 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
09-04-2010, 05:15 AM
| #15 | |
 
 |  خذت الرقم وتربعت على فراشها وخذت موبايلها وكتبت الرقم ودقت هنادي : الو سلوى : الو هنادي : شلونج خاله سلوى : الحمدالله .. مسامحه بس ما عرفتج هنادي ( تمثل البجي ) : خاله ممكن اشووفج سلوى : منوو انتي وشتبين ؟ ومن ويننلج رقمي وليش تبين تشوفيني! هنادي : خاله بكلمج بموضوع عن عيسى سلوى : عيسى ؟ ولدي ؟! هنادي : أي موضوع ضروري ! سلوى : قوليه شنو شصاير عيسى فيه شي؟ هنادي : مافيه شي بس الموضوع ما ينقال بالتلفون ابي اشوفج ! سلوى : زين زين وين ؟ هنادي : وقت ما تبين ومكان اللي تبين ! سلوى : خلاص اشوفج بكوفي شوب هنادي : اوكي متى سلوى : الحيين ! هنادي : صار سكرت سلوى الموبايل وكانت ترجف .. ريولها مو شايتلتها .. حست ان ورا هالاتصال شي كبير بدلت بسرعه ونزلت شافت ليال قاعده بالصاله .. ليال : ها يما طالعه سلوى ما ترد عليها ليال : يمماا وين رايحه حقرتها وطلعت .. شغلت سيارتها ومشت .. واهيه بالطريج دقت على هنادي سلوى : انتي وين هنادي : بالكوفي شوب اللي قلتليلي بنشوف بعض فيه سلوى : زين انا يايه .. حنين بغرفتها حاسه بضيقه تفكر في فواز فكره اتييبها وفكره اتوديها مو عارفه شلون تكلمه تقوله الصج ! بصدقها والا تسكت وتعيش باقي حياتها بوحدتها ! دشت الحمام وخذت شور .. بدلت هدومها وقررت تطلع من دارها شوي نزلت الصاله .. وفتحت التلفزيون شوي والا يدخل عادل .. عادل : السلام عليكم حنين : .. عادل : سلمنا ! حنين : عليكم السلام عادل : وين امج حنين : روح دورها .. مو صار عندك عادي تدخل البيت وبس عادل : اممم تركها وصعد فووق .. و بعد شوي دخلت مريم مريم : حنين ما يه عادل؟ حنين : ههه ! روحي دوريه فوق مريم : زين زين وصعدت فوق حنين حز بخاطرها .. صج امها ما تدري عنها بس عالاقل كانت تسألها عن اخبارها لما تشوفها الحين ما صارت تهمها !! اندمجت مع التلفزيون ليما نزلت امها مع عادل ماسكين بعض مريم : يما احنا بنطلع حنين : زين مريم : تامرين على شي؟ حنين : سلامتج اطلعوا جدامهما يضحكون والالم فيها يكبر .. يكبر .. ودها تنسى الحزن اللي فيها .. بس شاللي ينسيها ماكو غير " فواز " هالمره قررت تصارحه .. ما تدري شتبتقول .. بس راح تكلمه .. دقت موبايلها رن مره مرتين ثلاث سكر الخط بويها انصدمت حنين منه ! لي هالدرجه كرهها ! حذفت بالموبايل عالارض وداست عليه وبجت .. " حتى انت يا فواز " .. فواز قاعد مع ربعه وشاف حنين تدق سكر الخط بوييها فواز : عن اذنكم شوي ناصر : ويين فواز : بس عندي مكالمه اخلصها واييكم ناصر : اوكي لا تطول فواز : صار طلع ودش سياره .. دق على حنين شاف موبايلها مسكر .. دز مسج " حنين وينج ؟ صاير شي ؟ " هاللحظه كانت حنين بفراشها تبجي كل ما تحملت الألم ابكي وضحكاتي وهم .. اخفي جروحي .. امشي وحيده بدنيتي ولحد يدري بقصتي أشكي لروحي ..!! .. سلوى وصلت الكوفي شوب وتمت تدور دقت عليها سلوى : وين انتي ؟ هنادي صارت تأشر لها واهيه على الطاوله راحت سلوى يم هنادي سلوى : السلام هنادي : عليكم السلام انا هنادي سلوى : حياج الله قعدت على الكرسي سلوى : شصاير ؟ هنادي : ادري بتقولين انا قويه عين .. وشلون يايبتج اقولج هالكلام بس انا بنت ناس ومارضى على نفسي سلوى ( حست ان عيسى مسوي شي ) : خلصيني شصاير ؟ هنادي : انا حامل من ولدج ! سلوى وقفت مصدومه .. ما تدري تنصدم من ولدها .. والا من جرأه هنادي ! صارت ترجف وويها يعرق .. قعدت عالكرسي وحطت يدها على راسها هنادي : شوفي خاله انا كلمتج بيني وبينج ماحب توصل الامور حق شرطه وطب شرعي وهالسوالف ولا اقول حق اهلي سلوى : انتي جذابه .. شالي يثبت لي هنادي فتحت موبايله وورت سلوى صورها مع عيسى .. و مسجاته وكل شي .. سلوى : وشتبين ؟! شالمطلوب ؟ هنادي : انا حامل ؟ وتسأليني شلمطلوب ؟ سلوى : شوفي انا ماقدر اصدقج اول اكلم عيسى! هنادي : زين لو سمحتي لا تطولون بالموضوع سلوى بخاطرها " صج وقحه " سلوى : عن اذنج هنادي : ومتى راح تردين علي سلوى : اكلمه وارد عليج طلعت سلوى من الكوفي شوب .. وريولها مو شايلتها دشت سيارهتها وحطت راسها على السكان وبجت .. " يعني انا ماعرفت اربي عيال "! .. ناصر بغرفته يكلم ليال .. ليال : اووف ناصر شفيك تحن ناصر : ليال والله احبج ليال : اممم ناصر :قولي تحبيني ليال : ماقدر ليلحين ما حسيت بهالشعور ناصر : كل هذا وما حسيتي ؟ انتي تحبيني بس ماتبين تعترفين ليال : امممم ناصر : عالعموم انا ما بغصبج على شي ما تبينه براحتج ليال : زين ناصر : عيل اسبوع الياي الدوام ليال : أي ناصر :وناسه بشوفج بالجامعه ليال : مو متشجعه كلش ناصر : ليش ؟ ليال : مو حابه الدراسه ناصر : ميخالف شوي وبتحبينها صوت يه من بره " نااصر .. ناصر .. " ناصر : ليال امي تناديني ليال : شفيها امك كله تناديك .. كل ما ييت اكلمك تناديك ناصر : امم لا بس جذي تبيني اساعدها ليال : شفيها مريضه ؟ ناصر : بعدين اقولج يالله باي سكر الموبايل ليال تفكر فيه " انا من صجي اكلمه .. وبديت احبه ؟! " شلون بس !! .. بشقه حمد وجود .. جود منسدجه بالفراش .. تبجي صار لهم اسبوع من تزوجوا ولا حياى لمن تنادي عايشين نفس الغرب ببيت واحد دش عليها حمد حمد : جود ؟ شفيج جود : مافيني شي حمد : مافيج شي وانتي تبجين جود : انت اللي شفيك ؟ من خذيتك وانت بهالبرود ؟! ما احس اني متزوجه شخص .. انت ليش جذي .. عايشه مع صنم ! حمد : خلصتي؟ جود : لا ما خلصت ! دام انت جذي وبتعاملني جذي ليش خذيتني .. عبالك شنو الزواج ؟! بس بالاسم .. ياليتني ما وافقت علييك حمد : تبين طلاق ؟ جود ( انصدمت من رد حمد ) وسكتت طلع حمد من الشقه وصار يفتر بسياره محتار وين يروح " عذبت البنت معاي .. بس مو بيدي " .. الساعه 12 ونص بالليل وصل عيسى البيت وتوه داش شاف سلوى قاعده تنطره سلوى : شرفت ! | |
   |
|
09-04-2010, 05:17 AM
| #16 | |
