28-05-2017, 09:47 PM
| #3725 | |
   
 |   : بوحدتي وأنا مختلي بنفسي لوحدي بعيد عن الإزعاجات والضجيـــج يـأخذني شــوقي لها بلا مقدمات يسرح بي خيالي بكل الاتجهات حتى يحدد وجهته فهي نبضي أنها شهقاتي تعيش داخل أنفاسي فمع كل شهقــة مني أحسها داخل روحي منها ..أقصد عشقها تلتهب الأحاسيس وتثــور التعابير وتتطاير الكلمات في وصوف مشاعري أو وصوفها فصرت ألجا لمن حولي في خلوتي في هدوئي بوحدتي فكلمت القمر عنها قصصت عليه بعض الحكايا ومع كلامي للقمر عنك أظن القمر حبها فغرت أنا من القمــر .. فصار القمر يشتاق لها كما اشتااق لها فصار تنافسا بيني وبينه عشانها فصار يطلب مني الحديث عنك يريد أن يستمتع بكلامي عنك فطلب مني مرات أن يقابلك أقصــد يبي يشوفك لكنني أتعذر منه بحجج واهيـــة حتى لا يزيد غيرتي | |
 نصفي غموض بإمتداده تضيعون والنصف الآخر صعب تستوعبونه   |
|
29-05-2017, 04:08 AM
| #3726 | |
| الأخلاق الأخلاق هي الطّبع والسجيّة التي تصدر من باطن الإنسان على هيئة سلوك أمام النّاس بتلقائيّة ودون تفكير، فتعكس نفسه وصفاتها وحالها، فإذا كانت الأفعال حسنة سُمّي صاحبها ذا خُلقٍ حسن، وإن كانت قبيحة سُميّ صاحبها ذا خلقٍ سيئ. وقد عرّف الإسلام الأخلاق بأنّها مجموعة مبادئ وقواعد أقرّها الوحي من خلال القرآن الكريم والسُنّة الشريفة، تهدف إلى ضبط وتنظيم سلوك الأفراد مع باقي أفراد المُجتمع بمختلف الظّروف والأماكن، حتى تُحقّق الهدف الذي خُلق من أجله الفرد بدون عراقيل، وقد حثّت جميع الأديان على حُسن الأخلاق واعتبرتها مِعياراً لتقدّم الشّعوب وحضاراتها،[١] قال الرّسول عليه السّلام في فضل الأخلاق: (إنَّ مِنْ أحَبِّكُمْ إليَّ، وَأقْرَبِكُمْ مِنِّي مَجْلِساً يَوْمَ القِيَامَةِ، أحَاسِنَكُم أخْلاَقاً، وَإنَّ أبْغَضَكُمْ إلَيَّ وَأبْعَدَكُمْ مِنِّي يَوْمَ القِيَامَةِ الثَّرْثَارُونَ وَالمُتَشَدِّقُونَ وَالمُتَفَيْهقُونَ | |
| نصفي غموض بإمتداده تضيعون والنصف الآخر صعب تستوعبونه |
|
30-05-2017, 04:04 AM
| #3727 | |
 
 | صباح الخير يابن العم مريت اسلم واتفقد احوال المدونة وقلت يمكن جدي السابع عشر يبي شي بس لقيت جدي السادس عشر وسلمت عليه اشوى لقيته هنا يووووووووووه من زمان ماشفته من ايام سنة العاصفة هذيك السنة تذكرها راح وهو عياله واحفاده السبعة مليون الله يستر عليهم ياحليل بناتهم كنا نلعب معهم وعاد جلست وسولفت معه وتقهويت انا وياه من قهوتكم والكيك والفطاير واستانس على بيت الشعر اللي انت حاطه في حوش المدونة وقال اشوف السابع عشر كل مانشدت عنه قالوا رايح لحفيده طير اثره يلقى هالجو الزين والاكل الغريب ماعرف الكيك وهاالمزيونة اللي سوالفها زينة يقصدني ترا مايقصد عفرا ام ضرس ذهب اشوى انه ماشافها ولا كان علوم ماعلينا عاد انا من زمان ماسولفت تعرف رمضان ولخبطة في النوم وصلاة وعبادة الله لايحرمنا الاجر وياكم سبحان الله اليوم في رمضان صار طويل العصر لوحده عن يوم كامل من نصلي العصر كل شي نسويه نصلي نقرا قران نطبخ نشوف الواتس اب والسنابات ننام نصحى والعصر ماخلص انصح اللي بيسافر يسافر