 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
18-10-2019, 02:47 AM
| #15 | |
 
 |  قصيدة وصلك ذهب - حامد زيد لا صار وصلك من ذهب ومحبتك تنسام سوم . . . . روح اعشق اللي تبي تعشقه واهمل اللي تهمله لا شفتني ميت ظما واشحذ من يدينك غيوم . . . . في وقتها كل الكلام اللي تبي تقوله قله لا جيتك اشكي من سهر ولا اشتكي من قل نوم . . . . من بعدها لك حق تعمل فيني اللي تعمله انا انتظرك قبال بيتك واتصل بك كل يوم؟ . . . . انا احتقر نفسي معك وارضى ولو بالمهزله؟ انا احلم بلمسة يدك واصحى على صوتك وانوم؟ . . . . انا اتحمل من جفاك اللي محد يستحمله على بشاشة طلتك !!ولا على الصدر الكتوم!! . . . . هو فيك شي ينقبل ولا رضيت اتقبله؟ من زين قربك من حسن عشرتك من طيب السلوم . . . . ناقص نظر هاوي كدر غاوي عذاب وبهذله؟ قد جيتك ابكي من سهر ولا اشتكي لك من هموم؟ . . . . قد مر يوم وشدني لمواجهك شوق ووله؟ عمري تكلمت بعتب ولا نطقت بحرف لوم . . . . بيني وبينك معرفه ولا ارتبط معك بصلة؟ ما تعرف الله ؟ منت مسلم؟ ما تصلي؟ ما تصوم . . . . ؟ما فيه احد ما سولفت له عني ولا كذبت له؟ هذا وانا اللي ما عشتقك قلت فيني هالعلوم . . . . اجل لو اني بعشقك وش اللي كنت بتفعله؟ ما اقول لك قلبي حجر ولا من العشق معصوم . . . . لكن بعد مانيب من اللي كل من جاه هبله تزين ولا ما تزين تروم ولا ما تروم . . . . حنا رجال ما انخلق فينا مع الثقل عجله ودك ليا جيت تعشق ، تعشق معزز ومحشوم . . . . اما تجي قد الغلا ولا اترك العشق لاهله في هالزمن ما يخضع لمكر النسا غير الرخوم . . . . الذيب ما يغفل ولا يرضى حدن يستغفله لو تبي تشوف المرجله في حب قرم من القروم . . . . شف غيرتي لا من عذلني عاذل ووقفت له مثلي ليا من جيت له بالصبر ولا بالعزوم . . . . في ذمتي لا انته ولا اللي خلفوك تغربله ما دام وياي القمر وشلون اطالع بالنجوم . . . . ما تعرف اني لا عشقت اعشق من الزين اجمله؟ اللي طرف جديلته تسوى شوارب روس قوم . . . . هذا اللي ليا من بغيت اشتاق صدق اشتقت له هذاك احضر لموعده لو اني على الموت معزوم . . . . هذاك احقر اللي يحقره واخذل اللي يخذله اللي ليا كف المسا كنه وكن الشمس توم . . . . وان ضفه الصدر ورسى يا يقتله يا يقتله على كثر ما عشق عدله كثر ما عشقه ظلوم . . . . وعلى كثر ما كنت اعرفه كثر ما كنت اجهله نعاتبك مثل الخوي ونخاصمك مثل الخصوم . . . . صعب بغيت استصعبه سهل بغيت استسهله وصلت له ولا وصلت الا بعد فرك الخشوم . . . . ضيع له عمري وهو ضيع معي مستقبله حققت في محبته ما فاق تحقيق الحلوم . . . . وعملت معه اللي محد قبلي من الناس عمله ما فيه عاشق دام صدقه مثل ما صدقي يدوم . . . . وما بالرجال اللي وصل ربع الذي وصلت له ان ما وقف حظي عشانه جعل حظي ما يدوم . . . . في هالزمن من لا يدسم شربه لا يفتله ولا انت لا مني بغيتك جبت من شرواك كوم . . . . اليا بغى بالزين ولا لا بغى بالمنزله من خان مره بالعمر ما هوب عيد يخون دوم . . . . ومن بادر الناس