ديوان الشاعر ( ياسر التويجري)

قصيدة عبدالعزيز بن فهد - ياسر التويجري


علي بالشرط وعلي الجيره
وعليك من نور الولي تنويره



انك خلقت لحكمة مخفية
لها على ضعف البشر تشفيره



الله يبيض وجهك من كفوفك
اللي تلم المضطهد وتجيره



والله يبيض وجهك المتبسم
اللي ماعمره بين التكشيره



والله يبيض وجهك المتعهد
بالخير وسهوم السعد والخيره



والله يعزك لان عزك عزه
للمسلمين بكل صوب وديره



والله يلعن والدين اعدائك
اهل القلوب اللي ملتها الغيره



اللي مثل وضعك ولا هو مثلك
يجب علينا نبذه وتحقيره



يامنتهى الشاعر وكل مراده
الناس قبلك كلهم تصبيره



ياسيدي ياتاج راسي يالي
أخذتني شاعر واخذتك سيره



ياسيرة المجد العريق المفعم
اللي بدوه اجدادك بتكبيره



بدا من محمد الين معزي
الى الكويت وغزوه وتحريره



في كف ابوك اللي خذاها عنوة
يوم كلن بارك ببعيره



مرحوم باللي راح لكن خلى
في الممكلة نموذج لتفكيره



يامعزي الثاني وياميراثه
يا اول المجد الابي واخيره



صغرت ناس فالحياة تكبر
وكبرت ناس بالحياة صغيره



واخلفت هقوات الردي والجمته
في حشمته واكرامه وتقديره



وعطيت من يبغي الكثير ألاكثر
وخليت بعيونه عطاك شعيره




ياعلم بشر بالفقر والمحتاجه
وجه البشر بكم والتسعيره



يارب الاشياء الصغيره
لانك بمر الأله تحل كل



الله خلق بك شي مادري وش
وكسبك مدح وغيرك التعييره



لو منت فعلا معجزه ومغاير
ماصرت الاول والشيوخ كثيره



ولو منت حر نادر ومجرب
ما مات صيدك بس منت ذييره



ولو منت في قلوب البشر متربع
ماصرت اسير المجتمع واميره



تحلم وتصبر وان بغيت تيسرتيسر
اللي عاجزن تيسيره



ناصل مداك اللي نضنه
لكن اليا وصلنا نبلش بتفسيره



توزع اطيافك علينا كنك
مع كل واحد صاحبه ومشيره



ولا انت واحد من ايت واحد
واحد ولا لم المراجل غيره



يامتعب في مشيك العداية
سلاحك التحجيم والتئطيره



يامنبر الرفعه وياسلمها
انهض بروح الشاعر وتقصيره



انت اطهر من الما والذ من الما
شوفتك عيد وغيبتك تحسيره



فيك اربع اشياء غريبه واربع
الأولة تفرق عن الأخيره



فيك الكرم والصفح والماويه
وعلى امة الاسلام فيك الغيره



فيك الصلافة والقسى والهيبه
ولا العضم تكسره تجبيره



تركب على متن العطا وتكده
وتاطى على خشمه وتعن صيره



اشبهك بالطيب مير اهون
واحتار في التركيب والتصويره



الطيب لو يزعل يولع نفسها
ما انت لو تزعل تولع ديره



مصيبه ومطمه وحكومه
اليا بطشت بكفك الشريره



كم واحد ميت يعيش بظفك
وكم حي في ظفك يموت في حيره



متناقض متطابق متفرد
مافيك لا كذبه ولا تزويره



غنت مزامير العرب في حبك
والحي غنت فيك مزاميره



ماتستر الى الضعف والمستضعفو
ماتفضح الى البخل واباطيره




وماتنزل الى فوق راس العالي
وماتطلع الى سجدة بظهيره



وماتعشق الى الموت والله اكبر
وماتكره الى الذل والتدبيره



جرد مقاضيبك وصلف راسك
ضحكتك كسب وسفهتك تعويره



سبحان من خلى بعقلك شفره
مشغله تعمل على تطويره



وبدل ماتذكر امس تذكر باكره
ومع كل هذا تعطي التبشيره



