ديوان الشاعر ( ياسر التويجري)

قصيدة مقابر الشهرة - ياسر التويجري


مقابر الشهره ثلاثة مقابر.. بعض الغرور ومده الناس رقمك
والثالثة أن أعتليت المنابر .. معي ترى يمكن أقفي بنجمك
لذلك أحسبها وجاهد وثابر .. ولاتقتنع لاقسموها بقسمك
وأن ماوسمت اسمك على كل صابر .. لاتزعل أن حطوا على الورك أسمك
واليا نشفت دونك كبود المحابر .. أنحت على ضلع النهايات اسمك
لاتشتكى ويقال مسكين صابر.. أكتم قهرك وشرط كل يحشمك
ماهوب صحيح أن الرجولة مخابر.. ان مانفع مخبرك ينفعك جسمك
إدحم مادام الوقت مظلم وغابر.. لاينقتل عزم الطموحات قدمك
ولاصرت دايم فالمجالس تكابر.. بينك وبينك لازم تعرف حجمك
وأذا أنت تدري أنك أنسان عابر.. اقلها أرفع عند الإجناب خشمك

ردية ياسر التويجري مع السامر


بسم الله الرحمن الرحيم

النجم ياسرمحمد التويجري يبدا هذه الرديه بثلاثة ابيات جميله يوجهها على شاعر ال سعود الامير عبد العزيز بن سعود السامر ...
ويختزل الوفاء في مشاعر لاتعرف انصاف الحلول ويقول:

ياسر التويجري

عطيتني ياللي زهتك التواصيف
واجزلت يازيف السنين العجافه
ماتت بعد مدتك كل المعاريف
تقصرمع العيطارقبه الزرافة
تسلم ياشوق مظمرات السراجيف
طرق البنات اللي تضم بلطافه


السامر

ثلاثة ابيات حكرها على الكيف
الشاعر اللي يطرب النفس قافه
صقار طير نشوته شوفة الريف
فيه الحباري قدم والاخلافه
وقصايده تشفي كبود المواليف
واللي من الفرقا همومه لحافه


واخيرا" يفجر التويجري قنابل الابداع والاثاره ويقول:

ماهن ثلاثه يازبون التكاليف
فيك انت اغرق طابعات الصحافه
يامسندي مالك عليه محاليف
احيان احس اني على الشعر افه
لومنت اجاذب بالقصايد الغطاريف
والعب على الطاروق والعن سقافه
ولي مكان ماذرتة العواصيف
والشعر اناباءه00ونونه00وكافه
معك انت نوخ والبقا بالسواليف
سوالف عندي بليا كلافه
ياللي تحسبون العطاءوالمصاريف
ومتعبين موظفين الصرافه
ومن بنك تجاري الى بنك تسليف
تجارلكن من حساب الضعافه
تعيش ياللي ماتعرف التحاسيف
ياللي تمدو لاتعرف الحسافه
صيتك من البشمرق لحدود مالديف
ومن اليمن الى حدود الرصافه
اشهرمن اللي فوق روس المشاريف
شاعر وننهل من بحرك ونخافه
واقطع من اللي زرقواله على السيف
حر غواطيه العريضة رهافه
مناكبه من تحت راسه مواقيف
وعليه زور وقصرساق وهدافه
ماقلبوه اهل الدسوس الملاقيف
اللي يحسبون الصقاره لقافه
جاءعند ابوك مقطبينه ولاشيف
ماغير ابوك اللي من الروس شافه
تطري علي اليا ستل بالمراديف
وارهى على جول الحباري00وطافه
وقام يتقلب مع بطون القراقيف
يوم الرعيف اروى ضماه وجفافه
تطري نعم يامعدل الكيف للضيف
ياعيد ميلاد القصيد وزفافه
خلقك ربي في وجيه الصواديف
وعلاج لامراض الفقر والكسافه
فالمختصروادق دقه وتصنيف
عندي غلاك يزود زافه000وزافه
خليتني يعني على اقل تعريف
شاعر وسجل في غلاك احترافه

قصيدة اصيح انا مطران مطران مطران - ياسر التويجري


يابوسعد سلت سيوف المغاوير

ارحم ولا ضيق وذل وحقران

دام الزمن في خير مسيت بالخير

من شاعر عند الشيوخ النهيان

الى ذكرت اني معي عرق بمطير

ماعاد احسبها تجي غصب يافلان

والى نبض عرقي غبينه وتشهير

اصيح انا مطران مطران مطران

بالشعر انا ياخال فوق الشواعير

مافيه فوقي شخص ياكود حسان

شاعر رسول الله صفوة هل الخير

اللي قصيده تنتعش فيه الاذان

قصيدة القيادة - ياسر التويجري


افتح القران يالله أو حديث السنة ... وأعطني أقوى دليل يفند العلماني
كأنه مكفر عطني مقضب المنسنة ... والله الواني لاجبعات بالنصراني
وان غدا عاصي رح بي للذي وش كنه... وش كنه عين نبع من صفاها تروي العطشاني
شيخ يا للي منته منه ولا إيه منه ... ضلع قلبي بيض وجهي جدي الروحاني
عزكم يا لعودة اللي تكسرون الشنة...وعزنا بالدين حنا شيخنا سلماني
الخوارج حوطونا مثل سور العنه ... عذرهم رأيين لازم واحد مع ثاني
وأخر الاراء شفته واحتقرته لأنة ... الدليل اللي يؤكد نزغه الشيطاني
ودهم أن العذارى يركبون الدنة ... ويتمشن بالشوارع كان بالا مكاني
علموا راعي المعارض كان يبغىالجنة ... لا يبيع الا رجال وعلم الحمراني
والله ان البنت والله لو تسوق بفنه ... أن تصير بمملكتنا ثورة الشباني
وان تشن الحرب شنه ماوراها شنه ... وأن يصير الزيت وهن يطلبن مجاني
لاتقيس الدار هذي مع ربوع فينة ... ولا تقارن هالشباب بواحد لبناني
أبك ذولا مجرمين وعالم منجنه ... عشقهم لحم الجمال وطبخه الضباني
الهلالي مثل شكلي لو يجيني الخنه ... في عطال القير وإلا قفلة البيباني
في طريق مظلم ما للموبايل رنه ... مقطعه مافيه حوله مرمره سكاني
وش يسوى يا جماعه؟؟؟الله اعلم انه ... يفتح المصحف ويقراء سورة الرحماني
علم الزلفه يوقف لانخيب ضنه ... فالقصيد اللي حدة خنجر عدناني
إيه شاعر والدلالة كسرة في سنة ... لا انعمي ينطح بوجه مثل نطحه العمياني
الله اكبر يا قرى مكة ويا أهل السنة ... عرضكم أصبح نقاش لو أحد علماني