بزعل يسهل على الناس زعله دام الغلا ما يستحق من القلوب الا الرحوم . . . . ان طعتني خلك بحالك واترك العشق لاهله من لا تستر بالحيا ما يستره لبس الهدوم . . . . ومن لا يزلزله الخجل ما فيه شي يزلزله لا صار وصلك من ذهب ومقابلك ينسام سوم . . . . روح اعشق اللي تبي تعشقه واهمل اللي تهمله لا شفت لي دمعة رجا بالجفن ولا بالكموم . . . . في وقتها كل الكلام اللي تبي تقوله قله لا جيتك اشكي من سهر ولا اشتكي من قل نوم . . . . من بعدها لك حق تعمل فيني اللي تعمله | |
 |
|
18-10-2019, 02:48 AM
| #16 | |
| قصيدة الجمهرة - حامد زيد اي بالله أخطو والخطا اللي جابهم عين الصواب مبطي وأنا أشوف الطمع يكشف رداهم واستره ما يملي عيون الحسود بهالزمن غير التراب ومن لا يتوب من الخطأ تحرم عليه المعذرة اللي من أولها خراب أكيد تاليها خراب والبندق اللي ما تثور في هدفها تذعره ودك اليا من جاتك الغلطة من الناس القراب الصاحب اللي ما كسبت محبته ما تخسره مشكلتي اني ما عرفت احسب لصدتهم حساب قلبتهم صدري علي ذكرى القصيد وحنجرة صوتا يصوت منبره وخطاب ما مثله خطاب والطيبة اللي زعزعت صوت الخطيب ومنبره مافيه دمعا صوبوها أحبابي بوجهي وخاب ولا زرق حزني على غالي ولا فج نحره كل الزهاب اللي معي ذكرى من أصحاب الزهاب واللي بقالي من العذاب اشرف طريقي وأخطره لأني تجنبت الغرق عديت من فوق السحاب لان أكثر أصحابي ورق ما شفت للطيبة ثمره والله ما حطيت بين الحقد والقوه حجاب حتى غدوا ربعي يحدوني على الضيق اشكره البارحة ثارت علي رقاب واوتني رقاب البارحة يا ثقل دم البارحة ويا محقره أهب يا وجه الحسد وشلون جمعهم وغاب كيف السنيين اللي عطتني بعثرتهم بعثره اثر المصايب ما تجييك إلا من الناس القراب وبالهزمن حتى الرفيق اللي تثق فيه احذره لا بارك الله في رفيق تزعله كلمته عتاب ولا جمع الله الرجال اللي تفرقهم مره عودت نفسي كل ما شددت لليمه ركاب ما صد وجهي عن طريق إلا لاجبت اخبره الصاحب اللي ما يجي من صحبته غير العذاب نذرا علي ما هجرني ولا انا اللي بهجره من يفتح لفرقاي باب أفكله عشرين باب وإذا خوي ما يقدر خوتي ما قدره وان روحوا فانا بري منهم ليوم الحساب وان جرحوا قولو لهم ما حركوا في أشعره شفهم لهم السنه ولا خذوا مني جواب أحسن دواء للي يحاول يستفزك تحقره انا جمعت أوراقهم بكتاب وغلقت كتاب يا وقت لم اللي تلمه وانثر اللي تنثره ما كنت احاتيهم صغير عاد احاتيهم شباب اما ذخرني صاحبي لليوم الأسود مذخره عقب اكتأب البارحة ما عاد انا احمل اكتأب الطيب جرجرني وأنا ماني بناقص جرجره اللي يخاف من الظما يتركلنا فرق السراب واللي مب هو قد الظلام وحشته لا يسهره انا تجرعت العطش لين احترق وجهي وذاب انا كسرت بخاطري قبل الصداقة تكسره انا خسرت اللي غيابه غير عن كل الغياب انا غفرت لعالم ما تستحق المغفرة انا كثر إنسان تعلم من كثر مخطأ وأصاب انا أخر إنسان يتكلم في زمان الثرثرة انا القصيد اللي فزع من دفتره مليون ناب وأنا الوحيد اللي جمع مليون ناب بدفتره جفني وجرحه هالسهر