والشاعر اللي يمدحك من قلبه
مدحك يومنه لقى تقديره



مدحت قبلك من شيوخ الطفره
ولا كسب ريال وليره



اما انت تذرفها ريال وحشمه
وتصبها كنك تصب قطيره



كبرت هقاوي شاعرك من قدرك
ووكر على ضلع المفاخر طيره



لو ان جمهوره كثيرن قبلك
اليا مدحك تزود جماهيره

قصيدة عبدالعزيز بن فهد 2 - ياسر التويجري


يادمع وش بك على شرفة عيوني تويق
اما انحدر في ستر ولا استتر وبركه


انا ضحية طموح وطول صبر وطريق
مضيع في متايهه وكثر سككه

لو كنت احمل متوني فوق مالا اطيق
ماني بمن تركة اللي وحد المملكه

انا ضعيف وقلبي مستذير ورقيق
تصيدني بشكبه ولابدون شبكه

يتيم مالي من الدنيا صديق وشقيق
حطيت خشمي بخشم الوقت لين فركه

ياسيدي شد حبلك لايموت الغريق
وانا كان ماودك تشده لاتتركه

صدرك ولو ضاق لايعطي مسج بالشهيق
انا كان له ممسك بالحلق فأنت امسكه

انت ولد فهد مانت بمثل قوم تضيق
اللي توسع خواطرهم طق تنكه

وانا كان في قلبك الخفاق جرح عميق
اما دعاك خافقك وازعلك فانت ادعكه

وش حده يعاند القمه ويرقى طويق
وش حده يورد ضعونه على التهلكه

يامثقل الطيب باب المدح دونك غليق
كل الجمل فيك مقيوله ومستهلكه

مشكلتك انك لبحر الجود صرت المضيق
واخذت دره ولولوه وعفت سمكه

لو تمنع حكاك ماهد النحل بالرحيق
لو تطلق حكاك ماصار السكوت بركه

مؤمن ولك قلب متوكل ووجه طليق
ولاتأثرت بالاعلام والفبركه

ولعت في كبد من عادك حر وحريق
دقيت باشاك بالتسعه واكلت اككه

افعالك اقوال مثبوته وعهدك وثيق
وغيرك ماشفنا سوى هرجه وكثر كلكه

صادق نباك وكرمك وفزعتك للعويق
تعطي امل للذي فك الزمان علكه

قصيدة عبدالعزيز بن فهد 3 - ياسر التويجري


البارحه قمرا العنا والبهاذيل
اسود من قلوب اليهود حجرتها



توثقت علاقتي بالمناديل
اللي عيوني بالدموع غمرتها



جعل خطاك السو يامبرك الحيل
اللي عكاريش الشعاف وبرتها



طهور اعذب من قراح الشهاليل
يابو اليمين اللي قطفت ثمرتها



اعلمك وش حد (فكك) على الميل
حسب تصور فكرتي وحضرتها



من كثر مانت تعض بعض الأقاويل
اللي مهاديف الرجال هذرتها



حزنك حزن أمه من النيل للنيل
ومشارعك كل الصدور شعرتها



حتى معادنيك مع الخيل يا خيل
ضيقه ودبت في البشر وأعترتها



علمت قوم معاويه تسهر الليل
وصحبتها ولا قطعت شعرتها



أخذت طهر الماء وصبح التهاليل
ولا خذيت من الحروب غبرتها



ينساق لك مر الكدر بالفناجيل
وما قط يمينك بالوجيه نثرتها



أليا ذكرتك أذكر الخيل والهيل
ورجال نجد اللي ملوا مقبرتها



قبلك وحنا في الزمن حط وشيل
داب عبثنا في عذوق شجرتها



وعقبك عرفنا ان الفقر كذبة ابريل
كذبة سطت بوجيهنا وازدرتها



وقمنا نأصل في غلاك المواويل
وبعيوننا كل الأوادم قرتها



نحزن لحزنك ونتضايق وبالحيل
وحناجر عبراتنا حاشرتها




أصبر وبأذن الله حماد وتساهيل
ولا تكتئب من خمسها وعشرتها



باكر تطيب ويزهرن المقايبل
وتجني اطايب نبتها وزهرتها

قصيدة وسط القبو - ياسر التويجري


ساوميني يا الليالي بين عفوك والضياع
وأدري إني ضايع بك لو منحتيني عفو
بس ودي أستتر به عن مخاليب السباع
