ديوان الشاعر ( السامر)

قصيدة اهات من طول العنا طاولتني - السامر


اهات من طول العنا طاولتني
ونفسي من الفرقا وحالي صخيفه

جارت على من الفراق و قصتني
غزت ولاكن ما نوت بالنتيجه

بهمومها الي شفتها منها كوتني
هذا الي خلى حياتي مخيفه

باكر يروعني وانا فيه ختني
واقول ليت الغيب يبخل بحيفه

خير السعاده بالهوى خالفتني
خالفت معها عين قلبي وريفاه

خبت هبوب بالنياح عطشتني
وكم غالي قبلي ضماء من وليفه

ليت الليالي عن غرامي نهتني
ولا بدا زرع الامل منك هيفه

ولا النها في غايتي خيرتني
واختار انا مرباع قلبي وصيفه

خل جيوشه بالمحبه غزتني
وانا اسير للعيون العفيفه

اغلى هجوس طول الايام جتني
اكل هجوس الي تجيني بطيفه

الماضيات الي بغيبها منصفتني
والمقبلات ترجي عدلها خليفه

اتبع ظنون للهوى ما شفتني
احسب حمولي بالمحبه خفيفه

واليوم ظالمك المحبه طوتني
طي الورق يوم انطوى به خريفه

واشباح يا سيد بالهموم عثرتني
وانا على اسباب صدق كليفه

اشيل حتى راضي فوق متني
واروح نفسي من حياتي معيفه

واقول الي بالجفا عذبتني
عسى الشقا من بيننا بالنصيفه

شربت من فيض الشقا واشبعتني
دنيا مع الاحزان ضد حليفه

قصيدة ياولد الشعب - عبدالعزيز بن سعود السامر


قصيدة ياولد الشعب - عبدالعزيز بن سعود السامر


يا ولد الشعب والقاصي مع الداني
و أمة محمد هل التوحيد والراية

مكارمك للوفا والطيب عنواني
مكارم مالها في حكمك نهاية

يا حامي بالشريعة خمس الأركاني
أنت الذي للعقيدة سور وحماية

المجد دار وطيبك فيه سكاني
والشعب يقرا هدايا عدلك قراية

ياللي لدينك وشعبك والوطن باني
أوليت نهضة وطنا حفظ وعناية

مجد العدالة بحكمك للعرب باني
شافو وعاشو وصار العز والغاية

خمسة عشر ما نثمنها بالاثماني
وبشاير الرايحة تفرح بها الجاية

منك المراسيم الأول كنه الثاني
وما قال للعاشر اللي عقبه كفاية

العدل هو والرخا كفين ميزاني
ينعم بها اللي عقل وتقدي التايه

انعم بحب الوطن يالوالد الحاني
حب حقيقي ما هو ب شعار ودعاية

طاعتك من طاعة الله عالي الشاني
طاعة ولي الامر وصى بها وصاية

رب عليم ومحصي كل ما كاني
أمر علينا ولي العرش بالاية

قصيدة كل المرام - السامر


يوم سلهم وابتسم عطب السهام
شرعت بالقلب من رمش فتون

كنت أبا سلم وضيعت الكلام
وارتسم طيف المشاعر بالعيون

موقف كن الدقيقه فيه عام
عشت فيه بكون والعالم بكون

قلت من ما شفت سلم يا سلام
يا عسى العذال له ما يفطنون

يا عيونه ما على رمشك ملام
الغلا خلا لك الكايد يهون

فز لك قلب بصدق الحب هام
والحقايق ما تغيرها الظنون

ماني أول من شكا جور الغرام
ومن تفوته رغبته مات مغبون

بس أنا أول من خطب وده وشام
لين صار اللي حسبته ما يكون

يوم جيت وشفت بك كل المرام
قلت ما غيرك على قلبي يمون

قصيدة أعذب الحب أكذبه - السامر


ان ظميت أشرب من اليأس أعذبه
يا وعود مالها فرحة وعيد

اكتشفت أن أعذب الحب أكذبه
اكذب أغلى لك ترى حبك يزيد

مالحق قلبي بحبك مطلبه
أنت ناسيني وأنا راسي عنيد

تعب كفي مالقي بك مقضبه
جيت روح مالها خد وجيد

دورك اللي في عذابي تلعبه
انتهى التمثيل كله لا تعيد

رد قلبي بالهوى لا تنهبه
خل باقي الدم يدمع بالوريد

الوداد اللي بحبي تكسبه
انتهى والصبر لا يمكن يفيد

كل شعر فيك من قلب اكتبه
ما يساوي بالجفا بيت القصيد

قصيدة عبدالعزيز الله يجيرك ويرعاك - السامر


عبدالعزيز الله يجيرك ويرعاك
ويرفع بمجدك للمسلمين رايه

ويوفقك توفيق عز بمسعاك
ماهو وسيله طيبك اليوم غايه

لمصافح الأمجاد مديت يمناك
طيبك طبيعي ما نهجته وصايه

يوم انورت بك في سما الخلق دنياك
طابت بك الأيام طيب الكفايه

الشكر للي يا سما الطيب عافاك
لا شح منهو مثل شمس المرايه

والله عن احسانك بحسناه يجزاك
يا كاسب الطولات هذا منايه

وان كانها بالمجد من يلحق اقصاك
وان كانها بالطيب مالك نهايه

والله يمين حق لا ذا ولا ذاك
فرقك عليهم مثل فرق الهدايه

مكارمك جعل اكثر الناس تفداك
غريزة وأصبح فعلها هوايه

يا قل والله من يسوي سواياك
في عالم نص افتعاله دعايه

الله يرحم من وقف لك وناداك
في ماقف معصوم عن كل سايه

فهد العروبه والعرب لا عدمناك
حيا ومات لبيت ربه حمايه

قصيدة جرح الغلا - السامر


يا منتهى حبي وياسي ورجواي
قلبي عليك من الغلا شب ناره

حيره وضيقة بال وقبال وقفاي
في ليل أبطا ما تبين نهاره

أقول لنجوم سرت فيه مسراي
جرح الغلا منهو ضميني بثاره

ثار يحقق لي مرامي بدنياي
مع من كمل زين ومقام وقاره

ما بيه يجرح قلب من تعب خطاي
أبي شعور صدق حبي شعاره

مثل الشعور اللي تضمه حناياي
نور يزود إن جاد طيفه وزارة

بين الحنايا ثابت ما خلفه راي
مفتاحه الإحساس والروح داره

صدق الغلا يقصر عنه كل حكاي
يا زارعه متى بتقطف ثماره

قصيدة أبلغ من التكريم مجده ومعناه - السامر


عليك كسب المجد ماهوب كايد
مادمت في مقدم هل الفكر ترعاه
لابوك في كسب المعالي عوايد
واهلك بالتاريخ والعز منجاه
الفهد سايد وانت بالمجد سايد
ورثت منه اللي بغيره فقدناه
الطيب لك من غير ناقص وزايد
ماكاد في منظورك اليوم مشراه
للمجد واهل المجد كلك فوايد
انت الذي تامر بحكمه وتنهاه
عقيدة تعقد عليها العقايد
حبك لمجد العز من حب مبداه
ترسي لميلات الدهر والشدايد
وتورد اللي شايف ماه واخطاه
من فيه غيرك للمواجيب رايد
بالعرف والمعروف والمال والجاه
للاوله في حومة المجد صايد
أبلغ من التكريم مجده ومعناه
المدح بك يرفع مقام القصايد
أنت الذي يوصل بك العز منهاه