العصر حتى لو للمريخ بيوصل قبل الفطور الحمدلله هالسنة ماطلعوا السامجين اللي يكتبون ريقك عسل علمني وشلون بتصوم رحت ادور نكت في النت ولقيت نكت الله والعالم انهم ناس من غير كوكبنا ماعرفت من النكت الا رمضان والباقي مدري وش هو وقعت اضحك عليها الضاهر اللي يسمونه الايحاء وبغيت اجيب وحدة تضحكون عليها بس خفت انها مهيب زينة وقلت خل الداب وشجرته ورجعت لسماجة ربعنا على الاقل ندري عن اي موضوع يتحدثون احنا كل شيء عندنا يتضخّم ويكبر ويصير سالفة وفيها اراء ووجهات نظر، ناس زعلانين على نكت ايڤانكا ترمب، وناس زعلانين عاللي زعلاني من ايفانكا وحنا يابنات بلدهم نكرف في هالرمضانية مااحد معبرنا لو بوردة يابسة وينه اللي كان يقول" استريحي يا لندن ونامي ياباريس جو الرياض حطم كل المقاييس " أطلع تمشى الحين يابوالمقاييس تدخن ؟ - تكذب ؟ - تسب ؟ - تشجع غير الهلال رمضان فرصتك للتخلص من العادات السيئة حالياً بالواتساب من كثر مسجات التهنئة لو ارسل : ( مالت عليكم ) يردون: ( علينا وعليكم ) بنت كاتبه: انا بسيطه لدرجه أذا الهوا طير شعري أحس أني مسافره طيب ولاهوب القايلة وش يحسسك فيه بنت كاتبه: عندي صديقات صراحة سبحان الله، يعني تحس الحمدلله والشكر، مدري كيف استغفرالله، يعني الواحد حسبي الله ونعم الوكيل، عجزت أوصفهم بس ترا مهر الوحدة من هالاشكال اللي مابتقمعش مئة الف وملحقاتها وش بتسون في العطله ؟ //// - بنتفق مع العائله نطلع مخيمات و استراحات. - ماشاء الله و تطلعون؟ - لا ، بس نتفق /// مايرفع ضغطي الا اذا دخلت محل وصاحب المحل يلاحقني وكل ما امسك شي يقول فيه منه ٤ ألوان! - نلعب اونو احنا انقلع خل اتفرج //////////// علاقاتك الحلوه عاملها نفس صورتك بالجواز لاتتكلم عنها ولاتوريها أحد ////////// رجال يمزح مع زوجته قالها : كم وزنك 😄 قالت : وش دخلك قال : أمانه بس قولي لي أول ثلاث ارقام المرحوم كان مزحه ثقيل //////// آخر ظهور اليوم يا سارق النوم أدخل وعدّلها إلـى متّصل لك جاري الكتابة ما بقى بعدها لوم يكفيك أقراها وأنا مبتسم لك وابتسموا عساها دايمة ابتسامتكم مها كانت هنا | |
 |
|
30-05-2017, 05:36 PM
| #3728 | |
|   : يا هلا والله يالغالية بالمها الطيبة الراضيــة يسعدك ربي بصباحاتك وكل أوقاتك يارب حي اللي يمر وحي السلام من اللي يسـلم أهم شي مرورك وهالكلام الزين بفنونك ايه السوالف الزينة منك يالمها وش حلاتها القهوة وراعيها فدوة لك ولجدنا السادس عشر حتى كنت العب مع بناتهن ..ما يقولن شي حتى رادين فيني ما يتغطون عني ...بس قشران ..دايم يجلدوني ...مدري ليش هههههههههههههههههههههههه لا ..تكوني معهن ..أحسك أنتي بس ترجمين من بعيد فلقتيني كم مرة ..في الجبهة ط هذي الجلسة تلوق فيك بالجد ....أنا أسمعه يسأل عنك كم مرة ...يقولون المزيونة أحسبه يقصد جدتنا بس طلعتي أنتي عفراء ...ما تجي عنده دايم يكمخها بالعصا أجل وش اللي طرح ضرسها ..عصا الجد شافها كم مرة ..وزاغت عينه بس ربطناه ههههههههههههههههههههههه أي بالله مشتاقين لسوالف وعلومك الزيـــنة وخصوصا لمن تكون رايقة بهالفجــرية تطلع سوالفك حلوة مثلي ...