إضربت بي لين ملت أكبر أمثال السطو
إنتهيت وتو يبدأ قصف جوي مع شعاع
وين ما لديت وجهي في قذيفات عبو
ما يفيد وربك أكبر حكم وإحكام القناع
دام ما به صافرات تاصلك وسط القبو
ما فزع لي كود صبري في أمل لحظة سماع
مثل فزعة حبل مصلح يوم شده في دلو
والله أعلم وش يكون من السماع الإنتفاع
مثل طفل صاح يشكي تسمعه زوجة أبو
حالي أشبه في عيون مستظلات وساع
وسط جسم من شتاته ما تزين في كسو
كن شيء يجتمع بي من وراء حدب الظلاع
مفترض موقع وجوده لو سجدته في سهو
إجتماع أعضاء مجلس أمه لحل النزاع
وإنتثار دلال لمه في مفاهيم اللهو
وإنتشار أطفال الأقصى بالحجارة للدفاع
وبيت حاتم مع كرمها للجزاله والكفو
والضجيج وصوت أرفع من عواميد القلاع
والسكوت وصوت أستر من مساحات الهدو
وبيت أبيض يأتوي به فرض سلطه مع خداع
ما نويته في محله بس رمز للكبو
والغرور وشخص واقف يمتلك كنز إقتناع
يزعج بصوته تعالوا يا جماعه إسمعو
والله إني في زماني شاعر حتى النخاع
عند ناس وقفوا لي لين ملوا وتعبو
أدري إني لو أبكتب بيت ما به إندفاع
يتعبون ألفين شاعر ربع بيتي ما كتبو
وأدري إنه ما كواني بالغضى طول الفراع
وجمرها لو فيه خير كان ما عقب طفو
كاويتني لني أذكر جلستي قبل الوداع
وقتها راحت عنودي والشياطين ركبو
كنهم شالوا وصالي من على ذيك التلاع
وإدفنوه وقام يبكي كل واحد وإندبو
قصدهم بس الحسايف والتذكر وإرتجاع
ذاكرة وقت مضى لي بين شخصي و هو
يوم أنا وياه كنا كل ليله بإجتماع
وإن عذلنا شخص حاقد قلنا يالعاذل شكو
كنا نربط دولتين دون ذله وإنصياع
بحب أصفى من قراح ما تشبى من شبو
إركبتني كل بقعاء ألف صكه وإشتناع
وأشعلتني من ظلام وأظلمتني من نبو
كل هذا وسط صدري والخوافي ما تذاع
وشيء أكبر يحتويني والمصايب في نمو
والتمنى وسط عيني بس مثلي ما يطاع
وإلا أنا المفروض يبدأ قبل إسمي بالسمو
ساوميني يا الليالي وإبتريها من ذراع
وإن بغيتي لا تبقي في قضيتنا عضو

قصيدة الضياع - ياسر التويجري


حزين ياقلب تحتم ضياعه
تبي البكا لاكن بلاك البكا عيب


جروحك اكبر من حصون المناعه
واقل مافيها عن الاهل تغريب

سبحت بالدنيا مجرد طماعه
ولا كسبت الى صغار التجاريب

انسان لاكني بليا قناعه
عطيب لاكن ماتهيا مضاريب

اول احسب ان كل شلفه شجاعه
اثر تراحيب البصيص تراحيب

سلامة جروح الدنا والدناعه
والله يعز كفوفكم يالمعازيب

الله علي طورته الصناعه
جيب ليا منك نطحته ماهو جيب

منوة هل التهريب واهل البضاعه
جلابة التبغ الخضر للشواريب

منوة يتيم خان وقته وباعه
محمل بالشك والهم والريب

ماهوب بتابوع يحب التباعه
ولا تعلق بالبنات الرعابيب

ليا ضرب بالخايع اللي سباعه
ترقد بقروة الظلام الدواعيب

معه ثلاثه من عيال الجماعه
ومعهم على قطع الخرايم تجاريب

وخلا هل النمات وهل الأشاعه
سود الوجيه اللي تهش العراقيب

وخط ابلج الريشه يغطي كراعه
وله بالسواد الا عيون ومخاليب


عليك زور وقل ريش وقطاعه
(قد عذب الشارد من الجول تعذيب)

قصيدة ولدت ساطي ومتغطرس - ياسر التويجري


جمعت لكم كل ما كان لياسر في شاعر المليون ..
شاهدوا صور وابيات مع الاسر ياسر .

