 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
14-10-2019, 07:53 PM
| #22 | |
 
 |  قصيدة أسمع رسول أشواق قلبي يناديك - السامر قصيدة أسمع رسول أشواق قلبي يناديك - السامر أسمع رسول أشواق قلبي يناديك ترقص أماني نشوتي لاجل أشوفك وأخذ من ظروف الرخاء وقت واعطيك عسى الاماني يبدل اشكوك خوفك تغلى يا سيد الغنادير واغليك واجيب لك عمر الهنا في كفوفك يجوز لي يا زين منك تغليك واعرف واقدر يا حبيبي ظروفك انا على قربك شفوق وبرجيك رجوى أملها بالوصال امعروفك يا روح روحي بالغلى كله أعنيك ياللي تشوق العين حالي وصوفك | |
 |
|
14-10-2019, 07:53 PM
| #23 | |
| قصيدة رياض العواصم عزها فوق عالي - السامر رياض العواصم عزها فوق عالي ما مثلها مجد ولا مثلها دار تزود مع زود الدهر والليالي ثقافة يكبر بها لفت الانظار اصبح بها مجد الحضاره مثالي معالم فيها هل الفكر تحتار اميرها يرهي عليها الدلالي طفلة غرامه والغلا سر الاسرار حب على غيره صعيب المنالي ما خبر مثله بالممالك ولا صار فيه الثنا الصادق وسيع المجالي تصدق به كبار وتكبر به صغار طالت به قصار وقصرت طوالي على خطاه الواثقه بالهمم سار كمل بها سلمان مجد الكمالي وضاهى بها مجد العواصم بالاقطار في ظل عدل لاحتكامه ظلالي واقرب شهودي ما سمعنا بالاخبار بأول ليالي مجدنا والتوالي الامن والعدل السعودي لنا كار | |
| |
|
14-10-2019, 07:54 PM
| #24 | |
| قصيدة المهاة - السامر أتلفتني لفتة عيون المهاة وعشت منها يا محمد في كبد أندوشت وقلت يالله الثبات يالله انك ترزق السامر جلد راحت الفرصه على المشفى فوات لا حصل له لا وداع ولا وعد والله أعلم بالليالي المقبلات يلقحن وإلا يجن حيل بعد يا محمد وردتين ناعمات وجمرتين بينهن مثل البرد وفوقهن سيف عليه الفاترات ناعسات ما سلم منهن أحد كنها تكتب على موتى وصاة والرموش السود تحفر لي لحد والجروح اللي بروحي خافيات التوى حبه عليها وانعقد | |
| |
|
14-10-2019, 07:54 PM
| #25 | |
| قصيدة فالقبر واعتق حي - السامر خيرات ابو فيصل ترى مالها قياس فالقبر واعتق حي عساه مرحوم ياخو فهد يابو فهد عدم الاجناس انت الذي عرضك عن اللوم معصوم لك وقفة نوماسها يرفع الراس وقفة وفاء ما بين حاكم ومحكوم الله إلى منه ومر تدفع الباس في ردعة الظالم ونصرتك مظلوم مواقفك ماهيب حبر بقرطاس لا قلت تفعل كل ما كان معلوم طيب خفي وطيب تشهد به الناس مد الخفا لك به علامات ورسوم فرجت للي شايف ضيم واتعاس عبدالمجيد أقرب شهودي من القوم من لاذ بك شاف السعاده والاوناس مواقفك يا سيدي شرع وسلوم وتهنا عيون ما بها لذة نعاس تنوم كل الليل وتكثر النوم يوم انطلق عتقه من كفوف حباس يتم نذره شكر لله بالصوم لا ما ورا اللي غيركم غير الافلاس انتم وقود الكايده دايم الدوم | |
| |
|
14-10-2019, 07:54 PM
| #26 | |
| قصيدة متولع برضاك - السامر ما غير أدور ما يسرك ويرضيك متولع برضاك ورضاك كايد يا فاتني طالت مسافة تماديك جورك طغا وأنا بي الشوق زايد سر اهتمامي فيك ماهوب خافيك علمك قلبك قبل تقرا القصايد قصايدي نبضات قلب يناجيك متعود من رمش عينك عوايد عوايد عنها قبل عام ناهيك أقول صد إلين تطفي الوقايد لا تجرح رماح الهدب قلب مغليك ما به مكان للجروح الجدايد تعرف غلاك ومقصدك من تعليك تبيني أسلا عن قريب ونايد | |
| |
|
14-10-2019, 07:55 PM
| #27 | |
| قصيدة يا ولد صقر الجزيرة - السامر كل شعبك يا بو خالد فاقدينك الله اللي ولع الشعب بغلاك الغلا المقسوم من بينه وبينك ربك اللي بالغلا الغالي حباك مرحبابك مرحبا يا عز دينك وعز دار مجدها الغالي هناك بالوفاء لك والولاء مستقبلينك القلوب كفوف عزك من وفاك سيدي لولا كثر عطفك ولينك بالوفا والحب شعبك ما كساك مجد حب مجدها الغالي ضمينك انت مجد وكل مجد في حماك يوم قال الطيب يا سلطان وينك في عيونه قبل ما يرمش لقاك أرعدت بالمجد لك غيمة سنينك من تعذره الموارد ورد ماك في سجلات الضماير كاتبينك هادي لك بالغلا رب هداك كل ما ترفع يابو خالد يمينك صافحك مجد تعذر عن سواك مجدك اللي عالي ذكره ضنينك يا ولد صقر الجزيره في هواك جعل رب البيت يرحم والدينك وكل حي يسعده طاري نباك كل الامه بالشهامه عارفينك أشغل اللي سامع ذكرك رضاك | |
| |
|
14-10-2019, 07:55 PM
| #28 | |
| قصيدة عبدالعزيز إبن الإمام - السامر يا عقاب على الطولات حام والله انه غدا بالطايله كل ما باج براقه ظلام تشخص الناس به وتخايله ما يزاعم رفيعين المقام واحد ما يجود بسايله علم اللي يردون الكلام أصدق القول من دلايله من بغى الطيب يصخي باحترام لكل من لاذ به جلايله مثل عبدالعزيز إبن الإمام ما به أحد فعل فعايله واقف للوفا وقفة كرام كل مجد عظيم نايله ماخذ الكرم عشقة غرام ما حصينا عدد فضايله مرحبا عد من كبر وصام وعد نبت الفياض السايله بالسلامه نهني والسلام من محب غلاكم شايله في غلاكم لك الله ما يلام هايل والمواقف هايله والتحيه لكم مسك الختام مجدكم ما يحيله حايله | |
| |
|
| الكلمات الدلالية (Tags) |
| السامر) , الشاعر , حيوان |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر (محمد بن الذيب) | باربي | (همســــات شعر وشعراء) منقول | 40 | 14-10-2019 03:08 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
