شكثر حبك ..يالغلا حصري لهمسات الغلا

المشاركة الأصلية كتبت بواسطة همسة قلم

شكثر حبك يالغلا
شكثر بقلبي غلاك
الناس تحسبك بشر
وأنا أحسبك ملاك
والله زين تراه القمر
ينجن من روعة حلاك

شكبر الدنياا والكون
حبي لك فوقهم مليون
يا بعد عمري والعيون
سبحان الله اللي سواك

شكثر ما بالسما نجوم
خفوق قلبي عليك تحوم
بالروح عشقك دايم دوم
وما تقدر تعشق سواك

كبر الأرض بلي حوت
كثر المطرة وما روت
وعدد ما النبات نبت
أعشقك واعشق هواك


شكثر ما بالفكر حروف
وكثر الأقلام والنزوف
يا مها الرياض إنتِ بالذات
إبداعك مشهور ومعروف
ومثله عيوننا ما تقرا وتشوف

شكبر البحر واللي فيه
من جواهر وكنوز ومرجان
تميز إبداعك لو تحسبيه
تلاقيه فاق كل الأوزان

شكبر وشكثر ما نغليك
نود نصبح ونمسى عليكِ
ربي يسعدك ويحميكِ
يا أحلى وأغلى الخلان

المشاركة الأصلية كتبت بواسطة أزمة خفوق

قصيدة جميلة وابيات سهله وكلمات مافيه اروع منها

صح لسانك مهاا
الله يعافيك لاعدمناك

المشاركة الأصلية كتبت بواسطة طير السعد

والحرف يرقص فرحا بك يا مها
يا عذبة المعنى وراقية المضمون
لقصيدك عذوبة وبها سهولة ..
كلمات بسيطة بلا تكلف راقية
بإستطاعتك إيصال المعنى ببساطة
وبالمختصر العذب بمعزوفة الحرف
دوما حضورك راقي وحرفك براق
لك في ابياتك خصوصيات المها
مختصة بهذا وبذاك ..بجمالك
يا سهلة الكلمة وعذبة المعنى
ولحنٌ يماريها يختصه الفعلا
فعلا ...أنتي تقلدتي بحضورك
قلادة شاعرة الحلم فهي تستحقك
بجزالة معانيك وعذوبة كلماتك
صح لسانك وعلا شأنك
وسلمت يمناك وسلم بنانك
تقديري وإحترامي وأعذب تحياتي
لك يا شاعرتنا القديرة ...المثيرة