ويمكن مثلك بس ...يعني ما تسولفين مع أحد بالعصرية ولا تحشين في الواتس ولا ..تخربين اللقيمات عاد يتطلع لقيماتك شي ثاني ...خطيرة بالمرة المهم روحوا لنا منها ...خلونا نذوقها لو مرة بيخلص رمضان وما روحتوا ...لنا .... يا كثر السامجين يالمها ...يووه بس ..لزقات علل ..يستخفون ويستظرفون بس ما يلوق عليهم بسم الله عليك ...كل شي زين لايق عليك لا ايفانكا مواعدتني بتفطر عندنا ...ولازم تجين افا .. موطاك بالأرض يسوى ترام وأهل ترامب وبنته مدري عاد ههههههههههههههههههههه يمكن يصير تخفيضات ...ههههههههههههههه هههههههههههههههههههههههههههههه يا زين السوالف منك يا بنت العم ..حلاوتها منك يا بالله سارق النوم ...والله يالمها ماش النوم مزاعلني اليوم ..قاعد يلعب معي يجي شوي ثم يروح ثم يرجع يم يروح ...ما عرفت له تذكرين هذيك المرة ...اللي جلسنا نحش من اسبابها ما جاني النوم هههههههههههههههه ما بحش ثاني مرة ..خلاااص توبة ..برمضان بس عسى الله يحفظك ويستر عليك ...أهم شي برمضان الشياطين مربطة باقي شياطنين ما ربطوا ..باقين عسى الله يبعدهم عنك يارب ويجبنك شروروهم كلهم شــر في شر ...الله يكافينا يارب تقديري واحترامي واعذب تحياتي ... | |
| نصفي غموض بإمتداده تضيعون والنصف الآخر صعب تستوعبونه |
|
31-05-2017, 01:47 AM
| #3729 | |
| مساء الخير ياولد العم الله يسلمك ويسعدك يالغالي على الرد الخنفشاري ايه لازم امر واسلم صلة الرحم واجبة ومشكور على الترحيب الملكي والمعلومات القيمة انا كنت ودي اعرف ش اللي كاسر ضرس عفراء اثاريه كامخها جدي السادس عشر انا قايلة لك لاتطلعها عنده تراه عنصري مرة الله يجزاه خير ولا السابع عشر اجودي كل يوم عندكم مايقول شي وتصدق اول مرة ادري انه انت اللي فلقته هذيك السنة عاد انا هادية وجبانة وما اشارك في الحروب الدائرة في الطفولة ولكن هي رمية واحدة وجت من نصيبك تذكرت نكته واحد لبناني كاتب الحياة حلوة لو انها خالية من الحروب رد عليه حربي من ديرتنا مطفي النور وقال الحروب ابرك من وجهك واطيب منك ياراعي المراقص واما اللقيمات ترانا نرسل لكم بس شكلهم مايعطونك منها عشان كذا جبت لك هنا تفضل لقيمات المها عمل ايديه  ولاتنسى عط جدي اللي يسير عليك منها تدري ابيخ واسمج نكتة منتشرة من بدا رمضان تراني عازمك بكر على الغداء ... ياربيه //// فيه دلوعه اول مره تصلي يوم جت تسلم قالت يلا باي /////////// عمرها 13 وتكتب < ⇣ " لا تلعب معي ترا أدمرك 😴 " تدمرين مين ياماما كملي تطعيماتك اول ودمري اللي تبين وامسكي عباية امك بالسوق عشان ماتضيعين ///// قبل الإفطار 👇 ( تشعر بمعاناة الفقير ) بعد الإفطار 👇 ( تشعر بمعاناة الحامل ) 😂😂😂 الغني هذا حامل على طول ////// رمضان يجمعنا مضى يومه 🚶 الأول والثاني والثالث وها نحن نودع رابع ايامه ومااحد عزمني 😢 ///////// انا دائما انسى بس سبحان الله ولا مرة شربت ماء وانا صايمة بالغلط //////////// يلي بالمطبخ قبل الفجر وقبل المغرب تحوس، جعلها بعد رمضان عروس ☺️👋 بنات قولن آمييييييين شباب تبون الدعوة تصيبكم روحوا حوسوا في المطبخ بس