من زانت نيته ..زانت دنيته / بقلمي

المشاركة الأصلية كتبت بواسطة حور

المشاركة الأصلية كتبت بواسطة نووونة

اولا اشكرك حلم عالطرح المميز من بوح قلمك
ثانيا
اعجبني التفاعل والردود اللي تدل على رقي تفكير الكل بدون استثناء
لكن راح اخص في الردود اللي اعجبتني رد الاخت خزامى
مميز جدا وما انكر انه افضل رد عجبني بالموضوع بعيد عن الانحياز وفي لب الموضوع

ثالث شي
ما راح اعيب في رد احد
كل شخص هنا كتب من وجهه نظره الخاصه اللي اكتسبها اما من تجارب غيره او تجربته الخاصه او لمجرد فلسفه ذاتيه

وانا راح اضيف رد يخصني انا وقناعاتي
انا مقتنعه تماما انو احنا كعرب وكمجتمع شرقي .. نتميز بمشاعرنا الرقيقه .. نتميز بالرحمه
لكن هذي المشاعر مثل ما نقول نستحي نظهرها بحكم العادات وبحكم المجتمع
فيتوجه البعض للتعارف مع الجنس الاخر ونتمنى او نتخيل انو هالعلاقه وهالمعرفه راح تتطور الي حب وزواج


لكن انا اقول ان احنا كعرب
نؤمن بالحب بعد الزواج ( الاغلبيه بنفس هالتفكير )
الحب يجي من نفسه


الحب قبل الزواج
ما اسميه حب
اسميه مجرد لعب بالمشاعر
تضييع وقت
تفريغ عواطف مكبوته
اي شي ممكن اسميه الا انه يكون حب
وقد يشذ عن هالكلام حالات بسيطه يمكن حتى ينعدون عالاصابع
فالشاب اللي يصدق مثل هالنوع من الحب يكون غبي مع احترامي الشديد
والبنت اللي تصدق تكون اغبى وخاصه لو تطور حبهم المزعوم لشي ما يرضاه الله

لو فيه حب بين الاثنين يعني مثلا لو كانوا قرايب
ويحبون بعض من يومهم صغار لكن حب شريف
مو مراسله وبالتلفون وقله حياء
وتتوج هالحب بالزواج
فكذا مليون حلو وتمام

لكن ان احنا نحاول نطبق اساليب الغرب .. تعارف .. كلام معسول .. حب ..
في مجتمعنا الشرقي المحافظ
اعتقد ان احنا نحلم كثيييييييير
لانه حتى لو حبك بجد بهذي الطريقه وحتى لو تزوجك
راح تتمين صغيره بعينه
لانك خنتي ثقه اهلك
فليش الغلط من البدايه ..؟؟

سوري عالاطاله وكلامي انا ما اقصد فيه احد
هو مثل ما قلت قناعه شخصيه ورأي يخصني لوحدي

يسلمو حلم