ديوان الشاعر ( محمد بن فطيس)

قصيدة وش قومك..وش فيك -محمد ابن فطيس


وش قومك .. وش فيك .. وإلا علامك
قد لك معي كم يوم و أعلومك أعلوم

وأنا أدري أني يا مرامي مرامك
لو تقعد الدنيا و لا تقدر تقوم

عطيتني قلب !! و بخلت بسلامك
وش فايدة حبك و أنا منك محروم

لا عاد تزعل و أحييني ببتسامك
ضحكك يزيل أوجاع و جروح و هموم

و كلام عينك ما يهمش كلامك
كلام عينك كوم و حكاك لي كوم

لاغبت عن عيني رح انشد غرامك
تلقاك في قلبي مقلط و محشوم

بعدين يا أغلى الناس وفر ملامك
ترى الغلا يجفل على كثرة اللوم

دونك خفوقي ممتلي من سهامك
و لا شكيتك جرحه و قلة النوم

القلب مثل الطير .. وفر حمامك
إن افلس اقفى لسماء يقلب الحوم

لكن قبل لا انسى بنبهك دامك
مسلم و باقي كم شهر و يدخل الصوم

لا يذبح الموضوع قل اهتمامك
طعني وشف لك شيخ يفتي لك اليوم

ما ظنتي يا زين يقبل صيامك
ريقك عسل .. علمني و شلون بتصوم

قصيدة نبغى نصوم - محمد بن فطيس


نبغى نصوم بدون " زلة " وتقصير

ما اظن ي ( mbc ) .. معكم افاده


م دامكم ( باقي ) على / ه الفوازير

ما ظنتي " في صومنا " اي سعادده


في عامنا الماضي - حليمه على السير

حليمة ( تجعل : ف العباده ) نكاده


وفي عامنا الحالي شوف الشكل غير

( مريام فارس ) والخطر في زياده


عز الله ( خرفان العرب ) ما بهم خير

لا وحسسافه ( يا زمان القراده )


يتابع البرنامج .. بدون : تقصير

ويتابعه في كل لحظة و ( اعاده )


الوضع .. متأزم : ويحتاج تغيير

الوقت / سيء .. والبرامج نكاده


عجزت ألقى ، ل الغباء اي : تفسير

والخوف بكرةة , لا اصبح الوضع ساده


الله يستر ( وينكم ) يا هل الخير "

الوضع سيء والخطر في ( زياده )

قصيده ماجور ياللي من فراقك تعلمت - محمد بن فطيس .


ماجور ياللي من فراقك تعلمت ..
........................... ان الزمن يومين طيب وخيب
فاجأتني بمفارقك ماتولمت ..
........................... كذا بدون اسباب عني تغيب
ما مت من فراقك لكن تالمت ..
........................... شيبت بي ياصاحبي قبل اشيب
لولا السحا عاذلي ماتلعثمت ..
........................... طاولته اللي في يدي من قريب
اضحك واسولف وان لحقني سهر نمت ..
........................... لكن ورب البيت مانيب بطيب
اكافح اهل الشمت بالسمت والصمت ..
........................... ومن شوفتك صدفه قعدت اتهيب
أخاف أشوفك وأكسر الصمت والسمت ..
........................... وادعيك تو الناس وانا مغيب
تدري من المخطي ولو ما تكلمت ..
........................... ياللي لظني ظنتي ماتخيب

قصيدة ماهوب كفو الوقت حبك يمحيه - محمد بن فطيس



ماهوب كفو الوقت حبك يمحيه
ياللي تخاف صروف الايام تمحاه



ارتاح دام ان المواصل يقويه
انت . انت وانا . انا وقلبي هو إياه



حتى ولو بتغيب ذكراك تكفيه
ياواحد تكفي عن الناس ذكراه



حبك على رملة خفوقي مواطيه
ورياح عذلي عنك ماتمسح خطاه



واللي يعذل القلب عن درب غاليه
( يالله عسى اللي يبلا المواليف يبلاه )