وحيلي وهدته الصعاب دمعي هدر ضحكي ندر عمري وضيعت أكثره شيبت فعقول العرب هيبت رووسا ما تهاب جمهرت ناس عمرهم ما يعرفون الجمهره ما صرت ذيب إلا لان لي حولييني ذياب ما كنت أغيب إلا لان العفو عند المقدرة تراه حلاتك لا حملت لصاحبك كلمة عتاب إن ما نطقت بها بوجهه ما تهمه بظهره في هالزمن ما يملي عيون الحسود إلا التراب ولا الحضيض الطلقة اللي ما تصيبه تذعره ودك اليا من جاتك الغلطة من الناس القراب الصاحب اللي ما كسبت محبته ما تخسره | |
| |
|
18-10-2019, 02:48 AM
| #17 | |
| قصيدة تفتكر لليوم وش منك خذيت - حامد زيد تفتكر لليوم وش منك خذيت؟؟؟ غير صمت وحزن واهات ومواجع....... قلت ماأنسى ولكنك نسيت!!!!! كل كلمة حب تعيشني بواقع....... شف انا من كثر ما أحبك وفيت عمري مافكرت أمثل دور خادع....... ياحسافة وقتي اللي لك عطيت؟؟؟؟ كيف تجهلني؟؟؟ وبالمره تقاطع؟؟؟؟؟ للأسف بالذات منك ماهقيت تاخذ قليبي وصرت اليوم بايع!!!!!!! عشت عمري في عذاب وبكيت وصرت بدروبك أنا يازين ضايع...... ماذكر أني خنت أولحظه جفيت أنا من طبعي ماأقوى أوادع.. ماعرفتك للأسف لكن دريت أن حبك زاد بعيوني المدامع!!!!!! | |
| |
|
18-10-2019, 02:49 AM
| #18 | |
| قصيدة ابختصر كل الكلام - حامد زيد ابختصر كل الكلام وارسل من أشواقي سلام منها اعرف احوالكم وأبارك بشهر الصيام شهر العباده والعمل غيث على الارض انهمل رحمة تزيد بنا الامل وتعين من صلى وصام من باب تكبير وولاء أما كذا ولا فلا لولا المحبه والغلا والا على الدنيا السلام في جاه رب العالمين يلطف بنا دنيا ودين ويمد في عمرك سنين وتعود صومه كل عام | |
| |
|
18-10-2019, 02:49 AM
| #19 | |
| قصيدة انتي ولا شي - حامد زيد والله وصرتي تستهينين فيني وانا الذي سويت لك قدر بيدي تدرين وش كنتي قبل تعرفيني ان قلت لك كنتي ولا حاجة شوي انا الذي فرشت لك رمش عيني وعملت منك شي وانتي ولا شي جيت اعشقك ما جيتك لك تحقريني جيت اسكنك بسمة ما هو بسكنك غي لا صرت عامل لك قدر قدريني ترا الكرامة صفحة ما لها طي ما دام ما جيتي غلا لا تجيني نار الجفا عندي ولا الذل بالفي والله لاهجرك قبل لا تهجريني اجل تبيعيني واجيلك برجلي يا تتركين الكبر يا تتركيني لأن المحبة شي والمهزله شي إن كانت الدعوة غلاي وحنيني يمكن يزول الحقد ويشعشع الضي لكن حكاية ينحني لك جبيني في ذمتي ما ينحني لك وانا حي القصيده انتي ولا شي والله وصرتي تستهينين فيني وانا الذي سويت لك قدر بيدي تدرين وش كنتي قبل تعرفيني ان قلت لك كنتي ولا حاجة شوي انا الذي فرشت لك رمش عيني وعملت منك شي وانتي ولا شي جيت اعشقك ما جيتك لك تحقريني جيت اسكنك بسمة ما هو بسكنك غي لا صرت عامل لك قدر قدريني ترا الكرامة صفحة ما لها طي ما دام ما جيتي غلا لا تجيني نار الجفا عندي ولا الذل بالفي والله لاهجرك قبل لا تهجريني اجل تبيعيني واجيلك برجلي يا تتركين الكبر يا تتركيني لأن المحبة شي والمهزله شي إن كانت الدعوة غلاي وحنيني يمكن يزول الحقد ويشعشع الضي لكن حكاية ينحني لك جبيني في ذمتي ما ينحني لك وانا حي | |
