدة الحرف | ركن الأديبة أرجوحة حرف | ركن الشاعر القارظ العنزي | ركن عميدة الادب هند | ركن الشاعر نجم ضاوي | فارغ | ركن الأديبة الشاعرة غروب | ركن الكاتبة ملك | ❀ همسات واحة الفعاليات الأدبية الدائمة ❀ | ( حصريات ابن عمان ) | ( المدونات الخاصه جدا blog ) | ( حصريات ريحانة بغداد وفلسطين ) | ركن الأديب البرنس مديح ال قطب | OO°¨( منتدي الحصريات )¨°OO | (المطبخ الرمضاني) | دورة الفوتوشوب المنوعة آلآحترافية | ركن الأديب البراء الحريري | ركن الأديبة تيماء | همسات الردود المميزة والحصرية | ❀ حصريات الشروحات ❀ | ❀ تعليم مبادئ الكتابه وصقل المواهب الكتابية ❀ | ركن الأديبة هَدهَدة حرف | ❀ همسات ذوي الاحتياجات الخاصة ❀ | ❀ الشكاوي والاقتراحات ❀ | حصريات أمير الكتاب الاستاذ ليتك وهم | حصريات الدكتور الأديب لسان العرب | ركن الكاتبة مواليف البدر | ❀ همســـات اجتماع الاداريين ❀ | نجم الأسبوع | ركن الشاعر أحد الصابرين | ❀ همسات السياحة والسفر ❀ | ۞ قسم الأحاديث النبوية ۞ | ❀ همسات الرحلات البريه والقنص ❀ | ❀ همسات تطوير استايلات وعروض مجانيه ❀ | ❀ همسات الترحيب ❀ | ركن الشاعر مبارك ال ضرمان | ركن الأديبة الشاعرة فاتنة | ركن عميدة الأدب كراميل نور | ركن الأديبة كاليستا | خاص الصارم | ركن الشاعر حمد فهد | قسم المئويات |



Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
This Forum used Arshfny Mod by islam servant