 الإهداءات | |
| |||||||
| ( المدونات الخاصه blog ) مدونات خاصه blog التي لا يرغب اصحابها بالرد على محتواها |
 |
05-01-2016, 09:50 PM
| #2493 |
  |  أترفّع عن كثير البشر عـز وغنـاه يا مديم اتديم لي عز راسـي والغنـى يا مدوّر للقشر من بغى مثلـه لقـاه هكذا من يلتفت بالخطا يلقـى العنـى أكرم أكرم عن عويج اللحي وجه وجاه الثريا ما تجي للثرى .. طنى طنـى!! |
 |
|
05-01-2016, 09:51 PM
| #2494 |
| | بين المحانـي لـو تذممـت الذمـم مالي على العالـم .. ولا منقولهـا! وهقك من لا يعرف إنك يـا الغتـم من ردي عقلـك جبتهـا بدلولهـا أبلشت خلق الله من جهـل وغشـم حتى رمتك الدايـرة فـي فحولهـا أقول يا مال الشحم .. هاك العظـم ألهاك ، ولا إغـزل مـع مغزولهـا إلبس لك ثيابٍ على وقـم الجسـم وإن طاولتك الناس حـذرا تطولهـا ما خاطب الصم البكم .. غير البكـم ولا (ولول) إلا من تضيق حجولهـا مالي مع شرواك منطوق .. وكلـم إرتاح .. لين يجي هنـا مسؤولهـا ووصّل له المرسول .. كان إنه أصم قل له هنا من وقفتـه حسبـو لهـا تفزع مع ذات الرمم .. يا ذا الرمم كـذاب باللـي قلتهـا .. وتعولهـا ما كان هذا لك عشم .. يا من عشم ما تدري إن طيحتك ما سمّـو لهـا (إني من أقوامٍ لها المجـد احتكـم حتـى دعتـك بفيّهـا وفلولـهـا) يا صغيّر القاله .. ويا صغار الإسم ما زعزع جبال السـراة وعولهـا يبقى القزم .. وإن طاول القامة قزم وأبقى أنـا مـن قولهـا بفعولهـا |
| |
|
05-01-2016, 09:52 PM
| #2495 |
| | الله ولا خــوّة قــلال الـروابـع اللي صعبها سهل .. والسهل ترضاه! تظرف رسايلها .. وتنسى الطوابـع ما تدري إن من قدّم النصف .. تملاه يا منتظر لـو تنتظـر يـوم سابـع اللي معي غالي .. وصعبٍ لك إشراه ثلاثة أشيـاء مالهـا اليـوم رابـع اللي كرهت من البشر .. في مزايـاه الإمعة .. وأعمى البصيرة ، وتابـع من لا يعدّيـه الخطـا كانـه أدنـاه |
| |
|
05-01-2016, 09:52 PM
| #2496 |
| | للحين حجزك داخل القلب أوكييه ياللي غيابك نار بالجوف مركاه لكن آبسأل عاد لك نيةٍ فيـه؟؟ ولا تغيّر سير قلبـك ومنحـاه!! أما أنـا وعـدٍ علـي ماأخليـه إن غبت ولا جيت حجزك هو إيّاه |
| |
|
05-01-2016, 09:53 PM
| #2497 |
| | كذا ومن غير سبه تقلـب الصفحـه صفحة حضورك وتِظهر صفحة غيابك وشلوون أقرا غيابك وأحتمـل لفحـه حاولت أقرا وصرت أُمّي من أسبابك حضورك الحي يالمحبوب لـه نفحـه يطرب لها قلبٍ أصبح وقّف لحسابـك |
| |
|
06-01-2016, 04:20 PM
| #2498 |
| | العيد من أصغر إلـى أكبـر معانيـه مايكتمـل إلا بلحـظـة وجــوودك إحتـرت أهنيـك أنـت ولا أهنيـه مدري تـزود العيـد ولا يـزوودك ياللي إلا مـن غبـت محـدٍ أدانيـه وأرتاح لاجابـت مواصلـك نـوودك لك زرع في قلبي معى سـور بانيـه بانيه يحمي الزرع لاهب صـدوودك والزرع وبل الوصـل أكبـر أمانيـه والسور شامخ في مواجه بـروودك كم واحدٍ حـاول مـع البعـد يجنيـه لكنّ مرضى شخص يقرب حـدوودك ولي عمر عطني وعد بالوصل وآفنيه آفنيه يوم بيوم وآرقـب وعـوودك |
| |
|
06-01-2016, 04:21 PM
| #2499 |
| | إن جيت بحكي وقفت عبرة الحلـق وعيّت تخلي صدق الإحساس يطلع مليت من رووحي ومن شوفة الخلق ومن ضيقتي ماعاد حصلت مطلـع |
| |
|
| الكلمات الدلالية (Tags) |
| .. , للانفراد , متصفح , أحاسيس , الخاص , CC , بالذات , خاص , ركني , شعريه |
 |
| |
| كاتب الموضوع | الصقر | مشاركات | 3246 | المشاهدات | 97364 | 
|  |  | انشر الموضوع |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| متصفح الفيس وكل المواقع الإجتماعية..خارج عن المألوف..متصفح عبقري+الشرح | اليتيمة ريماااس | همســـات الكمبيوتر والانترنت والبرمجيات | 9 | 04-12-2013 03:05 PM |
 |
العرض العادي
