 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
11-10-2019, 02:53 AM
| #15 | |
 
 |  قصيدة العرش - ياسر التويجري ضحكت وشققت عيني ملامح رزة المغرور خنقت الهرج بلساني وقلت الله يحييني عرفت إني على بعضي سلاح في يد المقهور وكنه ياخذ حقوقه شراهه باجزل إيديني أنا ماهمني إني بسيط راضي مستور أنا لو مايجي مني سوى مقتلك يكفيني لإني أدري إن اللي شهد ضدي شهادة زور يجي له يوم واطري له على التفكير ويجيني حمدت الله يوم إنه جعلني كتلة من نور حمدت الله يوم إنه رحمني من شياطيني مادام الوقت مايدعم طموح ومايمد جسور أنا احسن لي أتريح تحت أسم المساكيني لإنه بيني وبينك قهر أتشبه بتيمور وأنا أصلا من عروقي ملوك تقضي الديني وإذا ودك يسمونك بشعرك شاعر مشهور أنا ودي يسموني عزيز عزتي ديني أنا ماعزني شعر كتبته في عيون الحور ولو إني قدرت اقتل قتلته في شراييني وأنا ماعزني خالد ولا مسلط ولا منصور ولا ناس تصفق لي وتكتب عاشت سنيني أفكر واخر افكاري أفكر في رضى الجمهور ومع ذالك كثير اللي مدحني وافتخر فيني لإنه لو وصل صيتي بشعري لو وراى لاهور أظل بواقعي ياسر ووضعي ماملى عيني تصدق لو قدرت أجهض قريحت شعري المسعور واسوي مسح لأبيات ترددها محبيني أبادر مانتظر لحظه ووادع عالم محظور واقول الله ياربي طلبتك نسني ويني وإذا هي هرج وعلوم على مد الخيال ادور أنا ودي قبل لاطلع أطلع عزتي فيني واصير العاهل المنقذ لأمه ظامها هالجور وامد الناس من مدة عظيم مايخليني وامد سبال كفيني على عرش عريض سطور واحط الشعب في عيني واحطك تحت رجليني واجيبك عندي بقصري وانا الامر على المأمور واقول امدحني بشعرك وحلق في بساتيني وإلى من قلت مايرضي زعيمك قلت لك ياثور صدق شعرك مادام إنه تغنى في عناويني كذا حققت لك ذروة طموحك باسرع المقدور وانا مابي من الدنيا سوى عرش السلاطيني | |
 |
|
11-10-2019, 02:54 AM
| #16 | |
| القصيده التي طرد بسببها ياسر التويجري من مصر في أمسيته الأخيرة التي أقامها الطلبة السعوديين في القاهرة هاجم الشاعر السعودي ياسر التويجري العرب وحسني مبارك ومصر وبوش وكونزليزا رايس وقناة الجزيرة واتهمهم بفقدان هوية الامة العربية والاسلامية وقضية فلسطين والعراق في قصيدة نارية غامضة بمعانيها وبعدها طرد من الفندق الذي كان قد حجز له من قبل الملحقيه الثقافيه ومن ثم طرد من مصر .................... البارحه في يوم عشره يناير ثارت على الراس المحمك ثواير حاولت اغير فالزمان المغاير ولا حصل لي شي غير الذي صار الله يعزك ياقضية فلسطين من اربعينك الين سبعه وستين ومن اولك والين بكره وبعدين لولاك كان تضيع نشرات الاخبار حنا عرب نعم عرب يا أوربا ماعندنا الا جبن والا مربى الشخص مننا لاتبين تغبا وهذي سياسه للهدو قبل الاعصار سيوفنا وقت الملاقا شطيره يعني على ماقيل مثل الشطيره وهذا دليلن مع نقاء السريره والله يجيب الخير ويطيح الامطار سلام يابوش الابن يالمبدى ياللي على كل المبادي تعدا طيب لو نعم ربعي تردى وقدامنا جله وقدامنا نار ياكندليزه رايس اهلان وسهليني ام الجمال اللي يهز السلاطين غنجك ذبح له فوق خمسة ملايين هذي ضحايا والضحايا بك كثار فخامت الرئيس حسني مبارك يحفظ جزء عمى وينسى تبارك وأكبر دليل انه يقود المعارك مو اقفه لاجات حزات الاخطار القاهرة بلد حظاري وبطران فيها البنات انواع واشكال والوان من هارديز الين ميدان لبنان وأحسن بنات اللي يجن طرق وصغار ورموشهن