 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
12-10-2019, 07:24 PM
| #29 | |
 
 |  قصيدة في كفها خاتم وفي خدها خال - محمد بن فطيس في كفها خاتم وفي خدها خال وفي عينها غيم وعمارات وبيوت الخال شفته واضح من ورى الشال والخاتم الماس مرصع بياقوت والعمر في العشرين كني مانيب زال والجسم كنه من جبل ثلج منحوت جبل ولكن لا طرقه الهوى مال وخطواتها ماهي بالأمتار بالفوت ماهي تشوف الشمس من ظل الاظلال ومصيافها ما بين لندن وبيروت الشمس لو تشرق على جسمها سال كنها مجسم محلبيه وبسكوت ومن صغر مبسمها شقى حالها الحال ما تاكل الا اللوز والخوخ والتوت ماهي تشوف الناس تمشي وتختال ومر على جاكور ومر على حوت وخدامتين وهي بلا زوج وعيال وسمعتها تدعي الدريول يياقوت وثلاث جوالات ماهو جوال ومن يوم خلقت كل شي بريموت لكن قلبي مالها فيه مثقال وش قرب البشت الحساوي من الكوت ياجعلها للي خذت قلبي نعال اللي غلاها عندي الشرب والقوت حورية من فوقها الليل شلال كنها صبح فوقها الليل مكتوت قلبي لها من كثرة الشوق مشخال وللسر عن كل المخاليق تابوت تنحت لي من الحب في القلب تمثال وحبي لها ينحت على الساحه بيوت في عينها ماكل رجال رجال وأقصى حدود الوصل في سلمها الصوت زود على القلب وعلى الحسن من ال روس لهم روس على متونها بشووت الى رضت موتوا يا أهل روس الأموال وإلى زعلت جربت وش سكرة الموت من دونها رجلي وراكب وخيال والسيف والأمواج والبحر والحوت | |
 |
|
12-10-2019, 07:25 PM
| #30 | |
| قصيدة دريشة نورة - محمد بن فطيس لاجاء المطر وستارتي مجروره وشفت الغيوم وصحصح إسترخائي وأصبح مداج الرجل يغلب شوره وتسابقت الاراء قبل إدلائي وروحت صوب الرجم لأجل ازوره بشوف قريتنا وأجر غنائي ياكثر ما اجي الحارة المهجوره لا ميلت قبله وثقل ردائي أجي لها لأجل أستعيد الصوره وأشاهد الباب القديم المائي هذا المكان وذي دريشة نوره وهذا الممر اللي بدأ به دائي والمدرسه وألواح قول الكوره والمسجد اللي كان عندي نائي وهذا مكان الصف والسبوره ودرج عليه كتابتي وإمضائي مع بيتنا المتواضع بديكوره وسراجه المتهالك الحربائي وذي غرفتي وأشيائي المنثوره والدفتر اللي به ضعيف إملائي وهذا الزمان اللي مضى بشهوره يهدم وكنه بالنشاط مرائي وهذي تضاريس الزمان ودوره تنحت وكنها في صميم أحشائي اشتقت ياريف العمر وزهوره يا راحتي يا مختزل ضوضائي اشتقت لأعذاره وزود قصوره وتمريري التقصير بإستغبائي وسوست من طول الفراق وجوره مابين قاسي صحوتي وإغمائي رتلت في القران سوره سوره أبغي بذكر الله يزول إغوائي يخزي العذول والألسن المأجوره لامن حكوا بك زاد فيك اطرائي في زعلتك في ضحكتك أموره حتى الزعل منك يزيد إغرائي أحب روغة عينك المشهوره وأفهائتك واسلوبك التلقائي من كل شي فيك نار ونوره ياضيقتي لاجات يا فيحائي ماكنك الا بقعة ممطوره صباحها غيم طغى بأرجائي زهر الرمال وعندب الجافوره شكل وطعم والعود سامرائي ثقل الشيوخ ونخبة المقصوره نجدي الطبايع والدلع تيمائي يا انعم من الديباج يا ديجوره يا خلي المذكور ياعنقائي يمين وصلك بالعطاء مقصوره أما الحكي كنك حفيدة طائي انتي الغرام البكر والباكوره وانتي الغلا من الألف حتى يائي مستقبلي وروايتي المأثوره حبيت لكن حبك إستثنائي الشوق عندي لك تفوح قدوره ريح اشتياقك بعثرت أشيائي يا حي زولك يالغلا الأسطوره مشتاق لمناجاك ياغنائي حبك زعيم في الحشاء له ثوره شعب إشتياقي لك نوى باقصائي اشتقت عند الباب اناجي نوره الازرق اللي صار لونه مائي | |
| |
|
12-10-2019, 07:25 PM
| #31 | |
