18-01-2017, 05:41 PM
| #15 | |
  
 |  المشاركة الأصلية كتبت بواسطة مها الرياض  مساء الخير عمي الواصلايوه ياعم انقلنا للتطور وانا من امس استنى اخبار الحراج والخردة ههههههههه امزح كلامك صحيح ياعمي الواتساب هبل بالعالم وياليت عالواتس بس دخل السناب شات والانستقرام لاكن اكثر شي الواتس اب والبعض داخل في عشرين قروب غير المضافين اللي يرسلون كل دقيقة والبعض مشترك في خدمة الارسال التلقائي يعني وهو نايم جواله يرسل لكل المضافين هذا هو اللي ودك تصكة بجواله على اذنه انا مااحب التنبيهات في الجوال تنرفزني واضطر افتح كل رسائل الواتس ومااقراها بس علشان تروح التنبيهه حقتها وبعض الاحيان اوقع في حرج لان وحدة تكون عازمتني او تبغى مني حاجة وتزعل لاني مارديت عليها وانا ماشفت الرسالة بس فتحتها وطلعت منها لاكن له محاسن انه يعلمنا اخبار العائلة الكريمة بدل مانقعد نتصل عليهم ونقول وش اخباركم خلاص نشوفهم يرسلون في القروب نتطمن عليهم اول امي الله يمدها بالصحة تتصل على اخواتي واخواني المتزوجين كل يوم وتسأل حتى عن شغالاتهم الان تقول شوفي لي الواتس اب من دخله اليوم وش قالوا يعطيك العافية عمي ابو احمد والله يديمك ويديم سوالفك اللي تشرح الصدر نعم هي المها ثم نعم أنها شاعرة الحلم والواصل يقول مرحبا مليار يامها وحياك الله نورتي متصفح عمك الواصل مرور منعش ومرور لم يبقي أي سمه من سمات الجمال والسمو الا وجمعه الله يحفظك تكلمت عن والوات ساب وأحضرتي معك السناب والثاني اللي اسمه استقرام أنا وين وتلك الثقافات فيه كنت أفكر السناب شي يوضع على السفره والأستقرام الأيدام حقه هههههههه أنا مع الوات ساب في ورطه واروح ادور ورطه أكبر وأدهى الله يصلح الشان والحال والدتك الله يحفظها ويرزقك برها ويحسن لي ولها العمل والخاتمه هي أم ولن تتردد عن استخدام أي وسيله توصلها لقرة عينها فأسمعي كلامها وشوفي لها الوات ساب أم أحمد يوم سار عندها وات ساب سارت تستعين بخبرات القحم تعال شوف من ارسلي ورد عليه والله البلشه ليتنا من حجنا سالمين مثل زهراني وقصته سافر مجموعه للحج في زمان قديم قبل مايكون فيه سيارات كانوا على الجمال سرقت عليهم العزبه وأصبحو بلا زاد فقال أحدهم ليتنا من حجنا سالمين واصبحت مثل وهذي قصة الوات ساب مع رفيقتي ومع أمك الله يحفظك ويحفظ لك حلوة اللبن ويحفظ كهلتي خالتك أم أحمد اقول انا ثرثار وأضنها عدوى من أم لسانين مدري كيف احس أنه سينبت لي لسان أطول من الحالي الله يستر لك الشكر من عمك الواصل أبو أحمد | |
    |
|
18-01-2017, 05:45 PM
| #17 | |
| همس الأمنيه حياك الباري وبياك يابنت الكرام مشكوره على المرور وتشريفك لمتصفح الواصل زاده نور فاهلاً بك ومرحبا وتقبلي تحياتي | |
| |
|
19-01-2017, 07:32 AM
| #18 | |
 
| الواتس حلاتوة انكك متواصل مع الكل بغض النظر عن اشاعاتوة .. انا من الناس اللي مخليتوة للسوالف مع صديقاتي وجماعتي لااشغل فديوهات ولااقرا شي بس سواليف .. لانهم زودوها باشاعاتهم الله يحفظهم هههههههههه... مع هذا حتى باقي البرامج فيها من القصص المؤلفة يامااا.. بس نبعد عن الغثا ونشوف الجانب الكويس .. بالنسبه للجمعات او الجلسات وكل شخص بجوالة .. انا وحده من هالناس لازم اطل ع الجوال وقت يكون المجلس هادي وم فيه سواليف وكذا .. وادري عادة مو حلوة بس تعودت ع الطقطقه فيه .. وان شاءالله تخف هالعادة .. يعطيكك العافيه الواصل .. وزيد من امسياتكك يسعدكك الباري ..  | |
 |
|
19-01-2017, 04:02 PM
| #19 | |
| سُبات هلا ومرحبا يابنت الكرام نورتي الله يحفظك مرور جميل وأعجبني تعليقك ومافيه من طقطقه ربي يسعدك ويسعد قلبك الواتساب ليس سيئاً أن كان من يستخدمه عاقلاً ومن لايحب ترويج الأشاعات المنفره والتي اتخذوها في بعض المجالس سلوه كالفصفص يتسلون فيه مع الشاهي الله يصلح الشان ويوفقك لكل خير وتقبلي تحياتي | |
| |
 |
| الكلمات الدلالية (Tags) |
| لأصحاب , أو , الواصل |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الهاوية والمعلمه مع الواصل | الواصل | حصريات الروايات والقصص القصيره | 31 | 03-07-2016 12:31 AM |
| الواصل والنجوم في رحله | الواصل | حصريات الروايات والقصص القصيره | 38 | 29-05-2016 06:02 AM |
العرض العادي
