02-02-2016, 07:13 PM
| #995 | |
 
 |  متزوجه وزوجي مو رومانسي ابد😭 بعد مرور سنه زواج قلت (بنحيي ) ذكرى يوم زواجنا ... مع ان زوجي مايعرف الهدايا ولا الورد ولاشيئ صح طيب ومقدرني ومحترمني لكنه خالي من الرومانسيه .. . تخيلوا اول ذكرى زواجنا كانت قبل اسبوعين طبعا اعرف ان ماعنده سالفه ولا بيجيب شيئ بس قلت اسوي حفله كتغيير جو واستانس 😞 . المهم طلبت كيكه وشموع وقلت له اليوم ذكرى زواجنا 🙈 . وقلت له جيب مشاوي للعشا . قال طيب . . المهم مالكم بالطويله .. . طلع العصريه وجلست استشور شعري واسوي تسريحه شفتها بالانستقرام ...واحط ذاك المكياج اللماعي ....وادهر وألبس فستان زواجي ابو ذيل .... واحط كأسين عصير وشموع ملونه .وكيكتي ام قلوب ... واغير الاضاءة الصالة واحط اضاءة اللي مثل المهرجانات احمر واخضر وازرق وكل الالوان ..... . . الا والجرس يرن ... قلت بفاجأة وانا لابسة فستان العرس ... فقلت اكيد شايل الاغراض . وافتح الباب إلا ...... . امه واخواته وزوجة اخوه😳 . دخلتهم وانا مصدووووومه وفيني الصيحة 🙃 . وقلطتهم وانا اجر فستان زواجي ... وطلعت ورجعت مدري ايش اسوي ايش اقول .. فشله لابسة فستان عرسي والورده بيدي .... افتشلت مدري وين اخشي وردتي 🤐😩 . يوم دخلت قالت عمتي ام زوجي الف مبروك يابنيتي وكلهم صارو يباركون😦 . قالت دق ولدي علي وقال يمه اليوم حفلة زواجنا كلمي زوجة اخوي وتعالوا😧😧😧😧 . . انا خلاص من الصدمه مدري اصيح والااضحك والا ادق ع زوجي واتكامخ معه . والا ايش اسوي طبعا البزارين كل واحد شايل بلونه واللي يلعب بالشموع !! واللي يجر طرحتي من وراي 😫 ، شوي الا زوجي المصون جاء وخرجت له وانا مووولعه وابي اقطعه تقطيع من القهر فلقيته مبتسم وجايب بيده كيس قال جبت ذبيحه بالمناسبه الحلوه هذه😭 💃💃💃 . . المهم غيرت فستاني ولبست جلابيه المطبخ ومسحت مكياجي اللماعي ... وفكيت تسريحتي وربطت شعري حصان علشان ماتنفش كشتي .... وفسرت عن ذرعاني وطبخنا العشا واكلنا الكيكة وعليها اثر اصابع عيالهم .... . . ايه ونسيت اقولكم ... . . . جوا اثنين من اخوانه واربعة من اصدقاءه 😞 . وبعد ماراحوا جاء ابو الشباب والابتسامه شاقه وجهه يقول ان شاءالله اني بيضت وجهك😭 . . عاد لي يومين في المستشفى الضغط مانزل ....... - الله يرفع ضغطك ويعلي السكر عندك يا عديم الأحاسيس أعقب أعقب | |
    |
|
02-02-2016, 07:16 PM
| #996 | |
| - والله مشكله كبيره يزوجنا أهالينا غصب ..! وناس ما نعرفهم مجرد خاطب وابن حلال وبعدين تطلع المصايب !! لأهو رومنسي لأهو محترم لأهو عطوف يكفخ ويمشي ؟! ويقولون الزواج نعمه .؟! من اي ناحيه نعمه !! الا نقمه ورب البيت .. واحد ما يساوي قرشين حاكم على راسك ..!! يا امراه | |
| |
|
02-02-2016, 07:17 PM
| #997 | |
| - وش كنت بقول نستني عيونك .. هذا على طول هو حال مجنونك  | |
| |
|
02-02-2016, 07:20 PM
| #998 | |
| - هذا ياطويلات العمر لي صديقه معلمه ايام كنت بالقريه وكانت حلوه وشعرها طويل وكثيف ماشا الله تبارك الله.. وانخطبت حبيبه قلبي ووافقت وتمت الفرحه وتملكت وحددو الزواج .. قالت لازم اخذ اجازه قبل لو اسبوع عشان اتزبط للزواج💏 وفعلا تمت امورها ،، واطمر في غرفه المعلمات واقترح نسوي بارتي لها وندخل الطالبات يباركون لمعلمتهم ويودعونها وتمت الامور واتفقنا وفاجئناها وفرحت مررره وقامت تضم كل معلمه وجاء دور البنات وقامت تضم البنات الصغار وتبوسهم بكل حب 😚وخلصت الحفله وتفرقنا.. وبعد كم يوم دقت علي وما باقي من عرسها الايومين قلت وش عندك المفروض ماتدقين !! تزبطي وتدهني واهم شي رجلينك كلها مشق الله يهديك قالت الحقيني يافتوووووو شعري كله قمل😷 .. قلت وشووو قمللللل؟؟ قالت يحكني حيييل ولا توقعت ابد وانادي اختي قالت فيك قمل😨ومدري من وين جاني😢 قلت انتي يوم البارتي ضامه (سعده) الي بثالث ابتدائي قالت ايييه قلت مبروك 😂 هههههه البنت مليانه ،، وش السوات تقول والله اني امشط واصيح شلون اعرس كذا باقي يومين وشعري طويل وهو منهبل عليه ولا اقدر اقصه ولا خطبني الا عشانه قلت استخدمي شامبو وبخاخ اي شي قالت كل شي حطيته وما نفع بأستمر يالله انك تستر .. وبعد يومين رحت لزواجها بما انني من اهم المدعوات والقاها زي القمر بس شعرها مهوب نظيف ابد ودخلت عليها و عندها الكوافير وتصلح شعرها والكوافير سوريه واسمعها تقول لك العمي يخرب بيتك شعراتك شو هيدا😱 قلت اصص✋ فيها الي يكفيها ام القمل والصيبان 😆 قالت والله يافتو عجزت واخواتي معي عجزو الصيبان انتشر والقمل اشو راح وقامت تدعي علي وعلى بارتيي هههههه قلت كل مشكله ولها حل عشان نرفع شعرك ولايبين الصيبان نحطلك لماع قالت حسبي الله عليك قلت صيبان ولا لماع قالت لمااااع ورشينا اللماع وهو( بخاخ يجي يلمع حبيبات منول يحطونه عام الفين وحطبه ) ههههه وتم العرس ورقصنا وكل من دخل يسلم شده شعرها الماع هههه بس طالعه قمر ربي يحفظه اولا قدرت اودعها خفت منها بيني وبينكم 😃 لاتعديني هههه .. المهم راحت لشهر العسل وتقول انها تورطت لاتعرف تاكل ولاتنام وكل ما لقت زاويه دخلت تحكك فيها وتطلع وكل ما جاء زوجها يلمس شعرها زعقت واظنها اذا جت تنام لفت طرحه عشان مايطيح شي ع المفرش 😂 وبعد فتره الصيبان فقشت ورجع القمل 😷 والموضوع زاد وقررت ان تقوله ولا تشوف حل✋ وجت ببالها فكره شيطانيه وهي انه وهو نايم تمشط شعرها وتاخذ وحده وتحطها بشعره لانه لو درا انه فيها بتحوم كبده من هالعروس .. وفعلا انتظرت ينام ونفذت الخطه👍 وتأكدت انها دخلت الشعر تمام هههه وسمت ونامت وكلها يومين وهي جالسه معه قالت وراك تحكك قال مدري شكل الفندق مو نظيف😷 قالت شف شي يمشي فيك وتطلع له وحده قال وجع وشو ذا 😱 قالت يمه يااي من وين لك قال اكيد الفندق ابروح احوسهم 😡 وتفشل الرجال قالت لالا تخرب شهر عسلنا وانا ستر وغطاء ماراح اقول لاحد انك في شهر العسل وفيك قمل وودي اقولك رح حلق بس ما احب الرجال اصلع وكيف مع البدل بيصير شكلك يالله بس قم للصيدليه نجيب بخاخ وشامبو.. وطارو لصيدليه وقالت جب لك و لي انا بعد وقايه لايصير تعديني وجب مشاطه لك ولي بعد وقايه وجاب وكل يوم يحطون ويتقابلون يسولفون همن يمشطون قملهم وينامون.. صار شهر قمل مو عسل 😂 ان كيدهن عظيم 👊 | |
| |
|
02-02-2016, 07:23 PM
| #999 | |
| - ههههههههههههههههه يالله لا تبلانا ..! اعوذ بالله من القمل والعفن .. يارب نجينا منه بس حلوه حركاتها .. | |
| |
|
02-02-2016, 07:38 PM
| #1000 | |
| -  حسبي الله وكفى .. ما ودي اقول جعلك بسخونه لاني بتعب انا ولا ودي اقول عسى ما تدفى .. برضوا ما ارضها وربي اتمنى لك العافيه لكن بقول عسى الله يعطيك مثلها حلوه مزركشه تسعدك في الخبت وتروق معها ارقيله يا بعيد لو انا كذا كان كنت في خبر كان وانتهى ودفنوني اهلي .. وقالوا جابت لنا العار وغسلنا الهرجه ترحموا عليها  عسى الله يرزقك مثلها وتخلفو بنات وصبيان ههههههه | |
| |
|
02-02-2016, 09:43 PM
| #1001 | |
| - غائب وفي الغياب حُرقه احرقت الجسد .. نبضِ كـ وخز اللهي لا تختبرني في غيابه ! | |
| |
 |
| الكلمات الدلالية (Tags) |
| .. , الثلاثُونْ , وَلَا , قبلَ |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما تبلغ الثلاثين | شـوش آلشـريف | (همسات تطوير الذات ) | 11 | 23-07-2015 01:45 AM |
| فتاة تزرع قطعة من البلاتين على شكل قلب في عينها | سابين | (همســـات الصور ) | 51 | 17-06-2014 05:48 AM |
العرض العادي