| |
|
18-10-2019, 02:50 AM
| #20 | |
| قصيدة برحمتك يارب خل لنا البنات - حامد زيد ليش ذاب الصدق بقلوب الرجال ؟! ليش انا قبل الزواج كنت أناديها " الغلا "وكنت أناديها" الغرام " و " بعد أمي وابوي "و " ضحكتي ... وابتساماتي ... وبلسم جرحي المفتوح وجروحي " وعقب ما ربي جمعنا ...~واجتمعنا وصرنا أسرة وصرت انا واياها جميع نصحى وننام ونشرب بكاس الغرام ويوم أناديها تجيني ما تأخر وتقول " سم ...! "و " لبي قلبك يا بعد قلبي انا " صرت أناديها عقب ذاك الغلا " هيه... وينك يامره ...؟!" ليش انا قبل الزواج كنت اكلمها واسولف واقضى ساعات وزمان واحتريها وحتى لو تأخرت ... او اخلفت ميعادها ما ازعل عليها لا ولا حتى اعاتبها شوي وكنت اشوف عيوبها بعيني جمال ونقصها بعيوني هو معنى الكمال ويوم صرنا مع بعضنا لو حكت لي كلمتين او سولفت ... او مازحتني وضحكت قلت : كافي ... بس ... ما ابي قلة ادب " واعتقد يكفي كلام وبربرة ...!! " ياه !!بعد ماكان الحكي بشفاهها ينقط عسل صار بتاليها حكي...؟!لا وليته حكي ...صار اسمه " بربرة ... أو ثرثرة ...!! " ليش اراضيها منول يوم تزعل وما اتحمل بس لو لحظة زعل وكنت ادللها واموت بضحكها واقول " اسف يا غلاي "واكتب اجمل بيت شعر لعينها لين ترضى وعقب ما ربي جمعنا من تزاعلني اقول لها " في بليس ... طقي راسك بالجدار أنتي حي الله بقرة ...!! " وربي احنا صدق مرضى عشق واشواق ومشاعر وعشقنا من دحدرة في دحدرة ماعرفنا وش معنى البنت ~ولا عرفنا قدرها ولا وفاها بصدرها وما حكينا عن غلاها ولا صفاها ولا هواها ولا دفاها بس نتكلم على ثرثرتها وبربرتها وحكيها السامج ما نخاف الله يعاقبنا وهي عطر دنيانا وهوانا ~بدونها تظلم سمانا ... بدرنا في خدها ~وصبحنا في قدها ~وشمسنا بكفوفها ~ وربي وردة ... يا سعد من شمها ~وغيمة تمطر حنان ... والحلا في دمها ~وشكل بسمتها جنان ... والكرز في فمها ~وبن عمتها المطر ... وغيمة الشوق أمها ~ و ولد خالتها الربيع ... والزهر هو عمها ~وخصرها دنيا لحاله ... حظ صدر ضمها ~وريقها نكهة عسل ... والعطر في كمها ~ وشهي الدنيا اذا مابه بنات ...؟! صحراء مافيها ربيع !وعيون كاسيها الوجل !و وجيه ما فيها امان !وطفل يبكي !وشيخ يشكي ! ودنيا مافيها رفيق !وصحبة ما فيها وفاء ! وقلوب ما فيها حنان !وما احد يرحم احد ! برحمتك يارب ... " خل لنا البنات "بضحكهم وهبالهم وخبالهم ودموعهم وشموعهم ويا حلو تدليعهم ويا حلو تدليلهم بس في نفس الوقت الله يهديهم رحمتك يارب ... " خل لنا البنات | |
| |
|
18-10-2019, 02:50 AM
| #21 | |
