مساجلات شعرية بيني وبين الشاعر عـتيـق ..

المشاركة الأصلية كتبت بواسطة عتيق

صح لسااانك و سم

صاحبي ما كان كان وكان كان
خلنا بالقاف اوسع خاطري

وانت تدري بي زماني والزمان
ان خذاني او خذيته عاطري

قول لي هالليل بطاقة ائتمان
وانت راس المال مكسب تاجري

كنت اخاف الفصل كثر الامتحان
كان موتي لو لعبت السامري

في جنوني جن يواصل بالجنان
مع جنون اللي جنانه كامري

المشاركة الأصلية كتبت بواسطة عتيق

للعموم مساء الخير

.
.
.
ونقول:


اليوم يا سيدي الافضل
وسط المعاني بهار و نار

والنار من عودها توكل
والجمر ليل الليال السار

والصاحب اللي يبي له حل
لصار بس يلفت الاانظار

كبر صلاتك عليه و صل
ما عاد فيها زمانه دار

ما قول بيعه وهو لك ظل
ولا قول لك بينكم وش صار

وسط الدقايق ثواني غل
ساعات قبل الوعد امتار

ايه انتظارك وعد للكل
شافت عيونك ظلام انوار

المشاركة الأصلية كتبت بواسطة وله

‌



عيدكم مبارك

وكل عام وانتم بخير وصحة وسعادة ..


*

*




نعود للمسجلات مع الرائع عتيق








قولوا للي مل طول الانتظار
يدعي الخالق و ربي يسمعه


يولج الليل المعتم بالنهار
يرحم اللي زاد همه ووجعه


قلب خاشع يدعي بسر وجهار
لين ما تبلل كفوفه ادمعه


في يمين الخير ما تدري اليسار
(ربي يجعل له بكل ضيقة سعه )

*

ويا مساء الشعر و الجزله شعار
عاشق المعنى يصوغ ويبدعه


انفخ المعنى وشب الحرف نار
لجل روحٍ في الشعر متولعة


دام باقي للشعر ناسٍ كبار
والقصيدة مثل خاتم بصبعه


هو خذا هذا التفرد له مسار
يتعب اللي حاول انه يتبعه


كم على جاله يمرون الصغار
هو تواضع من كرمه و مرجعه


هو عتيق الشعر .. للشعر انتصار
يقسمه او يضربه او يجمعه


كل ما دار الفلك سبع البحار
ما يعود الا بـ لولو أبيض معه


فيه انا أشوف نفسي .. بختصار
يوم يبدع والقصايد ممتعة