لاتكسرون المواعين ///////////// عزيزتي البنت قبل لا تهجمي على السفره تذكري الفستان المخصر الي تبينه للعيد /////////// توقف عند بقاله الصباح برمضان كانك واقف عند بياع مخدرات //////// حركات تصورين المطبخ بعد الفطور و تشغلين اغنيه حزينة بالسناب ما نبغاها ، اغسلي المواعين و انتي ساكتة //////// گل جوعـي في صـدى صوتگ يضيع، لـآ سمعته تبتسم لـي دنيتي ! ٰاهــداء خـــآاص لمؤذن حــآارتنافي المغرب🌚 ////////// يمكن بكرة نجي نفطر عندكم 🤔 من اصعب ما قرأت | |
| |
|
01-06-2017, 02:33 AM
| #3730 | |
| يا هلا والله وغلا ويا مرحبا ويا مسهلا بك يسعدك ربي يالمها بكل أوقاتك بالخيرات والله يا غلاتي ...أنك تستاهلين كل خيـر فأنتي بسم الله عليك ربي يحفظك ذووق بتعاملك وبكتاباتك وبحضورك وحافظة نفسك من التلوث ومن الأتربة والعجاج اللي حولك يا هلا فيك يالمها مري وسلمي ..وريحي هنا أيه ...ضرس عفراء كاسر ضرسها العصـــاء يا بنت الحلال ...هو مدري وش يبي وهي فاتحة خشتها في السنابات وصقعها بخشتها ههههههههههههههههههههههههه وش عنصري جدنا ما يخالف في وقتها ايه عشان كذا أمك ...تسلم علي لأني فلقتك وهجعتي ..وركدي زود والا كنتي قشرا بس عاد تبين الصراحة روعة اللقيـــمات منظرها يشهي ..شفتها وأنا صايـــــم بغيت أفطر ..عسى ربي يعافيك ويبارك فيك بس عاد يالمها والله سوالفك حلوة مرة .. وتعجبني وتوسع الخاطر وتونس الروح منوعات المها ...نكت أشعار وحكم وسوالف مين حصلها ..(( تراب في عين الحســــود )) عسى الله يحفظك من الشياطين اللي ما ربطت وعسى ربي يستر عليك ويحفظك من كل شر اليوم أقرأ النكت بعد الفطور ...ومرة الصالة ما غير يضحكون فاتحين خششهم ...بالضحك شفتي بس أنك مسوية خير ربي يحفظك تقديري واحترامي وأعذب تحياتي | |
| نصفي غموض بإمتداده تضيعون والنصف الآخر صعب تستوعبونه |
|
01-06-2017, 02:35 AM
| #3731 | |
|  : كلام من ذهب اغسل قلبك قبل جسدك ولسانك قبل يديك ، وأحسن الظن في الناَس.. الدنيا مدرسة .. مديرها الزمن .. اساتذتها القيم ... وتلاميذها البشر.. نتقابل غرباء .. ونعيش أصدقاء ومهما عشنا فيها لايبقى إلا الوفاء . الضمير خير قائد ، وحسن الخلق خير قرين ، والعقل خير صاحب ، والأدب خير ميراث. لا تُحبط الأخرين بكلامك حتى لو كُنت ترى الحياة تعيسه فــَ غيرك يحتاج الأمل فإما أن .. تساعده أو .. تصمت! | |
| نصفي غموض بإمتداده تضيعون والنصف الآخر صعب تستوعبونه |
 |
| الكلمات الدلالية (Tags) |
| ... , الوردية , بأحلامي , بصمات , خيالية |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بصمات في مملكة الانثى | مـــصــريــه | (همســـات الديكور و الكروشيه Crochet) | 15 | 22-04-2015 12:27 AM |
| هل تعلم لماذا جعل الله لدينا بصمات الأصابع | NaWaL | ( حدث في مثل هذا اليوم // هل تعلم ) | 14 | 21-05-2014 08:18 PM |
| بصمات في الاعماق | قوت القلوب | ( همســـــات العام ) | 27 | 13-01-2014 11:45 AM |
| بصمات تحرك الدمع في عيني | همس القلوب | ( همســـــات العام ) | 22 | 25-11-2013 04:12 PM |
العرض العادي