| الساعه 12 ونص بالليل وصل عيسى البيت شاف سلوى قاعده تنطره سلوى : شرفت ! عيسى : اووف اوف بدينا بالمغثه وقفت سلوى وتطالعه والدموع بعينها سلوى : قول انك ما تعرف هنادي ! عيسى ( انصدم ) : هنادي ؟! سلوى ( تصرخ ) : أي هناادي ! تعرفها صححح ! عيسى : ها .. يما شالخرابيط منو هناادي ؟ سلوى : هناادي الوصخه اللي غلطت معاها ! بتسوي نفسك ما تعرفها عيسى : اوووووف يما فكيني وتوه بيصعد .. مسكته سلوى من يدها .. سلوى : البنت حامل ! عيسى : وانا شسووي؟ قلت لج يمه ما اعرفها خلاص لا تأذيني سلوى قعدت عالارض تبجي : ليش سويت جذي يا عيسى عيسى قعد عالارض مجابل امه وحط يده على جتفها : يمه شفييج قلت لج ماعرفها سلوى : احلف عيسى : ... سلوى : شفت شلون .. أنا امك واعرفك .. وادري بكل شي من عيونك عيسى : يمـ .. يمه انا .. مادري شقول سلوى : قول الصج وريحني ! حرام علييك عيسى : يمه انا اعرفها سلوى : وغلطت معاها صح ؟ عيسى (نزل راسه ) : صح سلوى ( زادت بجي ) : حراام والله حرام ليش تسوي جذي يا عيسى لييش عيسى : يمه خلاص اللي صار صار سلوى : لا .. تدري البنت كلمتني ! .. عيسى لازم تشوف صرفه عيسى : شنو تبين اسوي اخذها مثلا ؟! سلوى : هذي غلطتك ولازم تتحملها عيسى : مستحيل اخذ وحده وصخه مثل هذي عيسى قام وترك سلوى .. وصعد غرفته ركض سلوى تمت بالصاله .. ما ياها نوم .. تبجي وتحاتي عيسى .. عيسى بغرفته " تكلمين امي يا هنادي ها .. هيين " خذ موبايله ودز مسج لهنادي " هنادي حبي ابي اشوفج .. بكلمج بموضوع يخصنا اثنينا " حط موبايله يمه .. وقعد ينطر .. حمد رد من البيت شاف جود بالصاله نايمه قرب منها .. كان ويها متروس دموع .. قعد يمها حمد : جوود .. جود اوتعت وتمت تطالعه .. حمد : ليش نايمه هني جود : .. حمد سحبها ولمها .. جود كانت منصدمه .. وتمت بحضنه واهيه منصدمه .. صار لهم فتره من تزوجوا .. وكانت اول مره تحسها قريبه من حمد حييل حست بالراحه من الخطوة .. وتمت بحضنه ليما نامت .. ليال تكلم ناصر .. ناصر : وبس هذي كل السالفه ليال : اووف مسكينه امك والله كسرت خاطري ناصر : أي من جذي انا ماقدر اخليها وايد بروحها ليال : وابوك كلش ما يسأل شنو هذاا ناصر : أي عادي تعودنا ليال : أي ناصر : حبيبتي ابي اشوفج ليال : شنو ؟ ناصر : شفيج بشوفج ليال :لا ناصر الا هذا انا اكلمك اوكي بس اشوفك لا ناصر : ليش ؟ كل حبيب يشوف حبيبته ليش تمنعيني من هالشي؟ ليال : ناصر انا اخاف على سمعتي انت ما تخاف ؟ ناصر : امبله .. بس نشوف بعض بمكان مافيه احد ليال : لا مابي ناصر : على راحتج وقت ما تبين ليال : أي اكيد على راحتي .. يالله عن اذنك بنام تصبح على خير ناصر : وانتي من اهله سكرت الخط ونامت .. الصبح هنادي توه قاعده جيكت موبايلها وشافت مسج عيسى واول ما شافته جان تدق عليه .. عيسى كان قاعد يفكر .. وما ياه نوم .. اول ما شاف رقمها رد .. عيسى : الو هنادي : الو هلا عيسى آمر ؟ عيسى : بشوفج هنادي : امك قالت لك ؟ عيسى : أي وامي اقنعتني ان اخذج هنادي : صج ؟ عيسى : أي حبيبتي انا بتقدم لج هنادي : احلف عيسى : صدقيني حبيبتي هنادي : زين متى عيسى : جريب .. بس اول ابي اشووفج هنادي : ليش؟ عيسى : شنو ليش ؟ بشوفج بنسولف وبنتكلم بببعض المواضيع اللي ماقدر اقولها بالتلفون هنادي : اووكي متى تبي ؟ عيسى : باجر يناسبج ؟ هنادي : صار بس نتفق عالمكان عيسى : اوكي سكرت الخط .. هنادي كانت طايره من الفرحه .. وعيسى ناوي على شر ! .. حنين قعدت من النوم تدور موبايلها .. تذكرت انها امس كسرته .. قامت من فراشها ونزلت ت ت وشافت موبايلها عالطاوله وخذته وتوها بتصعد .. شافت امها طالعه من المطبخ .. مريم : ها يمه جود قاعده مبجر حنين : أي يمه مريم : شفيج ؟ حنين: مافيني شي مريم : انزين حبيبتي تريقي ترى حدج ضعفانه ما تاكلين شي حنين : لا يمه مو مشتهيه بروح داري مريم : والله ودي اعرف شنو السر في هاالغرفه .. 24 ساعه حابسه نفسج فيها حنين: عادي مريم : زين يما انا الاسبوع الياي بسافر مع عادل شرايج اتيين معانا حنين : مشكورة يمه مابي .. انا ببدي جامعه مريم : على راحتج صعدت غرفتها حنين وفتحت موبايلها .. شافت مكالمه من فواز .. حطت موبايلها عالطاوله يمها وتمت تفكر خذت موبايلها وقررت انها تدق بس هالمره مو على فواز لا هالمره كانت تبي تدق على ابوها ! ما كانت تعرف رقمه ولا عندها علاقه لا معاه ولا مع اهله .. ما عدا بنت عمتها اللي تكلمها نادرا .. دقت عليها .. فرح : الوو حنين : هلا فرح شلونج فرح : هلا الحمدالله انتي شخبارج حنين : اوكي الحمدالله فرح : ها اشوفج مذكرتني اكيد تبين شي ههه حنين : أي فرح ابي منج خدمه فرح : آمري حنين : أبي رقم ابوي فرح : هاا ؟ لييش َ؟ حنين : بكلمه بموضوع ممكن ؟ فرح : امم زين نطري اشوفج لج رقمه وادزه لج مسج حنين : مشكورة والله فرح : ولو ما سويت شي الحين اشوفه وادزله حنين : اووكي ناطرتج باي فرح : باي وشوي ياها مسج برقم ابوها .. وبسرعه خذت الرقم ودقت ز. وبعد جم رنه سلمان : الو حنين :الو سلمان : منو ؟! حنين : يبه انا حنين سلمان : حنين ! حنين : أي يبه انا بنتك ما اشتقتلي سلمان : امم خلصيني شنو تبين ؟ حنين : يبه انا ابيك سلمان : شتبين فيني .. الحين من متى واحنا ما ندري عن بعض الحين تبيني حنين : يبه محتاجه لك سلمان : انا مو فاضي .. سمعت حنين صوت وحده تكلم سلمان وتقوله منوو هذي سلمان : يالله انا مستعيل حنين : يبه انطر بكلمك تكفى سلمان : قلت لج مو فاضي باي سكر الخط بوييها .. طاحت دموع حنين .. خذت موبايلها ودقت على فواز .. صج انها شايله بقلبها بعد امس .. بس بتجرب حظها لآخر مره .. واول رنه رد فواز فواز : حنيييييين حنين : ... فواز : ويينج ادق عليج امس ما تردين .. انا لما سكرته مع ربعي حنين ( تبجي ).. فواز : افاااااا شفيج حنين ليش تبجيين حنين : فواز انا تعبانه فواز : اسم الله عليج من التعب تعوذي من بليس وقوليلي شصاير؟ حنين : امي ما تهتم فيني .. ابوي ما يبيني .. احس كل شي ضدي فواز : ميخاالف حنين لا تسوين بعمرج جذي .. انا معاج حنين : .. فواز : حنين انا احبج .. انتي بعيوني .. والله نطريني اخلص واتقدم لج حنين ( زادت بجي ) فواز : حبيبتي لا تبجيين قلبي يعورني عشاني تكفين حنين : ان شاء الله فواز : مابي اشوف هالدموع اوكي حنين : ان شاء الله فواز : يالله قومي غسلي ويهج وصلي لج ركعتين وبس تخلصين كلميني زين؟ حنين : زين سكرت حنين الخط .. حست براحه انها كلمت فواز .. واستانست لأن فواز يحبها ويبادلها نفس الشعور لكن هالشعور والاحلام كلها تتدمر لما تذكر خالها والحال اللي اهيه فيه .. حمد : صباح الخير حبيبتي جود : صباح النور حمد : قومي خل نتريق وعندي لج مفجأه جود : اوكي بدلوا وطلعوا .. وراحوا مطعم يتريقون .. وكانو اثنينهم بصمت حمد : جود ؟ جود : هلا ؟ حمد : جهزي نفسج عقب باجر بنسافر جود : هاا ؟ ويين ؟! حمد : بنروح ايطاليا جود : ليش حمد : هههه شنو ليش بس جذي نغير جو جود : اها حمد : شكلج مو مستانه جود ( تبتسم غصب ) : امبله حمد كان يظن ان هالشي راح ينسي جود اول ليله .. بس جود حز بخاطرها وايد .. كانت تتمى تعيش حياه أي اثنينه متزوجين .. مر اليوم .. كان عيسى علطول طالع عشان ما يبي يشوف امه .. ولا قادر يتحمل كلامها .. وباليوم الثاني بالليل عيسى : يالله نزلي انا كالعاده يم الجمعيه هنادي : كاني نزلت هنادي وبسرعه صعدت مع عيسى وحرك .. هنادي: ها قررت وين نروح عيسى : اممم لا هنادي : أي مكان غير الشقه عيسى : مم نتعشى ونروح عالبحر شرايج هنادي : أي خوش حرك عيسى وخذاها البحر واختار زاويه خاليه مافيها أي احد .. وبعد ما تعشوا .. هنادي :يالله في شنو كنت بتكلمني عيسى : بكلمج عن زواجنا وعن ولدنا اللي ببطنج هنادي : صج ؟ عيسى انت صج مستانس عيسى : انا ما كنت مستانس بس لما امي كلمتني وفتهمتني طرت من الفرحه هنادي : زين عيل متى بتيي تخطبني عيسى : وقت ما تبين .. شرايج اسبوع الياي هنادي : حلو بس خل امك تكلم امي واهم شي امي ما تدري عن شي عيسى : اكييد حبي هنادي : وناسه اخيرا بنصير حق بعض عيسى : أي حبي .. شرايج ننزل من لاسياره البحر حلو خل نشم هوا هنادي : اووكي ونزلوا من السياره ووقفوا يم البحر وفجأه ... | |
| |
|
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| [ لنْدَن ] اللي قَبْل أشوفك / شفتهآ عآديه مَره.. | { رووح` آلـبدآوهـ ّ ™ | (همسـات السياحة واشهر الفنادق) | 14 | 06-09-2010 09:26 PM |
| يآورد آشوفك بس مالي غرض فيك ..}top!cs | ❤ aήĠêŁ | همســـات الكمبيوتر والانترنت والبرمجيات | 13 | 06-04-2010 12:14 PM |
| حمآم آشوفك بس مآتشوفني < | غـَـِرآمـكٍ جنـُونـِيْ ! | (همســـات الصور ) | 13 | 05-04-2010 04:36 AM |
| لا صرت بايعني .. أشوفك على خيـر | Łŏʼnġ Śţōŗŷ | (همســــات شعر وشعراء) منقول | 12 | 06-03-2010 06:24 PM |
العرض العادي
