هل يحق لشاب تفتيش جوال اخته؟

المشاركة الأصلية كتبت بواسطة دلوعة الغلا

وعليكم السلام ورحمة الله وبركاته

مشكوره اختي ع الموضوع وبصدق يستحق الرد عليه
باعتقادي وبرايي ما يحق لشاب يفتش موبايل اخته خاصه اذا كان والدها عايش
في بعض الحالات لازم يتابعه اذا كانت اخته صغيره وفي مرحله غير متزنه
ولكن دون شك وزياده ومبالغه في الموضوع
دلوعة الغلا

المشاركة الأصلية كتبت بواسطة اسير الاماني

من الناحيه الادبيه لا يقبل هذا الموضوع لانه قلة ادب

والبنت خصوصا الاخت دائما تكون في محل الثقه ولو لم تكن نحن نملَكها هذه الصفه والعاده

ولكن حين تفقد الثقه مصيبه عظمى لا تاتي للمجتمع وليس للاسره فقط بالخير الوفير ونعمه الامن الداخلي للبيوت

تسلمين يالغلا على الطرح الراقي
والله يهدي الجميع ممن يفعلون هذه العاده الغير سويه
ودي واحترامي

المشاركة الأصلية كتبت بواسطة اريج الفيلكاوي

هل يحق لشاب تفتيش جوال أخته؟
لا..طبعا هذي خصوصيه مثل مااهو مايحباحد يفتش تلفونه حتى انا
ماذا تفعلين إن أكتشفتي أن اخاك يفعل هذا بصراحة ؟
اكسر ايدينه له
هل نقول على من يفعل هذا مريض ام عديم الثقه ؟ام ماذا؟
عديم ثقه+مريض لانه لو انه انسان طبيعي مايسوس جذي
للبنات: في المستقبل هل تقبلين هذا من زوجك؟
انا ماارضى اخوي يسوي جذي هالدور ريلي

يسلموو فديتج على الطرح وتقبلي مروري

المشاركة الأصلية كتبت بواسطة Ma3ad lii 5A6R

هل يحق لشاب تفتيش جوال أخته؟
لا طبعا ما يحق له حتى لو اختي ما يحق لها

ماذا تفعلين إن أكتشفتي أن اخاك يفعل هذا بصراحة ؟

مثل ما قالت ارووج اكسر ايديه واصاابعه معه هذي خصوصياتي اهو شكو فيها

هل نقول على من يفعل هذا مريض ام عديم الثقه ؟ام ماذا؟
اي عديم الثقه،ومريض بعد مريض نفسيا وشكاك وسوااس ومافي شاب يفتش تلفون اخته الا اذا كان اهو يسوي الغلط ويشوف بنات الناس فيعتقد ان اخته مثلهم يدل انه مريض وشكاك

للبنات: في المستقبل هل تقبلين هذا من زوجك؟

اممممممممم مادري بهذي بس لو انا مسكت تلفونه يكسر الفون على رااسي فهو بعد مايحق له يمسك تلفوني وامممممم وهم نفس الوقت يحق له هههههه مادري والله

ويسلمووو الرحيل على الطرح الرائع وتقبلي مروري