17-05-2017, 04:33 PM
| #337 | |
  
 |  لن أستغرب وجود الشيخ الجليل لقد تشرف الكوخ بزيارة الأديب عرجون والله لقد سرني هذا كيف لا أكون مسروراً وسيد الحرف ضيفي مرحبا تراحيب الغلا هلا والله ومليار هلا بعرجون زميلي في السن ومعلمي في الأدب وأنا قد اخترتك خلاً ومن سويداء قلبي ارحب وأهلي بك أديباً وأخٌ في الله كريم وصاحب مقام رفيع أمل أن يكون لكوخي نصيب من مرور عرجون الله يحفظه ويمد في عمره للتزود بالطاعات والعبادات لرب الأرض والسموات | |
    |
|
17-05-2017, 04:43 PM
| #338 | |
| مها الرياض تصبح على والدها يازين الصباح وما أبرك الساعه التي جابت مها شاعرة الحلم في كوخ والدها مرحبا عدد ماسارت على الأرض خطاك لكنها لاتكفي فاليوم ماعاد تمشي كثير الا في سياره ولا على فرس من الأصايل ولكن أقول مرحبا عدد ما حولك وحواليك من معالم طبيعيه وحتى الصناعيه نور الكوخ والله يشهد أنها مها الرياض ابتدأت بالتهنيئه بقرب حلول الشهر والكريم وثنت بالتهنيئه بالبشت الأزرق عمرك شفتي بشت لونه أزرق يا أم ثلاثه ثم ثلتتي بطلباتك يابنت أبوها ووالدك يقول أبشري بكل خير وحياك الباري كوني متابعه لوالدك الواصل وما ينثر من خرابيط ربي يوفقك ويحفظك وينور قلبك ودربك يامها تقبلي تحيات والدك الواصل | |
| |
|
17-05-2017, 05:16 PM
| #339 | |
| هذي تحيه من قلب الواصل لأبنته صولا الله يمسيك بالخير يا أماني الله يجعل مساءك عامراً بالذكر والطاعه لربك الخالق الرازق المعبود المحيي المميت الله يجعلك في خير ونعمه ونعيم من رب العالمين لقد رأيت جمال كلماتك والمروسه بأبيات من الشعر بارك الله فيك والله يزيدك من فضله يابنت أحمد الله يجعل مثواه جنان الخلد ياكريم ؟؟؟ في عجاله وقبل لا أنسى سمعت دعايه على الطاير وقلت يارب أجعله خير مدري لكن أذني حساسه ودائماً لها نوادر وخاصه عندما تسمع أشياء فيها مافيها من العيوب وعسى الله يستر من الوقت الذي ظهرت فيه الفتن كالليل المظلم (الحرباء) أعتقد كلنا نعرف الحرباء وهي من خلق الله وتتمتع بقدرة أعطاها الله قدرة التكيف مع الألوان تغير لونها بمجرد مرورها على أي جسم وأيضاً في ذلك أعجاز لقدرة الخالق جل شانه عموماً تلك حرباء أنا أعرفها جيداً ولكن الحرباء التي أسموها حربايه والتي سيكون كلامي من أجلها أضنها حرباء كبيره والله يستر منها هذا أسم فلم أو مسلسل أو قصه ستكون في رمضان ورمضان بريء مما يخطط له المفسدون هذا الفلم الذي تمثل بطولته هيفاء وهبي على ما أعتقد هذا ماسمعته وأعترف بعدم معرفتها ولي الشرف أن لا أعرفها فلها شان ولي شان سيكون الكثير والكثير ممن يشاهدون التلفاز مغرمين بالحربايه والتي يتجسد دورها في الغنج والعمل كخادمه والعشق واللباس الخليع ومناظر أخرى ربما تكون مقززه وتجرح القلب والعيون اهذا هو رمضان في نظر العصاه بهذه الوقاحه والصفاقه ننتظر شهر القرآن والله أنا سمعت ولكني لم ارى وأن شاء الله لا ارى شيئاً من هذه فبالفعل البعد عن الحربايه والحرابي والحرباء غنيمه مدري لكن حبيت أداعب أبنتي صولا هانم وأشعرها أن والدها لايزال يحفظ وربما لاينسى الا الجوانب المظلمه فيما يحفظ الله يحفظنا على الأرض وفي باطن الأرض ويوم العرض أنه قادر | |
| |
|
17-05-2017, 05:19 PM
| #340 | |