| قصيدة الحلم - حامد زيد بوقت من البطا و بليل تتراقص شياطينه بعد شفت الضيا ينزع من ثياب المسا ثلثين تحايلت المنام اللي مثل بيتك تمرينه و انا اللي من تفارقنا و أنا ما غمضت لي عين غريبة كل حلم يمر برقادي تزورينه و الأغرب كيف أحلم الحلم و ارجع و احلمه بعدين؟ قبل يومين شفتك بالمنام .. و قمت من حينه ! ونمت أمس ، ورجع نفس المنام اللي قبل يومين أنا اللي قبل اسافر شلت قلبي من شرايينه تركته في يدك مثل الأمانه ، و احفظيها زين ترى حفظ الأمانه دين .. مجبورة تردينه أجل ، ما فيه أحد قد قال لك ( حفظ الأمانة دين )؟! مرد المقفي بيلفي ..و يستوفي ، و توفينه بعد ليله ، ثلاثه ، أربعه ، عشره ، شهر ، شهرين إذا انتي ، ما انتي بقد الكلام اللي تقولينه حرام .. استامنك حاجة ، و إذا جيت اطلبك تنسين تخونين ، و تبين أرضى .! و أحد يرضى تخونينه ! أنا لاجيت أخونك ، مع حبيبة ثانيه ، ترضين .؟ من أول ما رجعت من السفر ماشفت لك بينه ؟ وأنا اللي كنت أحسبك قبل ادوس ارض المطار ..تجين تكونين أنتي أول شخص عيني تحتضن عينه و كنت أتخيلك من زود فرحة رجعتي ..تبكين وأشوف بدمعتك حكي .. وأعرفه قبل تحكينه واجيب أحلى من اللي بتحكينه ، و أتركك تحكين تقولين :الوطن نور .. وأقول بنور مضوينه تقولي لي : غديت أحلى ، و أقول : عيونك الحلوين كلام نام بشفاهك ..و خفتي لا تصحينه ذخرتيه لغرام اللي ينام ..و يتركك تصحين تغانمتي غيابي .. لين رجحتي موازينه تعلم من يدك لمس الكفوف و علمك تجفين و ليتك لاقية به شي .. فيني ما تلاقينه ! مهو بغرور ..لكن خابرك ما لك أمل تلقين تغافلك بغلا ..و الإ الحلا مهو بمن زينه !! تزينه الصور ..بس الصحيح ابن الحلال زوين و أنا ماني بناقص عنه يوم أنك تبدينه نصيبي ..هو نصيبي لو يسددها من الصوبين قنوع بمظهري ، والسم ما يذبح ثعابينه على قول المثل (ماني حلو..ولكن ماني شين ) إذا أهداك الزهر مره ، فأنا اهديتك بساتينه وإذا ألهاك بفرح ليله، فانا تهت لبكاك سنين و إذا استضعفتك أملاكه ... و شتتك ملايينه أنا حتى فتات الخبزة أقسمها معك نصين طموحي ، بس أجي و أظفر بشي تستحقينه تدينته ..تسلفته ..سرقته ..مو مهم منين كأني من كثر ما ارضى بكل اللي تمنينه لو انك تطلبين الله ..يعنيني ،بقول امين أنا ما العب على الحبلين ، وقت الطيش و سنينه تبين الحين يوم اني كبرت العب على الحبلين ؟ ترى عند البدو بالذات عيب اللي تسوينه حلاتك لا عشقتيني ..تعشقيني ليوم الدين غرام نسكن ضلوعه .. حشيمه من مجانينه جفا يجمع معزتنا .. ولا عشق يذل أثنين كثار اللي تحدوني وقالوا لي : تحبينه امانه ...لا تخليني صغير بعينهم تكفين لاني كل ماقالوا (تخون).. اقول : مسكينه عليك الله أمانه .. علميهم من هو المسكين أنا خايف ليا (طاح الجمل تكثر سكاكينه ) و أنا ما عادت ضلوعي تحمل طعنة السكين مثل ماقالوا المكتوب واضح من عناوينه لو ارحل منك للغربه باسافر من ظلامك وين؟ كفايه .. كل حلم يمر في رقادي تزورينه كفاية .. من تفارقنا ..وأنا ما اغمضت لي عين قبل يومين شفتك بالمنام و قمت من حينه ونمت أمس ، رجع نفس المنام اللي قبل يومين | |
| |
|
| الكلمات الدلالية (Tags) |
| الشاعر , الكويتي , حامد , حيوان , زيد) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| اناشيد مكتوبة عن العيد الوطني الكويتي | ابن عمان | (همسات الوطن والعالم العربي ) | 16 | 27-02-2018 07:46 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