شبرين وعيونهن سود وأنعم من الديباج وأرهف من العود لباس من حلوى وحجان وخدود كسلات في الممشى وفي الغنج شطار أنا هنا يمكن قبل أربع اعوام رحت اتمشى عند هامات الاهرام وركبت مع تكسي وقدام قدام حتى تعدينا بقاله ودوار وجينا وأثر فيها خيولن عريبات أجدادها قد شاركت في الغزوات اجارها يمكن باربع جنيهات وزود صفر ولاتدقق بالاسعار أخذت لي خيلن وكرباج وأقفيت يعني على قولت عنيت وتمشيت وياليتني مع المقادير ماجيت ولا رأيت اللي يهستر بالانظار فيها البنات يسابقن الرياجيل اللي عليهم ضيقات البناطيل فوق الخيول يجاذبن المواويل مهار لكن فوق قبات الامهار غازلت لي وحده ولاعبرتني حلوه وفيها من ملامح برتني وأقفيت اشيل الهم من فوق متني عقب ماقالت لي حيوان وحمار وأنا مانيب انسان واطي وسافل أنا من اللي يحكمون القوافل أحيان مكفولن وأحيان كافل واكره ماشوف الظلم والذل والعار أبترك الموضوع وأدخل بموضوع دام ان صوتي عند الاجواد مسموع نبينا محمد ولاهوب ياسوع المصطفى الهادي شفيعن للابرار لو انتحر صدام من قبل ينهان وخلا المشاكل كلها فوق برزان مكان مصخر به قدم كل الاعيان عزيز قومن ذل بيدين الاقدار سبيس تون ان كان في الناس حيره أفضل بواجد من قناة الجزيره تضحك الورعان وقت الظهيره وهذي تبكينا اليا جات الاخبار ختامها مدري وش اقول لكن ماحب انا أسمع اغنية الاماكن من ثقل همن بين الاضلاع ساكن الله يحرول ساق رجلي عن البار | |
| |
|
11-10-2019, 02:54 AM
| #17 | |
| قصيدة للشاعر ياسر التويجري في ابن الامير السامر السلام عليكم ياسر التويجري والامير عبدالعزيز بن سعود ال سعود <السامر> تربطهم علاقة قوية بين بعضهم البعض وصداقة حميمة وهذه القصيدة وجهها شاعرنا الي ابنه الامير راشد بن عبدالعزيز ال سعود وقد سماه ابوه ب راشد نسبة الى خواله ال مكتوم العيد حق الله وعيد الوراعين = والا انت عيدك عيد نجد العذيه قبل امس وامس وقبل عام وعامين = في كل يوم عيد وانت الهديه ياسيدي راشد ابمدحك ومنين = وانت العريب اللي عروقه قويه يكفيك عن كل التشابيه ثنتين = دم الخوال وهيبة وايليه جاني خبر ان العذارا المزايين = تكرفعن قدمك بنيه بنيه جاني خبر ان الفروخ الشياهين = النادرات القطع الساحليه اللي على كفك ماهيب للحين = على كفوف اللي لهم مقدريه وش لك عذر وابوك لو يصدف الدين = يوجه عليه من العطا مدفعيه عبدالعزيز ابوك ماهو عن الفين = مافيه اصلا بالمخاليق زيه ياسيدي راشد ابوصيك بأمرين = لو انت مانت بحاجة للوصيه احفظ ابوك اللي على العسر واللين = سمح لقاه ومدته حاتميه اللي عطاك العز من عزة الدين = وأضفى عليك الشهرة العالميه وحافظ على مجد بنوه العزيزين = عمره مهوب سنين له فوق ميه وابطلبك طلبة عزيز مسيكين = ماله جدى ياكود جاهك و فيه ذكر ابوك ان الرجال الاصيلين = مايملكون الا بطيب السجيه وهو ملكني والله الوالي يعين = في صحبته في حشمته في العطيه قله وسمني مثل وسم البعارين = وياحلو ميسامه وياطعم كيه | |
| |
|
11-10-2019, 02:55 AM
| #18 | |
| قصيدة نادي النصر احسن من ريال مدريد - ياسر التويجري قصيدة الشاعر الكبير ياسر التويجري نادي النصر احسن من ريال مدريد ***غصب على مدريد مع برشلونه عن حب الاصفر حالف دوم ماأحيد ***وماحب غيره لو هم يقفلونه يانصرنا رجع لنا فرحه العيد *** راحت ثمان سنينن مانعرف لونه يانصرنا متى تهل الزغاريد ***متى علينا الفوز تقبل ضعونه متى على الله ترفع الكأس بالإيد ***وتفرح جماهير سنين مغبونه وخل الجزيرة تفتخر فيك وتشيد ***غصب على العبدي ومن يتبعونه ونشوف ابو شامة يجر التناهيد ***وعجلان حائل طايرات عيونه نبغى مثل شغل المهلهل وابو زيد ***خل الزناتي يذبحنه طعونه تكفى ترى تكفى تهز الاجاويد ***تاصل لمجد ماقدروا ياصلونه نبغى زمن ماجد ويوسف وابوسعيد***ومحيسن الجمعان ماحلى فنونه | |
