17-04-2015, 09:49 PM
| #92 | |
 
 |  ليل بدا والنفس بالحيل ضايقه والحال تتعب لاكسا الليل ظلام جتني هموم الليل كوم تبارا طاحت على قلب بقايها حطام تجمعت بالقلب من كل نية ابعدهم الي على القلب حشام مدري ابري النفس والا الومها لاصار طبع النفس طبع كرام هذا جزا من هج للناس قلبه عليك يانية هل الطيب سلام عذب | |
   |
|
18-04-2015, 09:53 PM
| #93 | |
|  لا تلحق الدنيا مشاريه وعتاب الي بها كله مجرد اماني نكتب امانينا من القلب بكتاب تبقى حروفه لوتموت المعاني ويبقى الأمل في النفس مفتوح له باب مادام للأنفاس باقي ثواني عذب | |
|
التعديل الأخير تم بواسطة عذب ; 13-05-2018 الساعة 01:05 PM |
|
27-04-2015, 01:54 PM
| #94 | |
| المرجلة والطيب والدين والجاه هذي تكمل بعضها كان تدرون ومن لا يحوش العز في كف يمناه ماتنقضي حاجات من ينبع الهون لاشك فعل الطيب كل تمناه وفعل المراجل منوة الي يتمنون واليا كساه الدين والجاه خاواه سعادة الدارين للي يريدون لكنها ضلع عسير بمرقاه ميهافة عسرة على الي بيرقون والمرتفع ماكل شخص تهقواه الي الذي درب المعالي يرومون الا الذي اصله على العز رباه جده وابوه الي على العز يمشون نفسه على فعل المراجل مضراه من سلم شيبان عليها يربون على الوفا والطيب دربه وممشاه ماهو من الي مشيته دون في دون كريم طبع وكل الاجواد تنصاه مدهال ضيفان على البيت يلفون رجل على وضح النقا دوم مبداه هرجه على العاقل رزين وموزون ماهو من الي لا حكى زخرف حكاه يعطيك من هرج المواثيق ويخون هذاك لو غنى لك الحب بشفاه لايخدعك لو اطرب القلب بلحون بس يتلون يشبه لطبع حرباه في كل مره يصبح لحالته لون طبع النذالة فيه من يوم منشاه لابد ماياطا على الكبد بالهون هذا العدو وطبع الانذال يحداه لاصار فيه الكره والحقد مدفون لاتامنه والله عليم بنواياه واحذر ترا ماهوب يالقرم مامون لاتصير مثل الي نقل داه برداه خلك فطين لدبرة الي يكيدون من لايخاف الله بفعله ويخشاه احذر ولا تامن من سيوفه طعون هذا كتابي للذكي كان يقراه نصيحة للي من الناس يقرون واختامها واعداد سحب نثرماه على النبي يالي قريتوا تصلون بقلمي عذب | |
|
التعديل الأخير تم بواسطة عذب ; 29-04-2015 الساعة 08:59 AM |
|
28-04-2015, 01:28 PM
| #95 | |
| يابيوت الطين لوك من تراب حتى لو انك سنينك ساكته لك مشاعر لو يسمونك خراب تحكي آثارك ولوك صامته دون دارك حايل بحر السراب والامام الي لبست عمامته لوتعلى طايتك صوت الغراب كم سجع فيها حمام رامته لك شواهد كم حكت برد وشراب يرفع التاريخ فيها هامته عذب | |
| |
|
02-05-2015, 04:28 PM
| #96 | |
| بين العطا تقوى الهجر عشت ويحول اقسى من الحرمان صارت سنيني ومر اغنيها بلحن الهجينيكنت احسب ان الحلم ياحلم معقول كاس الهنا تو اقضبنه يديني على النوى واسهر مع الليل ويطول عين السهر يامخاوي الليل عيني بيني وبين مخاوي الليل مدلول اكتب وتقرأ ماكتبته يديني ماجبتها من باب ناسخ ومنقول من هاجس في كل ليلة يجيني مرات اغنيها على طرق مجهول عذب | |
|
التعديل الأخير تم بواسطة عذب ; 04-05-2015 الساعة 10:04 AM |
|
06-05-2015, 11:49 AM
| #97 | |
|  جرب يذوب البوح في شفتينك ودك تبوح وصوت الاحساس مقهور كن السكوت المر يخنق حنينك ييبقى كلامك داخل الروح مأسور مايحكي الا دمعتين بعينك تعكس ملامح خاطرفيك مكسور تروي تفاصيل الشقى من سنينك لومات منها قلب الاحساس معذور وان طاولك ذالصمت فالله يعينك اصبر على الكتمان والقلب مأجور حتى ولو الصمت كبل يدينك يمكن يجي ثوار للبوح ويثور بوحي | |
|
التعديل الأخير تم بواسطة عذب ; 13-05-2018 الساعة 11:04 PM |
|
09-05-2015, 08:42 PM
| #98 | |
| تتيه في غربة طويل مداها لاصرت تمشيها بليا عناوين وتنشدك من شدة عناها خطاها وتقول ياالرحال رايح على وين ؟ عذب | |
| |
 |
| الكلمات الدلالية (Tags) |
| الدجال , عـذب |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الحياء | ميارا | ( همســـــات الإسلامي ) | 16 | 17-03-2014 10:18 PM |
| الحياء أعلى خصال الإيمان و درجات الإحسان | قطرات احزان | ( همســـــات الإسلامي ) | 9 | 12-02-2014 11:20 PM |
| الحياء لا يأتي إلا بخير | كريم بدارالكرام | ( همســـــات الإسلامي ) | 24 | 03-12-2013 12:38 PM |
| الحياء والخلق الرفيع لنبي الامه وسيد المرسلين | قطرات احزان | (سيرة الرسول صلى الله عليه وسلم وقصص الانبياء والصحابه ) | 16 | 11-09-2013 05:03 AM |
| قصص رواها النبي صلى الله عليه وسلم | ملامح حزن | (سيرة الرسول صلى الله عليه وسلم وقصص الانبياء والصحابه ) | 49 | 24-04-2013 08:23 PM |
العرض العادي