اخفيه يابلفيت والحال يبديه
ادناة واحد ينظر الحال يقراه



اخفيه فيه ومعتني به وحاميه
عن كل عين ودها تنزل حماه



قلب يحبك والهوى الذرب ماليه
كانك مكذبني بعينك تحلاه



شرط . ان تشوفك فيه منت بحواليه
ويمكن تشوف ديار واماكن رعاه




وشوف به تمثال والوقت هاريه
وبتشوف زرع ميت واقف ماه





وبتشوف جرح فيه سكين راعيه
راح ونسى السكين والجرح ينخاه




وبتشوف حصن عج الاقدار سافيه
وبتشوف باقي بيت . راعيه خلاه




لاتنزعج . هذا خفوقي وباقيه
ولاتضايق من تصدع زواياه





قد زلزله فرقا وهزة عراويه
والله ستر والحظ عانه وعافاه




كانه صلح لك واعجبك . زيد تبينه
ابنه وجهز للمقابيل مبناه




ابغيك بس من المفارق تداريه
وازهل من ايداري شعورك ويدراه




وحلل وحرم فيه . ياأبرك بلاويه
وحله وراع ارضاي ورضاك وارضاه




جعلك بعد بعض الوجيه . امحق وجيه
ناس مراتعها الرفيق بتقفاه



انواع . واخطر نوع مانيب ناسيه
نوع على تفريق الاثنين مسعاه




تلقاه دوم . وكل يوم تلاقيه
واذا بغيت الصدق ماعاد تلاقه




وإلا انت . ردك كل مادعيك لبيه
انشهد منتوا بفي عيني اشباه




منت بمعى العالم . ولا تقولي ليه
انت ادرى مني وفي جوابي وفي احواه




كذيه ومن الله يازين وإليه
واغلى طروش القلب ودواه من داه




الحلم ياتيني بزولك واراعيه
وفي كل حلم اقوم قبل اتحفاه




واعشق سميك في البزارين وادعيه
واقبل خطاه الا اخطى واتلقاه





واسمك يروعني اذا مر طاريه
واحب ملقوف يسولف وطراه




وامر بيتك من بعيد ولا اجيه
وانا لو انه في يدي ماتعداه





حتى تواير موتري تلتفت فيه
تبغي تلف ويستحي العقل والجاه





وصلك يخيط الصدر والبعد يفريه
ويابري حالي كان صديت برياه





ويلي على ادري حبنا ويش تاليه
ويلي على ادري وش ورى الغيب ويلاه





عشان اشوف اذا محبتك ترفيه
والله لاقفي عنك . استغفر الله

قصيدة ان خذاني الموت - محمد بن فطيس






"يقول : بن فطيس ♪

​‏​‏​‏​‏​‏​‏​‏​‏​‏​أن خذاني الموت ماودي تضيق
وما أبي تبكي على موتي بصوت
يعني لما تبكي راح أرجع أعيش؟
ما أبي الدمع على خدك تفوت
صير عاقل حتى لو فكرك يطيش
دعواتك , تبني لي ب الجن بيوت
ما يموت إلا الذي ودك يعيش
وما يعيش إلا الذي , ودك.يموت"

قصيدة يسعد صباح الشنب يا شيخ نصر الله - محمد بن فطيس


من شاعر المليون

قصيدة الشاعر القطري محمد بن فطيس المري

يسعد صباح الشنب يا شيخ نصر الله
يسعد مساء هيبتك ياسيد الشيعه
يسعد مساء هيبتك في الحرب والمله
يسعد مساء ديرتك لبنان والضيعه
رجولتك والفراسة تخجل الشله
ياشيخ براك الأقصى من هل البيعه
اللي بصدري تقوله دوم وتدله
كنك تترجم شعور الناس وتذيعه
ردائك اظهر عيوب البشت والخله
والثوب لا انشق مازينه ترقيعه
على هل البشت سارت تضرب الذله
ياشدة القبح لاصرح جرابيعه
علمهم انك قضيت من العمر جله
مامت والموت في ديرتك تقليعه
بالأمن ربي سلبهم هيبة الطله
وأنت أسفل القصف والدنيا لك مطيعه
لانامت عيون من يقضي العمر كله
بالذل يشري عدوه فيه ويبيعه
بأرواحنا ترتفع مناصب الثله
والدم يسقي ثرانا من ينابيعه
ما ارتحت والقدس مسلوبه ومحتله
باسمك يبيع العدو غالي مشاريعه
علمتهم بالصبر ومثابر القله
وأسقيت صهيون من كاسات ترويعه
علمتهم طعم فرقى الخل عن خله
والحزن فينا وفيهم عدت توزيعه
ما انت بزعيم ولكن صوبك الدله
فنجالها لك يعدى الفاشل وريعه
شعر تشرف بمدح الشيخ في حله
يقسى على البعض وأنا قلت باطيعه
ما كبر الذل سكنى القصر والفله
اما انت كبرت حتى كلمة ‎ (( الضيعه‎ ))!!!! ؟

إي والله أهوجس ولانى بمرتاح
والحزن فى حوش الحنايا بفاروع


أمسيت من وصل المواليف مزاح
وأصبحت من فرقى المواليف مفجوع


البارحه فى غبة الوصل سباح
واليوم من عرش المواصيل مخلوع


ياصاحبى صرح الهوى والوفى طاح
والقلب كنه من عراويه مقشوع


كان أحسب إن لحبنا عشرة أرواح
إلين شفت الحبل بيديه مقطوع



يوم العهد به حده إسبوع لى راح
إسبوع ويعود علي شوق ودموع


واليوم خمس سنين والهم مازاح
هم الفراق اللى بلا عذر مشروع


أستغفرالله تسعة شهور ياصاح
فى غيبته قمت احسب اليوم بإسبوع!


العام خلي يسمع القلب لا صاح
واليوم مهما صاح ماهو بمسموع


ضاع الحساب وشفت برق الجفا لاح
وأيست لولا إن الرجا في مزروع


وحالي نحل والحال مهوب منساح
من كثر ماأظمأ للمواصيل وأجوع


بليت في من دونه سيوف ورماح
وغدا علي وصله مثل حبة الكوع


له مني إن سره على الناس ماباح
ولي منه إن الصد غصب بلا طوع