| - لا يمكنك أن ترى صورتك في الماء وهو يغلي.. وبالمثل لا يمكنك أن ترى الحقائق وأنت غاضب،، قد تسكن قصراً وتضيق بك الحياة.. وقد تسكن كـوخـاً ويشرح الله صدرك قد ترى أغنياء يرتشون!! وفقراء يتصدقون!! *لهذا سميت دنيا* أخلاقك وإحسانك وتعاملك تطبع بصمة لا تنسى. *كن شيئاً جميلاً.. فالكل سيرحل*.🌹 السلام عليكم .. وبينما الصيف أتاء فـ القحم يحتاج الى عصير خمره ديني هههههه قسم بالله يا النازف راح يحذفني لكن ردني يا ابوي وتوسط لي هههههه اشتقت اليكَ أبتاه . كيف هو الحال عاد قلت مها جات الصباح .. خلني انا بالمساء نتناوب عليك وحده تشقر الصبح والثانيه المساء ههههه بناتك يا زينهنه وكاااااان وعاد اليوم زعلت .. شخص ما واني مطنقره .. كذيه قلت مالي الا بيت ابوي واصل اكت السفره كولها وارتاح من شي بصدري .. عاد قلت لازم اقهويك .. معاي جاني من المغرب الحبيب والكليجه من قطر والأحساء .. عاد يبه تصدق مافيها سُكر مناسبه لك وربي .. عساني فداك .. هيا انا طولت عليك لكن مالي الا انت يا شمعه الجلاس .. ريحه اهلي أتونس معك واغدي انظف الكوخ لك كذيه فيني نشاط من الله .. صفقه الجنوب جات مساءُك الله ب الأنوار .. والسرور يا ابوي الغالي ...    ها كان يا عيد كان .. مهلا تتهرج مع مها 😤 اني بضيق واجر كعشتها تامعك واخليها تغدي مرقه هاكان ههههههههههههههههه وربي امزح وربي يسعدكم ربي لي يا اهلي | |
   |
|
17-05-2017, 05:28 PM
| #341 | ||||||||||
| اقتباس:
يا نفداء من يفتكر بنته ويتهرج معاها ايه يبه هيفاء الله يهديها ما نقول الا ذا الحكي لهم .. وما بيدنا الا الدعاء فلا نعلم يا ابــي لما وصلت؟! لذا الحال اسال الله العافيه لها مما ابتلاها الله .. نجي عند الحرباء ههههههههههههههههههههه ذكرتني مره الوالد الله يرحمه .. جاء وانا انفض في الحوش في بيت الشعر قال وش تسوين ؟! قلت انظف نبغى نتقهواى هنا وكنت حاطه صبغه مع الشمس سطع اللوان ..! في نخاعي والله المرحوم ههههههههه يطالع مدقق قلت وشبك يا به فيه شي .. قالي / كعشتك تيه ما كان لونها تغير ؟! كل شهر تغيرين في خلقتك تقول حرباء ههههههههههههههههههههههههههههههههههههههه عاد دورني يا ابو احمد ما تحصلني الله يرحمه كان وناااااسه يحب يضحك .. ويحب يهرج .. ما يحب الصمت مره الله يغفر له ويسكنه جنة النعيم والله يا ابوي فاقدته وكان العبره خنقتني ... الله لا يحرمني منك موجوده معاك قلب وقالب يا عيد اقراك في اليوم الف مره .. اشوف فيك الغالي .. عساني ما افقدك وجعل عمرك طويل وانت بصحه وستر | ||||||||||
| |
|
17-05-2017, 05:57 PM
| #342 | |
| هلا وغلا ومليون مرحبا بالحولا أماني والله أني سعيد بالسوالف معك وربي يشهد يابنت عيد أنتي يالكنانيه أثاريك معجبه في الحرباء صاحبة سوابق مع الصبغات الله يرزقك ويحفظك ويازين سوالف ياصولا هانم أنتهينا من الكلام عن الحرابي خلينا نتحدث شويه عن الشربه وعلومها وفقك الله ؟؟؟؟ صولا وغالية على عيد الكناني اليوم سأتحدث عن الشربه أو كما يسمونها الشوفان وبالتحديد ماركة كويكر مدري عاد أسمها صحيح ولا أنا مفلسع ومن جنبها وجبتي المفضله في رمضان طاسة شربه ونص قرص عيش بر أسمر المهم ستجدين أغلب الكلمات بالعاميه وزهرانيه بالذات هيا تسمعي وأنتي ساكته البارح صرحت أدور الشربه قال لي واحد تمش وتدرج الين بنده في الجمجوم مكان ما تتسدح كل جمعه وتقض مقاضيك من بنده قلت يالله في الخير شديت حيلي وأنفلت على الجمجوم هذا المركز الدايه الذي قد ضعت فيه زمان وقصتي قصه المهم وصلت وقوام قوام على بنده اريد الشوفان ههههههه المهم وجدت عرض 10 حبات بخمسه واربعين والعرض مايفوت وانا وانا أبوك ما أستهلك هذا العدد في عدة سنوات فقلت فرصه أخذ العدد اللي موجود في العرض واللي يزيد عن حاجتي أعطيه أحد الأولاد اشتريت 10 حبات ولفت نظري علب من الخوخ والمشمش طازه وانا ياصولا أحب المشمش والخوخ قلت ياقحم الفله خذ من هذي النعم وأحمد ربك أن شهوتك في الخوخ تحققت واشتريت الخوخ والمشمش والحقيقه طيب جداً في السعر والطعم تذكرت قصه يرونها الكبار زمان عن مريض من قرية العنق بجوار المندق مرض في فصل الربيع وكل مانشدوه وش تبغا نجيب لك فريقه ناهب لك لحسه عيشٌ نسويلم مخوضٌ المهم ماخلو شي الا عرضوه عليه قال مابغا الا عنبٌ يالله سترك من فين نجيب العنب في الربيع قال مالي نفس الا في العنب ماكان وقتها فيه أسواق ولا فيه ثلاجات ولا كان يوجد العنب الا في المزارع والوقت غير وقت العنب فأصبح مثل ولا نشدي الكهله تعرفه لا تلحق مريض أهل العنق يدور العنب في غير حزته المهم يا أم سعود نحمد الله على النعمه وعلى الفضل وعلى أسباغ نعمته علينا الأن الهنب على مدار السنه وفي كل مكان الا على فكره كم أشتريتي شربه والله الكهله تقول جب واحده وكان لكن الغزله في القحم مكبوسه الله يمسيك بالخير والرضاء لاتنسيني من الكليجه وأن كان جاء شي من قرطاجه ههههههه تحياتي لشخصك | |
| |
|
17-05-2017, 09:04 PM
| #343 | |
| - يسعد مساءك يبه .. ويزين السوالف معاك جد .. ايه والله اني صاحبه سوابق هههههه الله يسعدك وكان اممممم نجي عند العروض ..نصدق يا ابوي عشر سنوات متزوجه ما عُمري رحت قضيت أغراض رمضان ! ابدا ً اذكر العام وانا حامل جاب ذبيحه والله هو الي رتبها كنت تعبانه العام جد .. والسنه ذي ابشرك نفس النظام الاسبوع ذا مو متواجد عندي بعلي .. ولا اعتقد يجي الا على مشارف رمضان بيكون الفطور عند امي باذن الله ...الا هي امه اقوله امي مو عمه ويمكن اطلع لاهلي .. هههههه بالعافيه ابشر بذيك الكوكير الي تُسر قلبك قد الكهله عندنا تموت في الكوكير هههههههه وأبشر بالعيش بعد تعرف المخوض حق جيزان ها تموت فيه .. مع الشوربة تامعك ههههه الله يسعدك وجعل صيامك وقيامك مقبول يا ابوي الغالي .. واني الحين بعطيك سفره رمضان سفره مبكره لذكرى ما هلا خذ جنبهاااا صوره سلفي لذكرى لذكرى هههههههه واما المشمش عليه عنك ليتك تعرف ابوي كان عندنا حوش فيه مالذ وطاب لكن الله يسامح اخواني أهملوه بقي لي سمبوسه والصحن الثاني حق الشوربه لا تقربه مره ها كانك يا عيد صفقه ولا تراني بعصب وأكسر الصحون ههههههه يسعد مساءك يا شمعه الجلاس | |
|
التعديل الأخير تم بواسطة الصولجان ; 17-05-2017 الساعة 09:07 PM |
 |
| الكلمات الدلالية (Tags) |
| الواصل , هذا , كود |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الواصل ومحبات الصيد | الواصل | حصريات الروايات والقصص القصيره | 31 | 16-03-2017 09:45 AM |
| الواصل والكاشير | الواصل | { حصريات بأقلام الاعضاء } لم يسبق لها النشر | 14 | 20-02-2017 07:10 PM |
| الواصل والنجوم في رحله | الواصل | حصريات الروايات والقصص القصيره | 38 | 29-05-2016 06:02 AM |
العرض العادي