| |
|
11-10-2019, 02:56 AM
| #19 | |
| قصيدة طقة الكعب - ياسر التويجري هالقصيدة للشاعر المتمميز ياسر التويجري طقة الكعب] ثقة الكعب لا مشت تذبحني ويالبى القصيرة إذا لبست كعب تتعبني تتدوخني ? تبهدلني قصرها حيل فاتن انشهد ياعرب قلت ابيها للصدر بس توصلني وإن لحقت الكتف مابه عتب هي قصيرة خطيرة هي تفتني وإأللي خلقها كلها ياناس تجذب و يامادح الطول ليه بس متعني ماورى مديحك ترى إلا كذب لا صارت طويلة حيل تضايقني كانها واحد من ربعي كانها شنب ب اختصار ي طويلة قصيرتي تجنني الطول عمره ماناسب الأنثى صعب اه من قصيرت.ن. لأمن تناظرني اجيها كلي واحملها واجهل السبب تقول حبيبي مابي أتعبك نزلني واعاندها وأقول يلا عن الكذب تعصب واضمها وتقول لا تكلمني وربك ضمة القصيرة تشفي القلب | |
| |
|
11-10-2019, 02:56 AM
| #20 | |
| قصيدة ليله عرس - ياسر التويجري أستريحي كنك المفروض في ليلة عريس وأستغلي مدة الديان في وقت الفلس لاتعيدين الخطايا لاتحمين الوطيس وأنت أدرى في طلوعك قبل دقات الجرس مابيك بدور ليلى لو عشقتك عشق قيس بس خليني أشوفك لين ماخذ نفس أفرجي عني بعطفك لا تخليني حبيس وأحبسيني وسط قلبك وأسطري عندي حرس مابذلت أغلى اجتهادي .. كل جهدي بالنفيس وماغرست الشوق فيني أنت اول من غرس ماعشقتك من غرور وعارف درب الحويس الرجل لا رز خشمه غمض العين وعطس ماعشقتك عشق فارس يهتوي مهرة عويس عاشقك خيل اصيل يموت في ذيك الفرس خلي العذال تدرع من قهرها بالحميس وأتركيهم خلف ظهرك وأستهلي بالدبس وإن حسبتي لي حساب وعدت للمنصب رئيس بأخبرك بأني عشقتك بس من زود الونس قاهرتني في جراءة عين وطلوع الخميس لين سويت التحدي بين عشقك .. والطفس وأحمد الله من كسبتك ماكسبت إلا لميس بنت لاسلطن دلعها خلت الشاعر خرس لويعرف إبليس بأنه لاطرى نلعن إبليس كان لاشفته بدربي دق لطمه وإنتكس وأنت أدرى في علومي والغلا لك يا.. لميس وفوق هذا لا لمحتك دق قلبك وإنكبس علمونا نخاف فطره من نياشين البوليس بس وشلون نتعلم ناكل التمر بعبس | |
| |
|
11-10-2019, 02:57 AM
| #21 | |
| قصيدة تقول بابا عمرها فوق عشرين - ياسر التويجري تقول بابا عمرها فوق عشرين وأنا يبه من يوم ربي خلقني تخجل عذوق الذوق في منبت التين وتسكن بروح اللي حلاها سرقني تركب بساط مغيرين القوانين لوني بعيد رضاه للبعد يدني تمشي وتضحك في عيون المساكين إلا أنا يوم إن حظي رفعني ما كنها إلا شيك صدق من الصين أو كن أبوها بيك والبيك يغني والنتيجة طحت بهواها دون كل المزايين وطاحت على عيني ملازيم جفني وفي النهاية شفت الغرابه في رموز العناوين وشفت الوداع اللي كسرني واسرني يوم غرست في هامة الأرض سكين والطائرة قالت تعالي بمتني | |
| |
|
| الكلمات الدلالية (Tags) |
| التويجري) , الشاعر , ياسر , حيوان |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر الامير ( خالد الفيصل) | باربي | (همســــات شعر وشعراء) منقول | 75 | 10-10-2019 08:44 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