ولدت ساطي ومتغطرس وأحب الخصام
ولا أعترف في إدارة طبع والا مدير
أوجدت نفسي من اللاشي والانعدام
نبذت فالمجتمع لاني صريح وفقير
ماكان تفكيري الا كيف أخطف السنام
والحمد لله خطفت اليوم كل البعير
إن لم يكن مركزي بالصف الاول أمام
ماعاد تفرق معي لو كنت قبل الاخير
الله أكبر ولله البقاء والداوم
وهو الاله الاحدوهو السميع البصير
أخذت من مدرسة أحمد عليه السلام
مالاخذيته من مخاوى وزير وامير
وأخذت من تجربة عبدالعزيز الامام
وش يصنع العلم لاخاواه سيف شطير
واخذت من فلسفة هتلرعدم اللالتزام
وكسبت نفسي وريحت القلق والضمير
وابشرك حالتي دايم على مايرام
من ركعتين الفجر الين بعد الاخير
صحيح عندي تحفظ على بعض الانام
مثل معمر وابو مازن وتوني بلير
لكن انا ماحب اقلل الاحترام
واذهب ضحية طموح الغرب وانا صغير
قومية المسلمين اللي عليها الكلام
راحت معا خالد وعمرو وعلي والزبير
الله ولا ذل والتخوين والانهزام
ياعابدين العروش الوضع جدا خطير
يابو خلف كيف حالك عل حالك تمام
انسى القصيدة وهات علوم اخوي الكبير
شيخ عرفته وتقريبا لي اربع اعوام
يومني اجيه لا جاير ولا مستجير
يشوقني له نشوق الوسم عقب الحيام
في صفرة جوها ماهو بفية هدير
الشيخ ابو خالد محمد عداه الملام
اللي يصير من الاصرارمالايصير
حد الثماله اعزه لاعلي الحرام
اني احبه وحب لودرابه يطير
يطير مثل الوحش لاضف ريشه وحام
وحول على الذايره بالجو مثل المغير
ان الملوك اذا اعطوك حب وغرام
خلوك من سائر الخدام يعني خفير
الا انت ياراعي التقدير والاهتمام
ياللي رحمت الصغير وشلت هم الكسير
اذا البلاط الامير والكنب والرخام
له شاعر يدهله في صبح والا عصير
فانادهلت الثرياوالقمر والغمام
وحولت اداهم طرف مشلحك مالي خشير
كفرت بالناقصه والغدر والانتقام
وامنت بانك حزامي بالنهار العسير
من لايقدر ثباتك مع عكاك الزحام
ماهوبوالله مقدر ويش معاني جرير
يارا س عيطا يمسك البدء قبل الختام
يالنادر اللي على صيد المكارم شهير
يالمهدي المنتظر بالحاجتين الجسام
المدة المسكته والاخذ بيد الضرير
ياسيدي ودي افهق لك ضلوع العظام
واعطيك شي بصدري وانت رجل خبير
اناتراني اعاني نوب من انفصام
يوثرعلى البرمجة في راسي المستدير
واصير احس اني البارود والا الحسام
في ساحة الشعر من تبوك لاقصى عسير
ممايسبب لبعض اعدائي الاحتدام
اللي يحسبون قرض الشعر مثل الشعير
والشعر وان كانه المقصودباول مقام
فالله يرحم ابو الطيب ويرحم زهير
روح التنافس وحب الشيخ والانضمام
ماهي بتعني لدى الكثرة نهاية مصير
والشاعر اللي معه عزوة خوال وعمام
تفداه وايل وترقب مستعدة مطير
والله فلا ينقهروالا يضيق ويضام
لاجاء اللززوالملاقى والقبس والنذير
وجمع الدراهم ماهي باكبر طموح الغلام
اللي جمع من قلوب الناس شي كثير
من حبني رغم تفويتي له الانخدام
واللي كرهني فهذا شخص ملعون صير
دام المعارك صغيره ماعلينا لزام
ينوب عن سيفي البتار اصغرجفير
قرات فيماقراته من بلوغ المرام
اللي ترك شي لله عاضه الله بخير

قصيدة الفخ - ياسر التويجري


مابيك يابنت الحلال اتركيني
دربك وعر ورمال مكحول في فخ


أنا فقير ورأس مالي حنيني
وأنتي متونك باللذيذات تنزخ


تبين لندن ماتحبين كيني
وسواق خاص ولبس فاخر من الجخ


وإليا أهتويتي قلتي يالله تجيني
أسرع ترى شوقي على النار يطبخ


ياهيه أصحي وأعقلي وأعرفيني
أموت عز ولاتذلل وألبخ


يلعن أبوك وجد جدك مهيني
وأنا عزيز وكل ربعي مطنخ


من لابة يسوون عندي سنيني
لضيوفهم حيل جزالي تنوخ


والحب ماهو لك لوتزعليني
وحزوم نجد لرأس مثلك تكمخ


الحب يبقى في حشايا دفيني
اللي على وكره إلاجيت يكفخ


أبو عيون كنها جمرتيني
وأركو عليها كل الاوقات بالنفخ


أشتاقله لوهو موكر يميني
واصبر عليه شهور مرسوم بالمخ


ومع السلامه لاتقولين ويني
روحي عساك بوسط نار تبوخ


عساه لامنه حيى الشوق فيني
وسألت قالوا ماتت العام يا أخ