سر قديم

22-01-2021, 10:53 AM

الخال والد وخالي معرب(ن) جده
لويفي حليس حامد هذا هو خالي

من حقي افخر ومن حقه محد نده
المر ماهو صنيعه يصنع الحالي

الوقت قاسي ولين الوقت في يده
هذي فعوله وهذي أصدق أقوالي

22-01-2021, 10:58 AM

مدي كفك سالفة من سوالف ضحكتك
ولا هاتي دمعتك ودي اسقي طينتي

من عرفتك ملتي ثابته في ملتك
يا تفارقني جحيم ياتجيني جنتي

22-01-2021, 11:00 AM

وجه المساء من صباحي غير
اليوم سافر وودعته

وش لون أنا أنطق مساء الخير
كذاب والله لو قلته

24-01-2021, 10:40 AM

ما احب معنى صريح مثل واحد ضرب واحد
اعشق التصوير عشقي ارسم الصورة كتابة

:

بعض من صمتي كلام... الصمت ينطق لو حكه
صاحبي ودي أقول اللي نفض صمت الكلام

ودي اني انّطقه وأن نّطق كلٍ بكه
راس مالي بالنشيد َ َغصن زيتون ب يمام

اصرفه عنك المثنى حتى وسط المعركه
ما يثني بي عزومي لا ألتحام و لا*الزحام

للفرح ملمس و منظر ماهو سحر و فبركه
و الحلاوة يا حبيبي جبتها لك يا سلام

من تفاصيلي زوايا أبعادها صوت ادبكه
للحنين اللي تهندم نور* من وسط الظلام

وارسم الصفحة بلون العين نادر تدركه
من بلاط الحكم تاصل للعوام من الانام

و يا هلا جاكم غروري بالتواضع أبركه
بالبساطة ملبسه* والنوايا شام شام

من ملك نص البشر في طريقه تهلكه
ومن سرا قافه معاني ما على فوقه ملام

و من يشاغب بالحصص نجتمع و نفلكه
افتحوا بقلوبكم صالة لقا غير الخيام

يا نديّه: والندى... ويش السبب حتى افركه
ممتلي سحر و جمال* وامتلوا فيه أنفصام

في حطامي أجمعيني* بعد جمعه فككه
لو تبي ترتاح من زود التعب مالي حطام

جذع شعري ما يضرك مثل جذع المستكه
بالتوجد...لو بغيت الشوق في ساحة غرام

من معالي قريتي همسات صمتي مملكه
بعض من صمتي كلام و نكتفي فيه الكلام

.

10-02-2021, 03:36 PM

11-02-2021, 01:56 AM

الحمدلله أن كان عبوركِ يا فاتنة لِمَ كتبتة برداً و سلاماً

خانني تعبيري بخصوص شكري :/

بالكلام الرد منمق محترف فيه اللسان
مني شكراً فوق توصل للسماء نجمة سهيل

ليش انا هالحين مقدر وان قدرت اقرب مكان
ادفعوني حمسوني بالدعاء ماهو قليل