| قصيدة انفض هموم القلب - محمد بن فطيس إضحك وفل حجاجك اشفيك محزون .........دنياك ماتسوى وخذها نصيحه.. مادام مالك ميت ولا انت مديون .........ارم الهموم وخل نفسك مريحه.. لو كانوا اصحابك يضاهون مليون .........نق الكفو منهم وخل السطيحه.. ولا تشتكي للناس لوكنت مطعون ........ .(والذم من بعض الخلايق مديحه).. ولا تنحني للهم وتعيش مغبون .........ترا المريح اهل العقول الصحيحه.. لاصرت صادق قالوا الناس مجنون .........مايمدحون الا النفوس القبيحه.. وخلك صمود بوجه الايام و موزون .........وما حرم الله إثم لا تستبيحه.. والكبر لو به فايده فاد فرعون .........ومن ذاع سره بشره بالفضيحه.. والله لو يعطون لك مال قارون .........ماشفت نفسك بالغنى مستريحه.. انفض هموم القلب وابليس ملعون .........وان ضاق صدرك ارض ربي فسيحه | |
| |
|
12-10-2019, 07:26 PM
| #32 | |
| قصيدة ياشين طبع فيك - محمد أبن فطيس يا شين طبع فيك .. يا زين الأطباع ....................... لولا الرجاء .. ما كان خليته .. يفوت سنع .. يشوه لا تذكرته .. أسناع ....................... مثل الحصاة .. اللي وسط عقد ياقوت تخفي هيامك .. وإنت ميت وملتاع ....................... ما تدري إنه في ملامحك .. منحوت ويبخل لسانك .. وإنت للسمع .. طماع ....................... والبخل .. في سلم المحبين .. ممقوت الحكي .. قوت السمع / وأسامعي جياع ....................... ومسامعي ماتت من الجوع .. للقوت وحكي الغزل في صدرك أشكال وأنواع ....................... لكن صمتك .. حول الصدر .. تابوت إلا طلبتك وصل .. صعبت الأوضاع ....................... مدري .. من اللي درسك جعله يموت تصد .. ما كنك من الصد .. مرتاع ....................... وإن قلت : يا القاطع .. تلفت مبهوت أقطع ب درب مواصلك في الشهر.. باع ....................... وإلا إنت تقطع للوصل ف السنة .. فوت طعني .. وطاوع واحد فيك .. ما طاع ........................ ناس صغار عقول / وأشوار / وبخوت وإلطف بحال اللي نحل حاله .. و راع .. ........................ قلب جروحه .. تنزف أفكار .. وبيوت قلبي .. إلا منه شرى قلب .. ما باع ........................ وإنت هالله هالله فيه .. والعمر موقوت اسمع أشعاري في الهوى وارخ الأسماع ......................... ياللي غلاك ب تربة القلب .. مكتوت لا .. للفراق .. و لا .. لتجديد الأوجاع ........................ ونعم .. نعم للوصل .. لو كان بالصوت | |
| |
|
12-10-2019, 07:26 PM
| #33 | |
| قصيدة يالله عفوك - محمد بن فطيس يالله عفوك يوم تصفية الحساب .. .. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه امالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين | |
| |
|
12-10-2019, 07:27 PM
| #34 | |
| قصيدة أنا مسروق .. ؟!!!- محمد بن فطيس شفتك وزاد بي الولع والشوق غنيتها من ساعة أقبلتي عيني ماقد شافت كذا مخلوق كنك على ذوقي تشكلتي قلتي لي أصبر بس أنا المطفوق عجلت في شوفك وعجلتي أثر معك لي مرسل ومسبوق عز الله انك قلتي وطلتي عين وشفاه وعاتق منتوق وجسم تغطينه ولاحتلتي الليل عن وجه القمر مفهوق والعود مالومك إلى ملتي غصن على ساقي وفيه عذوق وش الغريبه لو تمايلتي ؟!! لكن قبل تمشين أنا مسروق من صدري قبل شوي وش شلتي؟!! أتلى العهد به قابضه معلوق من ساعة أقبلتي وحولتي ماريته خالي وفيه فتوق رديه .. وأعدك تجملتي | |
| |
|
12-10-2019, 07:28 PM
| #35 | |
| قصيدة عن مافي خاطري - محمد بن فطيس يامرحبا ترحيبة البدو بالبرق اللي لهم عامين ما رحبوا به رحبه اوسطهم ومن فرحته غرق جفنه بدمع بلل أطراف ثوبه البرق شرق وهو له صويحب شرق وبرق وصدره بارق مادروبه ياللي سرقت النوم والعافية سرق يازاد قلب اللي هواك وحروبه تغيب ماهمك وأنا ألاحي الورق ولا تخاف من الجفا والعقوبه الوصل مرهم كبد وإلا الجفا حرق والصبر ينفض في غيابك جيوبه كسرت كل أبواب وصلك من الطرق وغيرك طرق قلبي ولاني بصوبه واللي يريد الوصل يامكثر الطرق لو وقفوا كل العرب في دروبه | |
| |
|
| الكلمات الدلالية (Tags) |
| محمد , الشاعر , بن , حيوان , فطيس) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر الامير ( خالد الفيصل) | باربي | (همســــات شعر وشعراء) منقول | 75 | 10-10-2019 08:44 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
