الأسرار

الأسرار

يا رفيف الماء وفجر العيد واحزان المواني
يا اكثر اهل الارض طيبة قلب واسرار دفينه

المكان اللي هنا مليان ضحكات واغاني
والكلام اللي بغيت اقول يحتاج ل سكينه

شوفي الركن البعيد هناك كنه صدر حاني
هذا هو اللي يليق ب شاعر وبنت حزينه

انسي الشارع وعتمات الزوايا والمباني
هاتي يدينك نلف الغيم ونشكل مدينه

عندي الليلة كلام وصمت واخاف الثواني
تظلمه او تظلم اللي فيه كم ضاعت سنينه

بس لازم تسمعين اللي ابي ولا تراني
لو ب اعيده لك نسيت ورحت اقول اللي تبينه

شي واحد قبل ما ابدا ما ابي اي شي ثاني
يخطر في بالك وانا اكشف لك شعور تجهلينه

ان انا وبكل ما تحمله "احبك" من معاني
كنت،وراح ابقي احبك لين مدري وش هو لينه

بس والله ماقدرت انسى ولا همي نساني
لا ذكرت انسان فيه اسرار مابينك وبينه

كل ما تطري علي فكرة هواك الاولاني
اشعر اني انطعن مليون مره من يدينه

اشعر ان عيونك. الله ما خلقها الا عشاني
كيف كانت تبتسم له؟!. قولي انك تخدعينه

صورة انه كان يمسح دمعك تزلزل كياني
وكيف كان يلم شعرك ويتبعثر في يمينه

حتى اسمك يوم رحت ادلله حظي رماني..
بنفس الاسم اللي يقول بذمتك ماهي غبينه

وكني اللي كل ما اناديك بالاسم الفلاني
اطلب النسيان يترك منه شي تذكرينه

لا تظنيني اناني لا انا مانيب اناني
لو سلمت من الغرق ب اموت في ظهر السفينه

يا اني ما اكمل واعاني او اكمل ثم اعاني..
كل ما اسمع طاري اسمه او تجي عيني في عينه

اينا كان الضحيه . واينا اللي كان جاني
مدري . ولكن قراري لازم انك تقبلينه:

مثل ما اكره فكرة انه واحد ياخذ مكاني
ما اقدر اجلس في مكان انسان. كنتي تعشقينه

الموضوع الأصلي: الأسرار || الكاتب: ما جبرتكـ || المصدر: منتدى همسات الغلا

https://hamsatq.com/

كلمات البحث

العاب ، برامج ، منتدى همسات الغلا ، هاكات ، استايلات

المصدر: منتدى همسات الغلا

---

hgHsvhv

كلمات رائعه وأحاسيسس ذات رونق

سلمت أناملك الذهبية بما خطيت لنا من درر رائعه

بإنتظااار عناان قلمك وما سيجود به عبر رياض همسات الغلا

تقبل مني أرق وأعطر تحيه ورديه جوريه

دمت بألف خير وسعااادة

صح لسـآان شآعرهآ وإعتلى شـآاان نآقلهآ
أبيآات في قمة الجمآاال
رآااق لي مـآتم طرحهـ بين السطوور
دوم على القووهـ يـآاارب
وودي..:"

صح لسان الشاعر , وسلمت انامل الناقل
أحاسيس رائعه
وسلم ذوقك